ShFMU "Faik Konica"

11/06/2026

Me entuziazëm dhe vëmendje të veçantë, nxënësit tanë patën mundësinë të dëgjojnë rrëfimet e z. Valon Murati për angazhimin e tij në LKÇK dhe UÇK.

Përmes rrëfimeve të z. Murati, nxënësit shënuan 12 Qershorin – Ditën e Paqes.

Faleminderit Komunës së Prishtinës për iniciativën, dhe z. Valon Murati për kohën e ndarë dhe mesazhet e vlefshme që përcolli te nxënësit tanë.

10/06/2026

Vazhdojmë të jemi konsistentë në sukseset dhe arritjet e nxënësve tanë. Bravo të gjithë nxënësve pjesëmarrës për përkushtimin, angazhimin dhe punën e tyre!

Jemi të lumtur që shkolla jonë ka arritur të fitojë vendin e dytë në nivel komunal në Garat e Diturisë. 👏🏆

Vendi i parë në Gjuhë Angleze – Klea Shala;
Vendi i parë në Biologji – Adea Millaku;
Vendi i katërt në Gjeografi – Leard Sallahu;
Vendi i katërt në Gjuhë Shqipe – Jora Byçmeti;
Vendi i katërt në Kimi – Akil Miftari;
Vendi i pestë në Fizikë – Tiara Bytyçi;
Vendi i shtatë në Histori – Lira Hajdini;
Vendi i njëmbëdhjetë në Matematikë – Ema Hamiti; dhe
Vendi i tretë në Olimpiadën e Gjuhës Shqipe – Jora Byçmeti.

Faleminderit të gjithëve! Vazhdoni të shkëlqeni gjithmonë dhe kudo që jeni.👊👊

10/06/2026

Me krenari ndajmë suksesin e nxenesit Ari Kastrati kl 6/2 në garën Einstein Olympiad – Matematikë dhe shkencë, ku ka dëshmuar përkushtim, talent dhe rezultate

I urojmë Arit edhe shumë suksese të tjera në të ardhmen! 🏅

09/06/2026

Sot klasa II/1, pati kënaqësinë të mirëpret Dr. Qëndrim Gashin, Doktor i Shkencave Matematikore.

Nxënësit e pritëm me shumë kureshtje dhe entuziazëm, ndërsa përmes aktiviteteve dhe bashkëbisedimit të ngrohtë dhe inspirues, nxënësit tanë fituan njohuri të reja dhe u motivuan ta duan edhe më shumë matematikën.

E falënderojmë për vizitën, kohën dhe inspirimin që u dhuroi nxënësve tanë.

08/06/2026

Supervullnetarët, Duart e Vogla të Prishtinës pas punës njëvjeçare na befasuan me një nga projektet më të veçanta e cila ishte krijimi i bibliotekës “Bota e Qetësisë” brenda shkollës. Projekt sensibilizues dhe atraktiv, ku nxënësit mund të gjejnë materiale dhe libra për të lexuar rreth shëndetit mendor.

Supervullnetarët (Duart e Vogla të Prishtinës) janë një klub aktiv, i udhëhequr nga arsimtarja Makfire dhe Pajtesa. Falënderojmë OJQ TOKA, si dhe shtëpitë botuese Dukagjini, Libri Shkollor, Albas, për mbështetjen dhe kontributin e tyre në realizimin e projektit tonë.



8 Qershor 2026

05/06/2026

Dita Botërore e Mjedisit, 5 qershor 2026

"Frymëzuar nga Natyra. Për Klimën. Për të Ardhmen Tonë."

Për nder të kësaj dite në oborrin e shkollës "Faik Konica" u vendos një instalacion me materiale të riciklueshme.

Ky projekt u përkrah nga Ministria Federale e Gjermanisë për Bashkëpunim Ekonomik dhe Zhvillim (BMZ) dhe Shoqëria Gjermane për Bashkëpunim Ndërkombëtar GIZ. Shkolla i falënderon përzemërsisht donatorët.

Ne mbesim të përkushtuar për një të ardhme më të gjelbër.

🌳

05/06/2026

05/06/2026

Me emocion, krenari dhe gëzim, nxënësit e klasave të para të shkollës sonë kremtuan Festën e Abetares, duke shënuar me sukses përfundimin e mësimit të shkronjave dhe hapin e parë drejt botës së dijes.

Këtë vit, për herë të parë, pesë paralelet e klasave të para e shënuan së bashku këtë ngjarje të rëndësishme, me një program festiv që pasqyroi punën, talentin dhe përgatitjen e nxënësve tanë.

Falënderim i veçantë për prindërit për bashkëpunimin dhe mbështetjen gjatë gjithë vitit, si dhe mirënjohje të sinqertë për mësueset Shpresa Maxhuni Gecaj, Naime Bunjaku, Bukurije Nuhiu, Shkëndije Preniqi, Blerta Berisha dhe Fatime Sylejmani, për përkushtimin, dashurinë dhe profesionalizmin e treguar.

Urojmë që kjo ditë të mbetet kujtim i bukur për çdo nxënës dhe nxitje për suksese të reja.

Urime Festa e Abetares!