Lunes 08:00 - 14:30 Martes 08:00 - 14:30 Miércoles 08:00 - 14:30 Jueves 08:00 - 14:30 Viernes 08:00 - 14:30

Concello de Rodeiro

Casa
España
Rodeiro
Concello de Rodeiro

Páxina oficial do Concello de Rodeiro (Pontevedra)

19/06/2026

🎉 Hoxe achegámonos á festa de fin de curso do Concilia Lectivo, unha xornada chea de diversión, xogos e moitos sorrisos para despedir unha etapa moi especial.

Co remate do curso escolar, tamén finaliza o programa Concilia Lectivo. Queremos agradecer ás familias a confianza depositada neste servizo e a todos os nenos e nenas por facer destes meses unha experiencia inesquecible.

Pero en Rodeiro seguimos apostando pola conciliación familiar e laboral durante todo o ano. ☀️ Por iso, damos xa a benvida ao Concilia Verán, que ofrecerá ás familias un recurso de apoio durante as vacacións e aos máis pequenos e pequenas un espazo de lecer, aprendizaxe e convivencia.

Grazas por acompañarnos un curso máis. Agora... a g***r do verán! 🌞

18/06/2026

🌞🏕️ Campamento de Verán Rodeiro de Aventura 2026 🏕️🌞

Este verán, diversión, aprendizaxe e aventura para a cativada de Rodeiro!

📅 Do 1 de xullo ao 28 de agosto
👧🧒 Para nenas e nenos de 3 a 16 anos
🕓 Horario de 16:00 a 20:00 h
💰 Actividades gratuítas

📍 Inscricións no Servizo de Educación Familiar:
📞 986 790 185
📧 [email protected]

📝 Prazo de inscrición: do 16 ao 26 de xuño
⚠️ Prazas limitadas. No caso de quedar vacantes, poderán anotarse crianzas non empadroadas.

Un verán cheo de xogos, experiencias e novas amizades agarda por vós! 🌈✨

17/06/2026

¡Así de ben o pasamos na Festa Infantil de Rodeiro! 🥳💦

A Avda. Gumersindo Areán e a praza do parque enchéronse de risas, saltos e moita auga este pasado domingo. Os máis pequenos pasárono en grande cos inchables para saltar e refrescarse, e tamén demostraron o seu talento cos xogos tradicionais!

Dende o Concello de Rodeiro e a Concellería de Igualdade queremos dar as grazas a todas as familias que vos achegastes cun compoñente imprescindible: o bañador e ganas de pasalo ben. ¡Ver a nosa vila con tanta vida e alegría é a mellor recompensa! 🌟

16/06/2026

🚀 O Concello de Rodeiro iniciou hoxe o Obradoiro de Emprego II Terras do Deza, un programa de formación e emprego no que participan 20 alumnos e alumnas e que lles permitirá combinar a aprendizaxe práctica coa realización de actuacións de mellora en diferentes espazos públicos do municipio.

No acto de presentación participaron a concelleira de Emprego, Begoña Vázquez; o concelleiro de Servizos Básicos, Manuel Deza; e o alcalde en funcións, Alberte Lamazares, quen deron a benvida ao alumnado e destacaron a importancia desta iniciativa para favorecer a inserción laboral e a adquisición de experiencia profesional.

Ao longo dos próximos meses, os participantes levarán a cabo traballos de limpeza, acondicionamento e posta en valor de parques, rutas e espazos públicos, así como actuacións de mellora e recuperación de distintas infraestruturas municipais. Un labor que contribuirá tanto á súa formación práctica como á conservación e mellora do patrimonio e dos servizos públicos de Rodeiro.

Desde o Concello destacan que este tipo de programas son unha ferramenta fundamental para impulsar o emprego, crear oportunidades no rural e seguir avanzando na mellora da calidade de vida da veciñanza.

💪 Formación, emprego e compromiso co noso concello para construír un Rodeiro mellor entre todos e todas.

16/06/2026

📢 Charla de Seguridade Viaria para Persoas Maiores

O vindeiro 19 de xuño ás 11:00 horas, no parque detrás do Concello, celebraremos a charla “Maiores, activos e seguros”, unha iniciativa para promover hábitos seguros na mobilidade e reforzar a autonomía das persoas maiores.

🚶‍♀️🚗 Falaremos de prevención, normas básicas de seguridade viaria e recomendacións prácticas para desprazarse con maior confianza e seguridade.

🎁 Ademais, todos os asistentes recibirán un chaleco reflectante de agasallo.

Animamos a toda a veciñanza a participar nesta interesante actividade.

📍 Parque detrás do Concello
📅 19 de xuño
🕚 11:00 h

Concello de Rodeiro | DXT

12/06/2026

🥳 ¡Arrancan as Festas de San Antonio 2026 en Rodeiro!

Xa está todo listo para vivir tres días inesquecibles cheos de música, tradición e gran ambiente. Dende hoxe, venres 12, ata o domingo 14 de xuño, as nosas rúas énchense de festa con grandes orquestras como Panorama City, París de Noia ou Capitol, charangas e actividades para toda a familia.

Queremos aproveitar para dar un agradecemento moi especial á Comisión de Festas. Grazas ao seu esforzo, dedicación e traballo desinteresado, hoxe podemos desfrutar todos dunha programación de primeiro nivel. ¡Parabéns polo gran traballo! 👏

Convidamos a toda a veciñanza e a cantos nos queiran visitar a achegarse e compartir xuntos estes días tan especiais.

¡Agardámosvos en Rodeiro cos brazos abertos! 🙌✨

12/06/2026

🎉👧🧒 FESTA INFANTIL 2026 🎉

O vindeiro domingo 14 de xuño, de 17:30 a 19:30 h, agardámosvos para unha tarde chea de diversión e aventuras.

✨ Haberá:
🏰 Inchables para saltar sen parar
💦 Inchables para refrescarse
🎯 Xogos tradicionais para toda a rapazada

👙 É imprescindible traer bañador!

📍 Avda. Gumersindo Areán e na Praza do Parque

Non perdas esta oportunidade de g***r dunha tarde inesquecible en familia. ¡Vémonos alí! 💙

12/06/2026

Música, diversión e fin de curso por todo o alto! 🥳🎸

O vindeiro 18 de xuño despedimos o curso escolar 2025/26 da mellor maneira posible no CPI Plurilingüe de Rodeiro. Estamos moi contentos de anunciar que esta será a primeira actividade dentro do programa Cultura no Camiño que programa a Concellería de Cultura para celebrar este fin de curso!

E para unha ocasión tan especial, contaremos co concerto en directo de Chuches Amil! 🍬🎶 Unha gran festa chea de ritmo e sorrisos para os máis cativos (e os non tan cativos).

• 📆 Cando? Xoves, 18 de xuño.
• 🛑 Hora? Ás 14:30 h.
• 📍 Onde? CPI Plurilingüe de Rodeiro.

Ganas de cantar e bailar? Alí nos vemos! 🙌✨

12/06/2026

📢 ALERTA POR VAGA DE CALOR EN GALICIA 🌡️🔥

A Dirección Xeral de Emerxencias e Interior informa dun episodio de calor intensa a partir do venres 12 de xuño.

🔴 Nivel Vermello: Interior de Pontevedra
🟠 Nivel Laranxa: Interior e noroeste da Coruña

➡️ Prevénse temperaturas superiores aos 35 ºC en moitos puntos do interior e mesmo no litoral de Pontevedra. Ademais, durante a madrugada do sábado poderían rexistrarse noites tropicais, con mínimas próximas aos 20 ºC.

✅ Recomendacións:
💧 Hidrátate con frecuencia.
☀️ Evita a exposición ao sol nas horas centrais do día.
👒 Usa roupa lixeira e protección solar.
👵 Presta especial atención ás persoas maiores, menores e colectivos vulnerables.
🚨 Ante calquera emerxencia, chama ao 112.

11/06/2026

📬 CORREOS CHEGA Á TÚA PORTA

Co obxectivo de achegar os servizos públicos á veciñanza, especialmente no ámbito rural, lembramos que a través do servizo de carteira e carteiro rural de Correos é posible realizar diferentes xestións sen necesidade de desprazarse.

✅ Servizos postais
✅ Pago de recibos e tributos
✅ Pago de multas da DGT
✅ Correos Cash
✅ Seguros
✅ Outros servizos de interese para a cidadanía

📍 Consulta co teu carteiro ou carteira rural ou infórmate na oficina de Correos máis próxima

Dirección

Praza Da Fonte, 2
Rodeiro
36530

Horario de Apertura

Lunes	08:00 - 14:30
Martes	08:00 - 14:30
Miércoles	08:00 - 14:30
Jueves	08:00 - 14:30
Viernes	08:00 - 14:30

Teléfono

+34986790185

Página web

http://www.rodeiro.gal/, https://www.instagram.com/concelloderodeiro?igsh=MTl6cXBpaGwwOTRjcA%3D%3D&utm_source=qr

Notificaciones

Sé el primero en enterarse y déjanos enviarle un correo electrónico cuando Concello de Rodeiro publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.