17/10/2025
FJALË FALENDERIMI PAS ZGJEDHJEVE!
Të nderuar qytetarë të Drenasit,
Të dashur miq, përkrahës e bashkëpunëtorë,
Partia politike “BASHKIMI DEMOKRATIK" në Drenas dhe anëtarët tanë, nën udhëheqjen e prof. dr. Ajvaz Berisha, dëshirojmë t’iu falënderojmë nga zemra për çdo mbështetje, fjalë të mirë, votë dhe besim që na e dhuruat gjatë këtyre zgjedhjeve.
Edhe pse rezultati nuk ishte ai që e dëshiruam, ne jemi krenarë për fushatën tonë të ndërtuar mbi pjekuri politike, kulturë qytetare dhe vizion për ndryshim. E zhvilluam një garë të ndershme, pa fyerje, pa etiketime e pa gjuhë përçarëse. Kjo është rruga që besojmë se e meriton Drenasi.
Sovrani foli dhe ne e respektojmë plotësisht vendimin e tij. E thamë gjatë fushatës dhe e përsërisim sot:
Nëse fitojmë ne, fitojnë edhe kundërshtarët politik.
Nëse humbim ne, prapë do të punojmë për Drenasin dhe fshatrat e tij, sepse e duam këtë vend dhe njerëzit e tij, pa dallim.
Rrugëtimi ynë nuk mbaron këtu. Besimi, përkushtimi dhe dashuria për Drenasin do të vazhdojnë të jenë motivi ynë kryesor. Ne do të qëndrojmë pranë qytetarëve, për çdo iniciativë të mirë, për çdo ide që e çon përpara komunën tonë.
Faleminderit Drenas!
Të duam të zhvilluar, të drejtë dhe me mundësi për të gjithë.
BASHKIMI DEMOKRATIK
Kryetari
Prof.Dr. Ajvaz Berisha