PDK - Nëndega - Babush

Directions Website

PDK - Nëndega - Babush Contact information, map and directions, contact form, opening hours, services, ratings, photos, videos and announcements from PDK - Nëndega - Babush, Political organisation, Babush i Muhaxherve, Lipjan.

24/09/2026

Shtabi i Degës së Partisë Demokratike të Kosovës në Lipjan ka mbajtur mbledhjen e radhës, me një pikë të vetme të rendit të ditës: mbështetjen e protestës së organizuar nga Organizata e Veteranëve të UÇK-së dega në Lipjan, e cila do të mbahet nesër, më 25 shtator, e premte, në Sheshin “Adem Jashari” në Lipjan, me qëllim të mbrojtjes së vlerave të luftës së Ushtrisë Çlirimtare të Kosovës.

UÇK-ja ka zhvilluar luftën për çlirimin e Kosovës dhe vlerat e asaj lufte, si dhe sakrifica e qytetarëve tanë, duhet të ruhen dhe të respektohen.

Strukturat e Degës së PDK-së në Lipjan do të jenë në mbështetje të plotë të kësaj proteste.

Ftojmë të gjithë qytetarët e Lipjanit, pa dallim partie, bindjeje apo përkatësie politike, që t’i bashkohen protestës dhe të shprehin mbështetjen e tyre për krerët e UÇK-së që po gjykohen në Hagë.

Në mbrojtje të vlerave të luftës së UÇK-së, bashkë!

09/09/2026

Ora e Pritjes po vendoset në Lipjan

Më 9 shtator, në ora 21:00, në Sheshin “Adem Jashari” në Lipjan, do të vendoset Ora e Pritjes – ora që simbolizon pritjen tonë dhe shpresën për kthimin e çlirimtarëve tanë.

Kjo është Ora e Pritjes për Hashim Thaçin, Kadri Veselin, Jakup Krasniqin dhe Rexhep Selimin.

Është ora e çlirimtarëve.

Ftojmë të gjithë qytetarët e Lipjanit, familjet e dëshmorëve, invalidët e luftës, veteranët, të rinjtë dhe të gjithë ata që e çmojnë lirinë e Kosovës, të bëhen pjesë e këtij momenti simbolik.

Ora e Pritjes simbolizon dhe paralajmëron orën vendimtare të çlirimit të dytë të Kosovës: çlirimin e çlirimtarëve.

Çlirimin e liderëve politikë dhe ushtarakë të historisë më të re të Kosovës.

Çlirimin e atyre që themeluan të lavdishmen Ushtri Çlirimtare e Kosovës.

Le të mblidhemi bashkë, me respekt, krenari dhe shpresë.

Bashkërisht po i presim heronjtë tanë!

Sheshi “Adem Jashari”, Lipjan
9 SHTATOR
21:00

25/05/2026

Qytetarë të nderuar të Kosovës

Partia Demokratike e Kosovës hyn në këto zgjedhje me ekip serioz, të konsoliduar dhe të dëshmuar!
Me kandidatë që mishërojnë sakrificën historike, profesionalizmin e nivelit më të lartë dhe vizionin e qartë shtetformues për të ardhmen e Kosovës.
PDK përfaqëson vazhdimësinë e njerëzve që gjithmonë kanë mbajtur barrën e shtetit në kohët më të vështira dhe sot janë të gatshëm të udhëheqin me përgjegjësi të plotë dhe vendosmëri.

37 – Dr. Fitim Selimi është një prej figurave më të respektuara dhe më të dëshmuara të Kosovës. Veprimtar i palëkundur kombëtar, ish i burgosur politik i viteve të tetëdhjeta, luftëtar i lirisë dhe epror i UÇK-së.
Dr. Fitim Selimi është ndër profesionistët më të dalluar në nivel vendi në kirurgjinë torakale dhe një kontribuues i jashtëzakonshëm në ndërtimin dhe forcimin e institucioneve shëndetësore të Kosovës. Ai përfaqëson njeriun e sakrificës, dijes, ndershmërisë dhe përgjegjësisë, duke i shërbyer qytetarit dhe shtetit me dinjitet të lartë.

80 – Argjend Tasholli është i njohur për angazhimin e tij organizativ, politik dhe humanitar në Lipjan. Si asamblist dhe aktivist i afërt me qytetarët, ai ka dëshmuar energji, korrektësi dhe përkushtim në përfaqësimin e interesit qytetar.

100 – Mentor Ismaili përfaqëson energjinë e re të PDK-së, një kuadër i ri, perspektiv dhe i përkushtuar, që vjen nga një familje me vlera të larta atdhetare dhe që synon të japë kontribut të rëndësishëm në ndërtimin e një të ardhmeje moderne, të fortë dhe të qëndrueshme për Kosovën.

Qytetarë të nderuar, është koha për vendime të mëdha dhe udhëheqje të fuqishme shtetërore.

Është koha për PDK-në!

09/10/2025

Reagim

Pushteti në ikje, masivisht në keqpërdorim të burimeve publike

Të gjithë po e shohim qartë panikën që e ka kapluar Kryetarin në ikje dhe ekipin e tij.

Përballë humbjes së sigurt, ata kanë nisur keqpërdorimin masiv të burimeve publike, duke u përpjekur me çdo mjet të shpëtojnë pushtetin që po u rrëshqet nga duart.

Në ditët e fundit, zyrtarë komunalë, të prirë nga Kryetari në ikje, po përfshihen në aktivitete të manipulimit politik.

Në disa raste, në emër të organizatave humanitare, po shpërndahen pako ndihmash për të blerë ndërgjegjen e qytetarëve tanë.

Këto janë veprime të ulëta që fyejnë dinjitetin e lipjanasve dhe shkelin çdo normë të drejtësisë dhe barazisë zgjedhore.

Po ashtu, “gjoja” fillimi i punimeve për lagjen e kategorive të dala nga lufta , edhe pse dyshohet se një projekt i tillë nuk ka as leje ndërtimi, është gënjeshtra e radhës nga Kryetari në ikje.

Një përpjekje e dëshpëruar për të manipuluar opinionin publik dhe për të keqpërdorur gjendjen e vështirë materiale të familjeve që i përkasin kategorive të dala nga lufta.

Ky është fyerje e rëndë ndaj sakrificës së atyre që dhanë gjithçka për lirinë e vendit!

Madje, Kryetarit në ikje i ra në mend vetëm tri ditë para zgjedhjeve të bëjë përurime dhe fotografi propagandistike, duke tentuar të fshehë dështimet e një mandati plot paaftësi, mungesë transparence dhe neglizhencë ndaj qytetarëve.

Por qytetarët e Lipjanit nuk mashtrohen më!

Lipjani meriton shumë më tepër.

Meriton qeverisje që punon për njerëzit, jo për interesat e ngushta të një grupi të vogël.

Meriton ndershmëri, zhvillim, llogaridhënie dhe drejtësi për të gjithë.

Koha e tyre ka përfunduar.
Tani është koha jonë.
Koha e Lipjanit!

03/10/2025
30/09/2025

Address

Babush I Muhaxherve
Lipjan
14000

Website

Alerts

Be the first to know and let us send you an email when PDK - Nëndega - Babush posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Nearby government services