Shkollimin fillore e krye në shkollën “Zenel Hajdini”, kurse shkollimin e mesëm në gjimnazin “Xhevdet Doda”. Ka përfunduar studimet e nivelit Bachelor ( në vitin 2011) pranë Universitetit të Prishtinë, në Fakultetin Filologjik, Departmenti i Gazetarisë, ku dhe vazhdon studimet post-diplomike. Gjatë karrierës së saj ka punuar në mediumet më prestigjioze në vend, duke përcjell aktivitete të ndryshme
nga politika, jeta sociale e ajo kulturore, për 12 vite radhazi. Për kauza sociale ka punuar qysh nga shkollimi i mesëm, duke qenë vullnetare e aktiviste në organizata humanitare si Kryqi i Kuq i Kosovës e të tjera organizata që veprojnë brenda territorit të Prishtinës.
Çështjet sociale, barazia gjinore, mirëqenia e qytetarëve e komunitetit të cilit ajo i përket kanë qenë gjithmonë tema për të cilat ajo ka avokuar. Sahiti është trajnuar dhe certifikuar për tema të cilat kanë pasur në fokus të tyre, mirëqenien sociale, menaxhimin e fatkeqësive të ndryshme, prezantimin efektiv e të ngjashme.
Është e martuar dhe ka tre fëmijë. Drejtore e Mirëqenies Sociale është zgjedhur më 19 janar 2022.
