08/06/2026
Dega e LDK-së në Vushtrri falënderon secilin qytetar të Vushtrrisë dhe secilin votues të LDK-së për besimin, mbështetjen dhe angazhimin në zgjedhjet e 7 Qershorit 2026 për Kuvendin e Republikës së Kosovës.
Falë këtij besimi, LDK në Vushtrri shënoi rritje të ndjeshme dhe doli subjekti i vetëm politik në nivel të Komunës që ka rritur numrin e votave krahasuar me zgjedhjet paraprake të Dhjetorit!
Në zgjedhjet e 7 Qershorit 2026 rezultatet në Vushtrri janë si vijon:
* LVV – 15,714 vota (56.20%)
* PDK – 7,109 vota (25.42%)
* LDK – 3,213 vota (11.49%)
* AAK – 495 vota (1.77%)
Ndërsa në zgjedhjet paraprake të 28 Dhjetorit rezultatet ishin:
* LVV – 23,700 vota (62.65%)
* PDK – 8,963 vota (23.69%)
* LDK – 2,951 vota (7.80%)
* AAK – 425 vota (1.12%)
Krahasimi i rezultateve tregon qartë se:
* LDK ka shënuar rritje prej mbi 300 votash, nga 2,951 në 3,213 vota;
* LVV ka rënie prej 7,986 votash;
* PDK ka rënie prej 1,854 votash;
* LDK është partia e vetme në Vushtrri që ka rritur mbështetjen qytetare në këto zgjedhje.
Ky rezultat nuk është ai për të cilin kemi punuar dhe e kemi pritur, por është dëshmi se qytetarët e Vushtrrisë po i rikthehen vizionit të LDK-së, politikës së bashkimit, korrektësisë dhe zhvillimit.
Ne do të vazhdojmë të punojmë me përkushtim, afër qytetarëve dhe në shërbim të interesit publik, me bindjen se LDK do të vazhdojë rritjen edhe në proceset e ardhshme politike.
Faleminderit Vushtrri!
Faleminderit secilit aktivist, komisioner, vëzhgues dhe mbështetës të LDK-së.
