Hirshabelle State House

Home
Somalia
Jowhar
Hirshabelle State House

Call Directions Website Contact the organization

This is the official page of the State house of the Hirshabelle State of Somalia

28/10/2026

GOLAHA WASIIRRADA DOWLADDA HIRSHABEELLE OO ANSIXIYEY MIISAANIYADDA SANADKA 2027-KA

Jowhar, 28-ka Oktoobar 2026: Hoggaamiyaha Dowladda Hirshabeelle, Mudane Cali Cabdullaahi Xuseen (Cali Guudlaawe), ayaa shir-guddoomiyey kulanka Golaha Wasiirrada Dowladda Hirshabeelle oo looga hadlay arrimo muhiim u ah amniga, dhaqaalaha, doorashooyinka iyo horumarinta adeegyada bulshada.

Ugu horreyn, Wasaaradda Amniga ayaa Golaha la wadaagtay warbixin ku saabsan xaaladda guud ee amniga deegaannada Hirshabeelle iyo qorsheyaasha lagu xoojinayo dagaalka ka dhanka ah argagixisada.

Wasaaradda Maaliyadda iyo Horumarinta Dhaqaalaha ayaa Golaha Wasiirrada u soo gudbisay soo jeedinta miisaaniyad sanadeedka dowladda ee sanadka 2027-ka.

Golaha Wasiirrada ayaa warbixinno ka dhageystay Wasaaradaha Arrimaha Gudaha, Gargaarka, Beeraha, Caafimaadka, Biyaha iyo Qorsheynta. Warbixinnada ayaa diiradda lagu saaray doorashooyinkii ka dhacay degmooyinka Hirshabeelle, xaaladaha fatahaadaha, El Niño iyo qorsheyaasha looga hortagayo saameyntooda, iyo halka uu marayo mashruuca JOSP ee dhismaha biyo-xireenka Sabuun.

Wasaaradda Arrimaha Gudaha ayaa ka warbixisay doorashooyinkii qabsoomay iyo doorka maamullada gobollada iyo degmooyinka, halka Wasaaradda Gargaarku ay faahfaahin ka bixisay xaaladaha bani’aadannimo iyo qorsheyaasha wax looga qabanayo saameynta fatahaadaha iyo El Niño.

Hoggaamiyaha Dowladda Hirshabeelle ayaa Golaha Wasiirrada ku bogaadiyey doorkii ay ka qaateen qabsoomidda doorashooyinkii qof iyo codka ahaa ee ka dhacay degmooyinka Hirshabeelle, iyo doorashadii hoggaanka Dowladda Hirshabeelle.

Ugu dambayn, Golaha Wasiirrada Dowladda Hirshabeelle ayaa ansixiyey miisaaniyad sanadeedka dowladda ee 2027-ka, taas oo dhan $47,451,492.17.

DHAMMAAD
Wixii faahfaahin ah kala xiriir:
Mahad Axmed Calasoow
Agaasime Ku-xigeenka Warfaafinta iyo Xiriirka
Bulshada
Madaxtooyada Dowladda Hirshabeelle.

28/10/2026

HOGGAAMIYAHA DOWLADDA HIRSHABEELLE OO GUDDOOMIYAY SHIRKA AMNIGA, BOGAADDIYAYNA SHAQADA LAAMAHA AMNIGA

Jowhar: 28-Oktoober-2026: Hoggaamiyaha Dowladda Hirshabeelle, Mudane Cali Cabdullaahi Xuseen (Cali Guudlaawe), ayaa guddoomiyay shir looga hadlay xaaladda guud ee amniga deegaannada Hirshabeelle, kaas oo diiradda lagu saaray xoojinta amniga iyo dardargelinta dadaallada lagu xaqiijinayo nabadda iyo xasilloonida.

Hoggaamiyaha ayaa bogaadiyay saraakiisha, ciidamada iyo dhammaan laamaha amniga, isaga oo ku ammaanay dadaalka, kartida iyo xilkasnimada ay muujiyeen, gaar ahaan doorkii muhiimka ahaa ee ay ka qaateen sugidda amniga muddadii ay socotay doorashadu.

Mudane Cali Guudlaawe ayaa xusay in dadaallada iyo hawlaha ay fuliyeen laamaha amnigu ay muujinayaan sida ay uga go’an tahay ilaalinta nabadda, amniga iyo xasilloonida guud ee deegaannada Dowladda Hirshabeelle.

Ugu dambeyn, Hoggaamiyaha ayaa faray laamaha amniga inay sii laba-jibbaaraan dadaalladooda, xoojiyaan wada-shaqeynta iyo feejignaanta, isla markaana ay si joogto ah uga shaqeeyaan ka hortagga falalka amni-darrada, si loo xaqiijiyo amni waara iyo xasillooni ay ku naaloodaan dhammaan shacabka Hirshabeelle.

DHAMMAAD
Wixii faahfaahin ah kala xiriir:
Mahad Axmed Calasoow
Agaasime Ku-xigeenka Warfaafinta iyo Xiriirka
Bulshada
Madaxtooyada Dowladda Hirshabeelle.

24/10/2026

CABDIFATAAX XASAN AFRAX OO KU GUULLEYSTAY HOGGAAMIYE KU-XIGEENKA HIRSHABEELLE

Jowhar, 24-Oktoobar-2026: Golaha Wakiillada Hirshabeelle ayaa maanta u doortay Hoggaamiye ku-xigeenka Mudane Cabdifataax Xasan Afrax oo ka sharaxnaa Xisbiga Caddaaladda iyo Wadajirka waxana kula loolamay Mudane Cabdifataax Baashi Maxamed oo ka tartamayay Xisbiga Iftiinka Qaranka

Sidoo kale xubno ka tirsan Golaha Wasiirrada XJFS, masuuliyiin iyo marti kale ayaa goobjoog ka ahaa doorashada.

Guddoomiyaha Golaha Wakiillada Hirshabeelle Mudane Cabdixakiin Luqmaan Xaaji Maxamed ayaa ku dhawaaqay natiijada iyagoo kala helay Hoggaamiye ku-xigeenka guulleystay Cabdifataax Xasan Afrax 71 Cod halka uu helay Mudane Cabdifataax Baashi Maxamed 16 Cod.

Musharax Cabdifataax Baashi Maxamed ayaa goobta ka sheegay inuu aqbalay natiijada doorashada maanta lagu doortay hoggaamiye ku-xigeenka Hirshabeelle.

Hoggaamiye ku-xigeenka Cabdifataax Xasan Afrax ayaa u mahadceliyay Xildhibaanada sharafta leh ee Barlamaanka Hirshabeelle ee fursada siiyay.

DHAMMAAD
Wixii faah-faahin ah kala xiriir
Agaasime ku xigeenka Warfaafinta iyo Xiriirka Bulshada Madaxtooyadda
Mahad Axmed Calasoow
[email protected]

24/10/2026

MUDANAYAASHA GOLAHA WAKIILLADA DOWLAD GOBOLEEDKA HIRSHABEELLE OO MAR KALE DOORTAY MUDANE CALI GUUDLAAWE XUSEEN

Mudanayaasha Golaha Wakiillada Dowladda Goboleedka Hirshabeelle ayaa markale Mudane Cali Guudlaawe Xuseen u doortay Hoggaamiyaha Dowladda Hirshabeelle.

Mudane Cali Guudlaawe Xuseen ayaa markale loo doortay Hoggaamiyaha Dowladda Hirshabeelle, kaddib doorashadii dhacday, isagoo helay codadka 81 mudane oo ka tirsan Golaha Wakiillada Dowladda Hirshabeelle.

Hoggaamiyaha cusub, Mudane Cali Guudlaawe Xuseen, ayaa u mahadceliyay Guddoonka, Golaha Wakiillada, Wasiirada XFS, mudanayaasha labada aqal ee Baarlamaanka JFS iyo marti-sharafta kale ee ka soo qaybgashay munaasabadda doroashada.

DHAMMAAD.

23/10/2026

MADAXWEYNE CALI GUUDLAAWE OO QAATAY SHAHAADADA MUSHARAXNIMO EE HOGGAAMIYAHA DOWLADDA HIRSHABEELLE.

Jowhar, 23 Oktoobar 2026: Madaxweynaha Dowladda Hirshabeelle, Mudane Cali Cabdullaahi Xuseen (Cali Guudlaawe) ayaa caawa si rasmi ah u qaatay shahaadada musharaxnimada xilka Hoggaamiyaha Dowladda Hirshabeelle, iyadoo doorashada hoggaanka dowladda ay dhici doonto maalinta berri ah.

Munaasabadda lagu guddoonsiiyey shahaadada musharaxnimo waxaa Madaxweynaha ku wehliyey Xildhibaanno ka tirsan labada Aqal ee Baarlamaanka Federaalka Soomaaliya, xubno ka tirsan goleyaasha Dowladda Hirshabeelle, siyaasiyiin iyo mas’uuliyiin kale.

DHAMMAAD

Wixii faahfaahin ah kala xiriir:
Mahad Axmed Calasoow
Agaasime Ku-xigeenka Warfaafinta iyo Xiriirka Bulshada
Madaxtooyada Dowladda Hirshabeelle.

22/10/2026

MADAXWEYNAHA HIRSHABEELLE OO HAMBALYO U DIRAY GUDDOONKA CUSUB EE GOLAHA WAKIILADA HIRSHABEELLE

Jowhar, 22 Oktoobar 2026: Madaxweynaha Dowladda Hirshabeelle, Mudane Cali Cabdullaahi Xuseen (Cali Guudlaawe) ayaa hambalyo u diray Gudoomiyaha cusub ee Baarlamaanka Hirshabeelle, Mudane Cabdixakiin Luqmaan Maxamed, Guddoomiye Ku-xigeenka Koowaad, Mudane Cabdiraxmaan Cabdi Iidow, iyo Guddoomiye Ku-xigeenka Labaad, Mudane Jaamac Cali Maxamuud, oo caawa loo doortay hoggaanka cusub ee Golaha Wakiilada Baarlamaanka Hirshabeelle.

Madaxweynaha ayaa ugu horreyn Xildhibaannada Baarlamaanka uga mahadceliyey gudashada waajibaadkooda dastuuriga ah iyo doorashada guddoonka cusub ee Baarlamaanka Hirshabeelle.

Madaxweynuhu waxa uu xusay in doorashada guddoonkan cusub ay fursad muhiim ah u tahay horumarinta hay’adaha dowladnimada iyo u adeegidda bulshada Hirshabeelle, isaga oo hambalyo iyo bogaadin u diray mas’uuliyiinta la doortay.

Madaxweynaha ayaa yiri:

“Waxaan ku faraxsanahay in dhallinyaro aqoonyahanno ah loo doortay guddoonka Baarlamaanka Hirshabeelle. Waxay heleen fursad dahabi ah oo ay ugu adeegaan bulshada Hirshabeelle, waxaan Eebbe uga rajaynayaa inuu ku asturo mas’uuliyadda culus ee ay u dhaarteen.”

Ugu dambayn, Madaxweynaha Dowladda Hirshabeelle ayaa guddoonka cusub u rajeeyey guul, xilkasnimo iyo in ay si hufan uga soo dhalaalaan waajibaadka loo igmaday, iyaga oo mudnaanta siinaya danta guud iyo horumarka bulshada Hirshabeelle.

DHAMMAAD

Wixii faahfaahin ah kala xiriir:
Mahad Axmed Calasoow
Agaasime Ku-xigeenka Warfaafinta iyo Xiriirka Bulshada
Madaxtooyada Dowladda Hirshabeelle.

22/10/2026

MADAXWEYNAHA DOWLADDA HIRSHABEELLE OO HAMBALYO U DIRAY HOGGAANKA CUSUB EE DOWLADDA GALMUDUG.

JOWHAR | 22 OKTOOBAR 2026:Madaxweynaha Dowladda Hirshabeelle, Mudane Cali Cabdullaahi Xuseen (Cali Guudlaawe), ayaa hambalyo u diray Hoggaamiyaha cusub ee Dowladda Galmudug, Mudane Liibaan Axmed Xasan, iyo Hoggaamiye Ku-xigeenka, Mudane Cabdiweli Ibraahim Garyare, oo maanta loo doortay hoggaanka cusub ee Dowladda Goboleedka Galmudug.

Madaxweynaha ayaa doorashada hoggaanka cusub ku tilmaamay guul taariikhi ah, isagoo hambalyo iyo bogaadin u diray xildhibaannada, Guddoonka Baarlamaanka iyo shacabka reer Galmudug.

Madaxweyne Cali Guudlaawe ayaa yiri:

“Guul taariikhi ah ayay u tahay xildhibaannada, Guddoonka Baarlamaanka iyo shacabka reer Galmudug, kuwaas oo markii ugu horreysay ku tallaabsaday doorasho qof iyo cod ah, isla markaana doortay hoggaan ay u arkeen inuu si wanaagsan u matali karo dadkooda iyo deegaannadooda.”

Madaxweynaha Dowladda Hirshabeelle ayaa hoggaanka cusub ee la doortay u rajeeyay guul iyo horumar, isagoo Alle uga baryay inuu u fududeeyo gudashada waajibaadka qaran ee loo igmaday, kuna asturo mas’uuliyadda culus ee loo dhaariyay.

Sidoo kale, Madaxweynaha ayaa hoggaanka cusub u rajeeyay inay ku guuleystaan horumarinta nabadda, xoojinta midnimada, horumarinta dowladnimada iyo u adeegidda danta guud ee shacabka Galmudug iyo guud ahaan ummadda Soomaaliyeed.

DHAMMAAD

Wixii faahfaahin ah, kala xiriir:
Mahad Axmed Calasoow
Agaasime Ku-xigeenka Warfaafinta iyo Xiriirka Bulshada
Madaxtooyada Dowladda Hirshabeelle.

19/10/2026

Madaxweynaha Dowladda Hirshabeelle oo boogaadiyey go’aanka maxkamadda sare ee dalka, shaqaddii hufneyd ee guddiga doorashooyinka iyo xubnaha cusub ee kasoo baxay xisbiyada kala duwan ee sida rasmiga ah u noqday Xildhibaannada cusub ee Golaha Wakiilada Dowladda Hirshabeelle.

19/10/2026

Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa xilka qaadis ku sameeyay Guddoomiyaha Gobalka Hiiraan waxana uu xilkaas u magacaabay Mudane Muuse Salaad Wehliye.

18/10/2026

MADAXWEYNAHA DOWLADDA HIRSHABEELLE OO DHAMBAAL HAMBALYO AH U DIRAY GUDDOONKA CUSUB EE BAARLAMAANKA GALMUDUG

Jowhar, 18-Oktoobar-2026: Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa ugu horeyn ku ammaanay tallaabada dimuquraadiyadda ay qaadeen Xildhibaannada Galmudug oo doortay Guddoonka cusub ee Golaha Wakiilada Galmudug.

Ugu horeyn Madaxweynaha ayaa hambalyo u diray Guddoomiyaha Baarlamaanka Galmudug Mudane Xuseen Maxamed Nuur, Guddoomiye ku-xigeenka 1-aad Cabduqaadir Axmed Cali (Quuri) iyo Guddoomiye ku-xigeenka 2-aad Mudane Mursal Cabdi Aadan (Haaraa).

“Alle ayaa mahad leh oo maanta ku simay Xildhibaannada Galmudug ee ku yimid hannaanka doorasho ee qof iyo cod inay doortaan Guddoonkooda Golaha Wakiilada, masuuliyad culus ayay dusha u riteen Rabbi hala garabgalo.” Farriinta Madaxweynaha Dowladda Hirshabeelle.

Ugu dambeyn Madaxweynaha Hirshabeelle ayaa guul u rajeeyay shacabka iyo masuuliyiinta Galmudug oo deris la ah Hirshabeelle.

DHAMMAAD
Wixii faah-faahin ah kala xiriir
Agaasime ku-xigeenka Warfaafinta iyo Xiriirka Bulshada Madaxtooyadda
Mahad Axmed Calasoow
[email protected]

Address

Jowhar

Telephone

+252615519914

Website

http://hirshabellestate.so/

Alerts

Be the first to know and let us send you an email when Hirshabelle State House posts news and promotions. Your email address will not be used for any other purpose, and you can unsubscribe at any time.