17/06/2026
BERGFIETSRY 🚲
Ons nooi alle Hoërskool Swartland-leerders en bergfietsryers om op Saterdag, 20 Junie, van 09:00 tot 11:00, deel te neem aan ons Interskole Champs.
📍 Waar: Le Tour De Rock-roete (oorkant die B-rugbyveld se hek).
Die top 8 seuns en top 2 dogters sal gekies word om Hoërskool Swartland tydens die Interskole Bergfietsbyeenkoms teen Hugenote te verteenwoordig.
Inligting oor Interskole Bergfiets:
- Maandag, 10 Augustus 2026 om 14:00
Die Interskole Bergfietsbyeenkoms is minder as 60 dae weg!
Hoe gaan dit werk?
👉 Daar sal in gemengde spanne deelgeneem word.
👉 Twee spanne sal gekies word:
Span A (5 ryers)
Span B (5 ryers)
👉 Slegs ryers in span A en span B verdien punte vir die amptelike uitslae.
👉 HSS A ry teen HHS A en HSS B teen HHS B.
👉 Die puntestelsel werk as volg:
1ste plek = 10 punte
2de plek = 9 punte
ensovoorts
10de plek = 1 punt
👉 Die skool met die meeste punte aan die einde van die dag word as die Interskole MTB-wenner aangewys.
👉 Ons benodig twee dogters, een in span A en een in span B. Ons moedig alle dogters aan om hierdie geleentheid aan te gryp en deel van die MTB-span te word!
👉 Om ons top 10 ryers te bepaal, hou ons op 20 Junie 'n uitdun-kompetisie waar ryers 2 rondtes voltooi. Op grond van hierdie uitslae, sal span A en span B saamgestel word.
👉 Almal is welkom om deel te neem aan die FUN RIDE. Hierdie afdeling tel nie vir spanpunte nie, maar pryse sal toegeken word aan die 1ste, 2de en 3de plekke vir seuns en meisies.
Formaat:
🔹 Afstand per rondte: 4 km
🔹 Fun Ride: 3 rondtes
🔹 Span B: 3 rondtes
🔹 Span A: 4 rondtes
Oefen hard! Span A en span B sal teen 31 Julie aangekondig word.
Vir enige navrae, kontak:
Henk Bothma: 082 526 3585
