¿Qué es el sitio web?

https://www.facebook.com/196704341023256/

AMAL - Agrupaçom de Montanha Águas Limpas

Casa
España
Cuntis
AMAL - Agrupaçom de Montanha Águas Limpas

Independentismo • território • autodefesa popular

09/06/2026

🌱 O sábado percorremos caminhos de memória no
Monte Cárrio.

Da recuperaçom dos moinhos aos petróglifos, da escavaçom da antiga capela à defesa do monte comunal frente às ameaças que pairam sobre o nosso território. Tivemos a oportunidade de conhecer experiências que demonstram que a organizaçom popular continua a ser umha ferramenta imprescindível para cuidar da terra e construir futuro.

Queremos agradecer a todas as pessoas que participastes na jornada, assim como á CMVMC que nos guiou. Nom apenas por acompanhardes o roteiro, mas tamém polo ambiente de companheirismo, aprendizagem e solidariedade que ajudastes a criar.

Especial agradecimento ao Grupo Deportivo Bebel García pola sua presença e polo labor diário que fazem na cidade da Corunha, dando-lhe à classe trabalhadora ferramentas de luita e uniom através do exercicio e o desporto popular.

Num tempo marcado polo individualismo, o desenraizamento e a ofensiva constante do capital sobre os nossos territórios, encontrarmo-nos, partilhar conhecimentos e fortalecer laços converte-se também num ato de resistência.

Hoje voltamos a reivindicar a defesa da nossa terra, da nossa memória e dos direitos dos povos, reafirmando o nosso compromisso antifascista e anti-imperialista, bem como a importância de manter vivas as luitas populares e a solidariedade entre quem resiste e constrói alternativas.

Porque o monte é muito mais do que um espaço físico: é património, história, soberania e comunidade.

BOTA-TE AO MONTE! ✊🏽

24/05/2026

🌿 ROTEIRO NO MONTE CÁRRIO 🌿
📍 Lalim
📅 Sábado 6 de junho

Desde a AMAL organizamos umha jornada de convívio, memória e defesa do território junto com a Comunidade de Montes da zona.

Durante a manhã faremos um roteiro guiado para conhecermos diferentes iniciativas de recuperaçom e posta em valor do monte comunal:

🪵 Recuperaçom de antigos moinhos
⛰️ Subida ao Monte Cárrio para visitarmos os petróglifos
⛪ Visita à escavaçom dumha antiga capela
🌰 Explicaçom do processo de recuperaçom do bosque autóctone
🐷 E tamém falaremos da luita vecinhal contra a macrogranja de porcos que pretendem instalar na zona

Ao rematarmos o roteiro faremos um jantar conjunto 🍞🧀🍉
Animamos todas as pessoas assistentes a trazer algo de comida 😊

📍 O ponto exato de encontro e a hora de saída serám enviados às pessoas inscritas.

✉️ Para vos anotardes:
— Escrevei-nos através das redes
— Falai com qualquer pessoa da AMAL
— Ou enviai-nos um correio eletrónico

📲 Se escaneais o QR do cartaz abrir-se-á automaticamente a aplicaçom de correio para fazerdes a inscriçom.

Aguardamos-vos para partilhar monte, património, memória e comunidade 🌱

🔥 BOTA-TE AO MONTE! ✊🏽

14/03/2026

Partilhamos aqui umha segunda tanda de fotos da caminhada que figemos no Courel.

Mais alguns momentos do percurso entre Vilamor, Vilar e Froxám, de conversas polo caminho, paisagens, colegas e a aprendizagem partilhada ao longo da rota.

Seguimos! 🌱🥾

06/03/2026

🥾🌳 Caminhamos polo Courel e aprendimos a
escuitar a terra que ainda guarda as marcas do fogo, a escuitar o silêncio das aldeias que resistem ao abandono e a escuitar a vida que insiste em voltar: nas árvores, na água, na fauna, nos caminhos.

Aqui f**a umha primeira pequena escolma de imagens desse dia. Proximamente mais.

Bota-te ao monte! ✊🏽

03/03/2026

❌ MARÍA JOSÉ BAÑOS: LIBERDADE JÁ! ❌

María José Baños, presa política pertencente aos GRAPO, sofre várias doenças graves que levam anos deteriorando a sua saúde.

A começos de fevereiro foi ingressada no módulo de enfermaria da prisom de Murcia II devido ao evidente agravamento do seu estado. Porém, apesar da situaçom crítica em que se encontra, a direçom do centro penitenciário nega-se a trasladá-la a um hospital. No enquanto, fijo-lhe chegar umha mensagem tam inaceitável como cruel: "Se queres recuperar a tua liberdade para ser atendida devidamente, arrepende-te e renuncia à tua militância". Umha chantagem que, em essência, vem signif**ar: "Arrepende-te ou morre".

María José tem 61 anos, leva mais de duas décadas na cadeia e já cumpriu mais das três quartas partes da sua condena. Só um Estado fascista, vingativo e que busca a submissom, o arrependimento e o silêncio a manteria nesta situaçom.

É por isto que desde diversas organizaçons do tecido social galego iniciamos umha campanha para exigir a sua imediata posta em liberdade, assim como o seu traslado urgente ao hospital em ambulância, em condiçons de dignidade e com pleno respeito aos seus direitos fundamentais.

Ela, trás os muros, mantém-se firme nos seus ideais e nom renuncia aos seus princípios. Nós, desde a rua, unimos as nossas mãos para manter viva a chama da solidariedade e berrar a umha soa voz:

MARIA JOSÉ NOM ESTÁ SOA!
LIBERDADE JÁ!
AMNISTIA TOTAL!
✊🏽

01/03/2026

Agradecidas a todas as pessoas que caminhastes ontem connosco no Courel. Polo ambiente, polo respeito e pola aprendizagem partilhada. 💚🌿

Foram cerca de 12 km e 3 horas e meia percorrendo Vilamor, Vilar e Froxám — territórios marcados polos incêndios de 2022, mas tamém exemplo de resistência e dignidade vizinhal. Zonas castigadas, cada vez mais baleiradas e abandonadas em serviços básicos, mas sustentadas pola força de quem decide f**ar e cuidar.

Um agradecimento especial a por nos guiar e por partilhar o seu conhecimento sobre o território, a biodiversidade que o habita e a experiência vivida durante os incêndios, assim como o trabalho coletivo de recuperaçom dos montes.

Como fecho da caminhada, juntámonos num mesón da zona para continuar a partilha à volta da mesa, celebrando tamém a cultura e a gastronomia local.

No dia anterior, parte do grupo gozou dumha noite de convivência num albergue próximo, criando laços, conversas longas, risos e comunidade.

Fomos quase 20 pessoas de diversas idades a caminhar, escutar e refletir.

Defender o território tamém é isto: estar, aprender e criar comunidade.

Bota-te ao monte! ✊🌿

23/02/2026

🔥 28 de fevereiro — Bota-te ao monte com a AMAL!🌿

No próximo 28 de fevereiro, às 10h30, sairemos desde Vilamor (Folgoso do Courel) para um roteiro mui especial polo coraçom da comarca.

Percorreremos zonas emblemáticas da nossa geografia e atravessaremos um dos epicentros dos incêndios de 2022 na Galiza — um território que ainda guarda marcas, mas tamém força, memória e dignidade. Será umha caminhada para conhecer, compreender e reflexionar sobre o que aconteceu e sobre o futuro que queremos para o nosso país.

Teremos a sorte de contar com a companhia de Orlando, da plataforma SOS Courel, que partilhará connosco a sua experiência, o seu conhecimento do território e a vivência direta daqueles dias.

🌱 Natureza
🔥 Memória
✊ Compromisso

💚 CUSTO DA ATIVIDADE:
A participaçom é livre e gratuita, mas quem puder e quiser pode fazer umha achega voluntária para ajudar a cobrir os gastos de organizaçom, logística e manutençom do projeto. Cada contributo, por pequeno que seja, fortalece o trabalho coletivo que está por trás destas iniciativas. 🫱🏽‍🫲🏻

📩 Inscreve-te por mensagem direta.

Bota-te ao monte! ✊🌿

09/09/2025

Bom dia montanheiras!

💫 Devido à vaga de incêndios, este ano vimo-nos na obriga de suspendermos o acampamento de verão. Mas o próximo 20 de setembro botaremo-nos ao monte na Costa da Morte.

🥾 Nesta ocasiom, faremos um percurso linear de 21'3 km, de dificuldade média, desde o Porto de Malpica à praia de Ninhóns. A organizaçom encarregara-se de deixar um par de carros no final do roteiro.

🛶Sairemos às 10:30h do Porto de Malpica.

🤓 Facilitamos a ligaçom coa ubicaçom do ponto de encontro, onde tamém podedes aparcar os carros:

https://maps.app.goo.gl/W5aHrrrueb9JM5D5A?g_st=aw

19/08/2025

🔴 Estamos a ver com muita raiva e impotência como nestes dias o lume arrasa a nossa terra, e leva com ele sendeiros e montes polos que tantas vezes caminhamos. Lembramos, cm sorriso carregado de xenreira, a ilussom que nos fai cruzarnos nos roteiros cm raposinho, seguir o voo dum avutre leonado ou escuitar o cuco.
Nom temos palavras para expressar a dor que nos da ver como o lume leva por diante o nosso futuro, e com ele a nossa tradiçom, as nossas lendas e mitología. A nossa história.

Esta quinta-feira estaremos nas ruas para defender os nossos montes das políticas ecocidas do capitalismo devastador.

Estamos fartas de ser umha colônia!

11/08/2025

Dende o rio até o mar, Palestina vencerá! ✊

Dirección

Galiza
Cuntis
36670

Página web

facebook.com

Notificaciones

Sé el primero en enterarse y déjanos enviarle un correo electrónico cuando AMAL - Agrupaçom de Montanha Águas Limpas publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.