05/02/2020
Ubom endabuphilayo ngexesha lobuntwana bam nangexesha lobuncinane bam ndandivika nalapho kungamelanga ndivike khona ndandiphila ubom bentshontsho kukhetsha,
Ndaqina ndazomeleza sekunzima abazali bam bebila besoma belala obungehliyo ubuthongo bevuka nasezinzulwini zobusuku, ndavuka ebusuku ndibona okungabonwayo ngamehlo ngabanye abantu nokuba ndingaxola kodwa asoze ndilibale ngobom bam,
Ndandilila ndizosula iinyembezi emehlweni am, lavakala ixhego lam elindizalayo lisithi mfo wam ukuba uthixo uyandohlwaya makandincede angandohlwayi ngawe makohlwaye mna ndingumzali wakho ak*mnandanga ukubona ugula,
Ukuba uyakuthatha uthixo mntwanam makakuthathe sonke apha endlini sikubonile ugulile,
Umama wam ondizalayo wabambe iinyembezi ntenkophe ezama ukuqinisa isibindi kodwa ngoba inimba iyasika, nokuba ndingaxola kodwa asoze ndilibale ngobom bam,
Kwakubuhlungu kubantakwethu nam kwelam icala ndandihlala ndincumile ngokunga ndiphilile ndibanika elothemba lungekhoyo kuba bonke babesele belahle ithemba
Kaloku kwakusele kubikwa imbila kubikwa ubusi kwakbazincwina lakutshona ilanga kungaziwa nokuba kuzawusa ndisaphefumla na , asoze ndilibale nokuba ndingaxola ngobom bam,
Kaloku ndandisele ndingumlwelwe mna kwasekusele nje amathambo ombathiswe ngefele kwasekubonakala nalapho kuhlangana khona amathambo omzimba nembambo zazibaleka
Yaphakama ingwevu endizalayo yasemampondweni nengwevukazi yasemabheleni bathatha iintonga bayokukhangela umhlola apho ukhoyo koosiyazi bafika koosiyazi bebhula besela, kwabe ke k*m kusombulwa kusombeswa ndandincwina okosana eliphethwe nganahlaba,
Bawaphosa phantsi amathambo osiyazi bawukhomba umhlola mna ke ngeloxesha ndandingasazi nokuba kuyasa nokuba liyatshona na ilanga ndathula ndathi cwaka kuba ndandimamele intlungu nentlupheko nembilini engaphakathi entliziyweni yam
Soze ndilibale ngobom bam nokuba ndingaxola
