What are the opening hours?

Monday 08:30 - 16:30 Tuesday 08:30 - 16:30 Wednesday 08:30 - 16:30 Thursday 08:30 - 16:30 Friday 08:30 - 16:30

Fondi i Kosovёs pёr Efiçiencё tё Energjisё

Home
Kosovo
Pristina
Fondi i Kosovёs pёr Efiçiencё tё Energjisё

Fondi i Kosovës për Efiçiencë synon të arrijë objektivat e Republikës së Kosovës në Efiçiencën e Energjisë, duke nxitur, mbështetur dhe zbatuar masa të efiçiencës së energjisë, si dhe të tërheqë dhe menaxhoj burime financiare në mënyrë që të financoj dhe zbatoj projekte investive në fushën e efiçiencës së energjisë.

14/09/2026

Fondi i Kosovës për Efiçiencë të Energjisë ka publikuar procedurën e prokurimit për angazhimin e një Eksperti Ligjor, i cili do të ofrojë mbështetje ligjore dhe kontraktuale për zbatimin e Programit Pilot për Efiçiencë të Energjisë dhe Energji të Ripërtëritshme në Ndërtesat Shumëbanesore, të financuar nga Qeveria Gjermane dhe Qeveria Daneze, përmes GIZ-it dhe të zbatuar nga FKEE.

FKEE fton të gjithë kandidatët e kualifikuar të paraqesin aplikimet e tyre përmes platformës së-Prokurimit të Kosovës.

➡️ Për më shumë:

11/09/2026

Grateful to GIZ, the Government of Germany and the Government of Denmark for their continued support and partnership in advancing Kosovo’s energy transition.

Together, we are working towards a cleaner, more sustainable and affordable energy future for all.

08/09/2026

Familja Dragidella në Prishtinë dhe familja Tatareviq në Mitrovicë të Jugut, janë dy nga familjet përfituese të projektit “E ardhmja e Energjisë së Gjelbër”.

Deri më tani, 51 shtëpi janë rinovuar, 78 janë në proces të punimeve, ndërsa rreth 60 të tjera janë në fazën e prokurimit.

Shtëpive të përzgjedhura nga lista e përfituesve të asistencës sociale u realizohet izolimi i mureve të jashtme dhe kulmit, ndërrimi i dritareve dhe dyerve të jashtme, si dhe masave të tjera jo efiçiente që ndikojnë në mënyrë indirekte në reduktimin e konsumit të energjisë dhe rritjen e mirëqenies.

Përmes këtij projekti, deri në vitin 2028, deri në 280 familje do të përfitojnë nga masat e efiçiencës së energjisë, duke ndikuar drejtpërdrejt në përmirësimin e kushteve të jetesës të përfituesve.

Projekti financohet nga Qeveria e Danimarkës, përfaqësuesit e së cilës patën mundësinë të vizitojnë nga afër dy prej shtëpive përfituese, ndërsa implementohet në partneritet nga FKEE, Ministria e Ekonomisë dhe UNDP në Kosovë.

02/09/2026

Në Komunën e Vitisë përuruam dy nga pesë projektet e efiçiencës së energjisë të realizuara nga Fondi i Kosovës për Efiçiencë të Energjisë.

Në SHFMU “28 Nëntori”, këtë vit mësimor, nxënësit dhe mësimdhënësit do të zhvillojnë procesin mësimor në një ambient më komod, ndërsa Qendra për Punë Sociale tashmë ofron shërbimet e saj në kushte më të mira për qytetarët.

Përmirësimi i këtyre ndërtesave është mundësuar përmes:
▪️ izolimit të mureve të jashtme dhe kulmit;
▪️ ndërrimit të dritareve dhe dyerve të jashtme;
▪️ vendosjes së ndriçimit LED;
▪️ instalimit të kaldasë së re.

📌 Këto projekte në Viti janë pjesë e 17 projekteve për të cilat auditimi i energjisë dhe dizajni janë mundësuar nga Banka Botërore, ndërsa investimet janë financuar nga Qeveria e Republikës së Kosovës.

28/07/2026

Fondi i Kosovës për Efiçiencë të Energjisë zhvilloi një takim pune me përfaqësues të Bankës Botërore dhe Bashkimit Evropian, në kuadër të koordinimit të aktiviteteve për zbatimin e projekteve të efiçiencës së energjisë në sektorin publik.

Gjatë takimit u diskutuan komponentët kryesorë të projektit, struktura e implementimit, rolet dhe përgjegjësitë e palëve, si dhe modalitetet operacionale për zbatimin e aktiviteteve. Po ashtu, u trajtuan çështje që lidhen me menaxhimin financiar, prokurimin, kërkesat për pajtueshmëri, menaxhimin e rreziqeve mjedisore dhe sociale, angazhimin e palëve të interesit, mekanizmat e trajtimit të ankesave, si dhe korniza e rezultateve dhe monitorimit të projektit.

Takimi shërbeu për të harmonizuar hapat e ardhshëm dhe për të siguruar një koordinim të ngushtë ndërmjet FKEE-së, Bankës Botërore dhe Bashkimit Evropian, me synim zbatimin sa më efikas të investimeve prioritare që do të kontribuojnë në rritjen e efiçiencës së energjisë dhe përmirësimin e cilësisë së jetës së qytetarëve.

20/07/2026

Bashkëbisedim me rëndësi në Kolegjiumin e Energjisë pranë Asociacionit të Komunave të Kosovës.

Gjatë takimit, zyrtarët komunalë ndanë propozime dhe rekomandime të vlefshme për projektin “Fuqizimi i mekanizmave të financimit të FKEE-së për efiçiencë të energjisë dhe energji të ripërtëritshme”, projekt ky që financohet nga Qeveria Gjermane dhe Qeveria Daneze përmes GIZ-it dhe implementohet nga Fondi i Kosovës për Efiçiencë të Energjisë.

Bashkëpunimi i ngushtë ndërmjet FKEE-së dhe komunave ka dëshmuar se është kyç për përmirësimin e cilësisë së jetës së qytetarëve, duke mundësuar, kushte më të mira të banimit, kursim të energjisë dhe mbrojtje të mjedisit.

Drejtoresha Menaxhuese e FKEE-së, Njomza Hoxha, theksoi se me projektet e reja që do të pasojnë, ky partneritet do të vazhdojë të sjellë përfitime të prekshme për qytetarët në mbarë Kosovën.

18/07/2026

🇽🇰🇱🇹 Përfaqësues të Fondit të Kosovës për Efiçiencë të Energjisë dhe të GIZ Kosovo, bashkë me zyrtarë të Ministrisë së Ekonomisë e Ministrisë së Mjedisit dhe Planifikimit Hapësinor, zhvilluan një vizitë studimore në Lituani, ku u njohën me Programin e Modernizimit të Ndërtesave Shumëbanesore (Multi-Apartment Building Modernization Program) dhe përvojën e këtij vendi në zbatimin e masave të efiçiencës së energjisë.

Gjatë vizitës në Vilnius, delegacioni zhvilloi takime me Agjencinë për Menaxhimin e Projekteve Mjedisore (APVA) dhe Agjencinë për Zhvillimin e Sektorit të Ndërtimit, ku u diskutuan mekanizmat e financimit, roli i komunave dhe shoqatave të bashkëpronarëve, standardet teknike, kontrolli i cilësisë, si dhe politikat dhe korniza ligjore që kanë mundësuar zbatimin me sukses të programit të modernizimit të ndërtesave shumëbanesore në Lituani.

Delegacioni u prit edhe nga Kryetari i komunës së Utenës dhe përfaqësues të tjerë, me të cilët u diskutua roli i komunës në zbatimin e programeve të rinovimit energjetik. Gjatë vizitës në terren, përfaqësuesit e FKEE-së, vizituan Ndërmarrjen e Ngrohjes Qendrore (District Heating Utility), ku u njohën me zgjidhjet e aplikuara për rritjen e efiçiencës së energjisë dhe funksionimin e sistemit të ngrohjes qendrore.

Vizita shërbeu si një mundësi e vlefshme për shkëmbimin e përvojave dhe identifikimin e praktikave më të mira, të cilat mund të kontribuojnë në zhvillimin dhe zbatimin e programeve të qëndrueshme të efiçiencës së energjisë në sektorin rezidencial në Kosovë.

FKEE shpreh mirënjohjen e saj për institucionet në Lituani për mikpritjen e ngrohtë, gatishmërinë për të ndarë përvojën e tyre dhe diskutimet e frytshme, të cilat do të kontribuojnë në avancimin e programeve të efiçiencës së energjisë në Kosovë.

Kjo vizitë u zhvillua në kuadër të projektit “Fuqizimi i mekanizmave të financimit të FKEE-së për efiçiencë të energjisë dhe energji të ripërtëritshme” që financohet nga Qeveria Gjermane dhe Qeveria Daneze përmes GIZ dhe implementohet nga Fondi i Kosovës për Efiçiencë të Energjisë.

09/07/2026

Drejtoresha Menaxhuese e FKEE-së, Njomza Hoxha, së bashku me Departamentin e Operacioneve, zhvilloi një takim me Kryetarin e Komunës së Prishtinës, Përparim Rama, ku u diskutuan mundësitë për thellimin e bashkëpunimit në fushën e efiçiencës së energjisë.

Prishtina, si kryeqyteti i Kosovës, ka potencial të konsiderueshëm për investime në efiçiencë të energjisë, duke pasur parasysh numrin e madh të ndërtesave publike e rezidenciale dhe mundësitë për përmirësimin e performancës së tyre energjetike.

Gjatë takimit u prezantuan projektet e reja që FKEE, në partneritet me donatorët ndërkombëtarë dhe Qeverinë e Republikës së Kosovës, do të nisë së shpejti. Këto iniciativa synojnë të mbështesin komunat në realizimin e investimeve të qëndrueshme, uljen e konsumit të energjisë dhe krijimin e ndërtesave publike më efikase dhe më të qëndrueshme për qytetarët.

08/07/2026

Bashkë me përfaqësues të komunave, FKEE zhvilloi një takim informues në kuadër të projektit "Optimizimi i mekanizmave të financimit të FKEE-së për Efiçiencë të Energjisë (EE) dhe Burime të Ripërtëritshme të Energjisë (BRE-të)".

Gjatë takimit u prezantuan objektivat e projektit, mekanizmat e planifikuar të financimit dhe hapat e ardhshëm të zbatimit. Diskutimi u karakterizua me shkëmbim të hapur dhe përmbajtësor të ideve, ku komunat ndanë sugjerime dhe rekomandime të vlefshme, të cilat FKEE i mirëpriti dhe do t'i marrë parasysh në fazat e mëtutjeshme të projektit.

Takime të tilla forcojnë bashkëpunimin me komunat dhe kontribuojnë në zhvillimin e zgjidhjeve praktike për investime të qëndrueshme në sektorin e energjisë.

Ky projekt financohet nga Qeveria Gjermane dhe Qeveria Daneze përmes GIZ Kosovo dhe implementohet nga Fondi i Kosovës për Efiçiencë të Energjisë, me synim avancimin e investimeve në efiçiencën e energjisë dhe burimet e ripërtëritshme të energjisë në Kosovë.

03/07/2026

Këtë javë, Drejtoresha Menaxhuese e FKEE-së, Njomza Hoxha, ishte folëse mysafire në punëtorinë mbi efiçiencën e energjisë dhe performancën energjetike të ndërtesave.

Gjatë prezantimit, ajo shpalosi projektet e reja të FKEE-së, duke prezantuar mundësitë që ato ofrojnë për komunat – nga faza e planifikimit e deri te hapat konkretë të zbatimit.

Ajo theksoi rëndësinë e bashkëpunimit të mirëfilltë ndërinstitucional në funksion të përmirësimit të shërbimeve për qytetarët dhe arritjes së objektivave të zhvillimit të qëndrueshëm.

Diskutime të tilla janë të rëndësishme për avancimin e proceseve, pasi mundësojnë shkëmbimin e përvojave dhe adresimin e nevojave të përfaqësuesve komunalë.

Faleminderit dhe për ftesën.

Address

Kati I 7-të I Ndërtesës Së Ish-Bankës Së Lublanës
Pristina
10000

Opening Hours

Monday	08:30 - 16:30
Tuesday	08:30 - 16:30
Wednesday	08:30 - 16:30
Thursday	08:30 - 16:30
Friday	08:30 - 16:30

Website

http://fkee-rks.net/

Alerts

Be the first to know and let us send you an email when Fondi i Kosovёs pёr Efiçiencё tё Energjisё posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Government Service in Pristina?