Potchefstroom Gimnasium

Potchefstroom Gimnasium Contact information, map and directions, contact form, opening hours, services, ratings, photos, videos and announcements from Potchefstroom Gimnasium, Molen Street, Potchefstroom.

Terug van 'n onvergeetlike akademiese toer!😎Ons graad 8 tot 11-leerders het vandag teruggekeer van 'n verrykende akademi...
13/09/2026

Terug van 'n onvergeetlike akademiese toer!😎

Ons graad 8 tot 11-leerders het vandag teruggekeer van 'n verrykende akademiese toer waartydens hulle die geleentheid gehad het om verskeie interessante bestemmings te besoek, waaronder ATKV Buffelspoort, die Sterkfonteingrotte, Hartbeespoortdam, die Harties-kabelkar, Jasmyn, Van Gaalen se Kaasplaas en Sun City.

Die toer het waardevolle leergeleenthede buite die klaskamer geskep en vir ons leerders blootstelling gegee aan geskiedenis, natuur, toerisme en kultuur.

'n Spesiale dankie aan mnr. FJ de K**k wat die groep vergesel het.

Ons vertrou dat elke leerder met nuwe kennis, mooi herinneringe en waardevolle ervarings teruggekeer het.

13/09/2026

Gimmies en Volkies deel van die Rain SA20 Derby Series!👏💥

Gimmies is trots om deel te wees van hierdie besondere reeks, waar twee skole, twee gemeenskappe en een dorp bymekaarkom vir ’n groot wedstryd.

Gimmies is een van slegs 26 vooraanstaande krieketskole in Suid-Afrika wat deel vorm van die reeks.

📅 Die datum van hierdie groot derby word binnekort bekendgemaak!

Twee skole. Een dorp. Een groot derby. Schools SA20

Die afgelope week het Gimmies tydens Geesweek tussen die gejaag van skool, sport en kultuur weer tyd gemaak om stil te w...
13/09/2026

Die afgelope week het Gimmies tydens Geesweek tussen die gejaag van skool, sport en kultuur weer tyd gemaak om stil te word. Deur inspirerende sprekers, "praise and worship", speletjies en besondere oomblikke saam, is leerders herinner aan dit wat werklik saak maak.

In ʼn wêreld wat vinnig beweeg, raak ons maklik so besig met die lewe dat ons verby God begin leef. Geesweek het ons herinner om weer stil te staan, ons fokus terug te bring na Hom en vas te staan in geloof.

Staan vas. Hou geloof. Moenie in die gejaag van die lewe by God verbygaan nie.🙏

Ons sien uit na ’n week vol opwindende skoolaktiwiteite!😁
13/09/2026

Ons sien uit na ’n week vol opwindende skoolaktiwiteite!😁

Baie geluk aan die volgende Gimmieraadlede wat verkies is om as leerderverteenwoordigers op die Beheerliggaam te dien. ...
12/09/2026

Baie geluk aan die volgende Gimmieraadlede wat verkies is om as leerderverteenwoordigers op die Beheerliggaam te dien.

Dit is ’n besondere voorreg én verantwoordelikheid om op hierdie manier ’n stem vir jou medeleerders te wees.

Baie dankie dat julle bereid is om voor te vat, verantwoordelikheid te neem en te dien. Mag julle deur hierdie nuwe rol waardevolle ervaring opdoen, baie leer en as jong leiers verder groei.

Ons is trots op julle!

12/09/2026

WEN ’N MOTOR, ONDERSTEUN POTCHEFSTROOM GIMNASIUM 🚗
Verbeel jou jy ry in ’n Chery Tiggo Cross LIT MT weg — en terselfdertyd help jy om ’n verskil by te maak!
🎟️ Kaartjies kos slegs R150.00
Potchefstroom Gimnasium se "WEN 'n Chery Tiggo Cross LIT MT"- kompetisie is nou aan die gang, en ons nooi jou uit om deel van hierdie besondere fondsinsamelingsprojek te wees.
Elke kaartjie gee jou ’n kans om die Chery Tiggo Cross LIT MT te wen, terwyl die projek daarop gemik is om Potchefstroom Gimnasium en sy leerders te ondersteun.

👉 Koop jou kaartjie en kry die volledige inligting hier:
https://potchgim.co.za/potch-gim-vehicle-raffle-2027/
Ons is trots om hierdie projek aan te pak met die ondersteuning en betrokkenheid van:

Gimnasium
GSOK Gimmie-sport Ondersteunersklub
G-Arté - Gimmies Kunste Ondersteunersklub
Eastvaal Multi Franchise Potch
Chery Potchefstroom

Lotteries

Help ons om die boodskap te versprei! Deel hierdie plasing met jou familie, vriende en kollegas.

Hoe verder ons die boodskap versprei, hoe groter kan die impak wees!
R150. Een kaartjie. ’n Kans om ’n Chery te wen. ’n Verskil vir Gimmies.

Cachet en Brandwag gaan van krag tot krag! Met rekordgetalle wat vir 2027 verwag word, is ons opreg dankbaar vir die ver...
11/09/2026

Cachet en Brandwag gaan van krag tot krag!

Met rekordgetalle wat vir 2027 verwag word, is ons opreg dankbaar vir die vertroue wat ouers en leerders in die Gimmie-koshuislewe stel.
Hiérdie getuig van die besondere gemeenskap, waardes en geleenthede wat ons koshuise bied.

Ons sien met groot opgewondenheid uit na nóg ’n jaar van groei, vriendskappe en onvergeetlike herinneringe in die hart van die Gimmie-familie. 😁

Het Gimmies al jóú aansoek vir 2027 ontvang?
Maak seker jou kind se Gimmie-toekoms begin hier!

Ontmoet ons nuwe Sporthoof, Gerhard du Toit! Dit is met groot dankbaarheid en opgewondenheid dat ons vir Gerhard, sy vro...
11/09/2026

Ontmoet ons nuwe Sporthoof, Gerhard du Toit!

Dit is met groot dankbaarheid en opgewondenheid dat ons vir Gerhard, sy vrou, Natanja en hul twee seuns, Gerdus en Lihan by die Gimmie-familie verwelkom.

Gerhard bring ’n diep liefde vir sport, jare se ervaring in skoolsport en ’n passie vir die ontwikkeling van jongmense na Gimmies. Sy visie is eenvoudig, maar kragtig: om nie net sportprestasies van die hoogste gehalte na te streef nie, maar ook om elke leerder die geleentheid te gee om te groei, deel te neem en hul volle potensiaal te bereik.

Vir hom is sport veel meer as uitslae op ’n telbord. Dit is ’n voertuig waardeur jongmense karakter, leierskap, dissipline, respek, deursettingsvermoë en integriteit leer – eienskappe wat hulle vir die res van hul lewe sal hê.

“Ek sien daarna uit om saam met ons leerders, afrigters en ouers te bou aan ’n sportkultuur waarop die hele Gimmie-gemeenskap trots kan wees.”

Ons sien uit daarna om saam met Gerhard voort te bou op die trotse nalatenskap van Gimmie-sport. Mag julle as gesin vinnig tuis voel en mag hierdie nuwe hoofstuk gevul wees met seën, groei en nuwe hoogtepunte.

Welkom by Gimmies – ons is trots om julle deel van ons familie te noem! 👏
GSOK Gimmie-sport Ondersteunersklub

GIMMIE-SPORT’n Aand van sportmangees, erkenning en dankbaarheid. Tydens ons sportdinee vir netbal, hokkie en kl...
11/09/2026

GIMMIE-SPORT
’n Aand van sportmangees, erkenning en dankbaarheid.

Tydens ons sportdinee vir netbal, hokkie en kleinsporte het ons die passie, talent en gees, wat ons sportspanne deur die jaar uitgeleef het, gevier. Baie geluk aan elke sportman, sportvrou en afrigter wat bygedra het tot ’n besondere sportjaar.

Sport gaan nie net oor wen nie – dit gaan oor karakter, spanwerk, dissipline en die bereidwilligheid om elke dag jou beste te gee. Ons is trots op elke Gimmie wat met toewyding ons skool se naam hoog gehou het, op en langs die sportveld.👏

GIMMIE-SPORT Geskiedenis vir Gimmie-rugby! Baie geluk aan Wihan Strydom wat gekies is om van 26 September tot 2 Oktober ...
11/09/2026

GIMMIE-SPORT
Geskiedenis vir Gimmie-rugby!

Baie geluk aan Wihan Strydom wat gekies is om van 26 September tot 2 Oktober aan die SARU o.16 EPD-kamp (Elite Player -ontwikkelingsprogram) in die Wes-Kaap deel te neem.

Wihan word hiermee deel van die top 58 o.16-rugbyspelers in Suid-Afrika – ’n besondere prestasie en bewys van sy talent, harde werk en toewyding.

Hy maak ook geskiedenis as die eerste Gimmie ooit wat vir hierdie gesogte SARU-kamp gekies word! 🔥👏

Wihan se prestasie is ook ’n mooi erkenning van die groei en krag van Gimmie-rugby. Ons rugbyprogram skep geleenthede vir spelers om hul talent te ontwikkel, op hoër vlakke mee te ding en deur nasionale strukture raakgesien te word.

Gimmies is trots op jou, Wihan! GSOK Gimmie-sport Ondersteunersklub

Address

Molen Street
Potchefstroom
2531

Opening Hours

Monday 07:00 - 15:00
Tuesday 07:00 - 15:00
Wednesday 07:00 - 15:00
Thursday 07:00 - 15:00
Friday 07:00 - 15:00

Telephone

+27182930267

Website

Alerts

Be the first to know and let us send you an email when Potchefstroom Gimnasium posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Potchefstroom Gimnasium:

Shortcuts

Share