Lëvizja RILINDJA është themeluar nga një grup aktivistësh politik të pakënaqur me zhvillimet dhe proceset politike, ekonomike dhe sociale në vend, për të kontribuar përmirësimit të jetës politike në frymën dhe platformën politike të sistemit liberal. Lëvizja RILINDJA përfaqëson spektrin e vlerave dhe traditave të qytetarisë. Shoqëria jone mbështetet në besim tek Zoti, në dashuri për atdhe, familje
, shtet dhe liri. Beson në fuqinë e lirisë së individit, të fjalës së lirë, të shprehjes së mendimit kritik, të iniciativës së lirë qytetare dhe fuqishëm kundërshton çdo përpjekje për zhvlerësimin e tyre. Lëvizja RILINDJA është organizat politike e qendrës së djathtë që përmban këto vlera: angazhim të përhershëm për shtet dhe institucione funksionale, familje, shoqëri, traditë, liri, drejtësi, prosperitet, tolerancë shoqërore dhe fetare, si vlera bazike dhe të patjetërsueshme të shoqërisë kosovare. Republika e Kosovës është shtet i pavarur, sovran, demokratik, unik, dhe i pandashëm, i qeverisur nga përfaqësuesit e zgjedhur që duhet t’i respektojnë dhe t’i mbrojnë të drejtat e garantuara të qytetarëve me Kushtetutën e Republikës së Kosovës dhe me Konventa ndërkombëtare. Lëvizja RILINDJA angazhohet për një shoqëri të së drejtës dhe me mundësi të barabarta dhe synon përfaqësimin e çdo kategorie shoqërore përmes votës se lirë me qëllim te udhëheqjes se institucioneve shtetërore. Anëtarësimi në Lëvizjen RILINDJA është i hapur për të gjithë qytetarët të cilët përqafojnë vlerat dhe platformën politike te saj.
