BNG Nigrán

27/08/2026

Subvencións: igualdade e criterios claros.

No BNG de Nigrán non cuestionamos o interese de actividades culturais, deportivas ou sociais como o Festival Apertuke ou a Escudería Rías Baixas.
O que cuestionamos é o criterio para decidir quen recibe convenios nominativos e quen ten que competir por unhas axudas con límites e condicións.

Se hai colectivos, asociacións e clubs que realizan actividades de interese para Nigrán e teñen que acudir ás convocatorias de concorrencia competitiva, por que outros reciben directamente convenios? Se se considera que determinadas actividades merecen apoio municipal, os criterios deben ser claros, obxectivos e iguais para todo o mundo.

Os cartos públicos son de todas e todos. Non pedimos que se deixe de apoiar a cultura, o deporte ou o tecido asociativo. Pedimos igualdade, transparencia e criterios claros.

No vídeo, o noso portavoz municipal, Xavier Rodríguez Fernández, expón a nosa posición sobre o Plan Estratéxico de Subvencións do Concello de Nigrán.

25/08/2026

Todo o noso apoio a Suso de Toro!

19/08/2026

Subvencións a dedo: unha práctica que debe ser a excepción, non a norma

No Concello De Nigrán, as subvencións nominativas e concedidas directamente seguen tendo un peso moi importante. Dende o BNG defendemos que a concesión directa debe ser a excepción, e que a regra debe ser a concorrencia competitiva, con criterios públicos, obxectivos e transparentes.

Moitas destas subvencións poderían perfectamente encaixar en convocatorias abertas, adaptando as bases cando sexa necesario. Isto permitiría garantir maior igualdade de oportunidades e evitar decisións arbitrarias sobre quen recibe máis ou menos cartos públicos.

Tamén consideramos necesario revisar os límites actuais, non ten sentido que as actividades culturais teñan un límite inferior ao das deportivas cando todas contribúen á vida social e comunitaria de Nigrán.

O diñeiro público debe repartirse con criterios claros, transparentes e previamente establecidos.

🎥 No vídeo, o noso portavoz municipal, Xavier Rodríguez Fernández, explica as razóns polas que o BNG de Nigrán está en contra do actual Plan Estratéxico de Subvencións e da súa modificación.

13/08/2026

🚨 Nigrán perde case 200.000 € e aquí non pasa nada!!

Unha empresa incumpre un contrato, o Concello perde cartos públicos e o problema acaba pagandoo a veciñanza. E non é a primeira vez, xa aconteceu con Chandebrito e con outras obras tal e coma conta o noso portavoz municipal, Xavier Rodríguez Fernández. Cantos cartos máis temos que perder antes de que o Concello actúe con rigor e esixa responsabilidades?

💰 Os cartos de Nigrán son de todas e todos. Non se poden regalar.

13/08/2026

Desde o BNG de Nigrán sumámonos aos compañeiros e compañeiras de Gondomar na denuncia e no apoio aos traballadores e traballadoras de Lugove.

O BNG a carón das traballadoras e traballadores de Lugove 🚌✊

Desde o BNG acompañamos ás traballadoras e traballadores de Subus-Lugove, en folga para reclamar o cumprimento do convenio colectivo de transporte de viaxeiros de Pontevedra.

O deputado do BNG e portavoz de Mobilidade no Parlamento galego, Paulo Ríos, trasladou o noso apoio ao persoal e reclamou á Xunta que deixe de mirar para outro lado. Como titular do servizo, debe esixir á empresa que cumpra tanto coas condicións laborais como coa correcta prestación do transporte.

Tamén denunciamos as eivas dun contrato mal dimensionado desde o seu inicio: faltan recursos, persoal e prazas, provocando masificación nas liñas e persoas que quedan tiradas nas paradas. 🚍

A Xunta non pode seguir consentindo esta situación. Esiximos que interveña de inmediato e garanta un transporte público digno, con condicións laborais xustas e un servizo de calidade para as persoas usuarias do Baixo Miño e do Val de Miñor.

Coas traballadoras e traballadores. Por un transporte público digno e de calidade. 💪

12/08/2026

Moncho Reboiras foi unha persoa comprometida coa liberdade, coa democracia e coa defensa dos dereitos sociais e nacionais do pobo galego. Asasinado pola ditadura franquista en 1975, a súa memoria permanece viva como exemplo de compromiso e dignidade.

09/08/2026

A Conta Xeral reflicte a realidade das contas municipais, pero iso non significa compartir a forma en que se xestionan os recursos públicos. Por coherencia coas críticas xa expresadas sobre a xestión económico-orzamentaria do goberno local, optamos pola abstención.

Ao mesmo tempo, apoiamos melloras nos parques infantís, pero insistimos en que a solución non pode ser só reparar cando hai problemas. É necesario establecer un programa permanente de inspección, limpeza e mantemento preventivo que garanta parques seguros e en bo estado durante todo o ano.

Planificación, prevención e boa xestión, así se melloran os servizos públicos en Nigrán.

09/08/2026

Desde o BNG de Nigrán queremos manifestar un total apoio ás traballadoras e traballadores de Lugove nesta folga.

El personal se concentró en las instalaciones de la empresa, que presta el servicio de transporte en el Baixo Miño y sur de Vigo.

06/08/2026

A transparencia e a boa xestión dos cartos públicos non son opcionais.

Non cuestionamos aos provedores nin os servizos que prestan. O que cuestionamos é que necesidades permanentes do Concello sigan contratándose sen a licitación que marca a lei.

Cando un mesmo provedor acumula decenas de miles de euros ao ano, non estamos a falar de contratos menores, senón de servizos que deben planificarse e licitarse con garantías.

Por responsabilidade e porque non é algo novo senón a forma de gobernar do PSOE de Nigrán, o noso portavoz municipal, Xavier Rodríguez Fernández, vota en contra deste recoñecemento extraxudicial de crédito.

03/08/2026

Deixámosvos na nosa canle de YouTube tódalas intervencións do noso portavoz municipal, Xavier Rodríguez Fernández no último pleno.

Deixámosvos tódalas intervención do noso portavoz municipal, Xavier...