Concello de Fisterra

04/09/2026

TURISMO|🌄 Fisterra, fin do Camiño. Comezo das lembranzas. 👣

“O noso Camiño” é un proxecto enmarcado no programa O teu Xacobeo, da Xunta de Galicia, que nace coa vontade de dar voz e espazo ás historias que cada peregrino leva consigo ao chegar a Fisterra.

🟡 Hoxe, este recuncho creativo converteuse nun lugar de encontro e expresión, onde peregrinos, visitantes e veciños puideron deixar plasmadas as súas experiencias, emocións e vivencias ao longo do Camiño.

Aquí, onde o Camiño se funde co Atlántico, cada pegada conta unha historia, cada palabra garda unha lembranza e cada chegada é tamén un novo comezo.

Fisterra é o lugar onde remata o Camiño, pero onde permanecen para sempre as emocións de quen o percorreu.

Grazas a todas as persoas que hoxe fixeron de “O noso Camiño” un espazo compartido de memoria e identidade.

🟡 O Camiño é de quen o percorre. E tamén de quen o acolle.

04/09/2026

☀️🌊 CLAUSURA DAS ACTIVIDADES DE VERÁN 🎨🥋⚽🏄‍♀️⛵

Chegamos ao final dun verán cheo de diversión, aprendizaxe e experiencias! 💙

Durante estes meses, os/as participantes puideron g***r de numerosas actividades pensadas para descubrir, compartir e pasalo en grande:

⚽ Torneo de penaltis
🎨 Taller de arte, emocións e movemento creativo
🥋 Taller de artes marciais
🏄‍♀️ Bautismo de surf
⛵ Campamento náutico de vela lixeira e kaiak de mar
🏅 Taller deportivo de verán

Unha programación na que o deporte, a creatividade, o mar e o compañeirismo foron os grandes protagonistas. Queremos agradecer especialmente a boa acollida que tiveron as novas propostas de actividades de verán ofertadas este ano, que nos animan a seguir creando e ampliando as opcións de lecer para todas e todos. 🌊✨

👏 Grazas a todas as persoas participantes, familias, monitores/as e colaboradores/as por facer posible este verán tan especial.

💙 E agora, coa ilusión posta no que vén, comezamos xa a traballar na programación das actividades de inverno, preparando propostas para seguir gozando do deporte, da cultura, da creatividade e do tempo de lecer. ❄️🏃‍♀️🎨

04/09/2026

04/09/2026

MELLORAS|🚜LIMPEZA MONTES.

🚜 Estanse levando a cabo tarefas de limpeza do monte do Facho financiadas pola Consellería de Medio Rural.

✅Estas actuacións contribúen á prevención, seguridade, conservación, mantemento e á posta en valor dos nosos espazos forestais.

03/09/2026

DEPORTES| 🏊🏻‍♀️Travesía Costa Fisterra!

🏊🏻‍♀️Este domingo o noso municipio volverá ser escenario dunha espectacular xornada de natación en augas abertas, reunindo deportistas nunha proba que permite desfrutar do deporte e, ao mesmo tempo, poñer en valor a beleza e o privilexio do noso litoral.

🔷Desde o Concello de Fisterra queremos animar á veciñanza e ás persoas que nos visiten a achegarse e vivir esta xornada deportiva, apoiando aos participantes e desfrutando dunha actividade que contribúe a promocionar Fisterra como destino deportivo e turístico.

💙🏊🏻‍♀️ Deporte, mar e Fisterra. Unha combinación única.

A data da proba xa estaba establecida e pechada desde hai meses pola organización, dentro do seu calendario anual.

👉🏻Para máis información, preme na seguinte enlace:
https://mailchi.mp/travesiacosta.com/fisterra2026

31/08/2026

CULTURA|⚓️ FESTAS PATRONAIS E DO CARME DE FISTERRA.

Hai festas que se celebran. E hai festas que se senten.

❤️Celebramos con orgullo e devoción a festa da nosa patroa, Santa María das Areas, símbolo da nosa identidade e parte inseparable da historia e da alma de Fisterra

⚓O Carme de Fisterra é a festa dos mariñeiros que cada día se fan ao mar, das familias que agardan o seu regreso, das mans curtidas polo sal e polo vento, das historias contadas ao pé do porto e das xeracións que aprenderon a mirar cara ao horizonte buscando esperanza.

Baixo a protección da Virxe do Carme, Fisterra volve mirar ao mar e lembrar a todos aqueles que fixeron da súa vida un camiño entre ondas, redes e mareas. Porque o Carme é tradición, pero tamén é memoria, emoción e identidade. É ese fío invisible que une o pasado co presente e que queremos seguir entregando ás xeracións que veñen. ⚓️💙

Desde o Concello de Fisterra queremos agradecer de corazón á Comisión de Festas o enorme traballo, esforzo e ilusión que hai detrás de cada celebración. Moitas horas, moitas mans e moito cariño para facer posible que, un ano máis, Fisterra se reúna, celebre e se recoñeza nas súas propias raíces.

Que nunca falte a esperanza no horizonte, nin o orgullo de ser terra de mar.⚓

30/08/2026

DEPORTE | TROFEO ARASOLIS ⚽🏆

Esta tarde celebrouse no Campo Municipal do Arasolis unha nova edición do Trofeo Arasolis, no que se enfrontaron a S.D. Fisterra e S.D Villestro na categoría sénior masculina e a S.D. Fisterra coa S.D. Soneira, na categoría sénior feminina.

🥇 Nesta edición, a Sociedade Deportiva Fisterra proclamouse vencedora nas dúas categorías, feminina e masculina. Un resultado que pon en valor o gran traballo, a ilusión e o compromiso que hai detrás de cada adestramento e de cada partido.

💚 Unha vez máis, o traballo dá os seus froitos. Parabéns á Sociedade Deportiva Fisterra polo gran labor que está a realizar e grazas polo seu compromiso co deporte local.

💚 Parabéns a todos os xogadores e xogadoras polo seu esforzo, dedicación e deportividade. Vós sodes o mellor exemplo de que o deporte é moito máis ca competir: é equipo, ilusión, valores e orgullo.

Fisterra vive o deporte. Fisterra vive o fútbol. ⚽💚

29/08/2026

CULTURA|🌅 CIMARRÓN, MÚSICA NO FIN DO CAMIÑO.

Hai camiños que se percorren cos pés.
E hai camiños que se percorren coa alma.

E cando ese camiño chega a Fisterra, ao lugar onde durante séculos se buscou o último raio de sol, ao Ara Solis, algo cambia.

Aquí, no Fin do Camiño.
Aquí, no KM 0.
Aquí, na Fin do Mundo, onde o horizonte se abre ante o Atlántico e o sol parece despedirse de nós por última vez.

Este domingo o Faro de Fisterra acollerá a música de CIMARRÓN, un proxecto nacido da admiración pola música americana e o country, con cancións de grandes referentes como John Prine, John Fogerty, Johnny Cash ou Tom Waits. 🎸

Será máis ca un concerto.

Será unha pequena, simbólica e emotiva homenaxe a todas as persoas que rematan aquí o seu camiño, despois de tantos quilómetros, tantas historias, tantos pasos e tantos soños compartidos.

Porque chegar a Fisterra é chegar ao final…
pero tamén é mirar atrás e comprender todo o camiño percorrido.

E mentres a música soe e o sol vaia caendo sobre o océano, queremos lembrar que todo final pode ser tamén un novo comezo.

🌅Fisterra. Fin do Camiño.
🌅Ara Solis.
🌅 KM 0.
🌅 Fin do Mundo.

🎶 CIMARRÓN
📅 Domingo, 30 de agosto
🕖 19:00 horas
📍 Faro de Fisterra
🌅 Antes da posta do sol

Un último horizonte. Unha última canción. Unha lembranza para todos os camiños que aquí rematan.