Barangay Sta. Cruz

05/10/2026

📢 PAHIWATIG / ANUNSYON MULA SA BARANGAY 📢
PAKIUSAP SA MGA NAKAKAKILALA O PAMILYA

Ipinagbibigay-alam po sa publiko na pinalagak (turn-over) ni Chairman Lozada ng Lower West Kamias ang isang nakatatandang babae na nakita sa kanilang lugar matapos itong mailigtas dahil muntik nang masagasaan.

Pangalan (ayon sa kanya): CRISTINA MAGALLANO ISAGA

Impormasyon: Ito lamang po ang natatandaan niyang detalye sa ngayon. Siya po ay kasalukuyang ligtas at maayos na nababantayan.

Kung may nakakakilala po sa kanya o nakakaalam kung nasaan ang kanyang pamilya o kamag-anak, pakiusap po na makipag-ugnayan agad sa ating BPSO sa numerong:

📞 (0961) 513 4557

Maaari din po kayong mag-iwan ng mensahe sa pahinang ito.

Maraming salamat po sa inyong tulong at pakikiisa upang matulungan natin siyang makabalik nang ligtas sa kanyang pamilya. Paki-share na rin po para mabilis na makarating sa kanyang mga kamag-anak.

Kapitan Bebot Tenorio
At Sangguniang Barangay

04/10/2026

✏️ SA MGA KAMAY NA HUMUBOG NG ATING MGA PANGARAP... SALAMAT PO, TEACHER! ❤️

Ang edukasyon ang pinakamalakas na sandata upang mabago ang mundo, at ang mga g**o ang nagsisilbing ilaw sa ating paglalakbay.

Mula sa unang pagsulat ng ating pangalan hanggang sa pag-abot ng ating mga pangarap—isang g**o ang naging gabay natin. 🌟

Sa araw na ito, buong pagmamalaking nagpupugay sina Kap. Bebot Tenorio, ang Sangguniang Barangay, at SK Sta. Cruz sa lahat ng mga g**ong walang sawang nagmamahal, nagtuturo, at nagsasakripisyo para sa ating mga kabataan! 👨‍🏫👩‍🏫

Isang mainit at taos-pusong pagbati ng HAPPY TEACHERS' DAY sa lahat ng ating mga mahal na g**o, partikular na sa mga nagtuturo at naglilingkod sa ating lokalidad at sa buong Lungsod ng Antipolo Lalo na Sa Barangay Sta.Cruz!

Sa araw na ito, nais po namin kayong bigyang-pugay at pasalamatan. Hindi lamang po pagtuturo ng leksyon sa loob ng silid-aralan ang inyong ginagawa—kayo rin ay nagiging pangalawang magulang, gabay, at ehemplo ng ating mga kabataan. Ang inyong tiyaga, sakripisyo, at pagmamahal sa propesyon ang humuhubog sa mga susunod na pinuno at mamamayan ng ating lipunan.

Kaisa ang Sangguniang Barangay at Sangguniang Kabataan ng Barangay Sta. Cruz sa pagkilala sa inyong napakahalagang papel sa pagbuo ng isang matatag at maunlad na komunidad.

Makakaasa po kayo na ang ating pamahalaang barangay ay patuloy na susuporta sa inyong mga programa para sa edukasyon at kapakanan ng ating mga mag-aaral at g**o.

Maraming, maraming salamat po sa inyong walang kapantay na dedikasyon! Nawa'y patuloy kayong pagpalain ng Panginoon ng kalusugan, lakas, at kagalakan sa inyong puso.

HAPPY TEACHERS' DAY PO SA INYONG LAHAT! 🎉
Mag-iwan ng inyong "Thank You Message" para sa paborito ninyong g**o sa comment section! 👇❤️

Kapitan Bebot Tenorio
At Sangguniang Barangay

02/10/2026

🚨 BUY-BUST OPERATION SA SITIO SEÑORA DELA PAZ GATE, MATAGUMPAY NA NAISAGAWA! 🚨

Ipinapaabot ng Pamahalaang Barangay sa pamumuno ni Punong Barangay Kap. Bebot Tenorio at ng buong Sangguniang Barangay ang mataas na pagkilala at pagpupugay sa mga tauhan ng Antipolo Component City Police Station sa ilalim ng pamumuno ni PLTCOL MARK HENRY A. GARCIA, Acting Chief of Police.

Ngayong gabi, matagumpay na naisagawa ng ating kapulisan ang isang mobile buy-bust operation sa Sitio Señora Dela Paz Gate na nagresulta sa pagkakahuli ng mga suspek at pagkakakumpiska ng mga sachet ng hinalaang shabu, buy-bust money, at iba pang paraphernalia.

Upang tiyakin ang katapatan, patas na proseso, at transparency ng operasyon alinsunod sa batas, personal na nagtungo sa lugar at tumayong opisyal na Saksi (Witness) si Kap. Bebot Tenorio sa mismong pag-iimbentaryo ng mga nakuhang ebidensya.

Mismo tayong bumaba ngayong gabi upang magsilbing saksi at tiyakin na nasusunod ang tamang proseso. Malinaw ang ating paninindigan: walang puwang ang iligal na droga sa ating barangay.

Maraming salamat sa Antipolo PNP sa mabilis at epektibong aksyon! Sa pagtutulungan ng pamahalaan at mamamayan, mananatiling ligtas at tahimik ang ating komunidad.

Kapitan Bebot Tenorio
At Sangguniang Barangay

02/10/2026

PUBLIC TRAFFIC ADVISORY: FPLA WELLNESS RUN🚨

PARA SA MGA BIYAHERO, PASAHERO, AT MGA DRAYBER

Magkakaroon po ng FPLA Wellness Run sa Linggo (October 4, 2026) mula 4:00 AM hanggang 8:00 AM sa kahabaan ng Sumulong Highway! 🏃‍♂️

Ipinagbibigay-alam sa publiko na magkakaroon ng panandaliang pagbagal ng daloy ng trapiko at pagpapatupad ng temporary traffic adjustment sa kahabaan ng Sumulong Highway para sa gaganaping FPLA Wellness Run (5K & 10K Route).

📌 MGA DETALYE NG PROGRAMA

Araw at Oras: Magsisimula sa ganap na 4:00 AM hanggang 8:00 AM

Apektadong Kalsada: Sumulong Highway, Antipolo City
Tema ng Takbo: Stride for Success | Healthier • Stronger • Together

🏃 RUTA NG TAKBO (RUN ROUTES)

Start / Finish Line: First Pacific Leadership Academy (FPLA), Sumulong Highway, Antipolo City, Rizal.

5K Route U-Turn Point: Gerry's Grill, Sumulong Highway
10K Route U-Turn Point: College of San Benildo-Rizal

⚠️ PAALAALA AT TAGUBILIN SA PUBLIKO

1. Maghanap ng Alternatibong Daan: Pinapayuhan ang lahat ng mga drayber, pribado man o pampublikong sasakyan, pati na rin ang mga commuter na gumamit muna ng ibang ruta habang isinasagawa ang programa mula 4:00 AM hanggang 8:00 AM upang hindi maabala sa biyahe.

2. Mag-alala sa Oras ng Biyahe: Sa mga may mahalagang pakay o patutunguhan sa mga oras na ito, iminumungkahi na umalis nang mas maaga kaysa sa karaniwang oras ng inyong biyahe.

3. Sundin ang Traffic Enforcers: Mangyaring sumunod sa mga babalang nakatayo sa kalsada at sa panuto ng mga nakatalagang Barangay Public Safety Officers (BPSO), Traffic Enforcers, OPSS at organizers sa paligid ng ruta para sa kaligtasan ng lahat.

4. Mag-ingat sa Pagmamaneho: Magdahan-dahan sa pagpapatakbo at maging alerto sa mga tumatakbong kalahok (runners) sa kahabaan ng Sumulong Highway.

Inihihingi po namin ng paumanhin ang anumang abala na maidudulot nito sa inyong pagbiyahe at taos-pusong nagpapasalamat ang pamunuan sa inyong buong pag-unawa at kooperasyon.

28/09/2026

🥋🔥 TUMINDIG, LUMABAN, NAGWAGI! MGA ATLETA NG BARANGAY, PINATUMBANG LAHAT SA NATIONAL LEVEL! 🔥🥋

Ang buong pamunuan ng Sangguniang Barangay sa pangunguna ng ating Punong Barangay, Kap. Bebot Tenorio, kasama ang ating mga Barangay Kagawad at Sangguniang Kabataan, ay buong pagmamalaking binabati ang ating mga kabataan at atletang Barangay para sa kanilang natatagumpay na pagpapakita ng galing at husay sa ginanap na 21st National Kyokushinryu Full Contact Karate Tournament noong Setyembre 13, 2026 sa La Salle Gymnasium, Iligan City, Mindanao!

Muling pinatunayan ng ating mga atleta ang disiplina, tapang, at dedikasyon sa larangan ng Karate:

🥇 VLADIMIR NICHOLAS CANAWAY (BACK-TO-BACK CHAMPION!)

CHAMPION – KATA: Green - Brown Belt Advance Division

CHAMPION – KUMITE: 14 - 15 Years Old Boys Division
🥇 SILVER MEI N. VELARDE

CHAMPION – KATA: White - Orange 14 yrs old Above Novice Division

🥇🥈 VIN DIESEL JON CAL CELIACAY
CHAMPION – KATA: Blue - Yellow Belt 14 Years Old Above Division

2ND PLACE – KUMITE: Kids 10 - 11 Years Old Boys Division

Ang inyong tagumpay ay tagumpay ng buong Barangay! Kayo ay patuloy na nagsisilbing inspirasyon at ehemplo sa ating mga kabataan na sa pamamagitan ng pagsusumikap, disiplina, at pananalig, walang imposibleng makuha.

Muli, maraming salamat sa pagdadala ng karangalan sa ating komunidad! Patuloy kayong susuportahan ng Pamunuan ng Barangay!

Mabuhay ang Atletang Kabataan! Mabuhay ang Ating Barangay! 🇵🇭🔥

Kapitan Bebot Tenorio
At Sangguniang Barangay

28/09/2026

MALIGAYANG NATIONAL FAMILY WEEK 2026! 👨‍👩‍👧‍👦✨

Isang taos-pusong pagbati at mensahe ng pasasalamat mula sa ating Punong Barangay Kap. Bebot Tenorio, sa ating Committee Chairman on Education Kag. Ma. Hera Domingo, at sa buong Sangguniang Barangay!

Isinagawa natin ngayong umaga sa Barangay Sta. Cruz Covered Court ang ating programa para sa pagdiriwang ng National Family Week 2026 na may temang:

“Families, Equalities and Child Wellbeing: Pamilya, Pagkakapatay-pantay, at Kapakanan ng Bata!”

Maraming maraming salamat po sa ating mga g**ong nakikipagtulungan at sa ating mga magulang na nakiisa at naging bahagi ng ating matagumpay na aktibidad ngayong umaga!

Ating pinahahalagahan ang inyong patuloy na suporta para sa kapakanan ng ating mga kabataan at sa pagpapatibay ng bawat pamilyang Pilipino.

Isang malaking pasasalamat din po sa ating masipag na Konsehala Agnes Oldan na dumalo bilang kinatawan ng ating mahal na Mayor Jun Ynares!

Muli, maraming salamat po sa inyong pakikiisa! Patuloy nating itaguyod ang isang ligtas, masaya, at matatag na pamilya sa ating komunidad.

Kapitan Bebot Tenorio
At Sangguniang Barangay

28/09/2026

28/09/2026