Mongolian Embassy to the USA

Mongolian Embassy to the USA Амралтын өдрүүд болон ажлын бус цагаар яаралтай асуудлаар холбогдох шуурхай утас 202-374-6274

АНУ ДАХЬ МОНГОЛЧУУД ЦУВРАЛ #8Монгол Улсаас АНУ-д суугаа Элчин сайдын яамнаас АНУ-д ажиллаж, амьдарч буй монголчуудынхаа...
09/06/2026

АНУ ДАХЬ МОНГОЛЧУУД ЦУВРАЛ #8

Монгол Улсаас АНУ-д суугаа Элчин сайдын яамнаас АНУ-д ажиллаж, амьдарч буй монголчуудынхаа амжилт бүтээл, эх орноо сурталчлан таниулах, монгол хэл, соёл, өв уламжлалаа түгээн дэлгэрүүлэх үйлсэд оруулж буй хувь нэмрийг цувралаар онцлон хүргэж байна.

Энэ удаагийн дугаарт Калифорни мужийн Лос Анжелес хотноо монгол хэл, утга зохиол, соёл, спортыг түгээн дэлгэрүүлэх, монголчуудынхаа эв нэгдэл, хамтын ажиллагааг бэхжүүлэхэд олон жилийн турш идэвх санаачилгатай ажиллаж ирсэн Бэгзсүрэнгийн Ган-Энхбаярыг онцлон танилцуулж байна.

Б.Ган-Энхбаяр гэр бүлийн хамт 2009 онд Лос Анжелес орчмын Монголчуудын холбоотой хамтран, хувийн 158 номоор сан хөмрөгийнхөө эхлэлийг тавьж “Монгол номын сан”-г байгуулжээ. Өдгөө тус номын сан 1,500 гаруй номын сан хөмрөгтэй болж, Лос Анжелес орчмын монголчууд, хүүхэд залууст эх хэлээрээ ном унших, Монголын утга зохиол, соёлтойгоо ойр байх боломжийг бүрдүүлж байна.

Номын сан байгуулагдсан цагаасаа “Утгын чимэг” богино өгүүллэгийн уран уншлагын уралдааныг жил бүр уламжлал болгон зохион байгуулж, 2026 оны тавдугаар сард Сиатл хотноо 16 дахь удаагийн уралдаанаа амжилттай зохион байгуулжээ. Мөн 2018 оноос хүүхэд багачуудын дунд “Гэгээн хүсэл” хүүхдийн шүлгийн уран уншлагын уралдааныг зохион байгуулж, монгол хүүхдүүдийн эх хэл, уран зохиолын боловсролыг дэмжин ажиллаж байна.

Түүний олон нийтийн үйл ажиллагаа утга зохиолоор хязгаарлагдахгүй. 2014 онд амьд хөгжмийн “Даян” хамтлагийг үүсгэн байгуулж, АНУ-ын олон хотод зохион байгуулагдсан соёлын арга хэмжээ, тоглолтуудад оролцсоор ирсэн бөгөөд 2024 онд хамтлагийнхаа 10 жилийн ойг тэмдэглэжээ.

Б.Ган-Энхбаяр нь сагсан бөмбөгийн дэд мастер, волейболын спортын мастер бөгөөд Америк дахь Монголчуудын Ахмадын сагсан бөмбөгийн холбоо болон Америкийн Монголчуудын Утга зохиолын нийгэмлэгийн удирдах зөвлөлийн гишүүнээр ажилладаг. Тэрээр 2024 онд Лос Анжелес хотноо Америкийн монголчуудын сагсан бөмбөгийн аварга шалгаруулах тэмцээнийг зохион байгуулахад идэвхтэй оролцож, тус тэмцээнд 25 багийн 260 гаруй тамирчин оролцсон байна.

Ийнхүү Б.Ган-Энхбаяр нь монгол ном, эх хэл, утга зохиол, урлаг, спортоор дамжуулан Монгол Улсаа сурталчлан таниулах, хойч үедээ үндэсний хэл, соёлоо өвлүүлэх, АНУ дахь монголчуудынхаа хамтын ажиллагааг бэхжүүлэхэд олон жилийн турш идэвхтэй хувь нэмрээ оруулж буй монголчуудын нэгэн төлөөлөл юм.

🇲🇳 Эх орныхоо нэрийг олон улсын тавцанд гаргаж, Монгол Улсаа сурталчлан таниулах, монгол хэл, соёл, өв уламжлалаа түгээн дэлгэрүүлэх үйлсэд идэвх санаачилгатай ажиллаж буй нийт монголчууддаа талархал илэрхийлж, цаашдын ажил үйлсэд нь өндөр амжилт хүсье.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

"SONOR" ТӨГӨЛДӨР ХУУРЫН III УРАЛДААН – 2027Монголын сонгодог төгөлдөр хуурын бүтээлүүдийг олон улсад сурталчлан таниулах...
08/31/2026

"SONOR" ТӨГӨЛДӨР ХУУРЫН III УРАЛДААН – 2027

Монголын сонгодог төгөлдөр хуурын бүтээлүүдийг олон улсад сурталчлан таниулах, ялангуяа АНУ болон бусад оронд амьдарч буй Монгол хүүхэд, залууст таниулан хүргэх, мөн олон улсын залуу хөгжимчдийн урын санд Монголын сонгодог бүтээлүүдийг түгээн дэлгэрүүлэх зорилготой "Sonor" Төгөлдөр Хуурын III Уралдаан 2027 оны 1-р сард АНУ-ын Калифорни мужид зохион байгуулагдана.

Тус уралдаан нь 5–18 насны, бүх түвшний төгөлдөр хуурчдад нээлттэй.

Онлайн уралдаан: 2027.01.23
Танхимын уралдаан: 2027.01.30 — Berkeley, California
Шагналтнуудын концерт: 2027.02.06 — Piedmont, California
Бүртгэл: 2026.08.01–2027.01.16

Уралдааны талаарх дэлгэрэнгүй мэдээллийг доорх холбоосоор үзнэ үү.
🇲🇳 Монгол хэлээр: https://docs.google.com/document/d/1nOv4VlWkwF9aCRJS0LFYJU86xX_xbPYs/edit?usp=sharing&ouid=106605740789202492117&rtpof=true&sd=true
🇺🇸 Англи хэлээр:
https://docs.google.com/document/d/1Ygd-P5VY9QdbD_2-gqTFx9GbQHvjlkmd/edit?usp=sharing&ouid=106605740789202492117&rtpof=true&sd=true

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

МОНГОЛ УЛСЫН ЕРӨНХИЙЛӨГЧИЙН ШИЛЖИН ЯВАХ ЦОМЫН ТӨЛӨӨХ САГСАНБӨМБӨГИЙН ТЭМЦЭЭН АНХ УДАА АМЕРИКИЙН МОНГОЛЧУУДЫН ДУНД ЗОХИОН...
08/29/2026

МОНГОЛ УЛСЫН ЕРӨНХИЙЛӨГЧИЙН ШИЛЖИН ЯВАХ ЦОМЫН ТӨЛӨӨХ САГСАНБӨМБӨГИЙН ТЭМЦЭЭН АНХ УДАА АМЕРИКИЙН МОНГОЛЧУУДЫН ДУНД ЗОХИОН БАЙГУУЛАГДАНА

Монгол Улсын Ерөнхийлөгчийн нэрэмжит Шилжин явах цомын төлөөх сагсанбөмбөгийн тэмцээн анх удаа Америкийн Нэгдсэн Улсад ажиллаж, амьдарч буй монголчуудын дунд Чикаго хотноо зохион байгуулагдах гэж байна.

Тэмцээн нь:
🏀 Хүүхдийн ангилал
🏀 Насанд хүрэгчдийн ангилал

гэсэн төрлөөр явагдах бөгөөд спортод хайртай нийт монголчуудыг өргөнөөр оролцохыг урьж байна.

Энэхүү тэмцээн нь зөвхөн спортын өрсөлдөөн бус, сагсанбөмбөгт хайртай хүүхэд, залуусын хүсэл тэмүүлэл, авьяас чадварыг дэмжин хөгжүүлэх, спортоор дамжуулан эрүүл, зөв амьдралын хэв маягийг төлөвшүүлэхийн зэрэгцээ Америкт ажиллаж, амьдарч буй монголчуудын эв нэгдэл, нөхөрлөлийг бэхжүүлэхэд оршино.

Бүртгэл болон тэмцээний талаарх дэлгэрэнгүй мэдээллийг: [email protected] имэйлээр холбогдож авна уу.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

📌 Элчин сайд Ө.Батбаяр “Historical Film”-ийн гүйцэтгэх продюсер Жим Мартеллтай уулзаж, Монгол Улсыг кино урлагаар дамжуу...
08/21/2026

📌 Элчин сайд Ө.Батбаяр “Historical Film”-ийн гүйцэтгэх продюсер Жим Мартеллтай уулзаж, Монгол Улсыг кино урлагаар дамжуулан сурталчлан таниулах, энэ чиглэлээр хамтран ажиллах боломжийн талаар санал солилцов.

✅ Уулзалтын үеэр Ж.Мартелл монголчуудын амьдрал, соёлын онцлогийг харуулах “Historical Film” баримтат киноны төслөө танилцуулж, киноны бүтээл бүрэн дуусаж, олон улсын кино наадмуудад оролцуулах бэлтгэл хангаж байгаа талаар мэдээлэв.

✅ Талууд уг бүтээлийг АНУ болон олон улсын үзэгчдэд хүргэх, Монгол Улс, монголчуудын талаарх ойлголт, мэдлэгийг нэмэгдүүлэхэд кино урлагийн боломжийг ашиглах, цаашид энэ чиглэлээр хамтран ажиллахаар тохиролцов.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

📌 Элчин сайд Ө.Батбаяр АНУ-ын Конгрессын Төлөөлөгчдийн танхимд Бүгд Найрамдах намаас Баруун Виржиниа мужийг төлөөлөн сон...
08/18/2026

📌 Элчин сайд Ө.Батбаяр АНУ-ын Конгрессын Төлөөлөгчдийн танхимд Бүгд Найрамдах намаас Баруун Виржиниа мужийг төлөөлөн сонгогдсон Конгрессын гишүүн Кэрол Миллертэй цахим уулзалт хийв.

✅ Уулзалтаар Конгрессын гишүүн К.Миллерийн Монгол Улсад хийхээр төлөвлөж буй айлчлалын бэлтгэл, Монгол, Америкийн харилцаа, хамтын ажиллагаа, тэр дундаа худалдаа, эдийн засаг, хөрөнгө оруулалт, эрчим хүчний салбарын хамтын ажиллагааг өргөжүүлэх боломжийн талаар ярилцав.

✅ Конгрессын гишүүн К.Миллер нь Төлөөлөгчдийн танхимын Төсөв, татварын бодлогын (Ways and Means) хорооны гишүүн бөгөөд тус хорооны Худалдаа болон Эрүүл мэндийн дэд хороодод ажиллаж, худалдааны харилцааг өргөжүүлэх, эдийн засгийн өсөлт, ажлын байр, эрчим хүчний салбарыг дэмжих асуудалд түлхүү анхаарч ажилладаг юм.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

ЦӨЛЖИЛТТЭЙ ТЭМЦЭХ ТУХАЙ НҮБ-ЫН КОНВЕНЦЫН ТАЛУУДЫН 17 ДУГААР БАГА ХУРАЛ (UNCCD COP17)-ЫН НЭЭЛТИЙН АРГА ХЭМЖЭЭ УЛААНБААТАР...
08/18/2026

ЦӨЛЖИЛТТЭЙ ТЭМЦЭХ ТУХАЙ НҮБ-ЫН КОНВЕНЦЫН ТАЛУУДЫН 17 ДУГААР БАГА ХУРАЛ (UNCCD COP17)-ЫН НЭЭЛТИЙН АРГА ХЭМЖЭЭ УЛААНБААТАР ХОТНОО БОЛЛОО

Цөлжилттэй тэмцэх тухай Нэгдсэн Үндэстний Байгууллагын конвенцын Талуудын 17 дугаар бага хурал (UNCCD COP17) 2026 оны 8 дугаар сарын 17-ны өдөр Улаанбаатар хотноо албан ёсоор нээлтээ хийлээ. Тус бага хурал 8 дугаар сарын 17-28-ны өдрүүдэд “Эх байгалиа сэргээж, итгэл найдвараа бадраая” (“Restoring Land. Restoring Hope.”) сэдвийн дор болох юм.

Нээлтийн арга хэмжээнд Монгол Улсын Ерөнхий сайд Н.Учрал, Цөлжилттэй тэмцэх тухай НҮБ-ын конвенцын Гүйцэтгэх нарийн бичгийн дарга Ясмин Фуад, Саудын Арабын Хаант Улсын Байгаль орчин, ус, хөдөө аж ахуйн дэд сайд, UNCCD COP16-ын дарга доктор Осама Ибрахим Факиха, Монгол Улсын Гадаад харилцааны сайд Б.Батцэцэг нар оролцож, үг хэлэв.

Нээлтийн үеэр UNCCD COP16-ыг даргалагч Саудын Арабын Хаант Улсаас Монгол Улсад бага хурлыг даргалах үүргийг албан ёсоор шилжүүлж, Гадаад харилцааны сайд Б.Батцэцэг UNCCD COP17-ын Даргын үүргийг хүлээн авлаа.

UNCCD COP17-ын Дарга Б.Батцэцэг хэлсэн үгэндээ Монгол Улс бага хурлын үйл ажиллагааг нээлттэй, ил тод, хүртээмжтэй, зөвшилцөлд суурилсан зарчмаар удирдан явуулж, талуудын байр суурийг ойртуулах, яриа хэлэлцээг урагшлуулах, бодитой, тэнцвэртэй шийдэлд хүрэхэд онцгой анхаарч ажиллахаа илэрхийлэв. Тэрбээр мөн цөлжилт, газрын доройтол, гангийн сорилтыг даван туулахад олон улсын хамтын нийгэмлэгийн эв нэгдэл, бодит үйл ажиллагаа, хамтын хүчин чармайлт чухал болохыг онцлов.

Хоёр долоо хоног үргэлжлэх UNCCD COP17-ын хүрээнд конвенцын Талууд, НҮБ болон олон улсын байгууллага, иргэний нийгэм, хувийн хэвшил, эрдэм шинжилгээ, судалгааны байгууллага, орон нутгийн болон уугуул иргэдийн төлөөлөл өргөнөөр оролцож, газрын нөхөн сэргээлт, гангийн тэсвэржилт, ус, бэлчээрийн тогтвортой менежмент, хүнсний тогтолцоо, хөрсний эрүүл мэнд, санхүүжилт зэрэг харилцан уялдаатай асуудлаар хэлэлцүүлэг өрнүүлж, олон улсын хамтын ажиллагааг бэхжүүлэх, бодит үр дүнд чиглэсэн шийдлүүдийг тодорхойлох юм.

Монгол Улс UNCCD COP17-ыг зохион байгуулагч болон даргалагч орны хувьд Талуудын яриа хэлэлцээг үр дүнд хүргэх, цөлжилт, газрын доройтол, гангийн эсрэг дэлхий нийтийн хамтын хүчин чармайлтыг эрчимжүүлэхэд идэвхтэй хувь нэмэр оруулахыг чармайн ажиллахыг зорьж байна.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

✅ Элчин сайд Ө.Батбаяр “ABRE Technologies” компанийн Гүйцэтгэх захирал, АНУ-ын Конгрессын гишүүн асан, доктор Тед С. Йох...
08/15/2026

✅ Элчин сайд Ө.Батбаяр “ABRE Technologies” компанийн Гүйцэтгэх захирал, АНУ-ын Конгрессын гишүүн асан, доктор Тед С. Йохо болон “Vaccas OneHealth” байгууллагын Ерөнхийлөгч, Гүйцэтгэх захирал доктор Кит Поулсен нарыг хүлээн авч уулзав.

✅ Уулзалтаар Монгол Улсын мал аж ахуйн салбарын бүтээмж, өрсөлдөх чадварыг нэмэгдүүлэх, малын өвчний тандалт, урьдчилан сэргийлэлт, оношилгоо, вакцинжуулалт, бүтээгдэхүүний гарал үүсэл, мөшгөх тогтолцоог сайжруулах талаар ярилцав. Мөн эдгээр чиглэлд хиймэл оюун ухаан, биотехнологи болон бусад дэвшилтэт технологийг нэвтрүүлэх боломжийн талаар санал солилцлоо.

✅ Ambassador Batbayar Ulziidelger met with Dr. Ted S. Yoho, CEO of ABRE Technologies and former Member of the U.S. Congress, and Dr. Keith Poulsen, President and CEO of Vaccas OneHealth, to exchange views on opportunities to advance Mongolia–U.S. cooperation in the livestock sector, with a focus on animal health, productivity and traceability, as well as the application of AI, biotechnology and other advanced technologies.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

ИРГЭДИЙН АНХААРАЛД:Монгол Улсын Гадаад Харилцааны Яам Ministry of Foreign Affairs of Mongolia
08/15/2026

ИРГЭДИЙН АНХААРАЛД:

Монгол Улсын Гадаад Харилцааны Яам Ministry of Foreign Affairs of Mongolia

АЖИА ГЭГЭЭНТЭН ЭЛЧИН САЙДЫН ЯАМАНД ЗОЧЛОВ📌 Ажиа гэгээнтэн Лувсантүвдэн Монгол Улсаас Америкийн Нэгдсэн Улсад суугаа Элчи...
08/13/2026

АЖИА ГЭГЭЭНТЭН ЭЛЧИН САЙДЫН ЯАМАНД ЗОЧЛОВ

📌 Ажиа гэгээнтэн Лувсантүвдэн Монгол Улсаас Америкийн Нэгдсэн Улсад суугаа Элчин сайдын яаманд зочилж, Элчин сайд Ө.Батбаяртай уулзав.

✅ Уулзалтын үеэр Ажиа гэгээнтний Монгол Улсад олон жилийн турш хэрэгжүүлж ирсэн хүмүүнлэг, буяны үйлс болон цаашдын хамтын ажиллагааны талаар ярилцав.

✅ Ажиа гэгээнтэн Монголын хүүхэд, залуус, ахмад настны сайн сайхны төлөө олон төсөл, хөтөлбөр санаачлан хэрэгжүүлж ирсэн бөгөөд түүний санаачилгаар 2014 онд ЭХЭМҮТ-ийн дэргэд Хүүхдийн цусны эмгэг, хавдрын эмнэлгийг байгуулан Монгол Улсад хандивласан юм. Мөн суралцах хүсэл эрмэлзэлтэй, санхүүгийн боломж хязгаарлагдмал оюутан залуусыг дэмжих “Зөв тэтгэлэг” хөтөлбөрийг 2019 оноос хэрэгжүүлж, өдгөө найм дахь удаагийн элсэлтээ авч, нийт 140 гаруй оюутан, залуусыг хамруулаад байна.

✅ Түүнчлэн ахмад настны эрүүл мэнд, нийгмийн идэвх, оролцоог дэмжих зорилгоор таван давхар цогцолбор бүхий Ахмадын хөгжлийн төвийг санаачлан байгуулж, Улаанбаатар хотод хандивласан зэрэг Монголын хүүхэд, залуус, ахмад настанд чиглэсэн хүмүүнлэгийн олон үйлсийг тууштай хэрэгжүүлж, монгол түмнийхээ сайн сайхны төлөө үнэтэй хувь нэмэр оруулсаар ирсэн билээ.

✅ Элчин сайд Ө.Батбаяр Ажиа гэгээнтний Монголын ард түмний сайн сайхны төлөө хэрэгжүүлж ирсэн энэрэнгүй, буянтай үйлсэд талархал илэрхийлж, цаашдын буян номын үйлсэд нь амжилт хүслээ.

Монгол Улсын Гадаад Харилцааны Яам Ministry of Foreign Affairs of Mongolia

📌 Элчин сайд Ө.Батбаяр “The Wicks Group” компанийн захирал Гленн Виксийг хүлээн авч уулзав.✅ Уулзалтаар Монгол Улс, Амер...
08/13/2026

📌 Элчин сайд Ө.Батбаяр “The Wicks Group” компанийн захирал Гленн Виксийг хүлээн авч уулзав.

✅ Уулзалтаар Монгол Улс, Америкийн Нэгдсэн Улс хооронд шууд нислэг эхлүүлэх бэлтгэл ажлын хүрээнд Монгол Улсын иргэний нисэхийн салбарт хэрэгжүүлж буй шинэчлэл, АНУ-ын Холбооны нисэхийн захиргаа (FAA)-ны Олон улсын нислэгийн аюулгүй байдлын үнэлгээ (IASA) аудит шалгалтад хамрагдах чиглэлээр хийж буй бэлтгэл ажил болон техникийн хамтын ажиллагааны талаар ярилцлаа.

✅ “The Wicks Group” компанийн захирал Гленн Викс Монгол Улсын иргэний нисэхийн салбарын аюулгүй ажиллагаа, зохицуулалт, хяналтын тогтолцоог боловсронгуй болгох чиглэлээр хийж буй ажлуудын талаар танилцуулж, цаашид мэргэжлийн боловсон хүчний чадавхыг бэхжүүлэх, бэлтгэл ажлыг тогтвортой үргэлжлүүлэхийн чухлыг онцлов.

✅ Талууд Монгол, Америкийн хооронд шууд нислэг эхлүүлэх зорилтын хүрээнд иргэний нисэхийн салбарын чадавхыг бэхжүүлэх, АНУ-ын Холбооны нисэхийн захиргаа (FAA)-ны “Category 1” зэрэглэлд хүрэх бэлтгэл ажлыг урагшлуулах чиглэлээр үргэлжлүүлэн ажиллахаар тогтов.

✅ Ambassador Batbayar Ulziidelger met with Glenn Wicks, the founder and Managing Director of The Wicks Group, to discuss progress in Mongolia’s civil aviation reforms and preparations for the International Aviation Safety Assessment. The meeting also focused on strengthening technical cooperation and professional capacity as Mongolia continues its efforts toward achieving Category 1 status.

Address

2833 M Street NW
Washington D.C., DC
20007

Opening Hours

Monday 9am - 1pm
2pm - 5pm
Tuesday 9am - 1pm
2pm - 5pm
Wednesday 9am - 1pm
2pm - 5pm
Thursday 9am - 1pm
2pm - 5pm
Friday 9am - 1pm
2pm - 5pm

Telephone

+12023337117

Website

Alerts

Be the first to know and let us send you an email when Mongolian Embassy to the USA posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mongolian Embassy to the USA:

Shortcuts

Share

Category