What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 16:00

Instituti Hidrometeorologjik i Kosovës, Lidhja e Pejës 47, Pristina (2026)

13/09/2026

INSTITUTI HIDROMETEOROLOGJIK I KOSOVËS
14–18 shtator 2026

🌤️ Përmbledhje e motit për Kosovë – 14–18 shtator 2026

Gjatë periudhës 14–18 shtator 2026, moti në vendin tonë do të jetë kryesisht me diell dhe vranësira të shpërndara. Të martën priten 🌦️ riga shiu në disa pjesë të vendit. Nga e mërkura do të ketë rritje graduale të temperaturave, me vlera maksimale që të enjten mund të arrijnë deri në 29°C. Temperaturat minimale do të jenë më të ulëta gjatë orëve të mëngjesit, ndërsa gjatë ditës temperaturat do të jenë relativisht të larta për këtë periudhë të vitit.

☀️ E hënë, 14 shtator

Moti do të jetë me diell dhe pjesërisht i vranët. Temperaturat minimale do të lëvizin nga 6 deri në 9°C, ndërsa maksimalet nga 18 deri në 24°C.

🌬️ Do të fryjë erë kryesisht nga veriperëndimi, me shpejtësi 1–4 m/s.

🌦️ E martë, 15 shtator

Moti do të jetë me diell dhe pjesërisht i vranët, me riga shiu në disa pjesë të vendit. Temperaturat minimale do të lëvizin nga 7 deri në 11°C, ndërsa maksimalet nga 19 deri në 24°C.

🌬️ Do të fryjë erë nga verilindja, me shpejtësi 1–7 m/s.

☀️ E mërkurë, 16 shtator

Moti do të jetë me diell dhe vranësira të shpërndara. Temperaturat minimale do të lëvizin nga 7 deri në 10°C, ndërsa maksimalet nga 22 deri në 28°C.

🌬️ Do të fryjë erë nga jugperëndimi, me shpejtësi 1–4 m/s.

☀️ E enjte, 17 shtator

Moti do të jetë me diell dhe pjesërisht i vranët. Temperaturat minimale do të lëvizin nga 7 deri në 10°C, ndërsa maksimalet nga 23 deri në 29°C.

🌬️ Do të fryjë erë nga jugperëndimi, me shpejtësi 1–3 m/s.

🌤️ E premte, 18 shtator

Moti do të jetë me diell dhe vranësira të shpërndara. Në disa zona të kufizuara mund të ketë ndonjë rigë shiu. Temperaturat minimale do të lëvizin nga 9 deri në 13°C, ndërsa maksimalet nga 23 deri në 27°C.

🌬️ Do të fryjë erë nga juglindja, me shpejtësi 1–4 m/s.

🌿 Kushtet biometeorologjike

Kushtet biometeorologjike gjatë kësaj periudhe do të jenë kryesisht të favorshme. Në orët e mëngjesit, temperaturat relativisht të ulëta mund të shkaktojnë ndjesi freskie, ndërsa gjatë ditës, sidomos nga e mërkura, rritja e temperaturave do të krijojë kushte më të ngrohta dhe përgjithësisht të përshtatshme për shumicën e aktiviteteve në ambient të hapur.

🌱 Kushtet agrometeorologjike

Kushtet agrometeorologjike do të jenë përgjithësisht të favorshme për aktivitetet bujqësore. Temperaturat gjatë ditës do të mbeten relativisht të larta, ndërsa reshjet e mundshme të së martës mund të kontribuojnë në përmirësimin e lagështisë së tokës në zonat ku do të ketë reshje. Temperaturat e mëngjesit do të jenë më të ulëta, por pa ndonjë rrezik të theksuar për bimësinë.

☀️ UV

Indeksi i rrezatimit ultraviolet do të jetë kryesisht në nivel të moderuar, me vlera më të larta gjatë intervalit të mesditës, në ditët me më shumë diell.

11/09/2026

🌦️ PARASHIKIMI I MOTIT PËR FUNDJAVË
📅 12–13 shtator 2026

🌤️ E shtunë, 12 shtator 2026

Gjatë ditës së shtunë, në Kosovë pritet mot pjesërisht i vranët, me intervale të shkurtra me diell. Në disa pjesë të vendit, sidomos gjatë pjesës së dytë të ditës, priten riga shiu, kryesisht me karakter lokal.

🌡️ Temperaturat minimale do të lëvizin nga 10 deri në 15°C, ndërsa temperaturat maksimale nga 20 deri në 25°C.

💨 Do të fryjë erë nga veriperëndimi, me shpejtësi 1–7 m/s.

☀️ E diel, 13 shtator 2026

Të dielën, moti do të jetë kryesisht me diell dhe vranësira të shpërndara, pa reshje të theksuara.

🌡️ Temperaturat minimale do të lëvizin nga 11 deri në 15°C, ndërsa temperaturat maksimale nga 22 deri në 24°C.

💨 Era do të fryjë nga verilindja, me shpejtësi 1–5 m/s.

🧍‍♀️ Kushtet biometeorologjike

Të shtunën, ndryshimi i kushteve atmosferike dhe mundësia për reshje lokale mund të ndikojnë në rritjen e ndjeshmërisë së personave meteoropatë.

Të dielën, me përmirësimin e motit dhe rritjen e intervaleve me diell, kushtet biometeorologjike pritet të jenë më të favorshme për shumicën e njerëzve.

🌡️ Temperaturat relativisht të buta gjatë ditës dhe freskimi gjatë natës do të krijojnë kushte përgjithësisht të përshtatshme për aktivitete në ambient të hapur.

🌱 Kushtet agrometeorologjike

Reshjet e mundshme të së shtunës mund të jenë të dobishme për furnizimin e tokës me lagështi, veçanërisht në zonat ku ka mungesë të saj. Megjithatë, karakteri lokal i reshjeve mund të shkaktojë shpërndarje jo të njëtrajtshme të sasisë së ujit.

☀️ Të dielën, kushtet më të qëndrueshme dhe temperaturat e përshtatshme do të favorizojnë zhvillimin dhe pjekjen e kulturave bujqësore, si dhe kryerjen e punëve në terren.

06/09/2026

🌦️ INSTITUTI HIDROMETEOROLOGJIK I KOSOVËS

📅 PARASHIKIMI JAVOR I MOTIT

7–11 shtator 2026

🌤️ Përmbledhje e motit për Kosovë – 7–11 shtator 2026

Gjatë periudhës 7–11 shtator 2026, moti në Kosovë do të jetë kryesisht i qëndrueshëm, i ngrohtë dhe me shumë intervale me diell. Temperaturat do të jenë mbi vlerat tipike për fillimin e shtatorit, veçanërisht gjatë ditëve të para.

⛈️ E enjtja, 10 shtator, paraqet një ndryshim të përkohshëm të motit, ku priten reshje shiu, lokalisht të shoqëruara me shkarkime rrufesh. Pas këtyre zhvillimeve, të premten temperaturat do të shënojnë një rënie të lehtë.

☀️ E hënë – 7 shtator

🌤️ Moti do të jetë kryesisht me diell dhe vranësira të pakta.
🌡️ Temperaturat minimale do të lëvizin nga 8°C deri në 11°C, ndërsa maksimalet nga 27°C deri në 31°C.
Do të fryjë erë nga veriperëndimi, me shpejtësi 1–4 m/s.

☀️ E martë – 8 shtator

☀️ Do të mbajë mot kryesisht i ngrohtë dhe me diell.

🌡️ Temperaturat minimale do të lëvizin nga 8°C deri në 11°C, ndërsa maksimalet nga 29°C deri në 32°C.

🌬️ Do të fryjë erë nga drejtime të ndryshme, e lehtë deri mesatare.

☀️ E mërkurë – 9 shtator

🌤️ Vazhdon moti i ngrohtë, me periudha të gjata me diell.
🌡️ Temperaturat minimale do të lëvizin nga 8°C deri në 11°C, ndërsa maksimalet nga 28°C deri në 33°C.
📍 Vlerat më të larta priten në Prizren dhe Gjakovë, deri në 33°C.
🌬️ Do të fryjë erë kryesisht nga verilindja, me shpejtësi 1–5 m/s.

⛈️ E enjte – 10 shtator

🌦️ Moti do të jetë më i ndryshueshëm. Përveç intervaleve me diell dhe vranësirave, priten reshje shiu, lokalisht të shoqëruara me shkarkime rrufesh.

🌡️ Temperaturat minimale do të lëvizin nga 10°C deri në 13°C, ndërsa maksimalet nga 27°C deri në 31°C.

🌬️ Do të fryjë erë mesatare dhe lokalisht e fortë, nga drejtimi i verilindjes dhe veriperëndimit.

🌤️ E premte – 11 shtator

🌤️ Pas reshjeve të së enjtes, moti do të jetë më i freskët, me diell dhe vranësira të ndryshueshme.

🌡️ Temperaturat minimale do të lëvizin nga 10°C deri në 13°C, ndërsa maksimalet nga 25°C deri në 30°C.

🏔️ Rënia më e theksuar e temperaturave maksimale pritet në zonat malore.

🌬️ Do të fryjë erë nga drejtimi i veriperëndimit, me shpejtësi 1–5 m/s.

🌿 Kushtet biometeorologjike

🌡️ Në pjesën më të madhe të periudhës, kushtet biometeorologjike do të jenë kryesisht të favorshme.

Temperaturat e larta gjatë ditës, sidomos të martën dhe të mërkurën, mund të shkaktojnë ngarkesë të shtuar termike, veçanërisht te personat e ndjeshëm ndaj temperaturave të larta.

⛈️ Të enjten, gjatë zhvillimit të vranësirave konvektive dhe shkarkimeve elektrike, mund të ketë ndjeshmëri më të shtuar meteoropatike.

🌤️ Të premten, me rënien e temperaturave, kushtet pritet të përmirësohen.

🌾 Kushtet agrometeorologjike

🌱 Kushtet agrometeorologjike do të jenë përgjithësisht të favorshme për zhvillimin dhe pjekjen e kulturave bujqësore, por temperaturat e larta gjatë ditëve të para mund të rrisin avullimin dhe nevojat për ujë, veçanërisht te kulturat që ende kanë kërkesa për ujitje.

🌧️ Reshjet e parashikuara të enjten do të jenë të dobishme për lagështinë e tokës, ndërsa në zonat ku shiu shoqërohet me shkarkime rrufesh dhe intensitet më të madh, duhet pasur kujdes nga dëmtimet e mundshme lokale.

🟡 Indeksi UV

☀️ Indeksi UV do të jetë i lartë, veçanërisht gjatë orëve të mesditës në ditët me diell.

🕚 Rekomandohet shmangia e ekspozimit të zgjatur në diell gjatë intervalit 11:00–16:00, përdorimi i mbrojtjes nga rrezatimi UV dhe hidratimi i mjaftueshëm.

04/09/2026

🌤️ PARASHIKIMI I MOTIT PËR VIKEND

📅 05 dhe 06 shtator 2026

Gjatë vikendit do të mbajë mot kryesisht me diell dhe me vranësira të pakta, kryesisht rreth relievit malor. Nuk parashihen reshje. Temperaturat gjatë ditës do të mbeten të larta, ndërsa netët kanë filluar të freskohen gradualisht në raport me ditët e fundit, kur temperaturat e natës kanë qenë më të larta dhe netët më të ngrohta.

☀️ E SHTUNË – 05.09.2026

Moti do të jetë kryesisht me diell dhe me vranësira të pakta, më të theksuara rreth viseve malore.

🌡️ Temperaturat minimale: 9°C – 12°C
🌡️ Temperaturat maksimale: 29°C – 34°C

💨 Era: Kryesisht e dobët, nga drejtime të ndryshueshme, me shpejtësi 1–4 m/s.

☀️ E DIEL – 06.09.2026

Do të mbajë mot kryesisht me diell dhe me vranësira të pakta, sidomos rreth relievit malor. Nuk parashihen reshje.

🌡️ Temperaturat minimale: 10°C – 15°C
🌡️ Temperaturat maksimale: 28°C – 31°C

💨 Era: E dobët deri mesatare, kryesisht nga drejtimet veriore dhe verilindore, me shpejtësi 1–5 m/s.

🌿 KUSHTET BIOMETEOROLOGJIKE

Kushtet biometeorologjike do të jenë kryesisht të mira dhe të favorshme. Temperaturat e larta gjatë ditës mund të shkaktojnë ngarkesë termike të lehtë, ndërsa freskimi i netëve do të sjellë kushte më të përshtatshme për pushim dhe gjumë.

🌾 KUSHTET AGROMETEOROLOGJIKE

Kushtet agrometeorologjike do të jenë kryesisht të favorshme për punët bujqësore, veçanërisht për vjeljen dhe pjekjen e kulturave.

💧 Mungesa e reshjeve dhe temperaturat e larta gjatë ditës mund të rrisin nevojën për ujitje te kulturat që ende ndodhen në fazat aktive të zhvillimit.

☀️ INDEKSI UV

Indeksi UV do të jetë kryesisht mesatar deri i lartë, 5–6, me vlera më të larta gjatë orëve të mesditës.

🧴 Rekomandohet mbrojtja nga ekspozimi i zgjatur ndaj rrezatimit të drejtpërdrejtë diellor.

30/08/2026

INSTITUTI HIDROMETEOROLOGJIK I KOSOVËS

Parashikimi javor i motit për periudhën 31.08.2026 – 04.09.2026

☀️ E hënë, 31.08.2026

Moti do të jetë kryesisht me diell dhe vranësira të pakta, të pranishme kryesisht përgjatë zonave malore.

🌡️ Temperatura minimale: 12–17°C
🌡️ Temperatura maksimale: 29–34°C
💨 Era: nga veriperëndimi, me shpejtësi 1–4 m/s.

⸻

🌤️ E martë, 01.09.2026

Moti do të jetë me diell dhe vranësira të shpërndara. Në disa zona, vranësirat mund të shoqërohen me reshje shiu.

🌡️ Temperatura minimale: 11–17°C
🌡️ Temperatura maksimale: 28–33°C
💨 Era: nga verilindja, me shpejtësi 1–7 m/s.

⸻

⛅ E mërkurë, 02.09.2026

Moti do të jetë me diell dhe vranësira të pakta. Gjatë pjesës së dytë të ditës, vranësirat do të shtohen dhe lokalisht priten reshje shiu, të shoqëruara me shkarkime rrufesh.

🌡️ Temperatura minimale: 13–17°C
🌡️ Temperatura maksimale: 28–32°C
💨 Era: nga veriperëndimi, me shpejtësi 1–8 m/s.

⸻

🌤️ E enjte, 03.09.2026

Moti do të jetë me diell dhe vranësira të shpërndara.

🌡️ Temperatura minimale: 11–15°C
🌡️ Temperatura maksimale: 27–31°C

⸻

🌤️ E premte, 04.09.2026

Moti do të jetë me diell dhe vranësira të shpërndara.

🌡️ Temperatura minimale: 10–14°C
🌡️ Temperatura maksimale: 27–32°C
💨 Era: nga veriperëndimi dhe verilindja, me shpejtësi 1–5 m/s.

⸻

🌱 VLERËSIMI AGROMETEOROLOGJIK

Gjatë periudhës 31 gusht – 4 shtator 2026, kushtet agrometeorologjike do të jenë përgjithësisht të favorshme për kulturat bujqësore.

🌡️ Temperaturat e larta gjatë ditës do të favorizojnë pjekjen e kulturave, ndërsa moti kryesisht i thatë mund të rrisë humbjen e lagështisë nga toka dhe nevojën për ujitje.

🌧️ Reshjet lokale të mundshme gjatë së martës dhe së mërkurës, të shoqëruara me bubullima dhe shkarkime rrufesh, mund të përmirësojnë përkohësisht gjendjen hidrike të tokës. Megjithatë, lokalisht ato mund të krijojnë kushte të favorshme për zhvillimin e sëmundjeve te kulturat bujqësore.

28/08/2026

🌤️ INSTITUTI HIDROMETEOROLOGJIK I KOSOVËS

Parashikimi i motit për vikendin (29–30 gusht 2026)

☀️ E SHTUNË – 29 GUSHT 2026

🌤️ Mot: Kryesisht me diell dhe vranësira të çrregullta. Gjatë ditës, vranësirat do të dendësohen, duke krijuar kushte për zhvillimin e vranësirave konvektive, të shoqëruara me shkarkime rrufesh ⚡ dhe reshje lokale shiu 🌦️. Nuk përjashtohet mundësia që reshjet të jenë të shkurtra dhe lokalisht të shoqërohen me erëra të përforcuara.

🌡️ Temperaturat:
• Minimale: 12–17°C
• Maksimale: 28–34°C

💨 Era: Kryesisht nga veriu dhe veriperëndimi, me shpejtësi 1–8 m/s. Në zonat ku zhvillohen vranësira konvektive mund të ketë përforcime të përkohshme të erës.

🧍 Kushtet biometeorologjike: Moti i ngrohtë gjatë ditës mund të shkaktojë ngarkesë të lehtë deri mesatare termike, veçanërisht gjatë orëve të pasdites. Në zonat me reshje dhe erëra të përforcuara, kushtet do të jenë përkohësisht më të freskëta.

🌱 Kushtet agrometeorologjike: Temperaturat e larta do të favorizojnë avullimin dhe humbjen e lagështisë nga toka. Prandaj, në parcelat bujqësore me lagështi të pamjaftueshme rekomandohet monitorimi i gjendjes së kulturave dhe ujitja sipas nevojës. Reshjet lokale mund të sjellin përmirësim të përkohshëm të lagështisë së tokës, por për shkak të karakterit lokal, shpërndarja e tyre mund të jetë e pabarabartë.

☀️ Indeksi UV: I lartë deri shumë i lartë (6–8) gjatë intervalit me rrezatim më të fuqishëm diellor. Rekomandohet shmangia e ekspozimit të zgjatur në diell gjatë orëve të mesditës.

⸻

☀️ E DIEL – 30 GUSHT 2026

🌤️ Mot: Kryesisht me diell dhe i ngrohtë. Vranësira të pakta deri mesatare do të paraqiten kryesisht përreth relievit malor.

🌡️ Temperaturat:
• Minimale: 12–16°C
• Maksimale: 29–33°C

💨 Era: Kryesisht nga veriu dhe veriperëndimi, me shpejtësi 1–4 m/s.

🧍 Kushtet biometeorologjike: Kushtet do të jenë përgjithësisht të favorshme, por gjatë orëve të mesditës dhe pasdites, temperaturat e larta mund të shkaktojnë ngarkesë të lehtë termike, sidomos në zonat e ulëta.

🌱 Kushtet agrometeorologjike: Moti i ngrohtë dhe kryesisht i thatë do të favorizojë pjekjen dhe zhvillimin e kulturave bujqësore, por njëkohësisht do të rrisë kërkesën për ujë. Rekomandohet monitorimi i lagështisë së tokës, veçanërisht në kulturat që ndodhen në fazat e zhvillimit aktiv.

☀️ Indeksi UV: I lartë deri shumë i lartë (6–8) gjatë orëve të mesditës. Rekomandohet mbrojtja nga ekspozimi i drejtpërdrejtë dhe i zgjatur ndaj rrezatimit diellor.

🌡️ Tendenca për fillimin e shtatorit

Temperatura të larta priten edhe gjatë dhjetëditësh*t të parë të shtatorit.

23/08/2026

🌤️ INSTITUTI HIDROMETEOROLOGJIK I KOSOVËS

📅 PARASHIKIMI I MOTIT | 24–28 GUSHT 2026

🌡️ Java e fundit e gushtit parashihet të jetë e nxehtë dhe kryesisht e qëndrueshme, me intervale të gjata me diell dhe vranësira të herëpashershme.

🌡️ Temperaturat do të jenë mbi mesataren për këtë periudhë, ndërsa në disa zona maksimalet mund të arrijnë deri në 35–36°C.

📌 E HËNË | 24.08
☀️ Mot me diell dhe vranësira të pakta
🌡️ Min: 12–17°C | Max: 29–34°C
💨 Erë: Veriperëndim, 1–3 m/s

📌 E MARTË | 25.08
☀️ Kryesisht me diell dhe vranësira të shpërndara
🌡️ Min: 11–15°C | Max: 30–35°C
💨 Erë: Verilindje, 1–4 m/s

📌 E MËRKURË | 26.08
⛅ Diell dhe vranësira të çrregullta
🌧️ Reshje lokale, kryesisht shi
🌡️ Min: 11–17°C | Max: 29–33°C
💨 Erë: Veriperëndim, 1–8 m/s

📌 E ENJTE | 27.08
☀️ Mot me diell dhe vranësira, sidomos rreth zonave malore
🌡️ Min: 11–16°C | Max: 29–34°C
💨 Erë: Veriperëndim, 1–4 m/s

📌 E PREMTE | 28.08
☀️ Mot me diell dhe vranësira
🌡️ Min: 10–15°C | Max: 30–36°C
💨 Erë: Verilindje, 1–5 m/s

🔥 KUJDES NGA VAPA!
Gjatë mesditës dhe pasdites, temperaturat e larta mund të shkaktojnë ngarkesë termike, veçanërisht te personat e ndjeshëm.

💧 Pini mjaftueshëm lëngje
🌳 Shmangni qëndrimin e gjatë në diell
🏃 Kufizoni aktivitetet fizike gjatë orëve më të nxehta
🧴 Mbroni lëkurën nga rrezatimi diellor

🌾 KUSHTET AGROMETEOROLOGJIKE
Temperaturat e larta dhe moti kryesisht i thatë do të favorizojnë pjekjen e kulturave bujqësore, por do të rrisin kërkesat për ujë. Rekomandohet monitorimi i lagështisë së tokës dhe ujitja sipas nevojës.

☀️ INDEKSI UV: I LARTË – SHUMË I LARTË
🕙 Kujdes i shtuar nga 10:00 deri në 16:00.

📍 Përcillni parashikimet dhe këshillat e Institutit Hidrometeorologjik të Kosovës.

23/08/2026

Analizë Klimatike Krahasuese
Periudha: Korrik–Gusht 2025- Korrik–Gusht 2026
👇 Kliko linkun për ta lexuar analizën e plotë: 🔗

21/08/2026

🌤️ PARASHIKIMI I MOTIT PËR VIKEND – 22 & 23 GUSHT 2026 🇽🇰

☀️ E SHTUNË – 22 GUSHT

Në Kosovë pritet mot kryesisht me diell dhe i nxehtë. Nuk parashihen reshje.

🌡️ Temperaturat:
• Minimalet: 11°C – 15°C
• Maksimalet: 32°C – 38°C

💨 Era do të fryjë kryesisht nga veriu dhe veriperëndimi, me shpejtësi 1–4 m/s, ndërsa lokalisht mund të ketë përforcime të përkohshme.

🔥 Kushtet biometeorologjike: Ngarkesë termike e shtuar gjatë mesditës dhe pasdites.

🌱 Kushtet agrometeorologjike: Temperaturat e larta dhe moti i thatë do të rrisin nevojën për ujë. Rekomandohet ujitja sipas nevojës.

☀️ Indeksi UV: I LARTË – Rekomandohet mbrojtje nga ekspozimi i drejtpërdrejtë në diell, veçanërisht gjatë mesditës.

🌤️ E DIEL – 23 GUSHT

Moti do të jetë kryesisht me diell dhe i ngrohtë, pa reshje. Temperaturat do të jenë më të ulëta krahasuar me të shtunën.

🌡️ Temperaturat:
• Minimalet: 11°C – 16°C
• Maksimalet: 29°C – 34°C

💨 Era do të fryjë kryesisht nga veriu dhe veriperëndimi, me shpejtësi 1–4 m/s.

🔥 Kushtet biometeorologjike: Më të favorshme se të shtunën, por gjatë mesditës mbetet ngarkesa termike e shtuar.

🌱 **Kushtet agrometeorologjike: Mungesa e reshjeve dhe temperaturat e larta do të favorizojnë humbjen e lagështisë nga toka. Rekomandohet monitorimi i nevojës për ujitje.

☀️ Indeksi UV: I LARTË – Kujdes nga ekspozimi i zgjatur në diell gjatë orëve me intensitet më të lartë.

📌 Në përgjithësi: Një vikend i nxehtë dhe kryesisht me diell në gjithë Kosovën, me të shtunën më të nxehtë dhe të dielën me një rënie të lehtë të temperaturave.

21/08/2026

Kosova, e para me 100% përmbushje të obligimeve të raportimit në EIONET për vitin 2025

Kosova ka shënuar rezultat të jashtëzakonshëm në raportimin mjedisor për vitin 2025, duke përmbushur 100% të obligimeve në kuadër të rrjedhave kryesore të të dhënave të Rrjetit Evropian te Informacionit dhe Vëzhgimit të Mjedisit (EIONET). Ky rezultat e rendit Kosovën si të vetmin vend që ka arritur përmbushje të plotë të obligimeve të raportimit për vitin 2025 dhe dëshmon për ofrimin në kohë të të dhënave me cilësi të lartë.

Rrjeti Evropian i Informacionit dhe Vëzhgimit të Mjedisit (EIONET), në kuadër të Agjencisë Evropiane të Mjedisit (EEA), ka vlerësuar përmbushjen e obligimeve të raportimit nga vendet raportuese për vitin 2025. Vlerësimi përfshin qindra grupe të të dhënave dhe mat përformancën e vendeve në aspektin e përpikërisë kohore dhe cilësisë së të dhënave.

Përveç Kosovës, shtatë vende – Maqedonia e Veriut, Kroacia, Irlanda, Hungaria, Polonia, Serbia dhe Sllovakia – kanë arritur rezultat prej 90% ose më lart.

Një nga treguesit kryesorë të performancës, i përcaktuar në Strategjinë EEA-Eionet 2021–2030, është arritja e një rezultati mesatar të përgjithshëm të raportimit prej së paku 90%. Sipas vlerësimit për vitin 2025, ky objektiv nuk ishte arritur plotësisht: performanca mesatare e raportimit ishte 88% për 27 vendet e BE-së dhe 85% për të gjitha vendet e EEA-së dhe vendet bashkëpunuese.

AMMK me pikë maksimale në të gjitha fushat e raportimit

Edhe për vitin 2025, Kosova përmes të dhenave të raportuara nga Agjencia për Mbrojtjen e Mjedisit të Kosovës (AMMK) ka marrë pikët maksimale në të gjitha fushat obligative të raportimit.

Këto përfshijnë:
• të dhënat vjetore për cilësinë e ajrit;
• të dhënat online për cilësinë e ajrit;
• emisionet në ajër;
• gazrat serrë;
• zonat e mbrojtura;
• cilësinë e ujërave; dhe
• sasinë e ujërave.

Ky është viti i pestë radhazi që Kosova arrin rezultat maksimal në përmbushjen e obligimeve të raportimit në kuadër të EIONET. Suksesi është rezultat i punës dhe përkushtimit të ekspertëve të AMMK-së, bashkëpunimit me institucionet e tjera monitoruese në nivel kombëtar, si dhe mbështetjes së vazhdueshme të donatorëve përmes projekteve të ndryshme.

Arritja e këtij rezultati dëshmon përkushtimin e AMMK-së në përmbushjen e detyrimeve në kuadër të bashkëpunimit me Agjencinë Evropiane të Mjedisit (EEA) dhe Rrjetin Evropian të Informacionit dhe Vëzhgimit të Mjedisit (EIONET), si dhe në avancimin e procesit të integrimit evropian.

Çfarë është EIONET?

EIONET është rrjet partneriteti i EEA-së me vendet anëtare dhe bashkëpunuese. Vlerësimi për vitin 2025 paraqet rezultatet e të dhënave të raportuara nga vendet për rrjedhat kryesore të të dhënave të EIONET dhe përfshin vlerësimin e qindra grupeve të të dhënave.

Ky vlerësim synon të masë progresin e vendeve sipas kritereve të dakorduara të raportimit, veçanërisht përpikërisë kohore dhe cilësisë së të dhënave, duke u mundësuar vendeve të identifikojnë dhe prioritizojnë burimet e nevojshme për proceset e rregullta të raportimit.

Sigurimi i të dhënave të sakta, të plota dhe në kohë nga EIONET është thelbësor për EEA-në në përmbushjen e misionit të saj për t'u ofruar politikëbërësve dhe publikut informacion të besueshëm, relevant dhe në kohë për gjendjen e mjedisit.

Për më shumë: Rrjedhat e të dhënave të EIONET për vitin 2025 https://www.eea.europa.eu/en/analysis/publications/eionet-core-data-flows-2025

Instituti Hidrometeorologjik i Kosovës

13/09/2026

11/09/2026

06/09/2026

04/09/2026

30/08/2026

28/08/2026

23/08/2026

23/08/2026

21/08/2026

21/08/2026

Address

Opening Hours

Website

Alerts

Shortcuts

Share

Category

Listing takedown request

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 16:00