Concello de Silleda

30/10/2026

🅿️ Nova zona de aparcamento xunto ao cemiterio de Silleda

O Concello de Silleda vén de rematar os traballos de acondicionamento dunha nova zona de estacionamento xunto ao cemiterio parroquial de Santa Eulalia, que estará dispoñible esta fin de semana. 🚗

Unha mellora que permitirá ampliar as prazas de aparcamento nunha contorna na que existían dificultades para estacionar, facilitando o acceso ao camposanto non só nestas datas de Todos os Santos e Defuntos, senón tamén durante todo o ano.

🌼 Ademais, con motivo desta celebración, reforzarase durante esta fin de semana o servizo de recollida de residuos nos cemiterios de todo o municipio, para mantelos nas mellores condicións ante o aumento de visitantes.

Seguimos traballando para mellorar os espazos e servizos públicos e atender as necesidades da veciñanza. 🤝

29/10/2026

🏗️ Seguimos mellorando os centros sociais das nosas parroquias

Onte visitamos as obras que están en marcha nos centros sociais de Cervaña, Ponte e Fiestras, tres actuacións coas que seguimos apostando por uns espazos veciñais máis cómodos, funcionais e preparados para acoller novas actividades.

🔹 En Cervaña, melloras no interior e no exterior do edificio, carpinterías, falsos teitos e outros elementos de conservación.

🔹 En Ponte, ademais das actuacións de reparación e acondicionamento, avanzamos na creación dun obradoiro comunitario de uso compartido, ligado ao programa municipal Silleda Co-labora.

🔹 En Fiestras, traballos na cuberta, pavimentación exterior, barandillas, marquesiña e outras melloras para reforzar a seguridade e a accesibilidade.

📹 Neste vídeo facemos un pequeno repaso ao estado das obras nos tres centros.

O investimento supera os 105.000 euros e permitirá seguir poñendo en valor unha rede de equipamentos fundamentais para a vida social e comunitaria do rural. 💚

29/10/2026

Vémonos no Camiño: de Bandeira a Ponte Ulla

O sábado 7 de novembro pechamos o ciclo «Vémonos no Camiño» percorrendo os 13,54 km que unen Bandeira e Ponte Ulla. O programa inclúe unha visita ao Pazo de Oca e un pícnic en Casa Victorino.

A andaina comezará ás 10:00 horas en Bandeira. O horario previsto da xornada é de 10:00 a 16:00 horas.

Recollidas en autobús:

• 08:00 · Monforte de Lemos
• 08:30 · Chantada
• 09:00 · Lalín
• 09:20 · Silleda
• 09:30 · Bandeira

34 prazas en total · Lista de espera voluntaria

Para solicitar a túa praza, cubre un formulario por persoa:
https://forms.gle/hjHSWaeFDWPULXGb7

O envío da solicitude non confirma a praza. A organización comunicarache a confirmación. Consulta os puntos de encontro e os detalles da participación no formulario.

Organiza: Asociación de Municipios do Camiño de Inverno a Santiago (AMCI).

Información: [email protected]

28/10/2026

27/10/2026

O Club de Xadrez Pintor Colmeiro abre as súas portas a todas as persoas afeccionadas ao xadrez do Concello de Silleda, sen límite de idade. 🙌

📍 Onde? IES Pintor Colmeiro.

O club conta con dúas actividades principais:
🏆 Participación na Liga Galega de Xadrez por equipos, regulada pola Federación Galega de Xadrez.
♟️ Escola de Xadrez aberta a socios e non socios, con clases todos os xoves a partir das 18:00 horas.

📩 Anímate a participar! Para máis información e inscricións, contacta a través do correo electrónico [email protected].

♟️ Agardámoste para compartir a paixón polo xadrez!

26/10/2026

🚜💪 EN MARCHA A SEGUNDA QUENDA DE TRABALLOS DA MANCOMUNIDADE EN SILLEDA!

🎥 As máquinas xa están a pleno rendemento! Desta volta, os traballos comezaron na parroquia de Taboada, nas pistas de Liñares, Do Río e Valiños, que comunican esta parroquia coa de Cortegada, entre A Ponte e Carballeda.

📍 Tamén se realizaron actuacións en Xubín, mellorando os accesos á fonte, e estase a traballar en Covas, na parroquia de Cortegada. Nas vindeiras semanas actuarase noutros puntos do municipio

✅ Acondicionamento e nivelación de pistas
✅ Apertura e limpeza de cunetas
✅ Mellora dos accesos a vivendas e explotacións agrogandeiras

🤝 SUMAMOS MEDIOS E ESFORZOS!

Dende o Concello reforzamos os equipos da Mancomunidade con persoal municipal, unha pa e dous tractores, para axilizar os traballos, aproveitar ao máximo esta quenda e chegar a máis puntos do municipio.

🌿 Coidar o noso rural tamén é manter os seus camiños en boas condicións. Seguimos traballando para mellorar as comunicacións e os accesos nas nosas parroquias!

26/10/2026

🚨 Charlas informativas da Garda Civil en Silleda

O Concello de Silleda organiza, en colaboración coa Garda Civil, varias charlas informativas no marco do Plan Maior Seguridade, co obxectivo de ofrecer consellos e ferramentas para previr situacións de risco e mellorar a seguridade no día a día. 🛡️

📅 Próximas sesións:
📍 27 de outubro: Centro Social de Cortegada, ás 18:30 h.
📍 28 de outubro: Centro Social de Lamela, ás 18:30 h.
📍 17 de novembro: Centro Social de Cira, ás 19:00 h.

🏠 🚶‍♀️ 💳 📱 Abordaranse cuestións relacionadas coa seguridade no domicilio, na rúa, nas entidades bancarias e no uso dos móbiles e internet.

📢 Estas charlas chegarán tamén a máis parroquias do municipio. Seguiremos informando das próximas datas e localizacións.

25/10/2026

🎶👶 OS PRIMEIROS PASIÑOS NO MUNDO DA MÚSICA... EN FAMILIA! 💕🎵

🥁🎼 Música, xogos, sons, ritmos, risas e moita diversión compartida!

Despois da boa acollida da súa primeira edición, a Escola de Música Municipal de Silleda volve poñer en marcha MÚSICA EN FAMILIA, unha actividade pensada para que os máis pequenos da casa descubran a maxia da música acompañados das súas familias. 🥰

📣 XA ESTÁ ABERTO O PRAZO DE INSCRICIÓN PARA O CURSO 2026/2027!

👶 Para peques de 8 meses a 2 anos, acompañados dunha persoa adulta.

🎶 Unha oportunidade para estimular os sentidos, explorar novos sons, fomentar a creatividade e, sobre todo, compartir momentos únicos a través da música.

🎁 E ademais... podes vir probar unha CLASE GRATUÍTA!

📍 Escola de Música Municipal de Silleda

📲 Información e inscricións:
☎️ 986 592 004
🏫 Presencialmente na Escola de Música, de 15:00 a 22:00 horas.

💗 Porque nunca é demasiado cedo para namorarse da música... E que mellor maneira de facelo que en familia! 🎹🎶

23/10/2026

🏊‍♀️ NUNCA ESTIVEMOS TAN PRETO DE FACER REALIDADE A PISCINA CLIMATIZADA DE SILLEDA.

Tiñamos os terreos, o anteproxecto, os informes técnicos favorables e 500.000 euros de financiamento da Xunta.

Tiñamos unha oportunidade histórica. Hoxe, PP e BNG votaron en contra da operación de crédito necesaria para completar o financiamento.

Falan de responsabilidade. Pero responsabilidade tamén é apostar polo futuro, pola saúde, polo deporte e por unha infraestrutura que a veciñanza leva décadas agardando.

📍 Hoxe estamos aquí, no lugar onde podería construírse a piscina climatizada.

Silleda merece a súa piscina climatizada. E o que non merece é unha oposición que, en lugar de contribuír a construír solucións, pon obstáculos a un proxecto tan agardado.

💙 Nós seguimos crendo neste proxecto. E non imos renunciar a el.