Komuna Malishevë

15/09/2026

Njoftim nga Drejtoria për Ekonomi dhe Financa

15/09/2026

KPF mbajti mbledhjen e tretë të rregullt

Komiteti për Politikë dhe Financa, organ i Kuvendit të Komunës, nën drejtimin e kryesuesit të Kuvendit, Fatmir Ademaj, e ka mbajtur mbledhjen e tretë të rregullt për këtë vit. Në këtë mbledhje, bazuar në rendin e ditës, janë caktuar edhe disa nga pikat e rendit të ditës, të cilat do të trajtohen në mbledhjen e këtij muaji të Kuvendit të Komunës.

Një ndër pikat më të rëndësishme, e cila lidhet drejtpërdrejt me zhvillimin dhe mirëqenien e qytetarëve, është Projektbuxheti i Komunës për vitet 2027 - 2029, me theks të veçantë për vitin 2027, propozim i cili është miratuar unanimisht nga anëtarët e KPF-së.
Projektbuxhetin, para anëtarëve të KPF-së, e ka prezantuar drejtori i Drejtorisë për Buxhet dhe Financa, Blerim Thaçi, i cili është përgjigjur edhe në pyetjet e anëtarëve të KPF-së.

Po ashtu, në këtë mbledhje, KPF ka shqyrtuar edhe disa propozime të tjera që vijnë nga Zyra e Kryetarit të Komunës dhe të cilat do të trajtohen në mbledhjen e ardhshme të Kuvendit të Komunës së Malishevës.

https://malisheve.rks-gov.net/news/kpf-mbajti-mbledhjen-e-trete-te-rregullt-3/

11/09/2026

Në kuadër të projektit “Aktivizimi Social i të Moshuarve”, në shkollën e mesme të ulët Ibrahim Mazreku në Komunën e Malishevës u zhvillua një aktivitet edukativ, social dhe ndërgjeneracional, që bashkoi fëmijët dhe gjyshërit e tyre përmes leximit, kreativitetit dhe bashkëpunimit.
Në oborrin e shkollës u vendosën dy kënde të librave, duke krijuar një hapësirë ku fëmijët mund të afrohen më shumë me librin dhe dijen. Krahas tyre, u krijua edhe një kënd kreativ, ku secili fëmijë la gjurmën e tij përmes një figure, shenje apo gjurme të dorës.
Në aktivitet morën pjesë nxënësit e katër klasave të para, të shoqëruar nga gjyshërit e tyre. Përmes aktiviteteve të përbashkëta, fëmijët dhe të moshuarit patën mundësi të kalojnë kohë së bashku, të bashkëpunojnë dhe të ndajnë momente të gëzueshme.
Aktiviteti përcolli një mesazh të rëndësishëm: librat, dija dhe përvoja e gjeneratave të mëparshme mund të krijojnë ura që na afrojnë me njëri-tjetrin.
Kjo nismë dëshmoi edhe një herë rëndësinë e aktiviteteve ndërgjeneracionale në forcimin e lidhjeve familjare, ndjenjës së përkatësisë dhe një komuniteti më të lidhur e gjithëpërfshirës.

Ky projekt mbështetet nga Programi Rajonal për Demokracinë Lokale në Ballkanin Perëndimor 3 (ReLOaD3), i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP) në partneritet me Komunën e Malishevë

11/09/2026

Drejtoria e Inspektoratit vazhdon angazhimin në terren!

Drejtoria e Inspektoratit, në vazhdën e punës dhe angazhimeve të saj, po vazhdon inspektimet në të gjitha fushat që janë në kompetencë të saj, në përputhje me ligjin dhe rregulloret në fuqi.

Një vëmendje e veçantë po i kushtohet sektorit të ndërtimit, si një nga fushat ku vitet e fundit është shënuar një intensitet i shtuar i aktiviteteve ndërtimore.

Inspektimet kanë për qëllim verifikimin e respektimit të lejeve dhe dokumentacionit përkatës, respektimin e kushteve të ndërtimit dhe parandalimin e ndërtimeve pa leje apo jashtë standardeve të përcaktuara me ligj.

Qëllimi ynë nuk është vetëm ndëshkimi, por mbi të gjitha parandalimi, respektimi i ligjit dhe krijimi i një ambienti të rregullt dhe të sigurt për të gjithë qytetarët.

https://malisheve.rks-gov.net/news/drejtoria-e-inspektoratit-vazhdon-angazhimin-ne-terren/

10/09/2026

Malisheva e bashkuar për pritjen e çlirimtarëve
Malishevë, 10 shtator
Në Malishevë u mbajt ora letrare “Ora e Pritjes”,bashkëorganizuar nga Shoqata për Kulturë dhe Letërsi “Tafil Kelmendi”, grupet letrare të shkollave Gjimnazi’Hamdi Berisha’, Qendra e Kompetencës, ‘Kujtim Krasniqi’, SHFMU, ‘Ibrahim Mazreku’ si dhe me pjesëmarrjen e gjerë të artistëve, poetëve, nxënësve, ish-luftëtarëve të UÇK-së, përfaqësuesve të institucioneve komunale e shkollore dhe qytetarëve.
Kjo veprimtari letrare u shndërrua në një moment të fuqishëm të kujtesës, pritjes dhe nderimit për çlirimtarët, duke bashkuar në një hapësirë të përbashkët artin, letërsinë dhe kujtesën historike.
Në këtë aktivitet foli Kryetari i Komunës së Malishevës, Ekrem Kastrati, i cili vlerësoi rëndësinë e organizimeve të tilla kulturore dhe rolin e tyre në ruajtjen e kujtesës për luftën dhe sakrificën e çlirimtarëve.
Me fjalë rasti u paraqit edhe Metush Kryeziu, në emër të shoqatave të dala nga lufta e UÇK-së, duke theksuar rëndësinë e luftës çlirimtare të UÇK-së dhe të përcjelljes së vlerave të luftës te brezat e rinj.
Në emër të artistëve dhe SHKL ‘Tafil Kelmendi foli Zymer Zogaj,sekretar ndërsa pjesë e rëndësishme e programit ishin edhe interpretimet poetike.
Poezi me tematikën e pritjes, lirisë, atdheut dhe çlirimtarëve lexuan nxënësit e Gjimnazit “Hamdi Berisha”, Qendrës së Kompetencës “Kujtim Krasniqi”, SHFMU “Ibrahim Mazreku”, Safet Syla i ftuar special e më pas lexuan poetë të SHKL “Tafil Kelmendi”.
Prania e nxënësve në këtë orë letrare i dha veprimtarisë një dimension të veçantë, duke dëshmuar se kujtesa për luftën dhe çlirimtarët nuk mbetet vetëm në rrëfimet e brezit të luftës, por përcillet edhe përmes vargut poetik te brezat e rinj.
“Ora e Pritjes” ishte më shumë se një orë letrare. Ajo ishte një bashkim simbolik i Malishevës rreth vlerave të lirisë, kujtesës dhe sakrificës, ku fjala poetike u bë zë i pritjes dhe i mirënjohjes për ata që luftuan për çlirimin e vendit.
Në fund, organizatorët falënderuan të gjithë pjesëmarrësit, institucionet, mësimdhënësit, nxënësit, artistët, poetët dhe qytetarët që iu bashkuan kësaj veprimtarie, duke e bërë “Orën e Pritjes” një ngjarje të veçantë kulturore e atdhetare në Malishevë si dhe për nxënësit ju dhuruan vepra poetike të cilat i dhuroj udhëheqësja e Bibliotekës ‘ Sokol Kryeziu’ , Mr. Hana Bytyçi dhe i pranoj Mr. Mevludin Mazreku dhe për së cilën shkollë veprat i pranuan përfaqësuesit e shkollave.
Në fund thirrja ishte, më 12 shtator të gjithë shqiptarët në Sheshin ‘Skënderbeu’ në Marshin e Lirisë’. Ata Po Vijnë, ora 14 në Prishtinë.

10/09/2026

Mbledhja e -III- (tretë) e jashtëzakonshme e Komitetit për Politikë dhe Financa për vitin 2026, a do të mbahet ditën e Marte më datë: 15.09.2026 duke filluar nga ora 10:00.
Mbledhja do të mbahet në sallën e mbledhjeve të Komisioneve të Kuvendit.

Për këtë mbledhje është propozuar ky rend i ditës:

1. Shqyrtimi dhe miratimi i procesverbalit nga mbledhja e -III- (tretë) urgjente e mbajtur me datë:13.07.2026.Shqyrtimi dhe miratimi i procesverbalit nga mbledhja e -IV-(katër) urgjente e mbajtur me datë:22.07.2026.
2. Shqyrtimi i shkresës së Projekt Buxhetit për vitin 2027-2029.
3. Shqyrtimi dhe trajtimi i kërkesave të pranuara në zyrën e Kryetarit.
4. Shqyrtimi dhe trajtimi i kërkesave të pranuara në zyrën e Kryesuesit.
Malishevë, Shtator - 2026
Kryesuesi i Kuvendit

Fatmir Ademaj

Mbledhja e -III- (tretë) e jashtëzakonshme  e Komitetit për Politikë dhe Financa për vitin 2026, a do të mbahet ditën e Marte më datë: 15.09.2026 duke filluar nga ora 10:00. Mbledhja do të mbahet në sallën e mbledhjeve të Komisioneve të Kuvendit. Për këtë mbledhje është propozuar...

08/09/2026

Memorandum bashkëpunimi për mbështetjen e bujqësisë në Malishevë

Sot, Kryetari i Komunës së Malishevës, z. Ekrem Kastrati, nënshkroi Memorandum Bashkëpunimi me Fondacionin “Amaneti”, të përfaqësuar nga z. Blerim Arifi, në fushën e bujqësisë.

Ky memorandum parasheh bashkëfinancim që do të investohet në sektorin e bujqësisë, me qëllim të mbështetjes së fermerëve dhe zhvillimit të mëtejmë të këtij sektori të rëndësishëm për Komunën e Malishevës.

Kryetari Kastrati vlerësoi lart kontributin e Fondacionit “Amaneti” dhe e falënderoi për mbështetjen për herë të dytë ndaj Komunës së Malishevës, duke theksuar rëndësinë e bashkëpunimit dhe investimeve në bujqësi si një nga sektorët me potencial të madh për zhvillimin ekonomik të komunës.

07/09/2026

Përkujtohet ish nënkryetari i Komunës së Malishevës, Hajdin Berisha, në dy vjetorin e ndarjes nga jeta

Sot u shënua dy vjetori i vdekjes së ish nënkryetarit të Komunës së Malishevës, Hajdin Berisha. Në homazhet dhe nderimet e organizuara morën pjesë familjarë, drejtues të komunës, të prirë nga kryetari i komunës, Ekrem Kastrati dhe nënkryetarin Vesel Krasniqi, drejtor komunal, e zyrtarë të tjerë.

Gjatë fjalës së tij, kryetari Ekrem Kastrati vlerësoi lart figurën e Berishës, duke veçuar rrugëtimin e tyre të përbashkët që nga bankat e shkollës, kontributin për çështjen kombëtare, periudhën e luftës e deri te shtetndërtimi. Kastrati theksoi se Hajdin Berisha ishte një personalitet që i kalonte përmasat e një komune, duke lënë pas një gjurmë të pashlyeshme me përkushtimin e tij që nga rinia e hershme.
“ Ikja e hershme e tij, është një humbje e madhe për të gjithë ne, por jeta dhe vepra e tij do të mbesin gjatë”, tha Kastrati

07/09/2026

Kryetari Kastrati vizitoi Policinë në Malishevë me rastin e 27 vjetorit
Me rastin e 27 vjetorit të themelimit të Policisë së Kosovës, kryetari i Komunës së Malishevës, Ekrem Kastrati, së bashku me drejtorin e Inspektoratit, Jakup Gashin, kanë vizituar Stacionin Policor në Malishevë.
Gjatë vizitës, Kastrati dhe Gashi kanë uruar pjesëtarët e Policisë së Kosovës për Ditën e Policisë, duke vlerësuar punën dhe përkushtimin e tyre në shërbim të qytetarëve dhe ruajtjen e rendit e sigurisë.
Ata janë pritur nga komandanti i Stacionit Policor në Malishevë, Nazmi Zogaj, me të cilin kanë bashkëbiseduar për punën dhe angazhimet e Policisë në Komunën e Malishevës.

07/09/2026

Komiteti për Komunitete mbajti Mbledhjen e -III- (tretë) të rregullt
me këtë : REND TË DITËS

1. Shqyrtimi dhe miratimi i procesverbalit nga mbledhja e kaluar.
2. Takim me Drejtorin e drejtorisë për Shërbime Publike z.Izet Hoti.
3. Të ndryshme.

Komiteti për Komunitete i Komunës së Malishevës ka mbajtur mbledhjen e tretë të rregullt, të cilën e udhëhoqi kryesuesi i këtij komiteti, Fitim Shala.
Gjatë mbledhjes u diskutuan çështje me rëndësi për komunitetet dhe jetën e qytetarëve në Komunën e Malishevës, me theks të veçantë në çështjet që lidhen me shërbimet publike dhe mbrojtjen e mjedisit.
Në këtë mbledhje raportoi edhe drejtori i Drejtorisë së Shërbimeve Publike, Izet Hoti, i cili foli për çështjen e eliminimit të deponive ilegale, një problem që ndikon drejtpërdrejt në pastërtinë dhe cilësinë e mjedisit.
Drejtori Hoti theksoi rëndësinë e angazhimit të institucioneve, por edhe të vetë qytetarëve, në parandalimin e krijimit të deponive ilegale. Sipas tij, krahas ndërhyrjeve për largimin e mbeturinave në lokacionet problematike, rëndësi të veçantë ka edhe vetëdijesimi qytetar, në mënyrë që hapësirat publike të ruhen dhe të mos shndërrohen në vende të hedhjes së mbeturinave.
Në diskutim u vlerësua se ruajtja e mjedisit kërkon një bashkëpunim të vazhdueshëm ndërmjet institucioneve komunale dhe qytetarëve. Përmirësimi i pastërtisë dhe mbrojtja e mjedisit, u tha në mbledhje, janë përgjegjësi e përbashkët dhe kontribuojnë drejtpërdrejt në krijimin e një ambienti më të shëndetshëm dhe më të sigurt për të gjithë qytetarët.
Komiteti për Komunitete, përmes diskutimeve dhe rekomandimeve të tij, synon të kontribuojë në adresimin e çështjeve që preokupojnë qytetarët dhe në përmirësimin e vazhdueshëm të shërbimeve dhe kushteve të jetesës në Komunën e Malishevës.