Këshilli Lokal-Dragobil

16/06/2026

16 Qershori – Dita e Çlirimit të Malishevës

Sot kujtojmë me krenari dhe respekt të thellë Ditën e Çlirimit të Malishevës, një datë që simbolizon sakrificën, guximin dhe përkushtimin e bijve dhe bijave më të mira të vendit për lirinë që gëzojmë sot.

Fshati Dragobil, si pjesë e këtij rrugëtimi të lavdishëm, nderon dëshmorët, martirët, veteranët e luftës dhe të gjithë ata që kontribuuan në çlirimin e atdheut. Sakrifica e tyre mbetet udhërrëfyes për brezat e sotëm dhe të ardhshëm.

Në këtë ditë të shënuar, le të kujtojmë me mirënjohje të përhershme të rënët për liri dhe të punojmë së bashku për zhvillimin, unitetin dhe mirëqenien e komunitetit tonë.

Lavdi e përjetshme dëshmorëve të kombit!
Urime Dita e Çlirimit të Malishevës!

Këshilli Lokal Dragobil

03/06/2026

Dikur nuk kishim fonde, por kishim zemër. Nuk kishim projekte, por kishim vullnet. Nuk kishim makineri, por kishim duar që punonin për idealin.

Këto fotografi ruajnë një pjesë të historisë së Dragobilit. Banorët e fshatit, shumë prej tyre veteranë të luftës, me mjete vetanake dhe me sakrificë të madhe, ngritën Lapidarin e Dëshmorëve tanë. Gur pas guri, me djersë e përkushtim, ndërtuan një vend kujtese për ata që dhanë jetën për lirinë e Kosovës.

Ky lapidar nuk është vetëm beton e gurë. Ai është dëshmi e respektit, unitetit dhe mirënjohjes së një brezi që nuk harroi kurrë bijtë e vet më të mirë.

Sot, kur i shohim këto fotografi nostalgjike, kujtojmë se veprat më të mëdha lindin nga dashuria për atdheun dhe për vendlindjen.

Lavdi e përjetshme Dëshmorëve të Kombit!
Respekt për të gjithë ata banorë e veteranë që me punën dhe sakrificën e tyre ngritën këtë simbol të kujtesës sonë kombëtare. 🇦🇱🇽🇰

Faleminderit për ruatjen e këtyre fotove Liridon A Paçarizi!

03/06/2026

Dragobili mbahet i pastër falë kontributit të përbashkët

Edhe gjatë këtyre ditëve po vazhdon mirëmbajtja e hapësirave publike në fshatin tonë. Pastrimi, kositja dhe kujdesi për ambientin janë punë që ndikojnë drejtpërdrejt në pamjen dhe jetën e përditshme të secilit prej nesh.

Këto aktivitete realizohen nga mirëmbajtësi i fshatit, paga mujore e të cilit mbulohet nga Fondacioni Humanitar Dragobili, fondacion që krahas aktiviteteve humanitare ka si qëllim edhe mirëmbajtjen e hapësirave publike dhe përmirësimin e jetës në fshatin tonë.

Fatkeqësisht, pagesat vullnetare janë zvogëluar ndjeshëm muajt e fundit. Për shkak të mungesës së fondeve kemi pasur edhe raste kur është detyruar të ndërpritet puna e mirëmbajtjes, derisa janë siguruar mjete për vazhdimin e saj.

Aktualisht, gjendja e fondit është e tillë që kemi mjete të mjaftueshme vetëm për edhe një pagë mujore prej 500 eurosh, siç dëshmohet edhe nga bilanci i paraqitur.

Prandaj, ftojmë të gjithë bashkëfshatarët, mërgatën dhe miqtë e Dragobilit që, sipas mundësive të tyre, të vazhdojnë mbështetjen vullnetare të Fondacionit Humanitar Dragobili. Çdo kontribut, sado i vogël, ndihmon që fshati ynë të mbetet i pastër, i rregullt dhe me aktivitete në shërbim të komunitetit.

Dragobili është shtëpia jonë e përbashkët. Ta ruajmë dhe ta mirëmbajmë së bashku.

02/06/2026

27 vjet pa Refkiun dhe Ditonin, por përjetësisht në kujtesën dhe krenarinë tonë.

Kujtimi për Refkiun dhe Ditunin ka një domethënie të veçantë, por sot kujtojmë me respekt veprën dhe sakrificën e secilit dëshmor që dha gjithçka për atdheun. Falë gjakut dhe heroizmit të tyre, ne sot jetojmë të lirë në shtetin tonë.

Në këtë ditë të veçantë kujtojmë me krenari bijtë më të mirë të kombit: Ibrahim S. Mazreku, Kujtim S. Krasniqi, Ejup Kryeziu, Safet dhe Sabit Hazrolli, Dituni dhe Refki Paçarizi, Visar Krasniqi dhe Milaim Beha, të cilët sakrifikuan jetën e tyre në rrugën drejt lirisë dhe pavarësisë së vendit tonë.

Lavdi jetës dhe veprës së tyre!
Lavdi e përjetshme Dëshmorëve të Kombit! 🇦🇱🇽🇰

01/06/2026

NJOFTIM

27 VJETORI I RËNIES SË DËSHMORËVE REFKI DHE DITONI PAÇARIZI – KLEÇKË

FTESË PËR PJESEMARRJE
Të nderuara familje të dëshmorëve, martirëve, veteranë dhe banorë të fshatit Dragobil,

Me rastin e 27-vjetorit të rënies heroike të Dëshmorëve të Lirisë Refki Paçarizi dhe Ditoni Paçarizi në Kleçkë,organizohen aktivitete përkujtimore sipas kësaj agjende:

E martë, 02 qershor 2026
Pika e mbledhjes: Parking i xhamisë së fshatit Dragobil

Agjenda:
• Ora 09:30 – Tubimi te parkingu i xhamisë
· Ora 10:00 - Homazhe në Varrezat e Dëshmorëve në Malishevë
• Ora 11:30 – Vizitë dhe përkujtim në Kompleksin Memorial “Dëshmorët e Dragobilit”

Ky organizim është bërë në koordinim të plotë me familjarët e dëshmorëve.

Ju ftojmë të gjithëve të merrni pjesë për të nderuar me respekt kujtimin e Refkiut dhe Ditonit – bijve të Dragobilit që ranë për lirinë tonë!

Lavdi e përjetshme Dëshmorëve të Kombit🇦🇱🇽🇰

28/05/2026

NJOFTIM

Njoftohen banorët e fshatit DRAGOBIL se nesër ditë e premte, datë 29.05.2026, nga ora 08:00 – 12:00, do të bëhet spërkatja selektive nga toka kundër EHKK në hapësirat publike dhe private.

Obligohen banorët që të marrin masat e nevojshme preventive dhe të lënë dyert e oborreve të hapura për qasje gjatë realizimit të spërkatjes.

Njoftohen edhe bletarët që të kenë kujdes të shtuar dhe t’i mbajnë bletët të izoluara gjatë kohës së spërkatjes, për shkak të rrezikshmërisë së mundshme.

Varësisht nga kushtet meteorologjike, data dhe orari mund të ndryshojnë për ditën vijuese.

28/05/2026

Lajmërohen

Lajmërohen Banorët e Fshatrave DRAGOBIL, PALLANKA, BURIM, GURBARDH DHE TURJAKË, se do të bëhet spërkatja selektive nga toka kundër EHKK të hapësirave publike dhe private sipas këtij ORARI:

Nr. Vendi- Fshati- Lagjja

1 DRAGOBIL: data: 29.05.2026 - ora: 08:00 – 12:00
2 BURIM dhe PALANKA: datë: 30.05.2026 - ora: 08:00 – 12:00
3 GURBARDHË datë: 31.05.2026 - ora: 08:00 – 12:00
4 TURJAKË: datë: 01.06.2026 - ora: 08:00 – 12:00

“ Obligohen banorët që ti marrin masat e duhura preventive” !

Vërejtje:
Varësisht kushteve meteorologjike, orari dhe data mund të ndryshojnë me ditën vijuese.

27/05/2026

Me rastin e Festës së Kurban Bajramit, ju shpreh urimet më të sinqerta për paqe, mirëqenie dhe qëndrueshmëri shpirtërore.
Kjo ditë e shenjtë, e themeluar mbi parimet e sakrificës, solidaritetit dhe devotshmërisë, qoftë një mundësi reflektimi për vlerat morale që forcojnë kohezionin familjar.
Uroj që bekimet e kësaj feste të kontribuojnë në rritjen e harmonisë, në forcimin e përgjegjësisë së përbashkët dhe në kultivimin e një mjedisi të bazuar në respekt dhe mirëkuptim.
Gëzuar Kurban Bajramin, me shëndet dhe begati!

21/04/2026

Sot në Dragobil nuk u bë vetëm pastrim – u dha një mesazh i qartë

Në kuadër të projektit të Komunës së Malishevës “Për Malishevën e pastër”, qytetarë, nxënës dhe mësimdhënës u angazhuan dhe treguan që ambienti ruhet me bashkëpunim.

Tek bregu i ravinave janë vendosur edhe dy shenja informuese!
Dragobili po tregon që ambienti ruhet me vepra, jo me fjalë.

21/04/2026