Concello de Cee

03/06/2026

NA PRENSA | EDUCACIÓN

📚✨ Estes días, Cee volve converterse nun punto de encontro para centos de estudantes da Costa da Morte que afrontan unha das etapas máis importantes do seu camiño académico: a PAU.

👏🏽 Poder realizar estas probas en Cee supón unha gran vantaxe para o alumnado e as súas familias, evitando longos desprazamentos e facilitando que mozos e mozas de distintos concellos da comarca poidan examinarse preto da casa, nun entorno coñecido e accesible.

📅 As probas celébranse os días 2, 3 e 4 de xuño, reunindo no IES Agra de Raíces alumnado de diferentes centros da comarca.

🍀 Moito ánimo e moitos éxitos nesta nova etapa!

03/06/2026

SERVIZOS SOCIAIS | FORMACIÓN DIXITAL

📲💻 Novos cursos de capacitación dixital para
persoas maiores de 60 anos.

✅ Dende o Departamento de Servizos Sociais do
Concello de Cee poñemos en marcha dous novos cursos gratuítos do programa YoConecto, pensados para achegar as persoas maiores ao mundo dixital dun xeito sinxelo, práctico e seguro.

🔐 Seguridade: Protexe o teu mundo dixital.
🗓️ Do 8 ao 11 de xuño.
🕙 De 10:00 a 12:00 h.

📲 Aprende a manexar as túas redes sociais.
🗓️ Do 15 ao 19 de xuño.
🕙 De 10:00 a 12:00 h.

📍 Lugar: Casa da Cultura de Cee (3ª planta)

📝 Inscricións: Servizos Sociais do Concello de Cee (2ª planta) ou no teléfono 981 745 100, extensión 5.

🛜 Unha oportunidade para aprender a utilizar
Internet con máis confianza!

02/06/2026

EDUCACIÓN | ESCOLA OFICIAL DE IDIOMAS CEE

📚 Matrícula na Escola Oficial de Idiomas de Cee para o curso 2026-2027

✅ A EOI de Cee abrirá nos vindeiros días o período de matrícula para o curso académico 2026/2027. Os prazos varían segundo a situación de cada alumno ou alumna:

🔹 Alumnado oficial novo: preinscrición do 15 de xuño ao 6 de xullo.
🔹 Alumnado que aprobou na convocatoria ordinaria de 2026: matrícula do 8 ao 19 de xuño.
🔹 Alumnado que aprobou na convocatoria extraordinaria de 2026 ou que repite curso: matrícula do 26 de xuño ao 6 de xullo.
🔹 Cursos de destrezas: matrícula directa dende o 8 de xuño, ata esgotar prazas.

🌐 Para máis información sobre os requisitos, procedemento de matrícula e oferta formativa, consulta a páxina web da Escola Oficial de Idiomas de Cee.

02/06/2026

NA PRENSA | EDUCACIÓN

📚 Hoxe comezan as probas da PAU no IES Agra de Raíces de Cee, onde máis dun cento de alumnos e alumnas dos institutos de Cee, Vimianzo e Baio afrontan estes importantes exames de acceso á universidade.

🍀 Desexámoslles moita sorte, tranquilidade e confianza nesta etapa tan importante. Todo o esforzo realizado ao longo destes anos merece agora a súa recompensa.

👏🏽 Moito ánimo a todos os alumnos e alumnas que hoxe comezan a PAU.

O alumnado dos centros de Baio, Vimianzo e Cee realiza as probas de acceso á Universidade na localidade ceense

02/06/2026

📌 SAN XOÁN 2026 | Cacharelas e sardiñadas San Xoan 20206

➡️ Lembra, se desexas realizar unha lumarada durante a noite de San Xoan deberás presentar unha solicitude no Concello de Cee ou a través da Sede Electrónica ata o día 19 de xuño

➡️ Os responsables da organización deberán ser maiores de idade.

Máis información:
🌐https://cee.gal

02/06/2026

🌞🎨 CAMPAMENTO RESPIRA CEE 2026 🎨🌞

📢 O Concello de Cee abre o prazo de solicitudes para participar no programa municipal de conciliación "RESPIRA CEE 2026", unha iniciativa pensada para facilitar a conciliación das familias durante as vacacións de verán.

👧🧒 Un espazo onde as nenas e nenos poderán xogar, aprender, crear amizades e divertirse a través de actividades lúdicas e educativas adaptadas á súa idade.

📝 Prazo de presentación de solicitudes:
📅 Do 5 ao 19 de xuño (ambos incluídos).

📍 Lugar: CEIP Vila de Cee
📅 Meses: Xullo e agosto de 2026

🗓️ Poderás inscribirte por quincenas:
🔹 1ª quenda: do 6 ao 17 de xullo
🔹 2ª quenda: do 20 ao 31 de xullo
🔹 3ª quenda: do 3 ao 14 de agosto
🔹 4ª quenda: do 17 ao 31 de agosto
🕙 Horario ordinario: de 10:00 a 14:00 h

🌅 Servizo de madrugadores (baixo solicitude): ⏰ De 08:00 a 10:00 h 📌 20 prazas dispoñibles

✅ Requisitos:
• Estar empadroado/a no Concello de Cee.
• Ter entre 3 e 10 anos.
• Estar matriculado/a en Educación Infantil (2º ciclo) ou Educación Primaria durante o curso 2025-2026.

ℹ️ Máis información e solicitudes:
📍 Servizos Sociais do Concello de Cee
📍 Centro de Información á Muller (CIM)
💻 Sede electrónica e web municipal

❤️✨ Xogamos, aprendemos e medramos xuntos este verán!

01/06/2026

DEPORTES | FÚTBOL SALA

⚽🏆 Parabéns ao Villa de Cee! 🏆⚽

⚽️ O pasado sábado disputouse a fase intercomarcal de fútbol sala, na que os equipos base do Villa de Cee acadaron uns excelentes resultados.

🥈 O equipo benxamín proclamouse subcampión da competición, conseguindo unha magnífica segunda posición.

🥉 Pola súa parte, o equipo alevín rematou na terceira posición, completando tamén unha gran actuación.

👏🏽 Dende o Concello de Cee queremos felicitar a todos os xogadores polo seu esforzo, o compromiso e o gran traballo realizado ao longo da competición, así como aos seus adestradores e ás familias que os acompañan e apoian en cada partido.

♥️⚽️ Parabéns por representar a Cee con ilusión, deportividade e compañeirismo.

01/06/2026

PRESENTACIÓN LITERARIA

📚 A Biblioteca Francisco Mayán acollerá o vindeiro venres 5 de xuño, ás 19:30 horas, a presentación do libro “La niña del columpio”, unha obra de Rebeca Cernadas e Miguel López.

🧑‍🦽👩‍🦽 A novela está inspirada na historia real de dúas persoas unidas por unha mesma realidade: a esclerose múltiple. A través da ficción, os autores achegan unha historia de superación, sentimentos e vínculos humanos, mantendo como fío condutor a experiencia compartida desta enfermidade.

✅ No acto participarán os autores, acompañados por Margot Lamela, alcaldesa de Cee, e por Guadalupe Vázquez, escritora e mestra.

📅 Venres, 5 de xuño ás 🕢 19:30 horas.
📍 Biblioteca Municipal Francisco Mayán.

💚📖 Esta presentación ofrecerá unha oportunidade para coñecer de preto a obra e as historias que a inspiraron.

31/05/2026

ESCOLA MUNICIPAL DE MÚSICA 🎶 //

‼️ Información sobre a apertura dos prazos de matrícula para o vindeiro curso 2026/2027 na Escola Municipal de Música de Cee.

🔴 Renovación de praza: o alumnado que xa está matriculado na Escola Municipal de Música poderá formalizar a súa matrícula do 1 ao 12 de xuño (ambos incluídos).

✳️ A lista de admitidos do alumnado que renova praza publicarase o 19 de xuño no taboleiro de anuncios do Concello e na páxina web municipal.

🔴 Alumnado de novo ingreso: o prazo para a reserva de praza estará aberto do 22 ao 26 de xuño (ambos incluídos).

✳️ A lista de admitidos de novo ingreso publicarase o 30 de xuño.

✳️ O alumnado admitido deberá formalizar a matrícula do 1 ao 17 de xullo (ambos incluídos).

✍🏽 As inscricións poden realizarse por sede electrónica ou no Rexistro Xeral do Concello de Cee, de luns a venres en horario de 9:00 a 13:30 horas.

✅📝 Os formularios están á vosa disposición nas oficinas municipais e na web do Concello: https://cee.gal, onde tamén atoparedes máis información sobre a oferta formativa e as taxas da Escola Municipal de Música.

🎼🎺🎻 Un espazo para aprender, crear e g***r da música en todas as idades. Agardámosvos no novo curso!

🎶

31/05/2026

ESCOLA MUNICIPAL DE TEATRO 🎭 //

‼️ Información sobre a apertura dos prazos de matrícula para o vindeiro curso 2026/2027 na Escola Municipal de Teatro de Cee.

🔴 Renovación de praza: o alumnado que xa forma parte da Escola Municipal de Teatro poderá formalizar a súa matrícula do 1 ao 12 de xuño (ambos incluídos).

✳️ A lista de admitidos para renovación de praza publicarase o 17 de xuño.

🔴 Alumnado de novo ingreso: o prazo para a reserva de praza estará aberto do 18 ao 25 de xuño (ambos incluídos).

✳️ A lista de admitidos de novo ingreso publicarase o 29 de xuño.

✳️ O alumnado admitido deberá formalizar a matrícula do 30 de xuño ao 10 de xullo (ambos incluídos).

✍🏽 As inscricións poden realizarse a través da sede electrónica ou no Rexistro Xeral do Concello de Cee, de luns a venres en horario de 9:00 a 13:30 horas.

✅📝 Os formularios están dispoñibles nas oficinas municipais e na web do Concello https://cee.gal onde tamén atoparedes máis información sobre a Escola Municipal de Teatro.

🎭 Anímate a formar parte dun espazo de aprendizaxe, creatividade e expresión artística!