BNG Moraña

Casa
España
Moraña
BNG Moraña

Páxina do Bloque Nacionalista Galego de Moraña

22/08/2026

🎶 Hoxe tivemos o pracer de acompañar á Banda de música Nova Lira de Moraña na celebración do seu 40 aniversario, nunha xornada de festa e encontro nun marco incomparable como é a Carballeira da Chán.

🫂 Catro décadas de compromiso coa música, coa cultura e coa vida social do noso concello, sendo parte fundamental de tantas celebracións e momentos compartidos.

👏🏻 Parabéns á Banda de Música Nova Lira de Moraña por estes 40 anos de historia e grazas polo enorme traballo realizado para manter viva a música e a cultura en Moraña.

🎼 Que sigan soando moitos anos máis!

18/08/2026

✊🏻 Onte asistimos ao acto conmemorativo do Día da Galiza Mártir, unha xornada para manter viva a memoria de todas as persoas que sufriron a represión e deron a súa vida na defensa da liberdade, da democracia e de Galiza.

🩵 Neste día lembramos especialmente a Alexandre Bóveda, asasinado o 17 de agosto de 1936. O seu compromiso coa defensa de Galiza e cos valores democráticos converteuno nun símbolo da nosa memoria colectiva.

⭐ Lembrar é tamén reivindicar. Memoria, dignidade e compromiso con Galiza.

15/08/2026

📍📚 Onte asistimos á presentación do traballo «Toponimia do Concello de Moraña. Unha primeira aproximación», do noso veciño José Ramón Couto Fariña.

🔝 Foi unha xornada interesantísima que nos permitiu coñecer, preservar e poñer en valor os nomes dos nosos lugares e, con eles, parte da historia e da memoria de Moraña.

👏🏻 Parabéns ao autor e ao resto de persoas que interviron por este importante traballo e grazas por contribuír a manter viva a nosa toponimia.

31/07/2026

📚🌿 O vindeiro 14 de agosto terá lugar a presentación do traballo "Toponimia do Concello de Moraña", unha valiosa investigación de José Ramón Couto Fariña que contribúe a preservar e poñer en valor a memoria, a historia e o patrimonio inmaterial do noso concello.

👏🏻 Parabéns ao autor e a todas as persoas que fixeron posible esta iniciativa, fundamental para coñecer mellor as nosas raíces

25/07/2026

✊🏻 Hoxe en Compostela un ano máis polo Día da Patria Galega.

19/07/2026

🏃🎶⚽ Esta fin de semana, Moraña acolleu unha nova edición da Carreira do Carneiro ao Espeto, o Certame de Corais e o Interparroquial de fútbol, tres citas xa consolidadas arredor da nosa festa grande.

👏 Desde o BNG de Moraña queremos felicitar e agradecer o enorme traballo dos clubs deportivos, das corais, das asociacións e de todas as persoas voluntarias que, coa súa dedicación, fan posible estas actividades.

💚 O deporte, a cultura e a convivencia fortalecen o noso concello e o noso tecido asociativo. Por iso é fundamental apoiar a quen os fai posibles e apostar por unha programación que dea vida a Moraña durante todo o ano.

☺️ Esperamos que estedes a desfrutar dunha gran fin de semana!

18/07/2026

🚧 Era esta a transformación que precisaba a Rúa 5?

Dende o BNG de Moraña sempre defendemos que investir na mellora dos espazos públicos é positivo. Pero tamén cremos que hai que facelo pensando nas persoas e na identidade do noso concello.

A día de hoxe, e aínda sabendo que a obra non está rematada, o resultado deixa máis preguntas que respostas.

❌ Unha plataforma única na que os coches xa ocupan o espazo destinado ao paso peonil.
❌ Unha rúa dominada polo formigón e o asfalto, con moi pouca presenza de zonas verdes e espazos que conviden a pasear e convivir.
❌ Reducíronse prazas de aparcamento, pero ao mesmo tempo tampouco se conseguiu un espazo peonil claramente protexido. O resultado é un espazo confuso, no que nin o coche nin o peón parecen ter un lugar ben definido.

🏙️ A Rúa 5 era unha oportunidade para crear un espazo moderno, accesible, amable e con personalidade. Polo de agora, a sensación é ben distinta.

🤞🏽Oxalá o que queda por executar mellore esta impresión inicial. Pero tamén é o momento de esixir que, se hai aspectos que non funcionan, se corrixan antes de dar a obra por rematada.

12/07/2026

🐎 Hoxe estivemos na Baixa das Bestas da Amil, unha cita emblemática de Moraña que forma parte do noso patrimonio cultural e etnográfico, e que ano tras ano reúne a centos de persoas.

🌳 As tradicións como esta forman parte da nosa identidade como pobo e son tamén unha mostra do vínculo co territorio, co monte e co mundo rural. Por iso é fundamental poñelas en valor, protexelas e garantir que poidan seguir vivas xeración tras xeración.

👏🏻 A nosa noraboa e agradecemento a Baixa Das Bestas Amil a todas as persoas que, co seu esforzo e compromiso, fan posible a Baixa das Bestas.

11/07/2026

🗓️ En marzo, o BNG de Moraña levou ao pleno unha moción para reclamar un financiamento xusto do Servizo de Axuda no Fogar. Defendemos que os coidados non poden depender da capacidade económica dos concellos, senón que a Xunta e o Estado deben asumir a responsabilidade que lles corresponde.

🗣️ Durante aquel debate, o grupo de goberno do PP insistiu en que debía quedar claro que o Estado tamén tiña que achegar máis recursos.

✅ Finalmente, a moción aprobouse tal e como a presentamos, facendo referencia tanto á responsabilidade da Xunta como á do Estado.

‼️Por iso chama a atención que agora o PP vote no Congreso en contra dunha iniciativa para aumentar a participación do Estado no financiamento da dependencia, despois de levar anos reclamando ese mesmo compromiso.

➡️ Os coidados non poden depender das contradicións políticas. Son un dereito e necesitan un financiamento suficiente e estable.

05/07/2026

⚽ Esta fin de semana, Moraña volveu demostrar que cando se achega o Carneiro ao Espeto... o ambiente xa se nota! O Torneo 24 Horas de Fútbol Sala Vrasas, organizado pola AC Peña Espetados Peña Espetados , reuniu deporte, convivencia e moitas ganas de pasalo ben.

🚵 A BTT organizada pola Asociación Romería Cabalar de Santa Xusta volveu encher o noso concello de participantes e afección, nunha xornada marcada polo deporte, a natureza e o bo ambiente.

🧺 A Feira de Artesanía de Moraña foi outro dos grandes atractivos da fin de semana, dando visibilidade ao talento das persoas artesás e enchendo a carballeira de vida.

🐕 A Carballeira de Santa Xusta tamén acolleu a III Exposición de Cans de Caza, organizada pola Asociación Amigos do Acibal, unha cita nun entorno privilexiado do noso concello.

💛 Parabéns e grazas á AC Peña Espetados, á Asociación Romería Cabalar de Santa Xusta, Asociación Amigos do Acibal e outras asociacións, así como a todas as persoas que fan posible unha fin de semana chea de actividade.

O Carneiro ao Espeto está cada vez máis preto... e isto non fixo máis que comezar!

Dirección

Rua 5, 14
Moraña
36660

Página web

http://www.xn--bngmoraa-j3a.org/

Notificaciones

Sé el primero en enterarse y déjanos enviarle un correo electrónico cuando BNG Moraña publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.