Agjencia për Barazi Gjinore/ Zyra e Kryeministrit

19/06/2026

Agjencia për Barazi Gjinore, në bashkëpunim me Komisionin Qeveritar për Njohjen dhe Verifikimin e Statusit të Personave të Dhunuar gjatë Luftës, me mbështetjen e UN Women, organizoi Konferencën në shënim të Ditës Ndërkombëtare për Eliminimin e Dhunës Seksuale në Konflikt, me temën “Së bashku për njohje dhe mbështetje”.

Konferenca mblodhi përfaqësues të institucioneve vendore dhe ndërkombëtare, organizatave të shoqërisë civile, profesionistë të fushës, si dhe të mbijetuar të dhunës seksuale gjatë luftës, duke krijuar një hapësirë për reflektim mbi progresin e arritur, sfidat që vazhdojnë të ekzistojnë dhe nevojën për forcimin e përpjekjeve të përbashkëta në mbështetje të të mbijetuarave dhe të mbijetuarve.

Të pranishmëve iu drejtuan me fjalë përshëndetëse U.D. Presidentja e Republikës së Kosovës, znj. Albulena Haxhiu, Presidentja e katërt e Republikës së Kosovës, znj. Atifete Jahjaga, Zëvendëskryeministrja dhe Ministrja e Punëve të Jashtme dhe Diasporës, znj. Donika Gërvalla-Schwarz, si dhe Ministri për Punë, Familje dhe Vlerat e Luftës Çlirimtare, z. Andin Hoti. Në adresimet e tyre u theksua rëndësia e mbështetjes së vazhdueshme institucionale, ruajtjes së dinjitetit të të mbijetuarve dhe angazhimit të pandërprerë për drejtësi, njohje dhe barazi.

Një moment me peshë të veçantë gjatë konferencës ishte dëshmia dhe reflektimi personal i znj. Vasfije Krasniqi, e cila rikujtoi rëndësinë e guximit për të folur dhe nevojën për mbështetje të vazhdueshme. Ndërkaq, kryetarja e Komisionit Qeveritar, znj. Leonora Selmani, prezantoi punën dhe përkushtimin institucional në procesin e njohjes dhe verifikimit të statusit të personave të mbijetuar të dhunës seksuale gjatë luftës.

Në kuadër të konferencës u zhvillua edhe paneli diskutues me temën “Mbështetja institucionale, përkrahja psikosociale dhe roli i familjes dhe shoqërisë civile në mbështetje të të mbijetuarave dhe të mbijetuarve të dhunës seksuale gjatë luftës”. Në panel morën pjesë znj. Edi Gusia, Drejtore Ekzekutive e Agjencisë për Barazi Gjinore, znj. Xhevahire Balaj, psikologe klinike dhe anëtare e Komisionit Qeveritar, znj. Feride Rush*ti nga Platforma “Bëhu Zëri Im”, znj. Iliriana Gashi, përfaqësuese e shoqërisë, si dhe znj. Shqipe Pajaziti, përfaqësuese e mediave.

Panelistet ndanë përvoja dhe perspektiva të ndryshme mbi rëndësinë e qasjes së koordinuar ndërmjet institucioneve, ofrimin e shërbimeve psikosociale cilësore, fuqizimin e rolit të familjes dhe komunitetit, si dhe kontributin e mediave dhe shoqërisë civile në luftimin e stigmës dhe promovimin e dinjitetit të të mbijetuarve.

Konferenca u përmbyll me rekomandime konkrete për forcimin e bashkëpunimit ndërinstitucional, zgjerimin e qasjes në shërbime mbështetëse dhe vazhdimin e fushatave të ndërgjegjësimit shoqëror, me synimin që zëri, dinjiteti dhe të drejtat e të mbijetuarve të mbeten në qendër të veprimeve institucionale dhe shoqërore.

17/06/2026

Agjencia për Barazi Gjinore në bashkëpunim me Komisionin për Njohjen dhe Verifikimin e Statusit të Viktimave të Dhunës Seksuale të Luftës kanë realizuar videospot informues rreth aplikimit të njohjes se statusit viktimë e dhunës seksuale gjatë luftës në Kosovë. Afati për aplikim është deri me 15 maj 2027

ABGJ Videospoti informues për aplikim për njohje te statusit viktim...

13/06/2026

Përfaqësues të Agjencisë për Barazi Gjinore morën pjesë në tryezën e rrumbullakët “Nga Heshtja në Forcë” (From Silence to Strength), të organizuar nga Konsullata e Përgjithshme e Republikës së Kosovës në Gjenevë, në kuadër të Ditës Ndërkombëtare për Eliminimin e Dhunës Seksuale në Konflikte.
Aktiviteti u hap nga Udhëheqësja e Konsullatës së Përgjithshme, znj. Floreta Kabashi, e cila theksoi rëndësinë e vendosjes së të mbijetuarve në qendër të përpjekjeve për drejtësi, njohje dhe riparim. Të pranishmit patën mundësinë të dëgjonin edhe fjalën e znj. Vasfije Krasniqi-Goodman, e mbijetuar dhe Përfaqësuese e Posaçme për çështjen e të mbijetuarve të dhunës seksuale gjatë luftës në Kosovë, e cila përcolli një mesazh të fuqishëm për drejtësi, dinjitet dhe veprim.
Nën moderimin e znj. Raksha Gopal, paneli mblodhi ekspertë dhe profesionistë të shquar, përfshirë Prof. Gloria Gaggioli nga Fakulteti i Drejtësisë i Universitetit të Gjenevës, znj.Edi Gusia, Drejtoresh Ekzekutive në Agjencinë për Barazi Gjinore në kuadër të Zyrës së Kryeministrit, znj. Feride Rush*ti, Drejtoreshë Ekzekutive e Qendrës Kosovare për Rehabilitimin e të Mbijetuarve të Torturës (KRCT), znj. Lyudmila Makey, gazetare ukrainase e strehuar në Kosovë përmes programit “Journalists in Residence”, si dhe znj. Claudia Truppa, Mjeke Kryesore në Konsultën për Viktimat e Torturës dhe Luftës.
Diskutimi vuri në pah rëndësinë e një qasjeje gjithëpërfshirëse dhe ndërdisiplinore në adresimin e dhunës seksuale në konflikte, si dhe riafirmoi angazhimin e Kosovës për mbështetjen e të mbijetuarve dhe avancimin e përpjekjeve ndërkombëtare për eliminimin e kësaj dukurie.

12/06/2026

Përfaqësuesja e Agjencisë për Barazi Gjinore / Zyra e Kryeministrit, mori pjesë në takimin e Tetë të Rrjetit të Pikave Fokale për Gratë, Paqen dhe Sigurinë 1325 (WPS FPN)- Romë, platforma kryesore ndërkombëtare e dedikuar për koordinimin dhe shkëmbimin e praktikave më të mira për zbatimin e Agjendës për Gratë, Paqen dhe Sigurinë, e organizuar nga Ministria e Punëve të Jashtme të Italisë në bashkëpunim me Filipinet.
Qëllimi i takimit ishte ri konfirmimi i gatishmërisë së shteteve anëtare, për zbatimin e planeve nacionale të veprimit për Rezolutën 1325 Gratë, Paqja dhe Siguria, përmes sigurimit dhe pjesëmarrjes së plotë, substanciale të grave në proceset e negocimit të paqes, parandalimit dhe zgjidhjes së konflikteve. Vëmendje e veçantë i është kushtuar angazhimit dhe rolit të të rinjve/rejave në zbatimin e agjendës për paqen dhe sigurinë, duke u fokusuar edhe ne çështje ndër sektoriale si ato mbi klimën, emergjencat natyrore, siguria e ushqimit, zhvendosjet, dhe siguria kibernetike dhe digjitalizimi.
RKS edhe pse duke mos qenë ende anëtarë e Rrjetit të Pikave Fokale për Gratë, Paqen dhe Sigurinë, dëshmon përkushtimin e saj përmes hartimit të planit të tretë të Veprimit për zbatimin e 1325, në kuadër të programit të ri të Kosovës për barazi gjinore 2025-2035, duke vendosur agjendën e 1325 në qendër te Programit përmes objektivave qe: synojnë parandalimin, trajtimin dhe fuqizimin e rolit të grave në ballafaqimin me të kaluarën dhe ndërtimin e paqes, si elemente qenësore për mos përsëritje. Po ashtu, plani i ri i veprimit te PKBGJ &1325 i RKS, sjell në fokus involvimin e të rinjve, dhe tema deri tani te pa diskutuara si ajo e sigurisë se ushqimit.

11/06/2026

11/06/2026

Agjencia për Barazi Gjinore mbështet Samitin Global të IWG-së për Gratë dhe Sportin, një nga ngjarjet më të rëndësishme ndërkombëtare kushtuar avancimit të barazisë gjinore dhe fuqizimit të grave dhe vajzave përmes sportit.
Vitin e kaluar, Agjencia për Barazi Gjinore u bë pjesë e institucioneve që zyrtarisht janë zotuar të zbatojnë një nga 10 parimet themelore të Deklaratës Brighton Plus Helsinki, duke kontribuar në krijimin e mundësive të barabarta për vajzat dhe gratë në sport, nga pjesëmarrja aktive deri te pozitat udhëheqëse dhe vendimmarrëse.
Me vetëm një muaj deri në mbajtjen e Samitit Global të IWG-së në Birmingham të Mbretërisë së Bashkuar, ne mirëpresim këtë platformë globale që bashkon liderë të sportit, politikëbërës, studiues, organizata dhe profesionistë nga mbarë bota për të diskutuar sfidat dhe mundësitë në avancimin e barazisë gjinore në sport.
Tema e këtij viti, “Beyond the Breakthrough”, vë theksin te krijimi i ndryshimeve të qëndrueshme dhe afatgjata, duke promovuar politika, programe dhe praktika që sigurojnë se progresi i arritur për gratë dhe vajzat nuk mund të kthehet prapa.
Për Agjencinë për Barazi Gjinore, ky Samit paraqet një mundësi të vlefshme për shkëmbimin e përvojave, forcimin e bashkëpunimit ndërkombëtar dhe promovimin e praktikave më të mira që kontribuojnë në rritjen e pjesëmarrjes dhe përfaqësimit të grave në të gjitha nivelet e sportit.
Sporti mbetet një mjet i fuqishëm për promovimin e barazisë, fuqizimin e grave dhe vajzave, zhvillimin e lidershipit dhe sfidimin e stereotipeve gjinore. Prandaj, mbështetja e iniciativave globale si Samiti i IWG-së është një hap i rëndësishëm drejt ndërtimit të një shoqërie më të barabartë, gjithëpërfshirëse dhe me mundësi të barabarta për të gjithë.

01/06/2026

Agjencia për Barazi Gjinore po vazhdon edhe sot me punëtorinë me Organizata Joqeveritare për hartimin e Programit të Kosovës për Barazi Gjinore (PKBGJ) 2025–2035, në të cilën po prezantohen aktivitetet për shtyllën e tretë të PKBGJ-së.
Punëtoria po mbështetet me asistencë teknike të financuar nga Bashkimi Evropian, përmes projektit “Instrumenti për Barazi Gjinore”, i zbatuar nga UN Women në Kosovë.

26/05/2026

22/05/2026