Fondi i Kosovёs pёr Efiçiencё tё Energjisё

18/06/2026

Drejtoresha Menaxhuese e FKEE-së, Njomza Hoxha, mori pjesë në konferencën e organizuar nga Instituti GAP për raportin “Politikat Industriale të Gjelbra”, ku u diskutuan sfidat dhe mundësitë e tranzicionit të gjelbër në Kosovë.

Gjatë panelit, Hoxha prezantoi ndikimin e projekteve të mbështetura nga Fondi në kursimin e energjisë dhe reduktimin e emetimeve të gazrave serrë, si dhe shpalosi projektet e reja që do të kontribuojnë në rritjen e ndikimit të Fondit në mbështetjen e masave të qëndrueshme dhe përshpejtimin e tranzicionit të gjelbër në vend.

12/06/2026

U mbajt punëtoria dyditore për definimin e kritereve të pranueshmërisë dhe modelit të implementimit të programit pilot për financimin e masave të efiçiencës së energjisë dhe burimeve të ripërtëritshme të energjisë në ndërtesat shumëbanesore në Kosovë.

Gjatë punëtorisë, përfaqësues të Ministrisë së Ekonomisë, Ministrisë së Mjedisit dhe Planifikimit Hapësinor, Fondit të Kosovës për Efiçiencë të Energjisë dhe ekspertë të GIZ-it kontribuuan në përcaktimin e kritereve të pranueshmërisë, procedurave të aplikimit, modeleve të financimit dhe roleve të institucioneve të përfshira.

Diskutimet u fokusuan në harmonizimin e qasjeve dhe definimin e bazës operacionale për lansimin e ketij programi.

Projekti mbështetet nga Qeveria Gjermane dhe Qeveria Daneze, përmes GIZ-it.

12/06/2026

Drejtoresha Menaxhuese e FKEE-së, Njomza Hoxha, ishte pjesë e tryezës së diskutimit “Financimi i Gjelbër në Kosovë: nga Angazhimi në Impakt”, ku ndau ekspertizën e Fondit në implementimin e projekteve, zhvillimin e skemave kthyese dhe angazhimin për identifikimin e modaliteteve të reja të financimit me ndikim në përshpejtimin e tranzicionit të gjelbër në vend.

Gjatë diskutimit u theksua rëndësia e bashkëpunimit dhe inovacionit financiar për të mbështetur investimet e qëndrueshme dhe për të avancuar objektivat e zhvillimit të gjelbër në Kosovë.

Faleminderit BPB për ftesën dhe urime për nënshkrimin e marrëveshjes për “Depozitën e Gjelbër” me Fondin për Garanci Kreditore.

27/05/2026

Urojmë që këto ditë festive të sjellin gëzim në çdo shtëpi dhe mirësi në zemrat e të gjithëve.

Me fat Kurban Bajrami!

26/05/2026

Drejtoresha Menaxhuese e Fondit të Kosovës për Efiçiencë të Energjisë, Njomza Hoxha, ishte pjesë e panelit të diskutimit “Rritja e Efiçiencës së Energjisë në Ndërtesat Shumëbanesore”, të organizuar nga Balkan Green Foundation, në kuadër të ngjarjes inauguruese të Modelit të Shërbimit për Komunitetet e Efiçiencës së Energjisë.

Gjatë diskutimit, znj. Hoxha prezantoi përvojën e dëshmuar të FKEE-së në financimin dhe zbatimin e projekteve të efiçiencës së energjisë në Kosovë, si në sektorin publik ashtu edhe në atë rezidencial.

Ajo gjithashtu ndau informata rreth projektit të parë të efiçiencës së energjisë në ndërtesat shumëbanesore private, i cili po zhvillohet në bashkëpunim me Deutsche Gesellschaft für Internationale Zusammenarbeit GIZ Kosovo dhe financohet nga Qeveria Gjermane dhe Qeveria Daneze. Ky projekt përbën një hap të rëndësishëm drejt zgjerimit të investimeve të qëndrueshme dhe përmirësimit të kushteve të jetesës për qytetarët, ndërsa do të shërbejë edhe si model për zgjerimin e investimeve në këtë drejtim.

FKEE mbetet i përkushtuar në mbështetjen e iniciativave që kontribuojnë në kursimin e energjisë, mbrojtjen e mjedisit dhe zhvillimin e qëndrueshëm të vendit.

25/05/2026

Në Istog përuruam implementimin e masave të efiçiencës së energjisë në dy ndërtesa me rëndësi të veçantë për komunitetin:

📍Ndërtesën sociale shumëbanesore, të financuar me 90% grant nga Bashkimi Evropian dhe 10% nga komuna përfituese

📍Çerdhen “Gëzimi Ynë”, të financuar nga Qeveria e Republikës së Kosovës

Këto investime janë dëshmi e bashkëpunimit të suksesshëm ndërinstitucional dhe e përkushtimit për të krijuar kushte më të mira për familjet, fëmijët dhe stafin, duke rritur njëkohësisht efiçiencën e energjisë dhe cilësinë e jetesës.

25/05/2026

25/05/2026

22/05/2026

🏠Ka filluar puna në shtëpitë e para të familjeve të përzgjedhura nga lista e përfituesve të asistencës sociale, në kuadër të projektit Tranzicioni i Gjelbër dhe i Drejtë për Kosovën”.

Të premten vizituam familjen e Magbule Dragidela, në Prishtinë, e cila tregoi për vështirësitë që përballet me të ftohtin e dimrit dhe temperaturat tejet të larta gjatë verës, në shtëpinë e saj. Rinovimi i shtëpisë, do të krijojë komoditetin e munguar, duke kursyer edhe energjinë.

Përmes këtij projekti, synohet implementimi i masave të efiçiencës së energjisë tek deri në 280 shtëpi, deri në vitin 2028 dhe financohet nga Qeveria e Danimarkës ndërsa implementohet nga FKEE në partneritet me UNDP Kosovo dhe Ministria e Ekonomisë.

Ky projekt përbën një hap të rëndësishëm drejt ndërtimit të një sistemi energjetik më të drejtë dhe gjithëpërfshirës në Kosovë, një sistem në të cilin askush nuk mbetet pas në rrugën drejt zhvillimit të qëndrueshëm.

19/05/2026

Fondi i Kosovës për Efiçiencë të Energjisë dhe GIZ, në emër të Qeverisë Gjermane dhe Qeverisë Daneze, nënshkruan marrëveshjen e grantit prej 1.5 milionë euro për fuqizimin e mekanizmave të financimit për efiçiencë të energjisë dhe energji të ripërtëritshme në Kosovë.

Ky projekt do të mbështesë investime konkrete në ndërtesa shumëbanesore dhe publike, duke kontribuar në uljen e konsumit të energjisë, reduktimin e emetimeve të CO₂ dhe përmirësimin e cilësisë së jetesës për qytetarët.

FKEE shpreh mirënjohjen për bashkëpunimin e shkëlqyer me GIZ dhe për mbështetjen e vazhdueshme të donatorëve, të cilët po kontribuojnë në avancimin e tranzicionit energjetik dhe zhvillimit të qëndrueshëm në Kosovë.

Linku për lajmin e plotë: https://tinyurl.com/6e7kbhv5

The Kosovo Energy Efficiency Fund, in partnership with GIZ on behalf of the German Government and the Danish Government, has signed a €1.5 million grant agreement aimed at strengthening financing mechanisms for energy efficiency and renewable energy in Kosovo.

This project will support concrete investments in multi-apartment residential and public buildings, contributing to reduced energy consumption, lower CO₂ emissions, and improved quality of life for citizens.

KEEF expresses its gratitude for the excellent cooperation with GIZ and for the continuous support of donors, who are contributing to advancing Kosovo’s energy transition and sustainable development.

Link to the full news: https://tinyurl.com/yc79a5rv

Kosovski fond za energetsku efikasnost (KFEE), u partnerstvu sa GIZ-om u ime Vlade Nemačke i Vlade Danske, potpisao je sporazum o grantu u vrednosti od 1,5 miliona evra za jačanje mehanizama finansiranja energetske efikasnosti i obnovljivih izvora energije na Kosovu.

Ovaj projekat će podržati konkretne investicije u višestambenim i javnim zgradama, doprinoseći smanjenju potrošnje energije, redukciji emisija CO₂ i unapređenju kvaliteta života građana.
KFEE izražava zahvalnost za odličnu saradnju sa GIZ-om i kontinuiranu podršku donatora, koji doprinose unapređenju energetske tranzicije i održivog razvoja na Kosovu.

Link za celu vest: tinyurl.com/4mddwsae