Projekti për Reformën e Sistemit të Asistencës Sociale të Kosovës

Home
Kosovo
Pristina
Projekti për Reformën e Sistemit të Asistencës Sociale të Kosovës

Projekti për SAS Reformën zbatohet nga MPFVLC dhe financohet nga IDA/Banka Botërore.

17/06/2026

✨ Histori suksesi - Projekti SAS ✨

Me kënaqësi ju prezantojmë storjen e suksesit të znj. Remzije Pllana, përfituese e Projektit SAS, e cila ka arritur të integrohet me sukses në tregun e punës pas një procesi të vazhdueshëm këshillimi dhe orientimi profesional.

Falë mbështetjes së Projektit SAS dhe angazhimit të këshilltarit të punësimit, znj. Pllana ka identifikuar dhe zhvilluar aftësitë e saj, duke i përshtatur ato me kërkesat e tregut të punës. Ky proces ka rezultuar me punësimin e saj dhe një hap të rëndësishëm drejt stabilitetit profesional.

Në këtë rrugëtim ka kontribuar edhe organizata Voice of Roma, Ashkali and Egyptians përmes programit “Puna Ime e Parë”, duke lehtësuar integrimin e saj në vendin e punës dhe fuqizimin e saj profesional.

💬 “Falë mbështetjes së Projektit SAS dhe angazhimit të këshilltarit të punësimit, kam arritur të integrohem me sukses në tregun e punës. Përmes këshillimit dhe orientimit profesional, kam identifikuar dhe zhvilluar aftësitë e mia, duke i përshtatur ato me kërkesat e tregut.”- Remzije Pllana, përfituese e Projektit SAS

04/06/2026

Mbahet trajnim për këshilltarët e punësimit të projektit SAS

Në kuadër të Projektit për Reformën e Sistemit të Asistencës Sociale, u realizua një trajnim për këshilltarët e punësimit dhe stafin e Help Desk-ut të Agjencisë së Punësimit të Republikës së Kosovës.

Trajnimi u udhëhoq nga Udhëheqësi i Zyrës së Punësimit në Mitrovicë, Besmir Salihu, dhe u fokusua në forcimin e kapaciteteve profesionale të pjesëmarrësve për zbatimin e aktiviteteve që ndërlidhen me reformën e sistemit të asistencës sociale.

Përmes këtyre aktiviteteve synohet forcimi i kapaciteteve profesionale të stafit, me fokus mbështetjen e procesit të aktivizimit dhe integrimit në tregun e punës të personave të aftë për punë, përfitues të Skemës së re të Asistencës Sociale, duke kontribuar në rritjen e mundësive për punësim dhe përfshirje të qëndrueshme ekonomike.

02/06/2026

🤝🌸 Bashkëpunim për fuqizimin e grave në Shtime - Takim me biznesin “Butterfly” për projektin SAS

Përfaqësuesit e Zyrës së Punësimit në Shtime realizuan takim me biznesin “Butterfly” në kuadër të projektit SAS, për të diskutuar mundësitë e punësimit të përfituesve të pilotimit të asistencës sociale, me fokus të veçantë tek gratë.

“Butterfly”, i cili punëson mbi 40 gra në pozita të paketimit dhe ambalazhimit, ishte ndër bizneset në komunën e Shtimes që iu bashkua projektit SAS, duke krijuar mundësi punësimi për gratë përfituese të asistencës sociale.

Ky partneritet dëshmon rolin e rëndësishëm të sektorit privat në krijimin e mundësive për punësim dhe integrim në tregun e punës të grupeve më të cenueshme.

01/06/2026

📌 Disa informacione rreth llogarisë së pagesave me shërbime bazike

28/05/2026

Zyra e Punësimit në Pejë vazhdon bashkëpunimin me Voice of Roma, Ashkali and Egyptians

Në kuadër të angazhimit për fuqizimin dhe integrimin në tregun e punës të përfituesve të pilot projektit SAS, po vazhdojmë bashkëpunimin e ngushtë me organizatën Voice of Roma, Ashkali and Egyptians, me synim ndërmjetësimin dhe finalizimin e punësimeve për përfituesit e projektit.

Përmes këtij bashkëpunimi po krijohen mundësi konkrete për përfshirje profesionale, zhvillim të qëndrueshëm dhe mbështetje drejt integrimit ekonomik e social të komuniteteve përfituese.

Angazhimi ynë mbetet i vazhdueshëm për të ndërtuar ura bashkëpunimi ndërmjet punëkërkuesve dhe punëdhënësve, duke kontribuar në rritjen e mundësive për punësim dhe mirëqenie sociale.

18/05/2026

Në SOS Fshatrat e Fëmijëve Kosovë u organizua një takim informues me prindër përfitues të Qendra Mbështetëse për Fëmijë dhe Familje (QMFF), për t’i njoftuar nga afër me Projekti për Reformën e Sistemit të Asistencës Sociale të Kosovës .

Mbi 45 prindër patën mundësi të marrin informacione të rëndësishme rreth mundësive, kritereve dhe mbështetjes që kjo skemë ofron për familjet në nevojë.
Ky takim u realizua në bashkëpunim me përfaqësuesit e Zyrës së Punësimit dhe këshilltarët e projektit SAS, të cilët ndanë informacione praktike dhe iu përgjigjën pyetjeve të pjesëmarrësve.📝

Në SOS, besojmë se fuqizimi i familjes fillon me informim, mbështetje dhe qasje në mundësi. Sepse kur një familje ndihet e përkrahur, edhe fëmijët rriten me më shumë siguri, kujdes dhe shpresë.🤝

Faleminderit Zyrës së Punësimit dhe këshilltarëve të projektit SAS për bashkëpunimin dhe kontributin e tyre në mbështetje të familjeve përfituese.🙏

14/05/2026

Përfituesit e skemës së reformuar të asistencës sociale përfshihen në tregun e punës përmes skemës "Qeveria për Familjet"

Përfaqësuesit nga Zyra e Punësimit Ferizaj / Agjencia e Punësimit e Republikës së Kosovës, me Mbikëqyrësin e ZP-së, Bekim Dernjani, dhe drejtorin e Stacionit të Autobusëve - Ferizaj, Denis Rash*ti, realizuan një vizitë monitoruese tek i angazhuari, përfitues nga projekti SAS i cili është integruar në tregun e punës përmes skemës "Qeveria për Familjet".

Gjatë vizitës u pa nga afër angazhimi i përfituesit në vendin e punës si dhe u vlerësuan kushtet e përgjithshme të ambientit të punës si pjesë e monitorimit të rregullt.

APRK mbetet e përkushtuar në zbatimin dhe avancimin e programeve që mbështesin punësimin e kategorive në nevojë dhe bashkëpunimin me bizneset për krijimin e mundësive të reja.

05/05/2026

Zyra e Punësimit në Lipjan priti në takim Drejtoren e Institucionit Parashkollor “Kopshti i Yjeve”

Këshilltarët e punësimit zhvilluan një takim me znj. Xhevahire Mehmeti-Nishori me qëllim vazhdimin e bashkëpunimit. Në të kaluarën, një përfitues është ndërmjetësuar me sukses në këtë institucion përmes masës “subvencionim në pagë”, dhe në këtë frymë, palët diskutuan mundësi të reja për ndërmjetësim të kandidatëve të tjerë.

Bashkëpunimi i deritanishëm paraqet një shembull pozitiv të integrimit dhe punësimit të qëndrueshëm. Palët u dakorduan të identifikojnë kandidatë të përshtatshëm dhe të shqyrtojnë mundësinë e angazhimit të tyre në pozita të ndryshme brenda kopshtit.

Kjo nismë dhe angazhimi i përbashkët mbeten një model i suksesshëm i bashkëpunimit institucional dhe përkrahjes së punësimit.

23/04/2026

Zyra e Punësimit në Shtime zhvillon takim me kompaninë Interex

Udhëheqësi i Zyrës së Punësimit në Shtime, së bashku me këshilltarët e projektit SAS, zhvilluan një takim me përfaqësuesit e kompanisë Interex.

Gjatë takimit u diskutua për mundësitë e punësimit të përfituesve të asistencës sociale, si dhe për skemat e subvencionimit të pagave për kompanitë që angazhojnë këtë kategori.

Palët u dakorduan për të mbajtur komunikim të vazhdueshëm me qëllim identifikimin dhe shfrytëzimin e mundësive konkrete për integrimin e përfituesve të reformës së skemës së asistencës sociale në tregun e punës.

Address

Rr. Edit Durham Nr. 46, Kati 1, Zyrja 107
Pristina
10000

Website

http://mpfvlc.rks-gov.net/

Alerts

Be the first to know and let us send you an email when Projekti për Reformën e Sistemit të Asistencës Sociale të Kosovës posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Pristina?