18/08/2021
Konsultim Publik
Draft-Strategjia Komunale për përmirësimin e shërbimeve sociale dhe familjare 2022-2024 në Komunën e Pejës
Drejtoria për Mirëqenie Sociale në Komunën e Pejës bazuar në Udhëzimin Administrativ të MAPL Nr.06/20189 dhe të Vendimit Nr.47/2021 të datës 02 gusht 2021 ka organizuar Konsultimin Publik për Draft-Strategjinë Komunale për përmirësimin e shërbimeve sociale dhe familjare 2022-2024.
Drejtoresha për Mirëqenie Sociale në Komunë e Pejës, znj.Suzana Muriqi i përshëndeti të pranishmit, të cilët i falënderoj për pjesëmarrje në Konsultimin Publik lidhur me Draft-Strategjinë Komunale për përmirësimin e shërbimeve sociale dhe familjare 2022-2024, që është një Draft-dokument, i cili në leximin e parë ka kaluar në Asamblenë Komunale dhe sigurisht, që pas procedurave në fuqi tashmë është në procedurat e Konsultimit Publik 14-të ditë dhe pas këtyre procedurave do ta bëjë edhe leximin e fundit dhe do të bëhet dokument i plotfuqishëm. Është një strategji, e cila besoj do ta ndihmoj shumë Komunën e Pejës në identifikimin e nevojave dhe kategorizimin e prioriteteve në mënyrë, që organet relevante komunale të përmirësojnë më mirë ofrimin e shërbimeve sociale.
Konsultimi publik është mbajtur me qëllim, që qytetarët të jenë të njoftuar me Draft-Strategjinë Komunale për përmirësimin e shërbimeve sociale 2022-2024, prandaj është e publikuar edhe në web-faqen e Komunës së Pejës, në rubrikën e Draft-dokumenteve për Konsultim Publik : http://kk.rks-gov.net/peje.
