14/01/2025
Luljeta Berisha, e martuar dhe nënë e tre fëmijëve, u lind në fshatin Brezne të komunës së Dragash*t. E diplomuar në Shkenca Juridike, ajo ka përvojë të pasur në fushat e Burimeve Njerëzore, të Drejtave të Njeriut dhe Qeverisjes Lokale.
Në politikë është angazhuar që nga viti 2009, duke përfaqësuar qytetarët e komunës për dy mandate radhazi në Kuvendin Komunal të Dragash*t. Gjatë këtyre mandateve, ajo ka ngritur zërin për shumë çështje dhe probleme që kanë shqetësuar banorët e komunës. Veçanërisht, shquhet për karakterin e saj të fortë dhe qëndrimin e pakompromis në mbrojtjen e të drejtave të njeriut dhe barazisë gjinore.
Nga viti 2015 jeton në Prizren dhe ka vazhduar karrierën e saj politike duke u zgjedhur anëtare e Kryesisë Qendrore të subjektit politik që përfaqëson. Si anëtare e Lobit për Barazi Gjinore dhe Rrjetit të Grave të Kosovës, ajo ka avokuar për shumë çështje të rëndësishme.
Luljeta është kandidate për ulëse në Kuvend në këto zgjedhje parlamentare, në listën PËR KOSOVËN FITUESE – AAK, me numrin 6️⃣4️⃣ ✅.
