Blood for Life 熱血使命 (HK Red Cross BTS 香港紅十字會輸血服務中心)

Blood for Life 熱血使命 (HK Red Cross BTS 香港紅十字會輸血服務中心) Contact information, map and directions, contact form, opening hours, services, ratings, photos, videos and announcements from Blood for Life 熱血使命 (HK Red Cross BTS 香港紅十字會輸血服務中心), 15 King's Park Rise, near Wylie Road, Yau Ma Tei.

香港紅十字會自1952年起推動無償捐血，是本港唯一收集及提供血液予醫院使用的機構。RCBTS, promoting voluntary blood donation since 1952, is the only institution that collects & provides blood products to hospitals in HK. 如您完全符合以下條件......

(1) 健康良好
(2) 體重超過41千克(即90磅或以上)
(3) 年齡介乎16至65歲

莫再猶豫，請即加入成為捐血新力軍！

請注意：

· 輸血服務中心為保障捐血者及受血病人，必須嚴格執行捐血者篩選（包括健康諮詢、血紅素及血壓測試等），並只接受通過篩選的人士捐血。
· 66歲或以上之捐血者，如於過去兩年內曾成功捐血，並通過中心醫生的年度健康評估，便可繼續捐血至75歲。
· 十六至十七歲之青少年須相隔不少於150天才可捐一次，每年宜捐二次，在第一次捐血前須先徵得家長簽署同意書；成年（十八歲或以上）男士須相隔不少於75天才可捐血一次，每年宜捐四次；而成年女士則須相隔不少於105天，每年宜捐三次。
· 捐血者如想自己計算何時可再捐血，可直接瀏覽中心的捐血者網上系統（https://blooddonor.ha.org.hk/）。

【捐血馬拉松，用愛接力🏃🏻‍♂️‍➡️🏃🏻‍♀️‍➡️嘟 it now！📢】 九月，又係莘莘學子開學嘅日子💪🏻同學仔除咗要記得申請學生八達通之外，你哋仲可以幫你嘅八達通換新衫💡💡💡 今次香港紅十字會輸血服務中心推出嘅卡面主題係「Young ...
14/09/2026

【捐血馬拉松，用愛接力🏃🏻‍♂️‍➡️🏃🏻‍♀️‍➡️嘟 it now！📢】

九月，又係莘莘學子開學嘅日子💪🏻
同學仔除咗要記得申請學生八達通之外，你哋仲可以幫你嘅八達通換新衫💡💡💡

今次香港紅十字會輸血服務中心推出嘅卡面主題係「Young Blood Assemble新血接力」🏃🏻‍♀️‍➡️🏃🏻‍♂️‍➡️
因為我哋仲想提提各位同學：記得參加校園捐血呀🔥🔥🔥

校園捐血活動即將喺9月走進中學及大專院校。歡迎加入捐血接力，成為救人團隊新成員❤️

呢個新卡面而家都可以喺八達通卡面商店*免費下載喇～📢
👉 https://app.octopus.com.hk/cardArt/details/HKRC002

#八達通 #手機八達通 #八達通卡面商店 #世界捐血者日 #香港紅十字會輸血服務中心 #新血接力

*卡面功能只適用於八達通在iPhone及Apple Watch，及Android版八達通之成人及個人手機八達通。

新學年啱啱開始📚唔知大家習慣精彩嘅校園生活未呢✨ 中心每年都會到訪唔同嘅校園進行流動捐血活動🏫對好多捐血者嚟講，校園係佢哋第一次挽袖捐血嘅地方🩸而呢位熱血教師都唔例外！中學時第一次捐血，就係因為老師嘅鼓勵。由第一次伸出手臂開始，慢慢成為恆常...
13/09/2026

新學年啱啱開始📚唔知大家習慣精彩嘅校園生活未呢✨

中心每年都會到訪唔同嘅校園進行流動捐血活動🏫
對好多捐血者嚟講，校園係佢哋第一次挽袖捐血嘅地方🩸

而呢位熱血教師都唔例外！中學時第一次捐血，就係因為老師嘅鼓勵。由第一次伸出手臂開始，慢慢成為恆常捐血者，而家更到達第55次捐血嘅里程碑👏🏻

由學生變成老師，身份變咗，但呢份熱血一直冇變。

對老師嚟講，捐血除咗係幫助別人，亦係一個身體力行嘅機會，喺課堂外教導學生，示範用行動關心別人、回饋社會🫶🏻

每年，老師都會邀請中心去佢工作嘅學校舉行捐血活動，亦會積極鼓勵同學參與，將呢份心意傳落去❤️

由老師鼓勵佢捐出第一包血，到今日佢鼓勵下一代伸出手臂。佢話薪火相傳，或者就係咁簡單💪🏻

#捐血救人 #伸出援手 #捐一次血救三個人 #恆常捐血 #香港紅十字會輸血服務中心

你有冇諗過，點解輸血一定要嚴格分血型？🩸因為要確保輸血安全！🛡️ 中心會嚴格檢測血型，為捐血者嘅血型分類。每一包血製品上面，都會有清晰嘅血型標籤👀 血液裡面，會有唔同表面抗面。血型系統，就係以唔同紅血球抗原分類。如果輸錯唔相容嘅血液，嚴重嘅...
12/09/2026

你有冇諗過，點解輸血一定要嚴格分血型？🩸
因為要確保輸血安全！🛡️

中心會嚴格檢測血型，為捐血者嘅血型分類。
每一包血製品上面，都會有清晰嘅血型標籤👀

血液裡面，會有唔同表面抗面。
血型系統，就係以唔同紅血球抗原分類。
如果輸錯唔相容嘅血液，嚴重嘅可能導致死亡😐

O型血嘅紅血球，之所以被稱之為「萬用血」，正因為佢嘅紅血球無表面抗原，所以可以輸畀任何ABO血型組別嘅病人（即係A型、B型、O型、AB型都得）。
而一啲較罕有嘅血型，要靠相同血型嘅人士捐出嘅血，先可以進行臨床治療。

#捐血救人 #伸出援手 #捐一次血救三個人 #恆常捐血 #香港紅十字會輸血服務中心

感謝各位熱血英雄上星期一呼百應，為血庫同病人伸出援手🙌🏻正因為有大家嘅無私支持，需要輸血嘅病人先可以獲得適切嘅治療，重新獲得力量❤️‍🩹你哋捐出嘅每一包血液，對病人嚟講都係最珍貴、最溫暖嘅生命之禮🎁呢個週末，不如約埋身邊嘅朋友一齊嚟捐血啦！...
11/09/2026

感謝各位熱血英雄上星期一呼百應，為血庫同病人伸出援手🙌🏻

正因為有大家嘅無私支持，需要輸血嘅病人先可以獲得適切嘅治療，重新獲得力量❤️‍🩹

你哋捐出嘅每一包血液，對病人嚟講都係最珍貴、最溫暖嘅生命之禮🎁

呢個週末，不如約埋身邊嘅朋友一齊嚟捐血啦！
約定你，到時見🩸

#捐血救人 #伸出援手 #捐一次血救三個人 #恆常捐血 #香港紅十字會輸血服務中心

嚟緊流動捐血隊同捐血車，將會去到九龍城、九龍灣同尖沙咀為您服務❤️🩸記住以下時間，約埋身邊嘅人一齊為病人送上熱血嘅祝福啦🙌🏻🩸流動捐血隊服務詳情📍九龍城浸信會地址：九龍馬頭圍亞皆老街206號 (8樓禮堂)日期：2026年9月13日服務時間：...
10/09/2026

嚟緊流動捐血隊同捐血車，將會去到九龍城、九龍灣同尖沙咀為您服務❤️🩸
記住以下時間，約埋身邊嘅人一齊為病人送上熱血嘅祝福啦🙌🏻

🩸流動捐血隊服務詳情
📍九龍城浸信會
地址：九龍馬頭圍亞皆老街206號 (8樓禮堂)
日期：2026年9月13日
服務時間：10:00 - 16:00

📍宏天廣場
地址：九龍灣宏光道39號宏天廣場(地下大堂)
日期：2026年9月17日
服務時間：10:00 - 17:00

📍企業廣場三期
地址：九龍灣宏照道39號1樓大堂
日期：2026年9月18日
服務時間：10:00 - 17:00

🚍流動捐血車服務詳情

📍尖沙咀麼地道
地址：尖沙咀麼地道66號尖沙咀中心對出避車處
日期：2026年9月14-16日
服務時間：12:00 - 19:00
預約熱線：9020 2455

捐一次血，救三個人💪🏻 捐血見～

#捐血救人 #伸出援手 #捐一次血救三個人 #恆常捐血 #香港紅十字會輸血服務中心

新血召集！🩸 一個人捐血，係做好事❤️約埋朋友一齊捐，就係好事成雙喇👯‍♀️👯‍♀️即日起至12月31日期間，經HK Blood邀請親朋好友一齊加入熱血團隊，仲可以賺取更多積分✨🔥積分加碼攻略1. 現行捐血者用HK Blood邀請朋友捐血📱...
08/09/2026

新血召集！🩸 一個人捐血，係做好事❤️
約埋朋友一齊捐，就係好事成雙喇👯‍♀️👯‍♀️

即日起至12月31日期間，經HK Blood邀請親朋好友一齊加入熱血團隊，仲可以賺取更多積分✨

🔥積分加碼攻略
1. 現行捐血者用HK Blood邀請朋友捐血📱🩸
積分由原本2分加碼至4分，直接double！✌🏻

2. 新捐血者成功捐血🩸再成功註冊 HK Blood📱
可額外獲得6分「賞‧捐血」積分，即係捐一次血就可以獲得11分！🔥

好事一個人做得，兩個人一齊做更加正！
快啲開 App 邀請未捐過血嘅朋友成為新血～一齊捐血、一齊儲分啦～🙌🏻

想知有咩紀念品可供換領，快啲下載HK Blood App，體驗全新介面同「賞‧捐血」積分獎勵計劃喇：https://www5.ha.org.hk/rcbts/mobile-app

歡迎瀏覽以下網址了解更多：https://www5.ha.org.hk/rcbts/hkblood

📱下載手機應用程式HK Blood：https://www5.ha.org.hk/rcbts/mobile-app

#捐血者有禮 #捐血救人 #伸出援手 #捐一次血救三個人 #恆常捐血 #香港紅十字會輸血服務中心

07/09/2026

【首次捐血限定🎁｜踏出第一步 拎走限定紀念品！☝🏻🩸】

想挑戰自己又能救人？今次就係最好嘅時機！
為咗感謝大家勇敢踏出第一步，中心特別準備咗限定迎新禮物畀每一位「第一次捐血」嘅你！

「捐血隊長 Captain BLOOD 環保餐具套裝」✨
🌟超實用設計：輕巧易帶，餐墊設有 3 個固定位，餐具唔會亂跌！
🌟精美插畫：餐墊上印有血液處理過程，食飯同時學到新知識～
🌟專屬成就感：每次用佢，都係提醒自己曾經成功挑戰自己、救人一命嘅專屬紀念💪🏻

你捐出嘅每一包熱血，都承載住延續他人生命嘅希望。用熱血守護另一個家庭，呢份意義同滿足感，絕對超乎想像！

點樣領取？即睇下面詳情👇

＊＊＊＊＊＊＊＊＊＊＊＊＊＊
【第一次捐血者迎新計劃】

首次捐血者成功捐血，即可獲贈「捐血隊長 Captain BLOOD 環保餐具套裝」一套。數量有限，送完即止。

🔥積分加碼攻略

9月8日至12月31日期間，經HK Blood邀請親朋好友一齊加入熱血團隊，仲可以賺取更多積分✨

1. 現行捐血者用HK Blood邀請朋友成功捐血📱🩸
積分由原本2分加碼至4分，直接double！✌🏻

2. 新捐血者成功捐血🩸再成功註冊 HK Blood📱
可額外獲得6分「賞‧捐血」積分，即係捐一次血就可以獲得11分！🔥

#捐血者有禮 #捐血救人 #伸出援手 #捐一次血救三個人 #恆常捐血 #香港紅十字會輸血服務中心

伊利沙伯醫院內科嘅梁滿濠醫生👨🏻‍⚕️一直都係我哋嘅熱血常客✨ 即使平日工作繁忙，梁醫生都會抽出寶貴嘅工餘時間定期捐血，咁多年嚟一直堅持用行動默默支持血庫，確保病人有足夠嘅血液使用🩸 梁醫生嘅捐血旅程嚟到第75章，想救人嘅初心一直都無變 🫶...
06/09/2026

伊利沙伯醫院內科嘅梁滿濠醫生👨🏻‍⚕️一直都係我哋嘅熱血常客✨

即使平日工作繁忙，梁醫生都會抽出寶貴嘅工餘時間定期捐血，咁多年嚟一直堅持用行動默默支持血庫，確保病人有足夠嘅血液使用🩸

梁醫生嘅捐血旅程嚟到第75章，想救人嘅初心一直都無變 🫶🏻 身為醫生，佢每日喺醫院守護生命，卸下白袍，亦繼續用自己嘅一分力幫助有需要嘅人💪🏻

75次，唔只係一個數字，而係75次用行動傳遞嘅生命力量❤️

感謝各位熱血英雄，為病人挽起衣袖捐出熱血🩸喺捐血嘅數十分鐘，大家捐出嘅數百毫升熱血，就能夠為三個家庭帶來希望同曙光✨ 千祈唔好睇少自己嘅能力，只要大家行多一步，就可以合力為無數家庭送上祝福每包血液都得來不易，正因為有各位默默付出，先可以令病...
05/09/2026

感謝各位熱血英雄，為病人挽起衣袖捐出熱血🩸
喺捐血嘅數十分鐘，大家捐出嘅數百毫升熱血，就能夠為三個家庭帶來希望同曙光✨

千祈唔好睇少自己嘅能力，只要大家行多一步，就可以合力為無數家庭送上祝福
每包血液都得來不易，正因為有各位默默付出，先可以令病人得到援助💪🏻

為咗幫到更多有需要嘅人，從今日起一齊加入「捐血救人」行列喇！❤️‍🔥
約定大家捐血見！🩸

S _ V E L I V E S 缺咗嘅「A」，就係你！ 🚨到期捐血或者符合捐血條件嘅市民，誠邀你前來幫手補充血庫。尤其係A型血嘅朋友，目前A型血存量不足。中心需要你哋幫忙補充存量，確保醫院有足夠血液幫助病人！為感謝你哋嘅熱血支持，今次...
04/09/2026

S _ V E L I V E S 缺咗嘅「A」，就係你！ 🚨

到期捐血或者符合捐血條件嘅市民，誠邀你前來幫手補充血庫。尤其係A型血嘅朋友，目前A型血存量不足。中心需要你哋幫忙補充存量，確保醫院有足夠血液幫助病人！

為感謝你哋嘅熱血支持，今次仲有 A-mazing 加碼獎勵！⚡️

【 限定推廣加推至11/9🩸】

即日起至9月11日，A型(A+)血捐血者成功捐血，不論係喺捐血站或任何流動捐血點捐血，可額外獲得3分「賞‧捐血」積分，即係捐一次捐血就可以獲得 #8分～

積分儲得越多，就有更多精美紀念品可供選擇，快啲嚟捐血救人喇！

想知有咩紀念品可供換領，快啲下載HK Blood App，體驗全新介面同「賞‧捐血」積分獎勵計劃喇：https://www5.ha.org.hk/rcbts/mobile-app

歡迎瀏覽以下網址了解更多：https://www5.ha.org.hk/rcbts/hkblood

📱下載手機應用程式HK Blood：https://www5.ha.org.hk/rcbts/mobile-app

#捐血者有禮 #捐血救人 #伸出援手 #捐一次血救三個人 #恆常捐血 #香港紅十字會輸血服務中心

Address

15 King's Park Rise, Near Wylie Road
Yau Ma Tei

Website

Alerts

Be the first to know and let us send you an email when Blood for Life 熱血使命 (HK Red Cross BTS 香港紅十字會輸血服務中心) posts news and promotions. Your email address will not be used for any other purpose, and you can unsubscribe at any time.

Shortcuts

Share