Biblioteka Kombëtare e Kosovës “Pjetër Bogdani”

Biblioteka Kombëtare e Kosovës “Pjetër Bogdani” Faqja zyrtare-Biblioteka Kombëtare e Kosovës "Pjetër Bogdani"
Official page of National Library of Kosova "Pjetër Bogdani"
[email protected] 📩

Faqja zyrtare-Biblioteka Kombëtare e Kosovës "Pjetër Bogdani"

Official page of the National Library of Kosova "Pjetër Bogdani"

Biblioteka Kombëtare e Kosovës “Pjetër Bogdani” është institucioni më i lartë bibliotekar në Kosovë dhe qendër e informacionit në nivel kombëtar. [email protected]

Biblioteka Kombëtare e Kosovës ju mirëpret në koncertin e mbylljes së Festivalit DAM, një mbrëmje e veçantë muzikore me ...
17/09/2026

Biblioteka Kombëtare e Kosovës ju mirëpret në koncertin e mbylljes së Festivalit DAM, një mbrëmje e veçantë muzikore me dy artistë të shquar nga Japonia.

Mos e humbisni mundësinë që të përjetoni një nga zërat e kontratenorëve më të shquar të gjeneratës së tij.

TOSHIYUKI MURAMATSU – Kontratenor
MASAAKI SAITO – Piano

Një zë i jashtëzakonshëm dhe një përvojë muzikore që premton të mbetet gjatë në kujtesë.

RRETH ARTISTËVE

Toshiyuki Muramatsu, i lindur në Kyoto, është kontratenor japonez, i diplomuar në Universitetin e Arteve të Tokios dhe i specializuar në interpretimin vokal të muzikës së hershme në Konservatorin G. Cantelli në Novara.

Fitues i disa çmimeve prestigjioze, ai ka interpretuar me orkestrat kryesore japoneze dhe në skena ndërkombëtare.
Repertori i tij shtrihet nga muzika e hershme dhe opera deri te krijimtaria bashkëkohore, duke ndërthurur traditën me shprehjen moderne.

Masaaki Saito studioi në Universitetin e Muzikës dhe Arteve Performuese të Vjenës, ku u diplomua me vlerësim maksimal.
Fitues i çmimit për shoqëruesin më të mirë në Konkursin Ndërkombëtar të Këngëtarëve në Passau, ai ka performuar në festivale ndërkombëtare në Japoni dhe jashtë saj.

Përveç veprimtarisë së tij si pianist, Saito ka një angazhim të rëndësishëm akademik. Aktualisht është pedagog në Universitetin e Muzikës dhe Arteve Performuese të Vjenës dhe profesor i asociuar i ftuar në Kolegjin e Muzikës në Nagoya.

📅 18.09.2026 | E premte
🕣 20:30
📍 Holli i Bibliotekës Kombëtare të Kosovës
🎟️ Rezervimi është falas!
Për rezervime, ju lutemi shkruani në: [email protected]

⚠️ Numri i ulëseve është i limituar, ndaj ju rekomandojmë të rezervoni vendin tuaj me kohë.

Sot u përmbyllën në Madrid, punimet e takimeve të përgjithshme vjetore të Agjencisë Ndërkombëtare të ISBN-së dhe të Agje...
17/09/2026

Sot u përmbyllën në Madrid, punimet e takimeve të përgjithshme vjetore të Agjencisë Ndërkombëtare të ISBN-së dhe të Agjencisë Ndërkombëtare të ISMN-së.

Takimet mblodhën përfaqësues të institucioneve kombëtare nga vende të ndryshme të botës, ku u diskutuan zhvillimet në administrimin dhe zbatimin e standardeve ndërkombëtare ISBN dhe ISMN, çështje që lidhen me identifikimin dhe regjistrimin e botimeve dhe publikimeve muzikore, si dhe përvojat e institucioneve kombëtare në këto fusha.

Biblioteka Kombëtare e Kosovës ishte pjesë e këtyre takimeve, duke kontribuar në bashkëpunimin dhe shkëmbimin e përvojave me institucionet homologe.

Në Bibliotekën Kombëtare të Kosovës u zhvillua sesioni interaktiv “Bibliotekat dhe Demokracia: Përvoja Amerikane në 250 ...
15/09/2026

Në Bibliotekën Kombëtare të Kosovës u zhvillua sesioni interaktiv “Bibliotekat dhe Demokracia: Përvoja Amerikane në 250 vjet”, organizuar me rastin e shënimit të 250-vjetorit të Pavarësisë së Shteteve të Bashkuara të Amerikës, në kuadër të programit Freedom 250.

Në panel morën pjesë Dallas Long, Fulbright Specialist dhe Udhëheqës i Shërbimeve të Vlerësimit në Illinois State University, Shqipe Canolli Haziri, U.D. Drejtoreshë e Departamentit të Zhvillimit dhe Përpunimit të Koleksioneve në BKK, dhe Bekim Aliu, U.D. Drejtor i Departamentit të Shërbimit të Përdoruesve dhe Zhvillimit Profesional në BKK.

Diskutimi u përqendrua në rolin e bibliotekave në qasjen në informacion, shërbimin publik dhe transparencën, si dhe në përdorimin e treguesve kryesorë të performancës (KPI) dhe të dhënave për përmirësimin e shërbimeve.

Gjatë sesionit, pjesëmarrësit ndanë përvojat e tyre dhe diskutuan për mënyrat se si praktikat e bibliotekave amerikane mund të përdoren dhe përshtaten edhe në bibliotekat e Kosovës.

Aktiviteti u zhvillua në kuadër të projektit Fulbright Specialist “Vendime të bazuara në të dhëna në Bibliotekën Kombëtare të Kosovës”.

Biblioteka Kombëtare e Kosovës në Takimin e Përgjithshëm Vjetor të ISBN-së në MadridBiblioteka Kombëtare e Kosovës po me...
15/09/2026

Biblioteka Kombëtare e Kosovës në Takimin e Përgjithshëm Vjetor të ISBN-së në Madrid

Biblioteka Kombëtare e Kosovës po merr pjesë në Takimin e Përgjithshëm Vjetor të Agjencisë Ndërkombëtare të ISBN-së (International ISBN Agency), i cili po mbahet në Madrid, Spanjë.

Ky takim vjetor mbledh përfaqësues të agjencive kombëtare të ISBN-së nga vende të ndryshme të botës, me qëllim të diskutimit të zhvillimeve të reja në sistemin ndërkombëtar të identifikimit të botimeve dhe forcimit të bashkëpunimit ndërmjet institucioneve përgjegjëse.

14/09/2026

Biblioteka Kombëtare e Kosovës “Pjetër Bogdani” për herë të parë do te jetë nikoqire e Takimit Vjetor të Drejtorëve të Bibliotekave Kombëtare të Evropës Juglindore (SEENL), që do të mbahet nga 28 deri më 30 shtator 2026.

Në të njëjtën kohë, nga 28 shtatori deri më 2 tetor, zhvillohet Java e Bibliotekës në Kosovë – Edicioni XXIII, me temën “RILINDJA – Zëra në kujtesë”, kushtuar trashëgimisë së shtypit dhe kujtesës kulturore.

Më 15 shtator 2026, nga ora 13:00 deri në 14:30, në Bibliotekën Kombëtare të Kosovës “Pjetër Bogdani”, ju ftojmë në një ...
12/09/2026

Më 15 shtator 2026, nga ora 13:00 deri në 14:30, në Bibliotekën Kombëtare të Kosovës “Pjetër Bogdani”, ju ftojmë në një sesion interaktiv mbi rolin e bibliotekave në përkrahjen e demokracisë, transparencës, qasjes në informacion dhe shërbimit publik.

Aktiviteti organizohet në kuadër të shënimit të 250-vjetorit të Shteteve të Bashkuara të Amerikës dhe do të përfshijë diskutim në panel dhe ekspozitë me tregime e materiale nga historia e bibliotekave amerikane.

Prezantim i veçantë arkeologjik në Bibliotekën Kombëtare Sot, më 10 shtator, në amfiteatrin e Bibliotekës Kombëtare të K...
10/09/2026

Prezantim i veçantë arkeologjik në Bibliotekën Kombëtare

Sot, më 10 shtator, në amfiteatrin e Bibliotekës Kombëtare të Kosovës u mbajt prezantimi “Presentation of Highlights from the Collection of the Archaeological Museum of Thessaloniki”, nën kujdesin e Zyrës Ndërlidhëse Greke në Prishtinë.
Ligjëratën e mbajti Dr. Styliana Galiniki, ushtruese e detyrës së Drejtorit të Përgjithshëm të Muzeut Arkeologjik të Selanikut, duke prezantuar disa nga pjesët më të rëndësishme të koleksionit të muzeut.
Aktiviteti u përshëndet nga Ambasadorja Heleni Vakali, Shefe e Zyrës së Ndërlidhjes së Greqisë, dhe Zana Rama, ushtruese e detyrës së Drejtorit të Institutit Arkeologjik të Kosovës.

Ju mirëpresim sot në orën 11:00!
10/09/2026

Ju mirëpresim sot në orën 11:00!

Në Bibliotekën Kombëtare të Kosovës “Pjetër Bogdani”, fundi i shtatorit sjell dy ngjarje të veçanta:Konferenca e Drejtor...
07/09/2026

Në Bibliotekën Kombëtare të Kosovës “Pjetër Bogdani”, fundi i shtatorit sjell dy ngjarje të veçanta:

Konferenca e Drejtorëve të Bibliotekave Kombëtare të Evropës Juglindore

28–30 shtator 2026

Java e Bibliotekës në Kosovë 2026

28 shtator – 2 tetor 2026

Address

Pristina
10000

Opening Hours

Monday 07:00 - 20:00
Tuesday 07:00 - 20:00
Wednesday 07:00 - 20:00
Thursday 07:00 - 20:00
Friday 07:00 - 20:00
Saturday 07:00 - 14:00

Website

Alerts

Be the first to know and let us send you an email when Biblioteka Kombëtare e Kosovës “Pjetër Bogdani” posts news and promotions. Your email address will not be used for any other purpose, and you can unsubscribe at any time.

Shortcuts

Share

Category