Kryeqyteti Prishtina

16/09/2026

📢 Të nderuar qytetarë,

Ju njoftojmë se, për shkak të një proteste që po zhvillohet dhe masave të përkohshme të ndërmarra për menaxhimin e qarkullimit në hyrje të kryeqytetit, mund të ketë vonesa dhe pengesa të përkohshme në qarkullimin e transportit publik.

Si pasojë e situatës së krijuar, linjat që kalojnë në këtë pjesë të qytetit mund të mos realizohen sipas orarit të rregullt, duke shkaktuar vonesa në qarkullimin e tyre.

Kërkojmë mirëkuptimin dhe durimin tuaj deri në normalizimin e qarkullimit. Ekipet tona po e përcjellin nga afër situatën dhe do të ndërmarrin masat e nevojshme për të siguruar vazhdimësinë e shërbimit, sa herë që kushtet e qarkullimit e mundësojnë.

Ju falënderojmë për mirëkuptimin dhe bashkëpunimin tuaj.

Drejtoria e Mobilitetit

15/09/2026

Prishtina merr Presidencën e Rrjetit të Qyteteve të Ballkanit B40 për vitin 2027! 🇽🇰

Me ftesë zyrtare nga Kryetari i Zagrebit dhe Presidenti aktual i B40, Tomislav Tomašević, Kryeqyteti do ta marrë Presidencën e B40 Balkan Cities Network për vitin 2027, ndërsa takimi vjetor i rrjetit do të mbahet në Prishtinë në janar.

Kjo përgjegjësi e rëndësishme ndërkombëtare dëshmon rolin gjithnjë e më të fuqishëm të Prishtinës në rajon dhe e shndërron Kryeqytetin në platformë të dialogut, bashkëpunimit dhe zhvillimit ndërmjet qyteteve të Ballkanit.

Mbështetje për Prishtinën ka shprehur zyrtarisht edhe Qyteti i Sarajevës, duke vlerësuar lidershipin dhe orientimin e saj drejt gjithëpërfshirjes, partneritetit dhe vizionit evropian.

Në vitin 2027, Prishtina nuk do të jetë vetëm pjesë e tavolinës së qyteteve të Ballkanit, do ta udhëheqë atë.

Prishtina po rritet. Po lidhet. Po udhëheq.

15/09/2026

Kryetari i Kryeqytetit, Përparim Rama, priti në Odën e Kryeqytetit Ambasadoren e Izraelit në Kosovë, Sh.S. Tamar Ziv, së bashku me delegacionin e ekspertëve izraelitë.

Në takim u diskutuan mundësitë e bashkëpunimit në kuadër të përgatitjeve për Lojërat Mesdhetare “Prishtina 2030”, me fokus në sigurinë, gatishmërinë operacionale, menaxhimin e emergjencave dhe përdorimin e të dhënave e inteligjencës artificiale në organizimin e ngjarjeve të mëdha ndërkombëtare.

Kryeqyteti mirëpret çdo partneritet që sjell dije, përvojë dhe mundësi të reja për zhvillim, të ndërtuar mbi respektin e ndërsjellë dhe bashkëpunimin e sinqertë.

Ambasadores Ziv, Kryetari Rama i uroi mirëseardhje dhe suksese në misionin e saj në Republikën e Kosovës. 🇽🇰🤝🇮🇱

14/09/2026

KRYEQYTETI PJESË E FESTIVALIT NDËRKOMBËTAR TË GASTRONOMISË NË BURSA

Kryeqyteti do të marrë pjesë në edicionin e pestë të Festivalit Ndërkombëtar të Gastronomisë në Bursa, së bashku me 11 qytete partnere nga vende të ndryshme.

Festivali do të bashkojë në një vend kulturat, traditat dhe shijet karakteristike të qyteteve pjesëmarrëse.

📅 18–20 shtator 2026
📍 Merinos Park, Bursa

Bursa Büyükşehir Belediyesi

GotoBursa

14/09/2026

Për gjashtë ditë, Prishtina foli me gjuhën e filmit! 🎬

PriFest 18 solli në Kryeqytet filma, artistë dhe rrëfime nga Kosova e bota, duke e kthyer qytetin në pikëtakim të talentit dhe mundësive pa kufi.

Në mbrëmjen përmbyllëse, me çmimin “Golden Goddess – Laureat për Arritje Jetësore”, Kryetari i Kryeqytetit, Përparim Rama, nderoi Cheryl Johnson, miken që prej vitesh beson në kineastët dhe tregimet tona.

Urime PriFest, rrëfimi vazhdon! ❤️

13/09/2026

Kampionët e së ardhmes po rriten në Prishtinë! 🥋🏆

Kryetari i Kryeqytetit, Përparim Rama, ndoqi nga afër në Pallatin e Rinisë turneun “Shpresat e Kosovës”, ku karateistët e rinj treguan talent, disiplinë dhe shpirt të jashtëzakonshëm gare.

Me këta sportistë të mrekullueshëm, Prishtina po bëhet gati për vitin e ardhshëm, kur do të jetë nikoqire e Kampionatit Mesdhetar të Karatesë! ❤️‍🔥🇽🇰

13/09/2026

Medaljet po vijnë në Prishtinë! 🥊🏅

Kryetari i Kryeqytetit, Përparim Rama, mirëpriti sportistët tanë që shkëlqyen në Kupën Botërore në Hungari, duke e ngritur lart flamurin e Kosovës.

Me talent, disiplinë dhe zemër kampioni, ata sollën rezultate që na bëjnë të gjithëve krenarë.

Kryeqyteti do të vazhdojë t’i mbështesë në rrugën drejt fitoreve të reja! ❤️🇽🇰

11/09/2026

🔴 DREJTPËRDREJT

Ndiqeni vazhdimin e seancës së jashtëzakonshme të Kuvendit të Kryeqytetit.

🔗

Seanca e jashtëzakonshme e Kuvendit të Kryeqytetit - vazhdimi

11/09/2026

Ndiqeni drejtpërdrejt seancën e jashtëzakonshme të Kuvendit të Kryeqytetit 👇🏻

Seanca e jashtëzakonshme e Kuvendit të Kryeqytetit

10/09/2026

Zvicra ka qenë dhe mbetet një nga miqtë dhe partnerët më të çmuar të Kryeqytetit! 🇽🇰🤝🇨🇭

Në pritjen me rastin e Ditës Kombëtare të Zvicrës, Kryetari Përparim Rama, së bashku me Ambasadoren Anne-Lise Cattin Hennin dhe miq e partnerë ndërkombëtarë, riafirmuan miqësinë dhe bashkëpunimin e fuqishëm mes dy vendeve.

Ky partneritet vazhdon me energji e ide të reja, duke sjellë më shumë projekte dhe mundësi për Prishtinën dhe qytetarët e saj.