Concello de Arzúa

Cómo llegar Página web Contactar con la organización

Concello de Arzúa Perfil oficial do Concello de Arzúa.

Avanzan as obras de mellora da pista que comunica Sisto e Salmonte, cun investimento de 166.875,94 euros.Esta actuación ...
29/10/2026

Avanzan as obras de mellora da pista que comunica Sisto e Salmonte, cun investimento de 166.875,94 euros.

Esta actuación permitirá mellorar as condicións de circulación e aumentar a seguridade dos desprazamentos entre ambos os lugares.

Os traballos, iniciados a pasada semana, inclúen a renovación do firme con novo aglomerado, a reparación das zonas máis deterioradas e a limpeza das gabias para facilitar a evacuación da auga e evitar que se acumule na calzada. Tamén se renovará a sinalización horizontal e instalarase un tramo de barreira de seguridade.

Desde o Concello agradecemos á veciñanza a súa comprensión polas molestias que poidan ocasionar as obras mentres se desenvolven os traballos.

Esta mañá gardouse un minuto de silencio fronte á Casa do Concello de Arzúa en memoria das vítimas do accidente ferrovia...
29/10/2026

Esta mañá gardouse un minuto de silencio fronte á Casa do Concello de Arzúa en memoria das vítimas do accidente ferroviario ocorrido onte en Toledo.

O Concello de Arzúa expresa a súa solidariedade con todas as persoas afectadas por esta traxedia, traslada o seu máis sentido pésame ás familias das persoas falecidas e desexa unha pronta recuperación ás persoas feridas.

Desde o Concello de Arzúa queremos trasladar o noso máis sentido pésame ás familias das vítimas do accidente ferroviario...
28/10/2026

Desde o Concello de Arzúa queremos trasladar o noso máis sentido pésame ás familias das vítimas do accidente ferroviario ocorrido na provincia de Toledo, así como todo o noso apoio e solidariedade coas persoas feridas e afectadas.

Como mostra de respecto e lembranza das vítimas, sumámonos á convocatoria da FEGAMP para gardar un minuto de silencio *mañá, xoves 29 de outubro, ás 12:00 horas, diante da Casa do Concello.*

Convidamos a toda a veciñanza a acompañarnos neste acto de solidariedade coas vítimas e coas súas familias.

Seguimos tecendo irmandade!A última excursión desta edición lévanos a Lugo para recuperar a memoria das mulleres galegas...
27/10/2026

Seguimos tecendo irmandade!

A última excursión desta edición lévanos a Lugo para recuperar a memoria das mulleres galegas que abriron camiño e das que sufriron a represión.

Porque a historia tamén se escribe desde a mirada das mulleres. E esa memoria non pode quedar no esquecemento.

7 de novembro | Lugo

* Visita temática sobre Juana Capdevielle.
* Obradoiro «O que é preciso recordar».
* Xantar nun restaurante da zona.
* Visita guiada ao Vello Cárcere de Lugo, para coñecer a experiencia das mulleres durante a guerra e a posguerra.

Saída: 09:30 h desde a Casa das Mulleres de Arzúa.
Regreso: 20:00 h.

A actividade é de balde e inclúe transporte, visitas, actividades e xantar.

Anótate e acompáñanos nesta última viaxe!

Inscricións https://forms.gle/g8CQu2WotVFZF2k67
ou presencialmente na Casa das Mulleres de Arzúa.

COMEZAN AS OBRAS NA CASA DO LAGOEIRO!O Concello de Arzúa iniciou os traballos para converter este inmoble nunha vivenda ...
24/10/2026

COMEZAN AS OBRAS NA CASA DO LAGOEIRO!

O Concello de Arzúa iniciou os traballos para converter este inmoble nunha vivenda de emerxencia social.

✅ 89.875,61 € de investimento para a reforma da vivenda.

✅ Nova distribución interior, renovación das instalacións e melloras no illamento e equipamento.

✅ Un novo recurso municipal para ofrecer aloxamento urxente a persoas e familias en situación de vulnerabilidade.

🔗 Coñece todos os detalles na nova completa da nosa web: arzua.gal.

Os Xoves na Casa!Obradoiro de lectura e escrita autobiográfica.📅 Cando? Xoves 29 de outubro, ás 17:00 h.📍 Onde? Casa das...
23/10/2026

Os Xoves na Casa!
Obradoiro de lectura e escrita autobiográfica.
📅 Cando? Xoves 29 de outubro, ás 17:00 h.
📍 Onde? Casa das Mulleres de Arzúa.
📝 Inscricións abertas:
📧 [email protected]
📞 981 501 101 / 698 119 762

AS MULLERES CONTAMOS A NOSA HISTORIA é un obradoiro sobre literatura, esa ferramenta gozosa e poderosa coa que as mulleres puidemos desenvolver a nosa creatividade, expresar as nosas inquedanzas, coñecernos mellor, e deixar pegada da nosa época e dos nosos soños. Desde o comezo, a literatura non ten sido para nós só a experiencia de fabular historias, tamén a de construír(nos) e contar a nosa propia historia.

Cada unha ten unha voz, una historia que contar. No obradoiro procuraremos dar forma a esas páxinas que non saíron nunca do caixón, tentaremos atopar o ritmo adecuado e xogaremos a construír escenas e personaxes. Para iso, recorreremos ao máis próximo: as nosas emocións, recordos e anécdotas que xa teñen forma de relato. Porque, é posible escribir sen observar o mundo que nos rodea, sen observarnos a nós mesmas?

Nesta aventura non estamos soas. Leremos unha selección de textos de grandes escritoras que amosan a riqueza da nosa xenealoxía: mulleres que teñen reflexionado sobre a súa propia experiencia á hora de escribir e sobre como a escritura tense entrelazado nas súa vidas e estas nas súas obras.

📢 **ADIAMOS «O XOGO DAS ESCRITORAS»**O obradoiro previsto para hoxe, xoves 22 de outubro, na Casa das Mulleres de Arzúa ...
22/10/2026

📢 **ADIAMOS «O XOGO DAS ESCRITORAS»**

O obradoiro previsto para hoxe, xoves 22 de outubro, na Casa das Mulleres de Arzúa queda adiado ata novo aviso.

Mais a Casa das Mulleres segue aberta para vós!💜

Ás 17.00 h, as mulleres e as crianzas que o desexen poden achegarse para coñecer o espazo e compartir unha tarde de xogos.

Anunciaremos a nova data do obradoiro en canto estea confirmada.

📸 GALERÍA | OBRADOIRO DE INICIACIÓN AO HAIKU O pasado sábado, 18 de abril, levamos a cabo un obradoiro de iniciación ao ...
21/10/2026

📸 GALERÍA | OBRADOIRO DE INICIACIÓN AO HAIKU

O pasado sábado, 18 de abril, levamos a cabo un obradoiro de iniciación ao Haiku da man de Francisca García Jáñez. Unha interesante sesión na que conectamos coa escritura, poesía, creatividade, coa natureza e coa cultura xaponesa.



Concello de Arzúa

📸 GALERÍA CONCERTO DE SUN IOU | CICLO 'EN ABERTO' 2026 🎼Onte, xoves 6 de agosto, tivo lugar a primeira actuación do Cicl...
21/10/2026

📸 GALERÍA CONCERTO DE SUN IOU | CICLO 'EN ABERTO' 2026 🎼

Onte, xoves 6 de agosto, tivo lugar a primeira actuación do Ciclo de música na rúa 'En Aberto' deste ano da man de Sun Iou que encheu a noite de boa música, letras en galego con compromiso social e moita animación ata a última nota.

́sica ́n

Concello de Arzúa

Continuamos coa programación de outubro na Casa das Mulleres de Arzúa!O luns 26, ás 10.00 h, contaremos co servizo de as...
20/10/2026

Continuamos coa programación de outubro na Casa das Mulleres de Arzúa!

O luns 26, ás 10.00 h, contaremos co servizo de asesoramento xurídico en estranxeiría, con MPLP.

E o xoves 29, ás 17.00 h, «Os xoves na casa!» traen o inicio do obradoiro de escrita autobiográfica «As mulleres contamos a nosa historia»: un espazo para poñer por escrito as nosas vivencias e contalas coa nosa propia voz.

Achégate e participa!

Dirección

Rúa Santiago 2
Arzúa
15810

Página web

Notificaciones

Sea el primero en enterarse: le enviaremos un correo electrónico cuando Concello de Arzúa publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Contactar Con La Organización

Enviar un mensaje a Concello de Arzúa:

Atajos

Compartir

Categoría

Servicios Gubernamentales cercanos