Siphelele Mbalane: Ikumkani Yosiba

Siphelele Mbalane: Ikumkani Yosiba To express and publish my Poems to people

25/03/2020

ICORONA

Oh laphela ihlabathi silijongile
Ndibhidekile ndimelwe yimamalatile
Nanku umdungadungi walempilo
Nantsi inkintsela yomoya isihlab'umxhelo
Yhini na ungenelele sombawo
Yini na usithethelele kwesi siphilayo isihogo
Sifike ngamendu sogqitha noGawulayo
Khawuphendule nyange laphezulu ayondlalo

Oh ndikuqalekisile Corona
Simaxhwapheshu sibila sisoma
Sixakiwe siyaxhamazela sixela oxam bephaxulana
Kuba ufike wema ngxi wena Corona
Oh kodwa usenzile China
Ngokusiphathela oku kunje ukufa
Zenithandaze ningadlali bethu kuba ayilophupha
Silungiselele imini zethu zokubhubha
Kuba akho mkhondo akho Chiza
Oh Corona yintoni na
Kanti kulomhlaba koze kubenini na
Kazi elilizwe liyaphi na
Ngumdali kodwa owaziyo
Oh kodwa kazi iyawuzala nkomoni na

ICORONA😓😓💔

SipSiphelele Mbalane: Ikumkani YosibaaSiphelele Mbalane: Ikumkani YosibaSiphelele Mbalane: Ikumkani YosibauSiphelele Mbalane: Ikumkani YosibasSiphelele Mbalane: Ikumkani Yosiba

19/02/2020

ANDINABANI😢💔

Ndingumpha ochutywe walahlwa
Kulomadlelo ndiyinkomo edla yodwa
Ndizimele geqe kulomahlathi amnyama
Ndiyalaqalaqaza okwemfene isiba inyama
Kubuhlungu intoko kucinga kuba lomhlaba uyahlaba

Oh kaloku andinabani
Akhomntu undinika themba ndingumlwelwe
Kubuhlungu entliziyweni kurhawuzela nenwele
Ndinje ngentombi yenciyo eyaphulwe ibele
Ndityiwa zinkqwithela zobomi kubuhlungu nezidlele
Ohh kodwa madoda ubomi endibuphilayo bunkenenkene
Endinothi ndakubalisela ndikushiye uthe nkebe

Oh andinabani
Kubuhlungu ngaphakathi luthando
Ndihambile ebomini andilutholi uthando
Ndicelile ebantwini andiluboni ubambo
Ndinje ngenja ehamba ifuna ithambo
Liyampompoza igazi entliziyweni yam okwamanzi omthombo
Kodwa akunani kuba ndizawude ndiwuthole wona umkhondo

ANDINABANI😢💔

By:SipheleleMbalane:IkumkaniYosiba

27/08/2019

Ndisekhona

10/07/2019

MADLAMINI🌻🌼💝

Ah! Z**i elimnyama neeNkomo zalo
Oh yayiligqiyazana olwaqulathe uthando
Wayesisibusiso samaNyange noSombawo
Yayingumsunguli weengxaki zasekhaya eyiMbokodo
Oh ndaze ndakuva kufa ndini
Ukundithathela elokqala nelokugqibela ithemba
Yini na ukundivula eyona yake yabuhlungu intanda
Kuthi mandibophe awam amatyathanga
Ndihambe ndiye kobawomkhulu ndakukucinga
Umfanekiso wakho engqondweni yam ndiyakuhlala ndiwuzoba
Entliziyweni yam uyohlezi ungowokuqala
Kobam ubomi ndiyohleze ndikuhlonipha
Oh Inzwakazi eyayinomkhitha
Indlovukazi eyayintle icwengile ibubuncwane bezulu
Umgcinele ngakuwe Nyange laphezulu
Umpefumlo wakhe alale ukuthula kwezongilosi zeZulu
Usikhusele Nozala nguwe ithemba
Usange ngomoya ongcwele kuba lomhlaba uyahlaba
Oh zinkumbulo nje zodwa Ntombentsundu
Zinkumbulo zodwa Z**i elimnyama

MADLAMINI💝🌼💗

By: Siphelele Mbalane :uKumkani Yosiba

29/06/2019

umibongo yesxhosa , yesizulu kunye nesilungu (English)

27/06/2019

EMHLABENI

Inyembelekile!!
Oh apha kusemhlabeni
Zonke izinto zihlab'emxhelweni
Ziyohlula ziyabhida engqondweni
Ziyaxhuzula njengegusha ihlatywa emnqonqweni
Kubebuhlungu Inga ungama emoyeni
Kubebuhlungu ngathi urhawuke eboyeni
Zibuhlungu azipheli ezalapha ebomini
Oh kaloku apha Kusemhlabeni
Kubuhlungu maXhosa lomhlaba uyahlaba
Kuba kaloku unamagade ahlabayo
Utsho uwe bhaxa okomhlaba othambekayo
Lomhlaba ufuna umntu othandazayo
Sihlale simbumbane okwabantu abathandanayo
Nam ndisaphila kulomhlaba ngentanto ka Sombawo
Kodwa lomhlaba ubuhlungu kuba unamagade ahlabayo
Mandehle ndizithobe kuwe Bawo
Noko! Noko! Kwanele

EMHLABENI

BY:Siphelele Mbalane:Ikumkani Yosiba

😏

21/06/2019

0621168225

09/06/2019

TARHU BAWO KWANELE

Kanti lomhlaba uyaphi na?
Kanti elilizwe lophelelaphi na?
Tarhu Bawo kwanele
Sihlezi siguqa ngedolo like moya somelele
Kunini kulomhlaba sinyamezele
Sijonga empuma uyotsho entshona sixela imamalatile
Siyacela Bawo esithandazele
Kuba lempilo siyiphilayo inkene-nkene
Tarhu Bawo kwanele
Kunini sisiva izijwili zonozala ngelahleko yabantwana besisizwe
Kunini lichitheka igazi labantwana abancinci kwelilizwe
Oh Yini na Sombawo ndicela undive
Yintlungu le sintyumpeka kuyo
Kaloku iyasika inimba kubazali ngenxa yelahleko yabantwana babo
Kuba umntwana sisibusiso kwaye lubambo
Yini na Nyange eliphezulu uke usibuyisele embo
Kanti kulomhlaba koze kubenini na kunje
Oh bendingayazi ukuba ubomi buke bubenje
Liyinyani elithi isitya esihle asidleli
Abantwana kulemihla balandulela ngoku landulela
Ngenxa yentlungu abangakwazi ukuzimela
Kodwa ndithi kumakhaya alahlekelweyo makalale ngenxeba
Aluhlanga lungehlanga
Ndim iKumkani yenu Yosiba
Ndithi Tarhu!! Bawo kwanele.😪😪💔💔💔⛪

05/06/2019

UNOBUHLE

Ah! Bhadelakazi
Yayiyintyatyambo makwedini ibubuncwane
Yayingu vala emhle inene
Athi xa ehamba apitshozise esosinqa ezimisele
Ndandithi ndakumjonga iinyembezi zizehlele
Ndingakwazi nokuthula kubemanzi nezidlele
Inene maXhosa ilizwe liyintombazana
Oh yini na NoBuhle
Wayeligqiyazana elihle
Wayeyinzwakazi emhlophe
Ithandeka kwaye ithobekile
Oh liyinyani elithi iZulu limthatha umntana omhle
Yini na Bhaledakazi yini na NoBuhle
Wabuleqa kangaka ubomi bakho yini na ntombentle
Ndanditsho ndisithi sizakutshata
Kanti kuwe ndiyazi qhatha
Kanti NoBuhle ndenzani na
Lento uzakundiphatha oluhlobo
Ndithi xandilele iinyembezi zinqumle umbombo
Ndandizakuguqa ngedolo ndikutshate
Kanti andiyazi ukuba wena ulikhiwane
Oh kodwa yini na NoBuhle
Yini na Ntombentle

UNOBUHLE

BY: Siphelele Mbalane: Ikumkani Yosiba

28/05/2019

UNobuhle coming soon..😊

25/05/2019

UBUDODA

Ah! Qulanani makwedini!
Maxhosa mandiwothule lomnqwazi
Ndilungise eyosiba intsizi
Ndimaxhwapheshu ndibile nebunzi
Kaloku apho kukho indoda kukho umhluzi
Oh UbuDoda
Ayondlwan'iyanetha le ibubudoda
Ogqithe kuba unako ukuzingomba isifuba
Ngoba kaloku yona yombeswe ngengubo yeZinyanya
Yathanjiswa ngothando lobawo mkhulu
Ubudoda bunamahla ndenyuka kwaye bunzulu
Kunamaxesha kubekrakra kwaye kubebhlungu
Kuba kaloku indoda itya ukubila kwebunzi layo
Yini na UbuDoda
Ndizingomba isifuba kuba ndiyindoda
Ndithi halala kumanye amadoda
Kuba kaloku ukuba yiyo kunzima ngongathi unyuka umda
Kukude apho siyakhona madoda isengu mnqantsa
Mandixoxe ndigxume entla madoda
Ndim Ikumkani yenu Yosiba

UBUDODA

By:Siphelele Mbalane: Ikumkani Yosiba

Address

Mqanduli
Ikwezi

Telephone

+27732572331

Website

Alerts

Be the first to know and let us send you an email when Siphelele Mbalane: Ikumkani Yosiba posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Siphelele Mbalane: Ikumkani Yosiba:

Shortcuts

Share

Category