CIFP Vilamarin

15/06/2026

Durante o terceiro trimestre, o alumnado participou en diversos obradoiros prácticos centrados no uso de ferramentas dixitais como Padlet, Excel, Word, Canva, o correo electrónico e outras aplicacións de utilidade académica e profesional.

Aínda que as tecnoloxías forman parte do noso día a día, observamos que moitos mozos e mozas teñen unha maior familiaridade coas redes sociais que co manexo de ferramentas dixitais básicas e imprescindibles para os estudos e o mundo laboral. Por iso, estas actividades estiveron orientadas a reforzar a súa competencia dixital, proporcionando recursos prácticos que lles serán de gran utilidade no seu futuro formativo e profesional.😄

Desde a biblioteca escolar, seguimos impulsando iniciativas que contribúan á mellora das competencias dixitais da comunidade educativa, favorecendo un uso responsable, autónomo e eficaz das ferramentas tecnolóxicas.

12/06/2026

Un recuncho para descubrir, ler e compartir ✨📚

Xa temos listo un novo espazo de lectura pensado para que toda a comunidade educativa poida descubrir novas historias, compartir recomendacións e desfrutar do pracer de ler.

Neste recuncho atoparedes Bookflix, un apartado con recomendacións lectoras do momento, perfecto para atopar esa próxima lectura que vos acompañará durante días.

Ademais, contamos cun espazo especial dedicado á segunda vida dos libros, promovendo o intercambio, a reutilización e o amor pola lectura como unha forma de compartir cultura e coñecemento.

Animámosvos a achegarvos, explorar e deixarvos sorprender por todo o que os libros teñen para ofrecer.🤩

Porque cada libro abre unha porta a novas experiencias, ideas e emocións. 💫

11/06/2026

Dende a Biblioteca escolar do CIFP de Vilamarín, propoñemos as seguintes recomendacións lectoras para este mes de xuño 📚

Co final do curso e a chegada do verán, presentamos unha selección de lecturas variadas para g***r, aprender e deixarse levar por novas historias.

📖 La locataire – Freida McFadden
Un thriller cheo de misterio no que nada é o que parece. Unha lectura áxil e sorprendente.

📖 Fermentos – Basque Culinary Center
Un achegamento práctico ao mundo da fermentación e á súa importancia na gastronomía.

📖 Fillos de Caín – Rodrigo Costoya
Novela histórica de aventuras, poder e segredos na Idade Media.

📖 Guía práctica de enxertos, gallas e merellos en Galicia
Obra divulgativa que recolle técnicas tradicionais e saberes do rural galego.

📖 Atranco no banco – Núñez Singala
Unha historia divertida e chea de enredos arredor dun inesperado atraco.

📖 Una niña buena – Elísabet Benavent
Unha novela sobre sentimentos, relacións persoais e a busca da propia identidade.

Boas lecturas e feliz verán!🙌📖🤩

10/06/2026

09/06/2026

O noso alumnado, participou no día de hoxe no programa Talent Top, promovido por Eduemprende e celebrado no CIFP Compostela.

Como non podía ser doutro xeito, o CIFP de Vilamarín estivo presente cunha idea orixinal impulsada por María José Rodríguez, acompañada polo noso coordinador de emprendemento Miguel e polo alumnado dos diferentes ciclos formativos que se imparten no noso centro.

Foi unha experiencia moi gratificante e enriquecedora para o alumnado, que tivo a oportunidade de desenvolver a súa creatividade, compartir iniciativas innovadoras e adquirir novas aprendizaxes nun entorno colaborativo.

Desde o CIFP de Vilamarín seguimos apostando polo emprendemento como unha ferramenta fundamental para o desenvolvemento persoal e profesional do noso alumnado.

Parabéns a todas as persoas que formaron parte desta experiencia polo seu esforzo, compromiso e ilusión!

Seguiremos participando nas próximas convocatorias, apoiando o talento e as ideas do noso alumnado.

Innovación CociñaERestauración FormaciónProfesional TalentoNovo

03/06/2026

Este 7 de xuño temos unha cita en SALIMAT 2026!🤩

Convidámosvos a visitar o noso expositor e coñecer de primeira man os proxectos, iniciativas e o talento que se está a desenvolver no noso centro.

Achégate, coñécenos e comparte connosco esta gran experiencia!

Agardámoste!🙂