Me iniciativën e Qendrës Evropiane për Çështje të Minoriteteve Kosovë (ECMI Kosovo) për të përfshirë pikëpamjet e komuniteteve në procesin e zgjidhjes së statusit, Këshilli Konsultativ për Komunitete (K*K) ka filluar të funskionojë në vitin 2005 si organ joformal i bashkangjitur me Delegacionin e Kosovës në Negociatat për Status, që përbëhej nga përfaqësues të komuniteteve jo shumicë. Në këtë form
at, Këshilli kishte zhvilluar një ‘Kornizë për Mbrojtjen e të Drejtave të Komuniteteve në Kosovë’, e cila ofronte një sistem shumë-nivelësh balancash të masave kushtetuese dhe ligjore për të siguruar mbrojtjen dhe përmbushjen e plotë të të drejtave individuale dhe të komuniteteve për pjesëtarët e komuniteteve jo shumicë në Kosovës. Korniza ishte prezantuar në negociatat për status grupit të Ahtisaarit në Vjenë, si pozicion i Delegacionit nga Kosovo. Dokumenti Kornizë është paraqitur si bazë e Artikullit të II të Planit Gjithëpërfshirës të Ahtisaarit për Statusin e Kosovës, i cili më pas është përfshirë në Artikullin e III të Kushtetutës së Republikës së Kosovës, dhe më vonë ka shërbyer si bazë për Ligjin e vitit 2008 për Promovimin dhe Mbrojtjen e të Drejtave të Komuniteteve dhe Pjesëtarëve të tyre (Ligjin për Komunitete). Themelimi dhe funskionalizimi i Këshillit është paraparë në Nenin 60 të Kushtetutës së Republikës së Kosovës (2008), kurse hollësitë e mandatit të tij janë të mishëruara në Nenin 12 të Ligjit mbi Komunitetet. Këshilli është themeluar zyrtarisht me anë të Dekretit të Presidentit, më 15 shtator 2008, dhe ka mbajtur seancën inaguruese më 23 dhjetor 2008. Tani K*K është institucion i mandatuar me Kushtetutë që përbëhet nga përfaqësues të komuniteteve, shoqëria civile, partitë politike, si dhe zyrtarë të rëndësishëm qeveritarë. Nëpërmjet anëtarësisë së tij të përzier, dhe pozitës së tij strategjike në kuadër të Zyrës së Presidentit, K*K u ofron pjesëtarëve të komuniteteve një forum përmes së cilit mund të monitorojë dhe të ndikojnë në procesin ligjvënës, dhe të adresojë nevojat dhe interesat e tyre në kuadër të programeve dhe politikave qeveritare. Që prej fillimit të punës deri në vitin 2012, Këshilli është mbështetur nga ECMI Kosovo me anë të fondeve të siguruara nga qeveritë e ndryshme, përfshirë këtu Qeverinë e Mbretërisë së Bashkuar, Qeverinë e Gjermanisë, Qeverinë e Norvegjisë, dhe Qeverinë e Zvicrës.
