Kwakungeke kube nje

Kwakungeke kube nje Contact information, map and directions, contact form, opening hours, services, ratings, photos, videos and announcements from Kwakungeke kube nje, Library, Nkandla.

02/07/2020

Wamukelekile Ekhaya,izindaba ezimnandi ezakhayo,uncome mawungenamona,woza Nabangani bakho uzozifunde

14/04/2020

Kwakungeke kube nje part:2

Kokunye njalo uthuka eselibeke ngembala elokuthi usekhathele yena ukondlana nenye indoda ayicosha nonina. La mazwi avele amdide nje uQaphelani, engakuqondisisi Kahle okuchazwa nguyise.
"Awu, futhi madoda! Awubheke phela lesi siduphunga sengane yakho orhe Kade sihambile Wena MaMkhize! Ungathi bese sihleliphi nje ngoba singazi lidumephi nje?" Ebhoka ngolaka uSigidi' info kazungu.

Yize-ke emesabisa okwenyoka lo mfana,kodwa ngenxa yobuhlungu benhliziyo ekhathazekile, wazidela wona amathambo maqede wamqinisela amehlo, wabe esesho ngelimumethe inhlonipho nokho izwi.
"Kanti ubaba ngamdlelani Mina? Njalo nje usehlale elwa nami....."
"Hheyi Wena! Hheyi we mfana ndini...." Amnqake sekumexwayisa Esho esukuma emkhomba Kabi kungathi uzomundla luhlaZa. "Usuyajoqa Wena umthetho wakho? Uhamba kancane ube uthunyiwe! Uyabuya lapho uzoqagulisana ngamagama! Ucabanga ukuthi uyini Wena?
"Angilutho Mina baba, kodwa...."

Vala lo mlonyana wakho Mani! Kusakhuluma mina! Njengoba uthi kuliwa nawe nje usho ngoba ungaziboni Wena ukuthi usuyindoda? Engani kwakhona lokho. Kamuva nje usunenkani yesele,
Awuzwa Uma ngithi kuwe ngikhathele, kunalokho ukhetha ukwanda ngomlomo njengesiqabetho nje. Bese ufuna kuthiwe uyingane - ke njalo? Hhe? Ngiyabuza phela!"

Kulokhu kuphicwa yinkulumo amane azithulele nje uQaphelani Empeleni akungoba ayeselahlekelwa yinhlonipho. uQaphelani
Wayebazisa abantu abadala, into nje wayengasazi ukuthi yikuphi okumele akusho. Usesizakele-kele uSigidi.
"Uze ubone ukuthi udelela ngempela Wena mfana! Uchwensa impela nje, awudlali. Khona. Manje Kade ubawuza la ungidazela inkani. Uma sengibuza kufanele ngabe uyangiphoxa, usuyathula futhi. Ubani -ke ophenduka isithutha lapho? Akumina?"
"Cha baba, wukuthi bengisazokuchaze ukuthi Yini eyenza ukuba ngephuze ukubuya esitolo."

13/04/2020

Kwakungeke kube nje part1

I mpela ngabe uyisoka lamanyala Uma ufuze amankwebevu. Ezidakamizweni lezi eziningi kangaka esezibulele izwe,kodwa wona awashaywa mkhuba,

Bheka nje, nalaphaya kwelaseMangethe yiwo ayisihlava esigasele emzini mumbe wakwaZungu,maqede kwabonakala.Emndenini Lona inhlalakahle ayibonwa nangalokhalo.Ngingelokothe-ke ngiphathe eyokuhlubula kwabantwana emzimbeni.uQhaphelani yena kungathi akazalwanga, kepha wamane waziqhumela phansi kuhle kwekhowenje. Kuze kube ngconywana kuye udadewabo omncane uDeliwe,yena othuka ethengelwa okokwembatha. Abazali bazidlela wona amankwebevu,bese beklwebhana Wena owabona izinja namakati.

Ngamafuphi singasho kugcwale umlomo sithi yikho Kanye lokhu okuyimbangela yokukhula ngomcacamezelo kukaQaphelani. Useze waba neminyaka eyishumi nane ubudala elokhu ethwele kanzima Kubo. Ukhula nje unethambo,womelele,kalibonwa ifuth emzimbeni. Umkhapheyana Lona yibhungu elikhanyayo ngokwebala, linamanhlonhlo akhomba ingengelezi yomshashadu nxashane selikhulile.

Nakuba kwakunzimanyana-ke ukuphila kuye, kodwa usaqhuba Kahle kakhulu ezifundweni futhi ukhaliphile kakhulu ufunda ibanga lesishiyagalombili laphaya ésíkóléñí eNdondakusuka. Yisiqengqe soqobo ngonqobo. Yinye vo into esithanda ukumkhinyabeza,imephule umoya kwazise phela akasengane ekhasela eziko. Leyo-ke beku yimpilo ayiphila ngenxa yophuza oludakayo olwengame abazali bakhe. Engani uqhubeka nokufunda nje, akusekuhle neze kuyise uZungu. Usethi angaphuza aqale ukubalisa,ebeka nezaba zokuthi sekungakuhle yena Qaphelani ahoxe esikoleni manje ayofuna umsebenzi Ukuze amelekelele ekufezeni izidingo zekhaya.

Address

Nkandla
777748

Telephone

+27606130485

Website

Alerts

Be the first to know and let us send you an email when Kwakungeke kube nje posts news and promotions. Your email address will not be used for any other purpose, and you can unsubscribe at any time.

Shortcuts

Share

Category