Departamenti per Mbrojtjen e Konsumatorit

04/05/2026

MINTI kërkon të prezantohen qartë specifikat e produkteve të qumështit në treg

Ministria e Industrisë, Ndërmarrësisë, Tregtisë dhe Inovacionit (MINTI) i njofton të gjithë operatorët ekonomikë, që veprojnë në fushën e prodhimit, importit, distribuimit, si dhe sh*tjes me shumicë dhe pakicë të produkteve të qumështit, se, në përputhje me Ligjin nr. 06/L-034 për Mbrojtjen e Konsumatorit, përkatësisht neni 9 dhe neni 16, si dhe Ligjin nr. 2004/ 18 për Tregtinë e Brendshme, përkatësisht neni 48, janë të obliguar të respektojnë këto kërkesa:

1. Në përputhje me dispozitat që rregullojnë informimin e drejtë dhe të saktë të konsumatorit, deklaracioni i produktit në gjuhët zyrtare, i vendosur në paketim, duhet të paraqesë në mënyrë të qartë, të lexueshme dhe të dukshme përbërjen e produktit, duke specifikuar nëse produkti është:
• me bazë shtazore (100%) (dairy);
• me bazë bimore; (plant-based milk), apo
• me bazë të qumështit pluhur.

2. Në përputhje me rregullat për ushtrimin e tregtisë dhe prezantimin e mallrave në treg, subjektet që bëjnë sh*tje me pakicë janë të obliguara të sigurojnë ndarjen dhe prezantimin e qartë të produkteve në rafte, sipas kategorive në vijim:
• produktet e qumështit me bazë shtazore (dairy);
• produktet me bazë bimore (plant-based milk);
• produktet me bazë të qumështit pluhur.

Ministria e Industrisë, Ndërmarrësisë, Tregtisë dhe Inovacionit, përmes Inspektoratit Qendror të Mbikëqyrjes së Tregut, do të intensifikojë aktivitetet e inspektimit në ditët në vijim, në përputhje me kompetencat ligjore për mbikëqyrjen e tregut, me qëllim të mbrojtjes së konsumatorëve dhe parandalimit të praktikave mashtruese.

Ne rast të moszbatimit të legjislacionit në fuqi për ndarjen fizike dhe etiketimin e produkteve, operatorët ekonomikë do të ndëshkohen sipas dispozitave të ligjit në fuqi.

Njëkohësisht, ftohen të gjithë qytetarët e Republikës së Kosovës që, në rast se vërejnë parregullsi, përfshirë mungesën e klasifikimit të produkteve apo mos deklarimin e qartë të përbërjes, të paraqesin ankesat e tyre së bashku me dëshmi përkatëse (p.sh. fotografi nga raftet), përmes:

• numrit të telefonit: +383 (0) 46 311-000 (Viber), ose
• adresës elektronike: [email protected].
Për çdo parregullsi të konstatuar gjatë inspektimeve, Inspektorati Qendror i Mbikëqyrjes së Tregut do të ndërmarrë masa ndëshkuese në përputhje me legjislacionin në fuqi.

02/04/2026

Është mbajtur takimi i parë i Këshillit për Mbrojtjen e Konsumatorit

Në këtë takim u diskutuan çështje që ndërlidhen me mbrojtjen e konsumatorit, përkatësisht ankesat që prekin fusha të ndryshme, përfshirë problematikën me njehsorët elektrikë, ngritjen e çmimeve të derivateve, si dhe sektorët e tjerë për të cilët qytetarët e Republikës së Kosovës kanë paraqitur ankesa.

Po ashtu, gjatë kësaj mbledhjeje, është formuar grupi punues për hartimin e programit katërvjeçar për mbrojtjen e konsumatorit në vendin tonë.

Ndërsa Departamenti për Mbrojtjen e Konsumatorit prezantoi raportin me statistikat mbi numrin e ankesave, llojin e tyre, si dhe informacionet lidhur me trajtimin e këtyre ankesave.

Ministria mbetet e përkushtuar në mbrojtjen e të drejtave të konsumatorëve dhe në adresimin e çdo shqetësimi të tyre në mënyrë të drejtë dhe transparente.

17/03/2026

Ministria e Industrisë, Ndërmarrësisë, Tregtisë dhe Inovacionit ka shënuar Ditën Botërore të Mbrojtjes së Konsumatorit me një tryezë diskutimi me organizatat që mbrojnë të drejtat e konsumatorëve, ku është diskutuar për sfidat me të cilat përballen qytetarët në treg.
Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, tha se mbrojtja e konsumatorit nuk është vetëm një detyrë institucionale, por një garanci për besim në treg dhe për funksionimin e drejtë të tij.
Sipas të dhënave të Ministrisë, vetëm gjatë një viti në Departamentin për Mbrojtjen e Konsumatorit janë trajtuar mbi 3 mijë ankesa nga qytetarët. Raportet tregojnë se shkeljet më të shpeshta lidhen me blerjet online, mospërputhjen e çmimeve nga rafti në arkë në markete, si dhe praktika të tjera të padrejta në treg.
Nisur nga këto statistika, ministrja Kusari-Lila tha se këto nuk janë thjesht statistika, janë sinjale të qarta që kërkojnë reagim dhe përmirësim të vazhdueshëm.
"Prandaj po punojmë në dy hapa të rëndësishëm për finalizimin e platformës “Blej Sigurt”, e cila do të rrisë transparencën dhe komunikimin mes ministrisë sonë dhe konsumatorëve dhe hartimin e Programit për Mbrojtjen e Konsumatorit 2026–2030, i cili do të forcojë mekanizmat e mbrojtjes dhe mbikëqyrjes së tregut", tha ministrja Kusari-Lila.
Ajo ka ftuar qytetarët të raportojnë çdo parregullësi që hasin dhe t’i kërkojnë të drejtat e veta si konsumatorë në Republikën e Kosovës, në numrin 0800 11000.
Ministrja theksoi se qëllimi është i qartë: një treg më i drejtë, më transparent dhe më i sigurt për çdo qytetar.

05/04/2022

Ankohuni online: konsumatori.rks-gov.net ose thirrni pa pagesë në: 0800 11 000

Ministria e Tregtisë dhe Industrisë, duke vlerësuar tejet të rëndësishme Mbrojtjen e Konsumatorit nga fundit i vitit 2012 ka krijuar si njësi të veçantë Departamentin e Mbrojtjes së Konsumatorit. Mbrojtja e konsumatorit për çdo shtet, shoqëri të organizuar, jo vetëm që është një ...

16/03/2022

Ankohuni online: konsumatori.rks-gov.net ose thirrni pa pagesë në: 0800 11 000

13/03/2022

Ankesa juaj ka adresë.

Ankohuni online: konsumatori.rks-gov.net ose thirrni pa pagesë në: 0800 11 000

03/03/2022

A e dini se ?
15 Mars shënohet si Dita Nderkombetare e Konsumatorit.

Më 15 mars 1962, presidenti amerikan Xhon F. Kenedi miratoi “Ligjin për të drejtat e konsumatorëve”.Ndërkaq kjo me Rezolutën 39/248, me 9 prill 1985, Kombet e Bashkuara kanë miratuar Udhëzimin për kujdesin apo mbrojtjen e konsumatorit, ndërsa Ligji për mbrojtjen e konsumatorëve në Kosovë është miratuar në qershorin e vitit 2004 në Kuvendin e Kosovës.

-Mbrojtja e konsumatorit ka të bëjë në thelb me ruajtjen e shëndetit dhe të sigurisë së konsumatorëve dhe me mbrojtjen e tyre nga çdo praktikë abuzive e tregtarëve.

-Konsumator është secili prej nesh i cili rregullisht blen mallra dhe shërbime, kështu që të drejtat e konsumatorëve janë të rëndësishme për të gjithë qytetarët e Kosovës.

Ankohuni online: konsumatori.rks-gov.net ose thirrni pa pagesë në: 0800 11 000

01/11/2021

Është shumë me rëndësi që t'i dini disa sene para se të bleni ONLINE:

1⃣ Kush është sh*tësi?
2⃣ Adresa fizike e sh*tësit
3⃣ Para se të porositni produktin, sigurohuni që sh*tësi të ju ofrojë edhe kuponin fiskal!

📖 Sipas ligjeve në fuqi, konsumatori nuk është i obliguar të paguaj para se të shoh mallin, andaj gjatë pranimit të mallit mos e paguani pa e hapur pakon në mënyrë që të siguroheni se po merrni atë mall të cilin e keni porositur.

🛒 P.S. Mos u mashtroni në produktet që duken "Shumë të mira për të qenë të vërteta".

Për çdo parregullësi, adresoni problemin tuaj në: konsumatori.rks-gov.net.

16/03/2021