Lëvizja VETËVENDOSJE!

Lëvizja VETËVENDOSJE! Lëvizja VETËVENDOSJE! është komunitet i njerëzve që refuzojnë të nënshtrohen. Ajo synon arritjen dhe realizimin e vetëvendosjes për popullin e Kosovës.

Lëvizja VETËVENDOSJE! angazhohet edhe për ndryshime radikale shoqërore e politike që do të mundësonin respektimin e të drejtave të njeriut, të drejtave civile dhe drejtësisë sociale për të gjithë dhe secilin në Kosovë pa kurrfarë diskriminimi.

Java e Lëvizjes – Dita Gratë për VETËVENDOSJE!Sot, në kuadër të Javës së Lëvizjes, u shënua Dita e organizatës Gratë për...
13/06/2026

Java e Lëvizjes – Dita Gratë për VETËVENDOSJE!

Sot, në kuadër të Javës së Lëvizjes, u shënua Dita e organizatës Gratë për VETËVENDOSJE! pranë liqenit të Ujmanit, mes natyrës së qetë dhe pamjeve mbresëlënëse që ofron kjo pjesë e vendit tonë. Takimi u karakterizua nga diskutime kuptimplota, vlerësim për kontributin dhe angazhimin e aktivisteve, si dhe lexime poetike kushtuar grave nga autore vendase e të huaja.

“Patëm diskutime të vlefshme, shprehëm mirënjohje për punën dhe angazhimin e aktivisteve, si dhe lexuam poezi kushtuar grave nga autore vendase dhe të huaja. Një ditë e mbushur me reflektim, frymëzim dhe bashkëbisedim në një nga hapësirat më të bukura të vendit tonë”, ka thënë Ushtruesja e Detyrës së Presidentes, njëherazi Kryetarja e GVV-së, Albulena Haxhiu.

Homazhe pranë varrit të Presidentit Ibrahim Rugova, veprimtarit Adem Demaçi dhe monumentit të komandantit Zahir Pajaziti...
12/06/2026

Homazhe pranë varrit të Presidentit Ibrahim Rugova, veprimtarit Adem Demaçi dhe monumentit të komandantit Zahir Pajaziti

Pas homazheve në Prekaz, ushtruesja e detyrës së Presidentes, Albulena Haxhiu, Kryeministri Albin Kurti dhe ministra të kabinetit qeveritar bënë homazhe te varri i Presidentit historik Ibrahim Rugova, te varri i veprimtarit Adem Demaçi, te varrezat e dëshmorëve dhe u përmbyll pranë monumentit të komandantit Zahir Pajaziti.

Në fjalën e saj, ushtruesja e detyrës së Presidentes, Albulena Haxhiu, theksoi se liria e Kosovës erdhi përmes rrugëve të ndryshme, por me një qëllim të vetëm, çlirimin e vendit.

"Liria e Kosovës nuk erdhi nga një rrugë e vetme. Erdhi nga urtësia dhe këmbëngulja politike e presidentit Rugova. Erdhi nga ndërgjegjja e patundur e Adem Demaçit, që njëzet e tetë vjet burg nuk ia thyen dot besimin te liria. Dhe erdhi nga trimëria e Zahir Pajazitit, komandantit të parë që ra në krye të detyrës, por edhe nga gjaku i të gjithë dëshmorëve të kombit. Trashëgiminë që na lanë heronjtë dhe dëshmorët tanë duhet ta kemi si udhërrëfyes si institucione që shtetin tonë ta bëjmë edhe më të drejtë, edhe më të fortë, edhe më të denjë", ka thënë u.d e presidentes, Albulena Haxhiu.

Kryeministri Albin Kurti kujtoi rolin vendimtar të aksioneve guerile para luftës, përfshirë ato të komandantit Zahir Pajaziti, si dhe rëndësinë historike të Epopesë së Ushtrisë Çlirimtare të Kosovës në rrugën e pakthyeshme drejt lirisë.

"Aksionet guerile para luftës, sikurse ato të komandantit Zahir Pajaziti, dhe ngjarjet historike si Epopeja e Ushtrisë Çlirimtare të Kosovës, e kanë bërë udhën e çlirimit të pakthyeshme. Çdo 12 Qershor, ne kujtojmë të gjithë brezat të cilët u përpoqën, vuajtën, u sakrifikuan përgjatë okupimit të Kosovës nga Serbia për afër 87 vite e që u përmbyll me luftën e lavdishme çlirimtare dhe me ndërhyrjen e NATO-s në Kosovë. Komandanti Zahir Pajaziti, bashkë me Hakif Zejnullahun, Edmond Hoxhën dhe me shumë shokë të tjerë, e dinin që liria e popullit, çlirimi i vendit, bashkimi i shtetit, demokracia, republika nuk mund të bëhen pa e konsideruar që faktori i brendshëm është vendimtar dhe nismëtar”, tha kryeministri Albin Kurti.

Gëzuar 12 Qershori, dita e çlirimit të Kosovës, dhe lavdi të gjithë dëshmorëve e martirëve të kombit!

Dita e Çlirimit të Kosovës Homazhe në Prekaz Në shënim të 12 Qershorit, Ditës së Çlirimit të Kosovës, ushtruesja e detyr...
12/06/2026

Dita e Çlirimit të Kosovës
Homazhe në Prekaz

Në shënim të 12 Qershorit, Ditës së Çlirimit të Kosovës, ushtruesja e detyrës së Presidentes, Albulena Haxhiu, Kryeministri Albin Kurti, ministra e aktivistë bënë homazhe në Kompleksin Memorial në Prekaz, duke kujtuar sakrificën e familjes Jashari dhe të gjithë dëshmorëve të lirisë.

Ushtruesja e detyrës së Presidentes, Albulena Haxhiu, tha se Prekazi mbetet vendi ku nisi gjithçka, duke theksuar se “nuk ka 12 qershor pa marsin e vitit 1998” dhe se liria e Kosovës është e pandashme nga qëndresa heroike e familjes Jashari.

"Nuk ka 12 Qershor pa marsin e vitit 1998, nuk ka 12 qershor pa qëndresën e komandantit Adem Jashari, Hamzës, Shabanit dhe të mbi 50 anëtarëve të familjes Jashari, të cilët ranë dhe nuk u dorëzuan asnjëherë. Ata nuk mbrojtën vetëm pragun e shtëpisë, ata mbrojtën tokën, tokën e të parëve tanë që ishte, është dhe do të jetë përherë e shqiptarëve. Ata mbrojtën idenë që populli ynë nuk mposhtet asnjëherë. Sakrifica e tyre u bë themeli mbi të cilin qëndron Ushtria Çlirimtare e Kosovës dhe Republika jonë e lirë”, tha u.d e presidentes, Albulena Haxhiu.

Në të njëjtën frymë, Kryeministri Albin Kurti e cilësoi Prekazin si kryeqytet të kryengritjes bashkëkohore të popullit shqiptar dhe vendin që shënon Epopenë e Ushtrisë Çlirimtare të Kosovës.

“Meqenëse më 5, 6 dhe 7 mars të vitit 1998, tre brezat e Jasharëve qëndruan, luftuan dhe u sakrifikuan për lirinë e popullit tonë, për bashkim, për shtet dhe për pavarësi. Beteja epike e Jasharëve, e Bacës Shaban me dy djemtë e tij, Hamzën e Ademin, me gratë e tyre, Zahiden e Zarifen, Feriden e Adilen dhe me të gjithë të tjerët, të cilët nuk u nënshtruan për asnjë moment, është sot në thelb të historisë së popullit tonë, dhe atë jo vetëm si Kosovë e si republikë demokratike, por njëkohësisht edhe si komb shqiptar, në kuptimin e shqiptarëve kudo që ata janë, dhe në kuptimin e shtrirjes përtej së tashmes, pra nga e kaluara e lashtë e deri në të ardhmen kur, siç thotë edhe himni kombëtar shqiptar, ne do të rrojmë”, ka thënë kryeministri Albin Kurti.

Në përmbyllje, u ritheksua përkushtimi institucional dhe qytetar për ruajtjen e amanetit të dëshmorëve dhe ndërtimin e vazhdueshëm të Kosovës për të cilën ata dhanë gjithçka.

Lavdi familjes Jashari dhe të gjithë dëshmorëve të kombit!

21 vjet Lëvizje VETËVENDOSJE!Më 12 qershor 2005 u themelua Lëvizja VETËVENDOSJE!.Lëvizja jonë lindi në një kohë kur Koso...
12/06/2026

21 vjet Lëvizje VETËVENDOSJE!

Më 12 qershor 2005 u themelua Lëvizja VETËVENDOSJE!.

Lëvizja jonë lindi në një kohë kur Kosova ishte çliruar nga Serbia, por ende nuk qeverisej plotësisht nga vullneti i popullit të saj. Prandaj, në themel të saj u vendos parimi i vetëvendosjes. E drejta demokratike e një populli për të vendosur vetë për vendin e vet.

VETËVENDOSJE! u formua si lëvizje e rezistencës politike e qytetare. Kundër arbitraritetit të administrimit të zgjatur ndërkombëtar. Kundër privatizimit të egër. Kundër korrupsionit. Kundër pabarazisë. Kundër nënshtrimit të interesit publik ndaj interesave të ngushta.

Ajo u mbështet në traditën politike të Rilindjes Kombëtare Shqiptare. Në idealin e lirisë e të bashkimit. Në rezistencën popullore për çlirim. Në sakrificën e dëshmorëve. Në luftën e drejtë të Ushtrisë Çlirimtare të Kosovës.

Nga protestat në sheshe, te organizimi në çdo lagje e fshat. Nga aksioni qytetar te përfaqësimi politik. Nga opozita te qeverisja.

Në vitin 2010, VETËVENDOSJE! hyri për herë të parë në Kuvendin e Republikës. Në vitin 2013 fitoi Prishtinën. Për herë të parë, Kryeqyteti u bë qendër e ndryshimit politik e qeverisës. Në vitin 2017 qytetarët e Prishtinës e konfirmuan atë ndryshim me një mandat të dytë dhe fituam Prizrenin.

Në vitin 2019, VETËVENDOSJE! u bë forca e parë politike në vend. Më 14 shkurt 2021, populli i Kosovës i dha fitoren më të madhe zgjedhore në historinë e Republikës. Në zgjedhjet e vitit 2025, qytetarët e konfirmuan sërish si subjektin më të madh politik në vend. Njëjtë dhe me 7 qershor 2026. Sot qeverim 7 komuna, midis tyre dhe Mitrovicën.

Këto fitore nuk erdhën rastësisht. Ato erdhën nga puna e mijëra aktivistëve. Nga besimi i qytetarëve. Nga qëndrueshmëria në parime. Nga bindja se politika duhet t'i shërbejë popullit.

Në qeverisje, Republika ka forcuar sovranitetin e saj. Ka shtrirë ligjshmërinë në çdo cep të vendit. Ka rritur mbështetjen për familjet. Për studentët. Për pensionistët. Për lehonat. Për fëmijët. Për prodhuesit vendorë.

Ushtria e Kosovës është më e fortë. Ekonomia është më e qëndrueshme. Punësimi është rritur. Eksportet kanë shënuar rritje. Investimet publike janë zgjeruar. Sundimi i ligjit është forcuar.
Për 21 vjet, VETËVENDOSJE! ka dëshmuar se Republika nuk ndërtohet për një ditë. Ajo ndërtohet çdo ditë. Me punë. Me organizim. Me dije. Me drejtësi. Me demokraci.

Sepse për ne, Republika nuk është vetëm formë shteti. Republika është barazi para ligjit.
Republika është zhvillim për të gjithë.
Republika është sovranitet popullor.
Republika është vetëvendosje.

Organizata jonë nuk njeh lodhje. Ne kemi si parim operativ punën dhe ndershmërinë. Shërbimin për idealin kombëtar dhe modelin e lëvizjeve kombëtare që ka pasur në çdo etapë historike populli shqiptar.

Horizonti ynë i veprimit është zhvillimi i pandalshëm i Kosovës dhe shqiptarëve kudo ku janë.

Ne jemi pjesë dhe vazhdimësi e historisë së përpjekjeve të popullit shqiptar. Prandaj nuk ndalemi, nuk ndalojmë.

21 vjet Lëvizje VETËVENDOSJE!
Për Republikën. Për popullin. Për të ardhmen.

21 vjet Lëvizja VETËVENDOSJE!Sot, me 12 qershor, në shënim të 21-vjetorit të themelimit, Lëvizja VETËVENDOSJE! mban taki...
12/06/2026

21 vjet Lëvizja VETËVENDOSJE!

Sot, me 12 qershor, në shënim të 21-vjetorit të themelimit, Lëvizja VETËVENDOSJE! mban takim me mbështetës, miq, anëtarë e aktivistë në shenjë mirënjohjeje për të gjithë ata që kanë kontribuar në rrugëtimin dhe sukseset e saj ndër vite.

Takimi do të mbahet më 12 qershor 2026, në ora 20:00, në Hotel “Castel”, në magjistralen Prishtinë–Mitrovicë, kilometri i 10-të.

https://maps.app.goo.gl/RLg9gZaDs7uDHyot9?g_st=ic

Përvjetori i Arbënor DeharitNë ditën e dytë të Javës së Lëvizjes, kujtojmë aktivistin, shokun dhe njeriun që vazhdon të ...
11/06/2026

Përvjetori i Arbënor Deharit

Në ditën e dytë të Javës së Lëvizjes, kujtojmë aktivistin, shokun dhe njeriun që vazhdon të mbetet shembull i angazhimit politik brenda organizatës sonë, Arbënor Dehari.

Sot, Kryeministri Albin Kurti, bashkë me sekretarin organizativ Alim Rama, ministra, zyrtarë të Lëvizjes dhe aktivistë, vizituan familjen Dehari, për të vazhduar më pas homazhet te varri i Arbënorit.

Kujtimi për Arbënorin mbetet i gjallë dhe aktiv, i mishëruar në çdo iniciativë tonën dhe në çdo kauzë të drejtë që përqafojmë. Arbënori na mësoi se idealizmi nuk është larg realitetit; përkundrazi, është forca që e ndryshon atë.

Përjetësisht me ne, në zemrat dhe mendjet tona, Arbënor Dehari!

Kryeministri Albin Kurti në Prizren me rastin e 148-vjetorit të Lidhjes Shqiptare të Prizrenit dhe nisjes së Javës së Lë...
11/06/2026

Kryeministri Albin Kurti në Prizren me rastin e 148-vjetorit të Lidhjes Shqiptare të Prizrenit dhe nisjes së Javës së Lëvizjes

Dje, me rastin e 148-vjetorit të Lidhjes Shqiptare të Prizrenit, Kryeministri Albin Kurti, qëndroi në Prizren ku mori pjesë në aktivitete që përkujtuan këtë datë historike. Ai gjithashtu mori pjesë në një ndejë të organizuar me aktivistë e simpatizantë të Lëvizjes VETËVENDOSJE!.

Në fjalën e tij, Kryeministri Kurti u ndal te rëndësia historike e Lidhjes Shqiptare të Prizrenit, duke theksuar rolin themeltar të saj në organizimin politik kombëtar shqiptar. “Organizimi i Lidhjes së Prizrenit është organizimi i nivelit kulmor politik dhe ushtarak i shqiptarëve, i cili i paraprin shtetit shqiptar në Vlorë. Pra, ajo që ndodhi në Vlorë në nëntorin e vitit 1912 e ka zanafillën në Prizren, në qershorin e vitit 1878”, tha Kryeministri Kurti, duke shtuar se në Prizren “janë ngjizur jo vetëm mendimet, por edhe mënyra e të menduarit - jo vetëm çfarë mendojmë, por edhe si mendojmë”.

Duke folur për Javën e Lëvizjes, Kryeministri rikujtoi se periudha nga 10 deri më 17 qershor përkon me data të rëndësishme historike e politike për Lëvizjen. “10 qershorin e kemi përzgjedhur edhe për Javën e Lëvizjes: prej 10 qershorit, kur është përvjetori i Lidhjes Shqiptare të Prizrenit, deri më 17 qershor, kur është ditëlindja e profesor Ukshin Hotit, ne çdo ditë kemi aktivitete që shënojnë Javën e Lëvizjes”, u shpreh ai. Kryeministri theksoi po ashtu se qershori është muaji i themelimit të Lëvizjes VETËVENDOSJE!, e cila këtë vit shënon 21-vjetorin e saj.

Në pjesën e tretë të fjalës së tij, Kryeministri Kurti iu referua rezultatit të fundit zgjedhor dhe angazhimit të aktivistëve. “Nuk kemi si të mos e përmendim se ndodhemi vetëm tri ditë prej ditës së zgjedhjeve, kur u shënua fitorja e pestë radhazi parlamentare e Lëvizjes VETËVENDOSJE! në më pak se shtatë vjet”, tha ai, duke falënderuar aktivistët dhe mbështetësit për kontributin në rezultat.

“Mbështetja e qytetarëve për Lëvizjen jo vetëm që po rritet, por është bërë edhe solide, një mbështetje që nuk mund ta marrë askush. Ka mundësi që në një palë zgjedhje të kemi 2-3% më shumë ose më pak, por trupi mbështetës është shumë solid. Prandaj, unë besoj që në këtë dekadë të tretë të Lëvizjes VETËVENDOSJE!, ne do të vazhdojmë të jemi edhe në dekadën e qeverisjes së VETËVENDOSJE! në Republikën e Kosovës.

Në përmbyllje, Kryeministri Kurti inkurajoi pjesëmarrjen në aktivitetet e Javës së Lëvizjes. “Tash, për çdo ditë kemi një temë të caktuar dhe ju inkurajoj të merrni pjesë në aktivitetet e Javës së Lëvizjes”.

Lidhja është gjallë148-vjetori i Lidhjes shqiptare të Prizrenit Lëvizja VETËVENDOSJE! me 10 qershor ju fton ta shënojmë ...
10/06/2026

Lidhja është gjallë
148-vjetori i Lidhjes shqiptare të Prizrenit

Lëvizja VETËVENDOSJE! me 10 qershor ju fton ta shënojmë së bashku këtë përvjetor në Prizren.
Aktivitetet fillojnë prej ora 17.00 tek sheshi i Lidhjes dhe vijojnë përgjatë pasdites e mbrëmjes.

Më 10 qershor 1878, në Prizren përfaqësues shqiptarë nga katër vilajetet u mblodhën për t’iu kundërvënë vendimeve që po përgatiteshin në Kongresin e Berlinit dhe që rrezikonin copëtimin e trojeve shqiptare. Nën udhëheqjen e Abdyl Frashërit dhe patriotëve të tjerë, Lidhja u bë organizata e parë politike mbarëshqiptare, duke kërkuar bashkim dhe vetëqeverisje për shqiptarët.

Ky ishte hapi i parë i madh nga mbrojtja e trojeve drejt programit politik kombëtar që do të udhëhiqte Rilindjen kombëtare shqiptare. Prandaj, 148 vjet më pas, Lidhja mbetet shenjë e bashkimit, organizimit dhe vetëdijes sonë kombëtare. Ideal kombëtar për secilin brez, për secilin shqiptar kudo ku jeton.

Të dashur aktivistë, anëtarë, mbështetës, nga kudo ku jetoni e punoni, Jeni të ftuar të na bashkoheni në Javën e Lëvizje...
09/06/2026

Të dashur aktivistë, anëtarë, mbështetës, nga kudo ku jetoni e punoni,

Jeni të ftuar të na bashkoheni në Javën e Lëvizjes, e cila nis me shënimin e 10 qershorit, për nder të Lidhjes së Prizrenit dhe përfundon me 17 qershor, në ditën e lindjes së Ukshin Hotit.

Ju ftojmë t'i bashkëngjiteni aktiviteteve tona.

07/06/2026

Faleminderit gjithë qytetarëve për mbështetjen!

Urime fitorja!

Address

Behije Dashi, Nr. 31
Pristina
10000

Website

Alerts

Be the first to know and let us send you an email when Lëvizja VETËVENDOSJE! posts news and promotions. Your email address will not be used for any other purpose, and you can unsubscribe at any time.

Shortcuts

Share

Category