Concello do Grove

15/06/2026

🚧 O Concello do Grove informa de que mañá, martes 16 de xuño, se realizará un corte no subministro de auga na rúa Lepanto con motivo da realización de obras.

🚰 O corte producirase en horario de 9:00 a 12:00 horas.

🙏 Pregamos desculpen as molestias.

13/06/2026

12/06/2026

O CONCELLO DO GROVE CONVOCA SUBVENCIÓNS POR IMPORTE DE 30.000 EUROS PARA AS ENTIDADES CULTURAIS DA VILA

📆O Grove, 12 de xuño de 2026.- No BOPPO núm. 111 de 12 de xuño publicouse o extracto das Bases e Convocatoria para a concesión de subvencións a asociacións e entidades sen ánimo de lucro que desenvolvan actividades culturais no ano 2026.

Esta convocatoria ten por obxecto regular o procedemento da concesión de subvencións en réxime de libre concorrencia para fomentar as actividades que, no eido da cultura e nas súas diversas formas, promovan asociacións culturais sen ánimo de lucro, que poidan ser consideradas de interese cultural para o Concello do Grove e dirixidas á poboación en xeral.

O Concello do Grove concederá axudas económicas por un importe total de 30.000 euros para promover, fomentar e difundir aquelas actividades culturais que organicen as asociacións sen fin de lucro no seu ámbito territorial, cando teñan relevancia para os intereses municipais.

O texto completo das Bases pode consultarse na Sede electrónica do Concello do Grove, no enlacehttps://concellodogrove.es/upload/userfiles/suneditor/files/c3d244Galego._Bases_subvenci%C3%B3ns_asociaci%C3%B3ns_culturais_2026.pdf e na Base de Datos Nacional de Subvencións https://www.pap.hacienda.gob.es/bdnstrans/GE/es/convocatorias/911614

As entidades culturais que desexen acceder a estas axudas teñen nun prazo de 30 días naturais, contados a partir do seguinte ao da publicación do extracto das bases no Boletín Oficial da Provincia, para presentar as súas solicitudes no Rexistro Xeral Electrónico do Concello do Grove ou en calquera das formas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.

12/06/2026

🎶 Aberto o prazo de renovación de matrícula na Escola Municipal de Música do Grove

O alumnado actualmente matriculado poderá solicitar a renovación da súa praza para o curso 2026-2027 desde o 15 ata o 26 de xuño, ambos incluídos.

A solicitude poderá presentarse no Rexistro Xeral do Concello do Grove ou a través da sede electrónica.

Para poder renovar a matrícula será necesario ter aboadas na súa totalidade as cotas correspondentes ao curso 2025-2026.

A presentación da solicitude dentro do prazo permitirá reservar a praza para o vindeiro curso. O alumnado que non a presente neste período perderá o dereito á reserva.

Unha vez rematado o prazo, o Concello determinará as prazas vacantes para a incorporación de novo alumnado.

Ligazón ao formulario:
https://www.concellodogrove.es/noticia.html?id=2966

12/06/2026

O Concello do Grove informa de que hoxe se realizará un corte no subministro de auga na rúa Lepanto.

O corte producirase en horario de 9:00 a 12:00 horas, debido á realización de traballos na rede.

Pregamos desculpen as molestias.

08/06/2026

📚 AXUDAS MUNICIPAIS PARA LIBROS DE TEXTO E MATERIAL ESCOLAR 2026-2027

O Concello do Grove abre o prazo para solicitar as axudas municipais destinadas á adquisición de libros de texto e material escolar para o curso 2026-2027.

📅 Prazo de presentación: do 5 ao 30 de xuño.

As axudas están dirixidas ao alumnado de Educación Infantil, Primaria e ESO que curse estudos en centros sostidos con fondos públicos do Concello do Grove.

A concesión terá en conta o nivel de ingresos da unidade familiar.

📍 As solicitudes poderán presentarse a través da Sede Electrónica do Concello ou no Rexistro Municipal, situado no Edificio Administrativo do Concello, na rúa Alcalde Xacobe Barral Otero nº 3, planta baixa.

ℹ️ Bases, formulario e máis información:
https://www.concellodogrove.es/noticia.html?id=2964
https://concellodogrove.sedelectronica.gal/preview-document/f0da6153-f3d2-4301-a928-3960151957a4/

05/06/2026

O Concello do Grove inicia a campaña de vixilancia exhaustiva para evitar o estacionamento e a acampada irregular de autocaravanas en espazos naturais e zonas de especial protección, como a contorna de Reboredo, As Pipas e outros accesos próximos ás praias.

A Policía Local intensificará o control sobre aqueles vehículos que ocupen estes espazos despregando elementos propios de camping ou dificultando o tránsito e a seguridade nos accesos. Ademais, o Concello traballa na instalación de nova sinalización para limitar o acceso de vehículos de máis de 3.000 kg en determinados puntos, especialmente en vías estreitas, zonas de Rede Natura e contornas con maior sensibilidade ambiental.

Esta medida busca compatibilizar o turismo en autocaravana co respecto ao medio natural, á seguridade viaria e á convivencia nos espazos públicos.

01/06/2026

📢 XA ESTÁN ABERTAS AS CITAS PARA XUÑO E XULLO 🆔🛂
O servizo móbil VIDOC da Policía Nacional volverá ao Grove para facilitar a tramitación do DNI e pasaporte fronte á Casa do Concello.
🗓️ As citas xa poden solicitarse a través do formulario en liña dispoñible nesta ligazón:
👉 https://www.concellodogrove.es/noticia.html?id=2888
‼️ Lembra traer toda a documentación necesaria:
📄 Requisitos para o DNI
📄 Requisitos para o pasaporte
🏛️ En caso de mal tempo, as persoas con cita poderán agardar no interior da Casa do Concello.

https://citaprevia.concellodogrove.es/publico/index.php