Laerskool Baillie Park - amptelik

13/09/2026

Klein kunstenaars met groot verbeelding! 🐦🎨

Hierdie week het ons Grondslagfase-maats die wonderlike wêreld van Doodle-kuns ontdek!

Elke leerder het self sy of haar eie unieke voëltjie geteken, dit met kreatiewe patrone versier en daarna met helder, vrolike waterverfkleure tot lewe gebring.

Elke kunswerk vertel iets van ’n klein kunstenaar se eie verbeelding, kreatiwiteit en unieke styl.

Ons is sommer baie trots op hierdie kleurvolle kunswerke wat van begin tot einde deur ons maats se eie handjies, idees en verbeelding geskep is! 🐦🖌️🌈

11/09/2026

’n Klein boontjie, ’n groot avontuur! 🫘🌱

Vandag het ons Graad 1’s hul Plante-tema op die lekkerste manier afgesluit – deur boontjies te plant! 🌱

Met klein handjies, groot opgewondenheid en hope liefde het ons geleer dat plante tyd, water, sonlig en ’n bietjie ekstra sorg nodig het om te groei. ☀️💧🌱

Nou wag die groot avontuur… Wie se boontjie gaan eerste groei? 👀💚

Ons kan nie wag om te sien hoe ons klein saadjies in pragtige plantjies verander nie! 🌿✨

09/09/2026

🏑ALBEI ONS DOGTERSSPANNE IS DEUR NA DIE NW HALFEINDRONDE!

Wat ’n ongelooflike prestasie deur ons O/13 A- en B-dogters! Albei spanne het hul NW Kwartfinaalwedstryde gewen en verseker daarmee hul plek in die Halfeindronde!

🔴 O/13 B-dogters wen 2–0 teen Laerskool Schweizer-Reneke.
🔵 O/13 A-dogters wen 2–1 teen Laerskool Lichtenburg.

Ons is TROTS op julle!

Nou wag die volgende uitdaging… NW HALFEINDRONDE, HIER KOM BAILLIES!

WE, NOT ME! 🔴🔵

09/09/2026

🏑 DOGTERS IN DIE NW HOKKIE-KWARTFINALE!

Ons O/13 A- en B-dogters speel vandag in die NW Hokkie-Kwartfinale!

🔴 O/13 A-dogters vs Laerskool Lichtenburg
🔵 O/13 B-dogters vs Laerskool Schweizer Reneke

Dogters, ons is reeds ongelooflik trots op julle! Stap met selfvertroue op daardie veld, speel vir mekaar en speel met julle hele hart.

Geniet elke oomblik en gee alles – Baillies staan bankvas agter julle!

Baie sterkte, dogters!
WE, NOT ME! 🔴🔵

06/09/2026

BAILLIES BY DIE DR. KENNETH KAUNDA GLENLY-SKAAKTOERNOOI ♟️

Baie geluk aan ons Baillies-skaakspelers wat Saterdag 5 September aan die Dr. Kenneth Kaunda Glenly-skaaktoernooi deelgeneem het! Ons is trots op elkeen van julle.

🏆 U/8: Jayden Oosthuizen – 2de plek
🏆 U/10: Nickes Combrink – 1ste plek
🏆 U/12: Janco Combrink – 1ste plek
♟️ U/12: Nandus Conradie – 19de plek
♟️ U/14: Zenica Stoltz – 10de plek

Baie geluk aan elke speler met hierdie uitstekende prestasies! ♟️💙❤️

06/09/2026

👩‍⚕️👮‍♂️👩‍🏫👨‍🚒 Mense wat ons in die gemeenskap help! 🚑🚒🏫

Ons Graad 2-maats het hul kreatiwiteit behoorlik laat blom! 🎨✨ Elke maat het sy of haar eie gemeenskapshelper-poppie gemaak – en kyk net hoe oulik het hulle uitgekom!

Van dokters en verpleegsters tot onderwysers, polisiemanne en brandweermanne - ons het sommer weer besef dat elke helper ’n belangrike plekkie in ons gemeenskap het.

Klein handjies, groot kreatiwiteit en nóg groter waardering vir ons gemeenskapshelde! 🫶✨

Send a message to learn more

05/09/2026

🏏 Baillie Park se O/13A-dogterskrieketspan behaal ’n oortuigende oorwinning

Baillie Park se O/13A-dogterskrieketspan het Woensdag teen Potch Central gespeel. Hulle het eerste gekolf en ’n uitstekende totaal van 213 lopies aangeteken.

Selmay Taylor (57) het haar eerste 50-tal behaal en saam met Ansu Fourie (49) ’n indrukwekkende vennootskap van meer as 100 lopies opgebou. Albei spelers het sewe viere aangeteken.

Potch Central is daarna vir slegs 43 lopies uitgeboul. Adelay Botha en Grizelda Janse van Rensburg het elk twee paaltjies geneem. Ofentse Maruping, Ansu Fourie, Joané Fourie en Dineké Janse van Rensburg het elk een paaltjie geneem.

🏆 Baillie Park wen met 170 lopies!

🌟 Speler van die wedstryd: Ansu Fourie

Baie geluk aan die hele span met hierdie uitstekende spanprestasie! 👏🏏

05/09/2026

🏑ONS O/10 HOKKIEDOGTERS IS GEREED!

Die koue gaan beslis nie vandag ons Baillies-dogters keer nie! Ons Onder 10 hokkiedogters is gereed om die koue aan te durf en lekker hokkie te speel by Laerskool Fonteine se Hokkiedag.

Dogters, geniet elke oomblik, speel met julle hele hart en maak mooi herinneringe saam met julle spanmaats.

Ons is sommer baie trots op julle!

Go Baillies! 🔴🔵