Agjencia e Punësimit e Republikës së Kosovës

08/10/2026

NJOFTIM PËR SHTYRJEN E AFATIT TË THIRRJES PUBLIKE PROJEKTI I REFORMËS SË NDIHMËS SOCIALE NË KOSOVË

Agjencia e Punësimit e Republikës së Kosovës (APRK) njofton ofruesit jopublikë të trajnimit se afati i aplikimit në thirrjen publike:

“Ofrimi i Programeve të Zhvillimit të Aftësive për Përfituesit e Programit të Ndihmës Sociale për të Lehtësuar Aktivizimin në Tregun e Punës”,

e hapur më 25.09.2026, me afat aplikimi deri më 09.10.2026, shtyhet deri më 16.10.2026.

Shtyrja e afatit bëhet duke marrë parasysh kërkesat e shumta nga ofruesit jopublikë të trajnimit, me qëllim të mundësimit të një pjesëmarrjeje më të gjerë në këtë proces.

Ftojmë ofruesit e interesuar të dorëzojnë aplikimet e tyre brenda afatit të ri, sipas kritereve dhe procedurave të përcaktuara në thirrjen publike, në e-mailin: [email protected]

05/10/2026

Sesione informuese për ofruesit jo-publikë të trajnimeve

Në kuadër të thirrjes publike për ofrimin e aftësimit profesional për përfituesit e Skemës së Ndihmës Sociale, Ministria për Punë, Familje dhe Vlerat e Luftës Çlirimtare dhe Agjencia e Punësimit e Republikës së Kosovës organizojnë sesione informuese për ofruesit jo-publikë të trajnimeve.

Sesionet do të ofrojnë informata mbi kriteret e aplikimit, dokumentacionin e kërkuar dhe kushtet e financimit përmes Skemës së Kuponëve për Trajnim, me vlerë deri në 800 euro për përfitues.

📅 6 tetor 2026

📍 Zyra e Punësimit në Prizren — 10:00–11:00
📍 Zyra e Punësimit në Gjakovë — 10:00–11:00
📍 Zyra e Punësimit në Pejë — 13:00–14:00

📅 7 tetor 2026

📍 Zyra e Punësimit në Mitrovicë — 10:00–11:00
📍 Zyra e Punësimit në Gjilan — 10:00–11:00
📍 Zyra e Punësimit në Prishtinë — 13:00–14:00
📍 Zyra e Punësimit në Ferizaj — 13:00–14:00

Ofruesit e interesuar ftohen të marrin pjesë për t’u informuar rreth aplikimit dhe përfshirjes në këtë skemë, e cila synon zhvillimin e shkathtësive profesionale dhe rritjen e mundësive për punësim.

02/10/2026

Të rinjtë e moshës 16–24 vjeç përfitojnë nga Programi për të rinjtë “Kosovo Generation Unlimited”

Programi për të rinjtë “Kosovo Generation Unlimited”, i cili po realizohet nga Ministria për Punë, Familje dhe Vlera të Luftës Çlirimtare, UNICEF-i, Agjencia Austriake për Zhvillim (ADA) dhe Oda Ekonomike Gjermano-Kosovare, deri më tani u ka mundësuar më shumë se 5,000 të rinjve të përfitojnë nga praktika profesionale, aftësimi, trajnimet dhe mentorimi.

Me qëllim të rritjes së aftësive dhe shkathtësive të të rinjve për kalimin nga shkollimi në punësim, programi i ka mbështetur të rinjtë që nga viti 2022 e deri më sot. Aplikimi dhe përzgjedhja e të rinjve janë mundësuar përmes platformës elektronike të dizajnuar nga UNICEF-i, e cila numëron rreth 17,000 të rinj dhe mbi 1,500 entitete nga sektori privat dhe publik.

Vlera e financimit të këtij projekti nga të gjithë partnerët, për periudhën nga viti 2022 deri në muajin shtator 2026, është mbi 2 milionë euro.
MPFVLÇ-ja, përmes Agjencisë së Punësimit dhe në bashkëpunim me partnerët vendorë e ndërkombëtarë, si UNICEF-i dhe ADA, do të vazhdojë të mbështesë dhe të realizojë projekte të tjera që u mundësojnë të rinjve aftësim dhe punësim.
Ftojmë të gjithë të rinjtë, nga të gjitha komunitetet në Kosovë, që të bëhen pjesë e programeve tona dhe të përfitojnë prej tyre.

25/09/2026

📢 THIRRJE PUBLIKE PËR OFRUESIT JO-PUBLIKË TË TRAJNIMEVE

Ministria për Punë, Familje dhe Vlerat e Luftës Çlirimtare (MPFVLÇ), në kuadër të Projektit të Reformës së Sistemit të Ndihmës Sociale në Kosovë, fton ofruesit jo-publikë të trajnimeve të akredituar nga Autoriteti Kombëtar i Kualifikimeve (AKK) ose nga institucione ndërkombëtare të akreditimit të aplikojnë për ofrimin e programeve të aftësimit profesional për përfituesit e Skemës së Ndihmës Sociale.

Trajnimet do të financohen përmes Skemës së Kuponëve për Trajnim, me vlerë deri në 800 euro për përfitues, dhe synojnë zhvillimin e shkathtësive profesionale, rritjen e punësueshmërisë dhe lehtësimin e integrimit të përfituesve në tregun e punës.

Të drejtë aplikimi kanë ofruesit që plotësojnë kriteret e përcaktuara në thirrje, përfshirë akreditimin e vlefshëm, përvojën relevante, kapacitetet e nevojshme për organizimin e trajnimeve dhe angazhimin e trajnerëve të kualifikuar. Ofruesit mund të aplikojnë për një ose më shumë programe trajnimi.

Afati i fundit për aplikim është 9 tetor 2026, ora 16:00.
📧 Aplikacionet dorëzohen në: [email protected]

Për informata të detajuara mbi fushat e trajnimit, kriteret e aplikimit, dokumentacionin e kërkuar, mënyrën e vlerësimit dhe kushtet e financimit, shfletojeni thirrjen e plotë në linkun në vazhdim:

Ministria për Punë, Familje dhe Vlerat e Luftës Çlirimtare (MPFVLÇ) përmes Projektit të Reformës së Sistemit të Ndihmës Sociale në Kosovë (Projekti SNS), fton ofruesit jo-publikë të trajnimit të cilët janë të Akredituar nga Autoriteti Kombëtar i Kualifikimeve (AKK) ose nga instit...

15/09/2026

NJOFTIM

Agjencia e Punësimit e Republikës së Kosovës (APRK) publikon rezultatet e vlerësimit të aplikimeve të paraqitura në kuadër të Thirrjes Publike për Ofruesit Jopublikë të Trajnimit, të publikuar më 16.07.2026, në kuadër të Projektit të Reformës së Sistemit të Ndihmës Sociale në Kosovë

Pas shqyrtimit administrativ të dokumentacionit dhe vlerësimit të aplikimeve sipas kritereve të përcaktuara në Thirrjen Publike, Komisioni Qendror për Administrimin e Kuponëve (KQAK) ka marrë vendim për refuzimin e aplikimeve që nuk kanë përmbushur kriteret e përcaktuara.

Lista e aplikuesve, programet e trajnimit dhe lokacionet përkatëse janë të përfshira në njoftimin e plotë.

Njoftimin e plotë e gjeni në linkun e mëposhtëm, të publikuar në web-faqen zyrtare të APRK-së:

...

11/09/2026

14/08/2026

Është mbajtur takimi për vlerësimin e realizimit të Planit të Performancës për vitin 2026

Ministria për Punë, Familje dhe Vlerat e Luftës Çlirimtare dhe Agjencia e Punësimit e Republikës së Kosovës (APRK) kanë mbajtur takim për vlerësimin e realizimit të Planit të Performancës për gjashtëmujorin e parë të vitit 2026.

Gjatë takimit u prezantuan të arriturat e periudhës së parë të vitit, u diskutuan sfidat e identifikuara dhe u përcaktuan prioritetet dhe angazhimet për intensifikimin e punës gjatë gjashtëmujorit të dytë.

Ministria dhe APRK riafirmuan përkushtimin për realizimin e objektivave të përcaktuara dhe përmirësimin e vazhdueshëm të performancës institucionale