Pas luftës heroike të Ushtrisë Çlirimtare të Kosovës dhe vendosjes së forcave ndërkombëtare, fillimit të organizimit dhe të ndërtimit të institucioneve të para demokratike të Kosovës u krijuan kushtet e përshtatshme për veprimtari politike. PDK është trashëgimtare e strukturave politike të UÇK -së dhe e sistemit të vlerave politike kombëtare për liri demokraci e pavarësi të Kosovës . Partia Demokr
atike e Kosovës u themelua me 10 tetor të vitit 1999. Deri me sot Partia Demokratike e Kosovës ka mbajtur 3 Kuvende Zgjedhore dhe dy Kuvende të Punës. Që nga themelimi, Kryetar i Partisë Demokratike të Kosovës është z. Kryetari i Partisë zgjidhet nga Kuvendi i Partisë. Organ më i lartë i Partisë Demokratike të Kosovës është Këshilli Drejtues i cili sot numëron 106 anëtarë. Këshilli Drejtues zgjedh me procedurë të veçantë Sekretarin e Përgjithshëm të Partisë. PDK ka shtrirje në tërë territorin e Kosovës. Aktiviteti në terren mbulohet nga 32 degë. PDK është partia më e madhe, më e votuar dhe më e besueshme në Kosovë. Pas fitores në zgjedhjet parlamentare të vitit 2007, PDK ka udhëhequr me sukses Qeverinë e Republikës së Kosovës në krye me Liderin e saj dhe Kryeministrin e Republikës së Kosovës, z.Hashim Thaçi. Në zgjedhjet komunale të vitit 2009, PDK ka fituar në shumicën e komunave të Kosovës duke u konfirmuar bindshëm sërish si partia më e votuar në Kosovë. Në zgjedhjet e 12 dhjetorit të vitit 2010 PDK, përsëri bindshëm doli e para. Ajo tani në Qeverinë e re i ka 10 ministra, një zëvendës kryeministër, Kryeministrin si dhe ka Krye kuvendarin e Kosovës.
