Gjimnazi "Eqrem Çabej" Vushtrri

17/06/2026

NDRYSHIMI I GJENERATAVE NËN AROMËN E LULEVE TË REJA NË DITËN MË TË VEÇANTË TË QYTETIT TONË! 🪻🌹

​Gjersa me krenari po përcjellim njërën prej gjeneratave më të suksesshme të maturantëve tanë, ambienti i shkollës sonë ka filluar të marrë një pamje krejtësisht të re për të mirëpritur gjeneratën tjetër të nxënësve. Për vetëm pak ditë do të fillojë procesi i regjistrimit për nxënësit e klasave të 10-ta, të cilët në shtator do të nisin rrugëtimin e tyre të bukur të dijes në gjimnazin tonë.
​Për ta bërë këtë pritje sa më dinjitoze dhe mbresëlënëse, pikërisht sot, në këtë ditë të madhe të Çlirimit të Vushtrrisë, kemi realizuar një aksion të gjerë për mbjelljen e qindra luleve në të gjitha ambientet e shkollës. Këto lule që po zbukurojnë oborrin dhe hapësirat tona, përveçse simbolizojnë lirinë dhe gjallërinë e festës sonë të përbashkët, do të jenë kartolina më e bukur përshëndetëse për të gjithë nxënësit e rinj që do t'i bashkohen familjes sonë të madhe. Shkolla jonë po lulëzon çdo ditë e më shumë, ashtu siç lulëzon e ardhmja e të rinjve tanë!

11/06/2026

10/06/2026

PËRGATITJET PËR TESTIN E MATURËS PO VAZHDOJNË ME PËRKUSHTIM TË LARTË!

​Edhe pse mësimi i rregullt për maturantët tanë ka tri javë që është përmbyllur zyrtarisht, në ambientet e gjimnazit tonë po mbretëron një atmosferë e vërtetë pune.
Për të dytën javë rresht, maturantët po ndjekin me rregullsi të plotë orët plotësuese dhe përgatitore për Testin e Maturës.
​Kjo gjeneratë po dëshmon se është jashtëzakonisht e interesuar për të arritur suksese të larta dhe për të përfaqësuar denjësisht veten dhe shkollën tonë në këtë sfidë të rëndësishme.

​Ky vullnet i nxënësve po gjen mbështetjen maksimale nga kuadri ynë mësimor. Gjejmë rastin të falënderojmë për angazhimin dhe përkushtimin e tyre të palodhshëm profesorët:
• ​Astrit Jashari (Gjuhë shqipe)
• ​Artin Dushi (Gjuhë angleze)
• ​Halil Parduzi (Matematikë)
• Visar Gjaka (TIK), si dhe të gjithë profesorët e tjerë që po qëndrojnë pranë nxënësve në këtë fazë përfundimtare.
​Me këtë bashkëpunim dhe seriozitet mes nxënësve dhe profesorëve, rezultatet e shkëlqyera nuk do të mungojnë!
Suksese të gjithë maturantëve tanë! 📐✍️✨

29/05/2026

Gjimnazi "Eqrem Çabej" Vushtrri - STORJE SUKSESI!

✔️ Did you subscribe to ATV's Official channel? 👇🏼 ► https://www....

25/05/2026

Sot, në prag të pensionimit të Prof. Naip Azemi, kolektivi i gjimnazit u bë bashkë në një takim të ngrohtë dhe emocionues për t'i shprehur mirënjohje dhe falenderim për kontributin dhën arsimit shqip në Kosovë.
Ky moment shënon përmbylljen e një kapitulli të lavdishëm profesional, por trashëgimia që ai po lë pas në korridoret dhe klasat e shkollës sonë do të mbetet e pashlyeshme. Faleminderit nga zemra, Profesor Naip, për çdo udhëzim, durim dhe kontribut të dhënë për arsimimin e rininë tonë.
Ju priftë e mbara dhe shëndeti në këtë etapë të re të jetës!

20/05/2026

SHKOLLA JONË PAJISET ME TABELË PINGPONGU

Vëllezërit Kushtrim dhe Ngadhnjim Vatovci (bij të doktorit të mirënjohur Bashkim Vatovci), të cilët drejtojnë me shumë përkushtim ordinancën “Bava Dent”, i dhuruan shkollës sonë një tabelë pingpongu mjaft cilësore.

Për nxënësit kampionë të shkollës sonë, kjo tabelë e re do të shërbejë si motiv shtesë për t’u angazhuar edhe më shumë në aktivitete e gara sportive.

Menaxhmenti i shkollës falënderon vëllezërit Kushtrim e Ngadhnjim Vatovci për këtë dhuratë të çmuar!

19/05/2026

Matura 2026

Follow TËVË1 on...• YT: https://youtube.com/• FB: https://facebook.com/teve1.official• IG: https://instagram.com/teve.official• WEB: https://teve1.info...

14/05/2026

MATURANTË-NJË RRUGËTIM I PAHARRUAR

​Një rrugëtim i bukur po i afrohet fundit, por miqësitë dhe mësimet që nisën këtu do t'ju ndjekin gjithë jetën. Festoni për gjithçka që keni arritur dhe për njeriun që jeni bërë. Jemi me fat që ishim pjesë e rritjes suaj!

07/05/2026

Gjimnazi "Eqrem Çabej" kualifikohet në mesin e tetë projekteve më të mira në Kosova Education Center

📣 Njoftim për përzgjedhjen e tetë shkollave në projektin “Iniciativa për Zhvillimin e Liderëve të Rinj të Ballkanit Perëndimor” - BELI

✅ Pas një procesi të kujdesshëm dhe gjithëpërfshirës të vlerësimit, të bazuar edhe në kriteret e përcaktuara të projektit, kemi kënaqësinë të njoftojmë përzgjedhjen e tetë shkollave përfituese në kuadër të projektit “Iniciativa për Zhvillimin e Liderëve të Rinj të Ballkanit Perëndimor” (BELI). Procesi i aplikimit u karakterizua nga aplikime me cilësi të lartë, të cilat dëshmuan përkushtimin, kreativitetin dhe seriozitetin e shkollave në përmbushjen e objektivave të projektit.

🎯 Shkollat e përzgjedhura janë:

Shkolla e Mesme Teknike "Nexhmedin Nixha", Gjakovë;
Gjimnazi "Haxhi Zeka" Istog;
Gjimnazi "Gjergj Kastrioti Skënderbeu" - Drenas;
SHMLM Kongresi i Manastirit- Pozharan, Viti;
Shkolla e Mesme e Lartë - Gjimnazi "Eqrem Çabej" (Vushtrri);
SH.M.L "Gjin Gazulli", Prishtinë;
Gjimnazi i Shkencave Natyrore " Xhavit Ahmeti " Gjilan-;
SHMLP "7 Shtatori" Prishtinë Tregti-Hoteleri-Turizem, Prishtinë.

🤝 Falënderojmë të gjitha shkollat që aplikuan në këtë thirrje dhe inkurajojmë ato që nuk u përzgjodhën këtë herë të vazhdojnë të angazhohen dhe të aplikojnë në mundësi të ardhshme.

30/04/2026

SOT NË SHKOLLËN TONË: FESTË E DIJES DHE KRIJIMTARISË! 🌟
Në Gjimnazin "Eqrem Çabej", u mbajt me sukses Panairi i Shkencës, Kulturës dhe Sportit, një ngjarje madhështore që bëri bashkë talentin dhe punën e palodhshme të nxënësve tanë.Gjatë kësaj dite, korridoret dhe klasat tona u shndërruan në një laborator të hapur idesh.
Nxënësit prezantuan me pasion punimet e tyre në:🔹 Shkenca Natyrore: Eksperimente mbresëlënëse në Kimi, Fizikë, Biologji, Astronomi dhe sfida logjike në Matematikë.
🔹 Gjuhë e Teknologji: Krijime në Gjuhën Shqipe, gjuhët e huaja dhe risitë e fundit teknologjike.
🔹 Shkenca Sociale e Arte: Punime kreative në Gjeografi, Arte dhe aktivitete dinamike në Edukatë Fizike.
Për t'i dhënë fundin më të shijshëm këtij aktiviteti, Aktivi i Historisë u kujdes për një kënd special me ushqime tradicionale, duke na rikthyer në vlerat tona më të bukura të trashëgimisë.Jemi të nderuar që pritëm vizitorë nga dhjetëra shkolla të komunës së Vushtrrisë. Një falënderim i veçantë shkon për mysafirët tanë që na nderuan nga Ferizaji dhe Mitrovica, duke e kthyer këtë panair në një urë lidhëse mes shkollave tona.
Faleminderit të gjithë nxënësve dhe profesorëve për angazhimin shembullor!