11/17/2016
USA leh Zomi sungah Thanksgiving hong pianzia
Lai Siangtho sungah lungdamkohna tampi kimu-a, adiakdiakin Late sungah, ‘‘lungdamko un !!!! bang hang hiam cih leh T**a hoihin hehpihna tawh kidim…’’ cih vive muntampi ah kimu hi. Hih Lungdamkoh Ni (Thanksgiving Day) tawh kisai hong piankhiatna thu i genloh phamawh hi. Leitung ah Pasian min suang/paulap-a kiphuan gam khat bek om-a, tua gamin America ahi hi. Columbus in 1492 k*min America gam na mukhia hi. Ahizongin America gam taktak hong pian khiatna dingin, tuma k*m 400 hun lai 7th Century 1600 kimin England k*mpi King James in (The Church of England) upna azuilote nakpi takin bawlsia hi.
Tua bawlsiatna thuak-a, atuam om pawl “Separatists” kici Khristian Khualzinte (Pilgrims) in suakta taka Pasian a biak theih nading ngaihsutna tawh 1607/1608 k*min Holland gam ah galtai uhi. Holland gamah tawmvei aom khitciangun Pasian um mello le pau le ham kibanglo lua ahimanin, England gam ah ciahkik uhi. England gam pan America leitang zuankik dingin May Flower gunkuangpi tawh mi 106 kim hong paikhia uhi. Atlantic Ocean kantan in haksatna tampi a phut khit uh November 11, 1620 k*min America gam Wampanoag Indians kici mivomte tenna tuhun Massachusetts State, Plymounth khua hong tung uhi.
America leitang a tun phetun May Flower Compact ci in kiciamna laikhat hong gelhkhia uha tua lai apatna ah, “Pasian min tawh Amen (In the name of God, Amen) ci-in gelh uhi. Khuakhal gamkeu hun laitakin tung uh ahimanin neek le dawn ding haksatna hang le natna tuamtuam tawh mi 106 sung pan 46 si uhi. Aomsa Wampanoag Indians-te tawh pau kitellohna le lokhawh khaicituh zia ding akipan sin tawmtawm uha haksa sa uhi. Nuntakna dingin ngasa mat zia le gamsa bet ziate Indians-te tung pan limsin mahmah uhi. A k*m kik 1621 k*m ciangin lo pan vaimim, mangbuh, mai gah le begap namte kilatheita hi.
Governnor Mr. William Bradford vaihawmna tawh khua hausa pa Mr. Massasoit (Indians Chief), Mr. Squanto (Translator) le khua sung makaite mi 90 samin amau lam pan mi 52 tawh amasapen Anlak pawi T**a tungah Lungdamkohna thupi takin bawl uhi. Hih pen America leitang a tun zawh uh amasapen lungdamkohna hi pah hi. Lungdamkohna pawi sungah Indiante in Sai Ak hankeu le gamsa hankeu cihte tawi-in vaimin tui tawh huan khawmin pilgrim-te tawh pawi an nekhawm uhi. Tua k*m akipan phalbi anlak khit simin lo ma tung pan thupha apia T**a tungah lungdamkohna nei den uhi.
England k*mpi khut nuaiah (Colony) bawlsiatna k*m 100 val thuakin a om khit uh ciangin, England tawh gal hong kido uhi. Galzawhna dingin a makaipa uh Georg Washington in vuuk lak khuadampi nuai ah khukdinin thungen hi. Galzoin suahtakna a pulak ciang un (1) Pasian pen mihing apiangsak pa ahihna, (Almighty God), (2) Mihingte suahtakna (Human Right) tawh hong piangsak Pasian ahihnate pulak masa uhi.
Tua banah gam kiukzia ding Thukhunpi (Constitutions) hong geel uha, Lai Siangtho mah tawh thungen in kipan uhi. Hih Thukhunpi a bawl ciangin adeihna uh kituaklo ahimanin, a cihna ding theiloin om uhi. Tua bang laitakin Benjamin Franklin in, “Pasian d**g ni” ci-in a vekpi mahin thungenkhawm pah uhi. Pasian in a thungetna uh dawng takpi in, Lai Siangtho bulphuh-a kigelh America Constitution pen tuni d**g k*m 400 bang akip suakin, a khek zo om nawnlo phial dingin kiciamteh hi. America gam ah tuni d**g k*mpi thak khat a kiteel simin Lai Siangtho tawh kiciamna nei sak uha, Congress thu vaihawmna khempeuh thungetna tawh pan den uhi. US sum (Dollar) tungah Lai Siangtho mun, “Eite’n T**a i Muang hi” (In God We Trust), Late.31:6 gelh uhi. US pen Pasian min tawh bawlsiatna thuak khualzin mite khuasat ahimanin, tuni d**g thupha ngah gam minthang pen suakin leitung vangam (Earthly Paradise) kici zawzen hi.
Hun hong paitoto in America gamin suahtakna (Independent) hong ngah khitciangin, US Congress in k*m simin Lungdamkoh Ni neih ding thukimna nei hi. US President masa George Washington in November 26, 1789 ni pen US gambup Lungdamkohn Ni (US Thanksgiving Day) a zat dingin pulak hi. Ahizongin a ma khit-a Kumpi sem President Thomas Jefferson, le Andrew Jackson-te in thukimpihlo uhi. Tua banah US tualgal (Civil War) bei khit October 3, 1863 ni in US President Abraham Lincoln in America mi khempeuh d**gkik-a, November nipi nunung, Nili Ni (The last week of November Thursday) pen National Holiday dingin kipsakkik hi. 1939 k*m ciangin US President Franklin D. Roosevelt in zum nasemte le vanzuak vanleite in Christmas ma tawlkhat sung vanlei theihna ding ngaihsutsakna tawh nipi khat amanlangzaw dingin geel leuleu hi. 1990 k*m ciangin President George Bush in hih ni mah hong zangto hi.
Lungdamkohna le Sai Ak:
Hih US Thanksgiving Day kibawl ciangin Sai Aksa le Vaimim tui huan hamtang uhi. Tua Sai Ak tuihuan le vaimim a deihna bulpi pen abeisa hun khat lai-a khualzin (pilgrims) hun lai a pu, a pate phawkna ahi hi. Tua banah Sai Ak lim, vaimim gau lim le singgah lim tuamtuamte inn zepna in nei uha, letsong in zong kipia uhi. Khristian Khualzinte tangthu (The Pilgrim Story) pen US tangthu sungah abeisa 17th, 18th, 19th, 20th, 21st Century le mailam hun sawtpi ah a mang ngei nawnlo dingin kiciamteh hi. Tua bekthamloin Pilgrimte phawkna dingin, Pilgrim Hall Meseum, American Meseum of Pilgrim Possesions kici No. 25 Court Street, Plymouth, MA, USA ah Inn lianpi khat kilam hi. Tua innpi sungah “Tanglai Pate upna’’ cih laimal kigelh asimkha khempeuh cimul thosak mahmah hi.
Zomite le Lungdamkohna:
Zomite zong abeisa i nuntakna le i piankhiatnate enkik leng minam neu khat le ui le vok tawh anne khawm, silh le ten neilo, lai zong neiloin zu le sa tawh kidiah i om laitak America gam pan sangmang Carson, Nelson, East, Johnson le Cope t**a-te'n lungdamna khuavak hong puak uhi. Cope t**a in Jesu Khrist lungdamna thu tawh kitonin Zomi lai hong bawlsaka, hong tung ding 2010 November sungah Cope t**a hong tunzawh k*m (100) cinna le Zomi lai neihzawh k*m (100) cinna pawipi Tedim khuapi ah thupitak kibawl khin ta hi.
Zomite sungah mipil, misiam, mihau, milian tampi i oma, khuapi khuaneu ah i teng zihziah hi. Khuapi khuaneu ah kizopna mawtaw lampite i bawl zoa, mawtaw le neih le lam tampi i nei hi. Tua Jesu lungdamna khuavak in i mit hong hon sak, hong vak sakin, tuni in Zomite leitung bup ah i kizel hi. I tuntunna ah Zomi Innkuan, Zomi Christian Fellowship, Zomi Association, Global Zomi Alliance (GZA) nangawn i nei ta hi. Zogam, Kawl-gam le leimong d**gah lungdamna thu tangko dingin Pasian in Zomite hong paisak ziahziah ta in hong zang mahmah hi. Hihte khempeuh i etkik ciangin Pasian pen Zomite Pasian ding mahin teel taktak i himanin thupha ngah Zomite i kici thei hi.
