Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello de Silleda

Casa
España
Pontevedra
Concello de Silleda

Perfil oficial do Concello de Silleda (Pontevedra) para a comunicación e información coa veciñanza

07/09/2026

🏃‍♀️⛰️ SILLEDA VOLVE DEIXAR PEGADA NO VII TRAIL DA CARIXA! 💚

Unha nova edición desta gran cita deportiva reuniu a centos de participantes nun percorrido espectacular pola nosa contorna.

👏 Dende o Concello de Silleda felicitamos á organización polo enorme traballo realizado e por seguir facendo medrar unha proba coa que temos o pracer de continuar colaborando.

🌿 Ademais do deporte, o Trail da Carixa volveu servir para poñer en valor a nosa paisaxe e o noso patrimonio, pasando por lugares tan emblemáticos como a Fervenza do Toxa e o Mosteiro de Carboeiro.

E un orgullo especial para o Trasdeza Trail & Run:

🥇 Belén Riádigos, campioa absoluta feminina.

🥈 Gustavo González Vilar, segundo en Veterano A e quinto da xeral masculina.

👏 Parabéns aos dous, a todo o equipo do Trasdeza Trail & Run e a todas as persoas participantes nesta edición.

💚 Deporte, natureza e patrimonio nun escenario único.

06/09/2026

🌿 Escuadro abre as portas do primeiro Centro do programa Silleda Dinamiza!

📅 O vindeiro xoves, día 10, poñemos en marcha esta nova experiencia cunha xornada aberta a toda a veciñanza, que se desenvolverá de 17:00 a 23:00 horas no Centro Social de Escuadro.

🎶 E para celebrar este primeiro día, ás 20:00 horas contaremos coa actuación do grupo local de música tradicional O Son da Fervenza.

O de Escuadro será o primeiro Centro Dinamizador da rede Silleda Dinamiza, unha experiencia piloto impulsada polo Concello en colaboración coa Asociación de Mulleres de Escuadro, coa que queremos dar máis vida aos nosos centros sociais e ás parroquias.

🏡 A partir da súa apertura, o centro converterase nun punto de encontro diario para a veciñanza, cun espazo para compartir, conversar e participar en propostas durante todo o ano. Haberá actividades culturais, obradoiros, encontros, iniciativas interxeracionais, propostas relacionadas coa saúde, o benestar ou a natureza, entre outras.

🌳 Ademais, a iniciativa permitirá manter aberta e en uso a Aula da Natureza de Escuadro, aproveitando mellor os equipamentos existentes na parroquia.

💚 Parroquias con vida · Espazos abertos · Comunidade activa

👉 Este xoves 10, ven coñecer o Centro Dinamizador de Escuadro e participa!

05/09/2026

🎶 Aberto novo prazo de matrícula na Escola Municipal de Música!

A Escola Municipal de Música de Silleda mantén aberto ata o 18 de setembro o prazo de matrícula para o curso 2026/2027 nos seus dous centros:

📍 Silleda
📞 986 592 004
📧 [email protected]

📍 A Bandeira
📞 679 586 953
📧 [email protected]

As clases comezarán o martes 22 de setembro.

Unha oportunidade para aprender, compartir e desfrutar da música, con formación para distintas idades, especialidades instrumentais e agrupacións musicais. 🎼

04/09/2026

🎯 Mañá, sábado, a Bandeira convértese nun dos grandes puntos de encontro da petanca!

O VIII Open Internacional de Petanca Mixto “Suso Otero” reunirá 59 equipos e 196 xogadores e xogadoras chegados de Galicia, Castela e León, Asturias, País Vasco e Valencia. 🌍🏆

🥇 Por terceiro ano consecutivo, o torneo forma parte do Circuíto Petanca España na categoría Top1, sendo un dos 20 torneos autorizados en todo o Estado.

📍 A competición desenvolverase na rúa Maceira Boa, con partidas de 9:30 a 14:00 h e de 16:00 a 21:00 h.

🔥 E a partir das 20:00 h, chegarán as finais das categorías Principal, Principal B e Consolación A nas canchas do Club Petanca Bandeira.

💶 Máis de 2.800 € en premios e unha xornada completa de deporte, competición e moito ambiente na Bandeira!

👏 Parabéns ao Club Petanca Bandeira por seguir facendo medrar este gran evento ano tras ano.

📅 Mañá, sábado 5 de setembro
📍 Bandeira

03/09/2026

👧👦💚 Un encontro entre xeracións para compartir, aprender e desfrutar!

Esta mañá, os nenos e nenas do programa municipal Concilia Silleda visitaron a Residencia dos Maiores de Silleda para compartir unha xornada moi especial coas persoas usuarias do centro. 😊

🧠 Xogos de memoria
🎱 Unha partida de bingo
💬 Moita conversa
❤️ E, sobre todo, momentos de complicidade entre pequenos e maiores.

Unha experiencia interxeracional que permitiu compartir historias, lembranzas e sorrisos, achegando dúas xeracións nun ambiente próximo e divertido. 🥰

Porque cando compartimos, todos aprendemos e desfrutamos! 🤝

03/09/2026

🌳💚 A Árbore dos Chupetes volve a Praza Benito Rivas! 🍼✨

O venres 11 de setembro, celebramos unha nova edición da Festa da Árbore dos Chupetes na Praza Benito Rivas. 🎉

👶 Unha tarde especialmente pensada para as crianzas de 0 a 5 anos e as súas familias, para compartir, xogar e desfrutar xuntos.

🕠 17:30 h
📍 Praza Benito Rivas
🍎 Merenda saudable con froita fresca
🎲 Xogos e animación para toda a familia
🌳 E, por suposto, o momento de deixar o chupete na nosa árbore! 🍼💚

Unha tarde para celebrar pequenos grandes pasos e crear fermosos recordos en familia. 🥰

Agardámosvos! 💚

03/09/2026

🩸 Doa sangue en Silleda e Bandeira 🚌

📍 Silleda
🗓️ Luns, 7 de setembro
📍 Rúa do Progreso, 42 (ao carón do novo Concello)
⏰ Horario:
🕓 16:00 a 21:00 h

📍 Bandeira
🗓️ Xoves, 10 de setembro
📍 Xunto ao Centro de Saúde
⏰ Horario:
🕓 16:00 a 21:00 h
PDF

❤️ Doar sangue é regalar vida.

✅ Lembra:
💧 Hidratarte ben antes de acudir
🍽️ Almorzar e, se vas despois de xantar, agardar 2 horas (evita comidas copiosas)
🪪 Levar a tarxeta de doazón, DNI ou documento similar
💊 Informar ao médico se estás a tomar algún medicamento

📞 Máis información: ados.sergas.gal | Teléfono gratuíto: 900 100 828

02/09/2026

📚 Un paso máis cara a mellora da Biblioteca Daniel Castelao! 💚

📞 Telefónica xa iniciou o traslado da central da rúa Trasdeza, o que permitirá ao Concello recuperar este espazo e avanzar na futura ampliación e mellora da Biblioteca Municipal.

🏛️ Ademais, o Concello xa traballa nun Plan Director dos edificios culturais, que definirá os futuros usos da Biblioteca, da Casa da Xuventude e tamén do antigo consistorio da rúa Trasdeza.

➡️ Seguimos dando pasos para transformar e mellorar os espazos culturais de Silleda.

02/09/2026

🎭 PRAZAS ESGOTADAS para o Roteiro do Siñor Afranio! 💚

O vindeiro sábado 12 de setembro, Silleda acollerá este roteiro teatralizado pola terra natal de Antón Alonso Ríos, unha xornada para descubrir a súa historia, o seu pensamento e os lugares que marcaron a súa vida.

🚶‍♀️ Un percorrido duns 8 km por espazos de gran valor histórico e patrimonial, desde o Alto de San Bieito do Candán ata Camporrapado, pasando por Freixeiro, Oleiros, a antiga Escola Rosalía de Castro de Laro, o Castro das Orelas e os petróglifos de Penalonga.

🎭 Moncho Fernández Leal dará vida a Afranio do Amaral, a identidade que Antón Alonso Ríos adoptou durante a súa fuxida tras o golpe de Estado de 1936, nunha proposta baseada nun texto de Julián Castro Vicente.

🙌 Grazas a todas as persoas que vos inscribistes!

Dirección

Rúa Progreso 41-Silleda
Pontevedra
36540

Horario de Apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Página web

http://www.silleda.gal/

Notificaciones

Sé el primero en enterarse y déjanos enviarle un correo electrónico cuando Concello de Silleda publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.