What are the opening hours?

Monday 8am - 5pm Tuesday 8am - 5pm Wednesday 8am - 5am Thursday 8am - 5pm Friday 8am - 5pm

https://www.facebook.com/628225803714940/

Nfa Albay Branch

Home
Philippines
Legazpi
Nfa Albay Branch

Directions

'Tiyak na Bigas, Panatag ang Bukas!"

29/10/2026

𝐇𝐈𝐆𝐈𝐓 𝐒𝐀 𝐏𝐀𝐆𝐁𝐈𝐋𝐈 𝐍𝐆 𝐏𝐀𝐋𝐀𝐘, 𝐌𝐀𝐘 𝐊𝐖𝐄𝐍𝐓𝐎𝐍𝐆 𝐃𝐀𝐏𝐀𝐓 𝐏𝐀𝐊𝐈𝐍𝐆𝐆𝐀𝐍!

Hindi lamang pagbili ng palay ang nagaganap sa mga bodega ng NFA Albay. Habang inaasikaso ang mga delivery, hindi lamang timbang, kalidad, at papeles ang pinagkakabalahan ng mga warehouse supervisor. Naglalaan din sila ng oras upang kausapin ang mga magsasaka, ipaliwanang ang proseso, sagutin ang kanilang mga tanong, at pakinggan ang kanilang mga saloobin.

Sa simpleng pag-uusap, nagkakaroon ng pagkakataon ang mga magsasaka na mas maunawaan ang proseso ng pagbebenta ng palay sa NFA. Para sa NFA Albay, ang bawat pagpunta ng magsasaka sa bodega ay hindi lamang pagkakataong maibenta ang kanilang ani, kundi pagkakataon din upang marinig ang kanilang mga tanong, karanasan, at pangangailangan.

📸WS Vevencio J. Balaoro; WS Charmaine T. Tato; Acting WS Florante E. Reason

28/10/2026

𝐂𝐎𝐀 𝐀𝐓 𝐍𝐅𝐀 𝐀𝐋𝐁𝐀𝐘, 𝐍𝐀𝐆𝐋𝐀𝐓𝐀𝐆 𝐍𝐆 𝐆𝐀𝐁𝐀𝐘 𝐏𝐀𝐑𝐀 𝐒𝐀 𝐌𝐀𝐀𝐘𝐎𝐒 𝐍𝐀 𝐀𝐔𝐃𝐈𝐓!

Isinagawa ngayong araw, Oktubre 28 ang Entrance Conference ng Commission on Audit (COA) at NFA Albay ang pagtalakay sa mga operasyon at transaksiyong pinansyal ng sangay para sa taong 2026, mga kailangang dokumento para sa audit, tungkulin ng auditor at auditee, at mga pangunahing bahagi ng operasyon na bibigyang-pansin sa pagsusuri.

Ang pagpupulong ay para maipaliwanang ang proseso ng audit, malinaw na matukoy ang mga responsabilidad ng bawat isa at maihanda ang mga kinakailangang dokumento at impormasyon para sa pagsusuri ng mga gawain at transaksiyon ng NFA Albay.

28/10/2026

𝐁𝐔𝐇𝐀𝐘 𝐒𝐀 𝐁𝐎𝐃𝐄𝐆𝐀 𝐍𝐆 𝐍𝐅𝐀 𝐀𝐋𝐁𝐀𝐘 𝐓𝐔𝐖𝐈𝐍𝐆 𝐀𝐍𝐈𝐇𝐀𝐍!

Maaga pa lang, busy at maingay na sa mga bodega sa Albay at Catanduanes. Sunod-sunod ang dating ng mga tricycle, jeep, truck na may dalang mga sako ng palay mula sa ating mga magsasaka.

Mula sa pagbaba ng mga sako, pagtimbang hanggang sa pagiimbak, masayang nagtutulungan ang lahat, dahil nakikita natin ang saya sa mukha ng ating mga magsasaka.

Dito sa mga bodega ng NFA Albay, hindi lang tayo nagiimbak ng palay – sinisigurado rin natin na may sapat na suplay ng bigas para sa komunidad lalong-lalo na sa oras ng kalamidad at emergencies.

📸WS Charmaine T. Tato; WS Vevencio J. Balaoro; Acting WS Florante E. Reason; QAO Peter James M. Murillo

26/10/2026

𝐏𝐀𝐑𝐀 𝐒𝐀 𝐀𝐓𝐈𝐍𝐆 𝐌𝐆𝐀 𝐌𝐀𝐆𝐒𝐀𝐒𝐀𝐊𝐀!

Para sa iyong mga katanungan, alamin ang 5 simpleng hakbang at sagot sa inyong mga tanong para sa mas mabilis na transakyon. Basahin ang FAQ guide na ito

𝐌𝐆𝐀 𝐌𝐀𝐃𝐀𝐋𝐀𝐒 𝐈𝐓𝐀𝐍𝐎𝐍𝐆 𝐒𝐀 𝐏𝐀𝐆𝐁𝐄𝐍𝐓𝐀 𝐍𝐆 𝐏𝐀𝐋𝐀𝐘 𝐒𝐀 𝐍𝐅𝐀 (𝐅𝐀𝐐)

1. Bakit kailangan magdala ng 1 kilong sample ng palay?

Ang 1 kilong sample ay ginagamit para sa Pre-Classification. Dito sinusuri ang Moisture Content (MC) at ginigiling ang palay upang makita ang kalidad ng lalabas na bigas bago dalhin ang buong ani sa bodega.

2. Ano ang mangyayari kapag pumasok or hindi pumasa ang aking palay sample?

Kapag pasado, magbibigay ang NFA ng petsa at iskedyul para sa paghahatid ng inyong buong ani sa bodega. Kung hindi pumasa, hindi papahintulutang i-deliver ang palay sa bodega upang maiwasan ang abala at gastos sa pagbibiyahe.

3. Anu-ano ang mga dapat dalhin sa araw ng pagdedeliver sa bodega?

Sa nakatakdang araw ng iskedyul, dalhin ang mga sumusunod:

• Ang inyong palay na ibebenta.
• Ang inyong RSBSA ID o anumang opisyal na patunay na kayo ay nakatala bilang RSBSA Registered Farmer.

4. Paano ang pakakasunod-sunod ng pag-aasikaso sa bodega?

Pagdating sa bodega, bibigyan ang magsasaka ng priority number or ililista batay sa pagkakasunod-sunod ng oras pagdating (first come, first served).

5. Bakit kailangan pa ng 100% inspection kung pumasa na ang sample?

Ang buong ani na dala sa bodega ay dadaan sa 100% inspection at sampling upang masiguro na ang kabuuang kargamento na palay ay tumutugma sa quality standards ng NFA. Ang mga palay lamang na pumasa sa huling klasipikasyong ito ang i-rerebag at titimbangin.

📸GOO I Ron Vincent D. Jocson

26/10/2026

24/10/2026

𝐍𝐅𝐀 𝐀𝐋𝐁𝐀𝐘, 𝐀𝐑𝐀𝐖-𝐀𝐑𝐀𝐖 𝐇𝐀𝐍𝐃𝐀𝐍𝐆 𝐒𝐔𝐌𝐀𝐋𝐔𝐁𝐎𝐍𝐆 𝐒𝐀 𝐀𝐓𝐈𝐍𝐆 𝐌𝐆𝐀 𝐌𝐀𝐆𝐒𝐀𝐒𝐀𝐊𝐀!

Araw-araw, nakahanda ang ating mga personnel sa mga bodega ng NFA Albay na salubungin ang ating mga magsasaka at bilhin ang kanilang dalang palay mula sa kanilang ani.

Patuloy ang pagdating ng mga magsasakang nagdedeliver ng kanilang palay sa bodega ng Legazpi, Tabaco, at Libon dahil ngayong linggo, P30 kada kilo sa Albay at P29 kada kilo naman sa Catanduanes.

📸WS Vevencio J. Balaoro; Acting WS Florante E. Reason; QAO Peter James M. Murillo

23/10/2026

𝐁𝐔𝐇𝐀𝐘 𝐍𝐀 𝐁𝐔𝐇𝐀𝐘 𝐀𝐍𝐆 𝐒𝐄𝐑𝐁𝐈𝐒𝐘𝐎 𝐍𝐆 𝐍𝐅𝐀 𝐀𝐋𝐁𝐀𝐘 𝐁𝐈𝐋𝐀𝐍𝐆 𝐊𝐀𝐀𝐆𝐀𝐏𝐀𝐘 𝐍𝐆 𝐌𝐀𝐆𝐒𝐀𝐒𝐀𝐊𝐀, 𝐋𝐆𝐔 𝐀𝐓 𝐍𝐆 𝐁𝐔𝐎𝐍𝐆 𝐊𝐎𝐌𝐔𝐍𝐈𝐃𝐀𝐃!

Ngayong araw, damang-dama ang sigla at walang tigil na dedikasyon sa tanggapan at mga bodega ng NFA Albay dahil nakatutok sa iba’t ibang gawain sa paglilingkod sa bayan.

Bukas-palad na tinanggap ng mga warehouse supervisors ng sangay ang mga palay ng mga magsasaka, kasabay nito abala rin ang bodega sa mabilisang rice withdrawal ng Lokal ng Pamahalaan (LGU) para sa relief operations, lalo na’t kasalukuyang nasa ilalim ng State of Calamity ang Albay dahil sa dengue.

Bukod sa sigasig sa seguridad ng pagkain, nakiisa rin ang buong pwersa ng sangay kasama ang NFA bicol Regional Office sa makulay na parada para sa pagdiriwang ng piyesta ng Lungsod ng Legazpi bilang pagsuporta sa mga programa ng LGU—isang tunay na kabalikat hindi lamang sa panahon ng trabaho, kundi pati na rin sa mga sandaling pagkakaisa at pagdiriwang ng buong lalawigan.

📸WS Vevencio J. Balaoro; QAO Peter James M. Murillo; WS John Paul C. Molato; Acting ABM Aireen A. Poyatos

22/10/2026

𝐍𝐅𝐀 𝐀𝐋𝐁𝐀𝐘 𝐒𝐀𝐍𝐃𝐈𝐆𝐀𝐍 𝐍𝐆 𝐌𝐀𝐆𝐒𝐀𝐒𝐀𝐊𝐀 𝐀𝐓 𝐊𝐎𝐌𝐔𝐍𝐈𝐃𝐀𝐃 𝐒𝐀 𝐏𝐀𝐍𝐀𝐇𝐎𝐍 𝐍𝐆 𝐊𝐀𝐋𝐀𝐌𝐈𝐃𝐀𝐃 𝐀𝐓 𝐓𝐀𝐆𝐓𝐔𝐘𝐎𝐓!

Sanay ang mga Bikolano sa iba’t ibang pagsubok—mula sa mga bagyo, pagputok ng Bulkang Mayon, baha, hanggang sa tagtuyot. Sa banta ngayon ng El Niño, malaki ang nagiging epekto nito sa produksyon ng agrikultura at suplay ng bigas. Kaya naman tuloy-tuloy ang palay procurement ng sangay mula Albay hanggang Catanduanes—isang buhay na patunay na sa gitna ng tuyong panahon, may sisibok na pag-asa para sa kahandaan ng lalawigan.

Tara na mga magsasaka! Bukas ang aming bodega para sainyong mga ani! Huwag mag-atabuli dahil P30.00 kada kilo ngayong linggo ang aming presyo ng palay sa Albay, samantala P29.00 kada kilo naman sa Catanduanes!!!

📸WS Charmaine T. Tato: Acting WS Florante E. Reason

Address

Pier Site
Legazpi
4500

Opening Hours

Monday	8am - 5pm
Tuesday	8am - 5pm
Wednesday	8am - 5am
Thursday	8am - 5pm
Friday	8am - 5pm

Website

facebook.com

Alerts

Be the first to know and let us send you an email when Nfa Albay Branch posts news and promotions. Your email address will not be used for any other purpose, and you can unsubscribe at any time.