24/10/2024
२००१ ते २०१९ च्या दरम्यान मी भारिप बहुजन महासंघ असा माझा प्रवास होता .परंतु नंतर मला माझ्या प्रोफेशन वर लक्ष केंद्रित करायचं होत म्हणून मी सक्रिय कार्यक्रम यातून ब्रेक घेतला यात काही बाळासाहेब आंबेडकर यांच्या जवळ असणारे ज्यांचा कधी चळवळीत संबंध नव्हता म्हणून ते ही कारण म्हणून मी बाहेर पडलो. परंतू Balasaheb Ambedkar आणि Anjali Maydeo ताई यांनी मला नेहमीच मुलाप्रमाणे वागणूक दिली .२००९ नंतर सोशल मीडिया मध्ये पक्षाची ओळख असावी अशी मांडणी केली त्याला बाळासाहेब आंबेडकर यांनी संमती दिली त्यानंतर आयटी विभाग ची स्थापना केली .त्याची मुख्य जबाबदारी बाळासाहेबांनी माझ्यावर दिली .पक्षाचे अनेक कार्यक्रम, कॅडर कॅम्प घेण्यास सुरुवात केली त्यात महाराष्ट्रभरातून तरुण मोठ्या संख्येने सहभागी होऊ लागला . आंबेडकर भवन पडणारा रत्नाकर गायकवाड याचे भ्रष्टाचाराचे पुरावे गोळा करून बाळासाहेबांना सुपूर्द केले .रोहित वेमुला आंदोलन असो की जातिनिर्मुलन परिषदा असा मोठा प्रवास होता.
अनेक विरोधी लोक बाळासाहेब आंबेडकर यांच्यावर बी टीम चा आरोप करतात.पैसे घेतल्याचे आरोप करतात परंतु मी अनेक वेळा बाळासाहेब सोबत असायचो निवडणुकीत प्रचार असो कार्यक्रम असो बाळासाहेबाना जेवणाची पण काळजी नसायची .अनेक वेळा वडा पाव सोबत खाल्लेला आहे .प्रचारात असताना घरून बाळासाहेबासाठी आणलेला डब्बा तसाच असायचा मग चालत्या गाडीत बाळासाहेब जेवण करायचे आणि सोबत असणाऱ्याला जेवायला लावायचे .एकदा बुलढाणा चिखली येथे धम्मचक्र प्रवर्तन दिन कार्यक्रम होता .आयोजकांनी अत्यंत साधी खोली साहेबांसाठी केली तिथे सामान्य माणूस बसू शकत नाही परंतू बाळासाहेब शांतपणे आराम करत राहिले .इतका महामानव डॉ बाबासाहेब आंबेडकरांचा नातू आणि काहीच अहिर्भाव नाही .त्या दिवशी बाळासाहेब तापेने फणफणत होते त्यांना डॉ ला आणू का विचारलं तर ऐकलं नाही .साधी तापेची गोळी घेतली आराम करणार तर पत्रकार,कार्यकर्ते लोकांची रीघ सुरू झाली परंतू आपले दुखणे बाजूला ठेवून लोकांच्या भेटी बाळासाहेब घेत राहिले .दुसरा प्रसंग असा की २०१७ ला जिल्हा परिषद निवडणुकीचा शेवटचा प्रचाराचा दिवस बुलढाणा जिल्हयात दोन भाग आहेत घाटाखाली घाटावर असे दोन भाग दोन्ही मिळून एकूण १२ सभा होत्या .जेवणाचा डब्बा खाण्यास वेळ नाही.थोडे फळे घेतले ते सुद्धा एक खावून सोबत असणाऱ्या आम्हाला बळजबरीने द्यायचे .बाळासाहेब म्हणाले आपण रस्त्याने टपरी असेल तर चहा घेऊ सभा घेत घेत घाटाखाली दुपारी ३ ते रात्री ९. वाजले एकही टपरी दिसली नाही . शेवटची १२ वी सभा १० ला रात्री शेगाव ला आटोपली आणि रात्री ११ ला जेवण केलं .सांगायचं तात्पर्य हेच की बाळासाहेब ताठर आहेत .रागावतात सुध्दा पण त्यामागे हेतू चांगला असतो परंतू बिजेपी ची बी टीम पैसे घेतल्याचे आरोप ऐकले की आरोप करणाऱ्याची आम्हाला कीव येते कारण की बाळासाहेब आम्हाला जास्त माहीत आहेत.
२००९ नंतर अनेक चांगले सहकारी सोबत होते त्यात अक्षय साळवे सातारा , संदीप नंदेश्वर नागपूर, Sumit Wasnik , Karunaditya Anish , संजय किर्तीकर, राज सावंत ,संगीता रामटेके,प्रशिक धांडे,प्रतीक कांबळे , प्रसंनजित कांबळे,राहुल जाधव , चक्रधर गवई, राज गवई, अनेक अनेक प्रत्येकाचे नाव घेतले नाहीतरी ते सर्व आहेत आणि प्रत्येक जिल्ह्यातून अनेक तरुण होते आणि वरिष्ठ मंडळी सुध्दा होती.
आजची परिस्थिती पाहता मी बाळासाहेब आंबेडकर यांच्या भूमिकेच पूर्ण समर्थन करत आहे तर अनेकांनी मला म्हटलं की तुम्हाला तिकीट मिळवायच असेल किंवा स्वत:चा स्कोर सेटल करायचां असेल परंतु जेव्हा मी होतो तेव्हा मी माझा फायदा करून घेऊ शकलो असतो परंतु कधीही मी केलं नाही आणि आता आंबेडकरी वेगळं अस्तित्व असायला पाहिजे हीच माझी भूमिका आहे. मी कधीही बाळासाहेब आंबेडकर यांच्या विरुध्द कधीही पोष्ट टाकली नाही परंतू पक्षातील काही लोकांच्या अवती भोवती असणारे यांच्याबद्दल बोललो .अंजली ताई बाळासाहेब मला अगोदरही आई वडीलाप्रमाणे होते ,आजही आहेत आणि नेहमीच राहतील त्यामुळे इतरांनी माझी चिंता करू नये. २०१९ नंतर मला काँग्रेस राष्ट्रवादी च्या ऑफर आल्या परंतू मी कुठेही गेलो नाही आणि जे जुने सहकारी त्यांनी सुद्धा आपला आंबेडकरीबाणा कायम ठेवला स्वाभिमानाने आजवर राहिलो .
आज अनेक नवे जुने सहकारी यांना आवाहन आहे की वेगळ अस्तित्व जपण आवश्यक आहे नाहीतर प्रस्थापित पक्षाच्या गर्दीत आंबेडकरी विचार अस्तित्व एकांगी पडून राहील .सर्वांनी वंचित बहुजन आघाडी सोबत आणि बाळासाहेब आंबेडकर यांच्या सोबत मजबुतीने उभ राहायला पाहिजे किमान २५ आमदार आपण आणू याच ध्येय ठेवूया.......जयभीम
- प्रविण जाधव
