08/11/2023
GEO/ENG
გილოცავთ ევროკომისიის გადაწყვეტილებას საქართველოსთვის კანდიდატის სტატუსის მინიჭების რეკომენდაციის შესახებ! ევროკავშირში გაწევრიანების გზაზე ჩვენმა ძალისხმევამ დღეს კიდევ უფრო შეუქცევადი სახე მიიღო და მინდა ეს საქართველოს ყველა მოქალაქეს მივულოცო. ასევე მინდა მადლობა გადავუხადო საქართველოს დიპლომატიურ კორპუსს, ჩემს კოლეგებს, ყველა საჯარო მოხელეს, რომელთა ყოველდღიური, თავდაუზოგავი შრომის გარეშე ეს მიზანი ვერ შესრულდებოდა.
აღნიშნული გადაწყვეტილება ისტორიული გარდატეხაა ჩვენი ქვეყნის ევროკავშირში ინტეგრაციის გზაზე!
ამ რეკომენდაციით შეიქმნა მყარი საფუძველი იმისთვის, რომ წლის ბოლოს საქართველო ოფიციალურად გახდეს ევროკავშირში წევრობის კანდიდატი ქვეყანა.
გასულ წელს საქართველოსთვის ევროპული პერსპექტივის მინიჭებით, ევროკავშირის 27-მა ქვეყანამ ერთხმად განაცხადა, რომ საქართველოს ადგილი ევროპასა და ევროკავშირშია.
ამ გეოპოლიტიკურმა დამსახურებაზე დაფუძნებულმა გადაწყვეტილებამ მნიშვნელოვანი საფუძველი შეუქმნა საქართველოს, როგორც ევროპული, დემოკრატიული და თავისუფალი სახელმწიფოს შემდგომ გაძლიერებას.
დღევანდელი ანგარიში ეყრდნობა ევროკომისიის 12 რეკომენდაციის შესრულებას. ევროკომისიამ სათანადოდ შეაფასა საქართველოს მიერ რეკომენდაციების შესრულების მიმართულებით გაწეული სამუშაო და ის მაქსიმალური ძალისხმევა რომელიც ჩვენმა ხელისუფლებამ გასწია ამ პროგრესის მისაღწევად.
მოგეხსენებათ, ევროკავშირში გაწევრიანების გზა კომპლექსური და ხანგრძლივი პროცესია. უპირველეს ყოვლისა, ეს არის დამსახურებებზე დაფუძნებული პროცესი. საქართველო, თანმიმდევრული ნაბიჯებით ბოლომდე მიიყვანს ევროკავშირთან დაახლოების პროცესს - ევროკავშირის სრულფასოვანი წევრობის მიღწევამდე.
ევროკომისიის დღევანდელი გადაწყვეტილება არის პასუხი ქვეყნის ევროპულ არჩევანზე, რომელმაც წარმატებით გაიარა დემოკრატიული ტრანსფორმაციისა და ევროპულ ინსტიტუტებთან დაახლოების გზა!
ევროპულ არჩევანზე, რომელიც არა მხოლოდ პოლიტიკური, არამედ ცივილიზაციური არჩევანია, რომელიც ჩვენი ქვეყნის ეროვნული ინტერესი და ჩვენი წინაპრების მრავალსაუკუნოვანი მიზანია.
ეს არის პასუხი საქართველოს ხელისუფლების მტკიცე ნებაზე ყველაფერი გააკეთოს ქვეყნის ევროპული ინტეგრაციისთვის, როგორც ეს ქვეყნის უზენაეს კანონში - კონსტიტუციაშია გაწერილი.
დღეს საქართველოს მნიშვნელოვანი შესაძლებლობების ფანჯარა გაეხსნა. ჩვენ აუცილებლად გამოვიყენებთ ამ შესაძლებლობებს, საქართველო აუცილებლად დაიმკვიდრებს ღირსეულ ადგილს ევროპულ პოლიტიკურ რუკაზე. ჩვენი ქვეყანა თავისი ისტორიით, ღირებულებებით, ქართველი ხალხის მხარდაჭერით აუცილებლად იმსახურებს ყოფნას ევროპულ ოჯახში!
Congratulations on the European Commission’s recommendation on granting Georgia a candidate status! Today, our path to the European Union has become even more irreversible, and I would like to congratulate our people on this important achievement. I would also like to thank the Georgian diplomatic corps of Georgia, my colleagues, all civil servants - without their dedicated and selfless work, this goal could hardly be achieved.
This recommendation marks a historic milestone in our pursuit of EU integration path!
It forms a solid basis for Georgia to officially become a candidate for EU membership by the end of the year.
By granting Georgia a European perspective last year, 27 member states of the European Union unanimously acknowledged that Georgia's place is among the European nations, and in the European Union.
This decision based on our country’s geopolitical importance paves the way for further strengthening Georgia as a European, democratic and free state.
Today's report is based on the progress Georgia has made on implementation of the European Commission’s 12 recommendations.
EU accession is a complicated and lengthy path. At the same, it is a merit-based process. Georgia will move step-by-step closer to the European Union - until reaching the full membership status.
Today's decision of the European Commission comes as a response to the European choice of our country, which has successfully navigated its path to democratic transformation and rapprochement with the European institutions! The European choice, which is not only political, but also civilizational choice, the national interest of our country and the centuries-old aspiration of our ancestors. It also comes as a response to the Georgian government’s strong will to do all in its power to advance the European integration of our country, as it is enshrined in the supreme law of Georgia - the Constitution.
Today’s decision opens up a window of important opportunities for Georgia. We will definitely use these opportunities, Georgia will definitely take its rightful place on the European political map. With its history and values, and with the support of the Georgian people, our country definitely deserves to be part of the European family!
