CGN, San Francisco-नेपाली महावाणिज्यदूतावास, सान फ्रान्सिस्को

09/17/2026

https://sf.nepalconsulate.gov.np/content/60/notification-regarding-receipt-of-new-passports-as/

Consulate General of Nepal

09/17/2026

यथाशीघ्र नयाँ राहदानी बुझिलिने सम्बन्धी सूचना ।
-----------------------------------------------------
जुलाई ७ देखि अगष्ट ३१, २०२६ सम्म यस महावाणिज्यदूतावासमार्फत् राहदानीका लागि आवेदन गर्नुभएका जम्मा ३५७ जना आवेदकहरू मध्ये संलग्न सूचिबमोजिमका ३१८ जना आवेदकहरूको राहदानी तयारी भई महावाणिज्यदूतावासमा प्राप्त भएको जानकारी गराइन्छ। बाँकी ३९ जना आवेदकहरूको राहदानी केही दिनभित्रै प्राप्त हुनेछ।

१.यसअघि नै महावाणिज्यदूतावासमा फिर्ती खाम (return/pre-paid envelope) छोड्नुभएका १४० जना आवेदकहरूको राहदानी अब १-२ दिनभित्रै सम्बन्धित व्यक्तिको ठेगानामा हुलाकमार्फत् पठाइनेछ ।हुलाकमार्फत पठाइने राहदानीको सूची हरियो रङ्गले हाइलाइट गरिएको छ ।

२.बाँकी १७८ जनाको आवेदकको राहदानीको सूची यसैसाथ संलग्न छ । उक्त सूचीमा रहेका आवेदक मध्ये महावाणिज्यदूतावासमा स्वयं उपस्थित भएर राहदानी बुझिलिन चाहने आवेदकहरूले यही सेप्टेम्बर १७, १८, २१ र २२ का दिन बिहान ९ बजेदेखि अपरान्ह ३ बजेसम्म यस महावाणिज्यदूतावास (ठेगानः 505 beach street, suite 130 San Francisco, CA 94133) मा आई आफ्नो राहदानी बुझिलिई सक्नुहुन अनुरोध छ । राहदानी लिन आउँदा पुरानो राहदानी र राजस्व तिरेको सक्कल रसिद अनिवार्य लिएर आउनुहोला।हराएको राहदानीको हकमा राजस्व तिरेको सक्कल रसिद साथमा लिएर आउनुपर्नेछ ।

३.त्यसैगरी, हुलाकमार्फत् राहदानी बुझिलिन चाहने आवेदकहरूले आफ्नो पूरा नाम र ठेगाना खुलाई Tracking number सहितको फिर्ती खाम (return/pre-paid envelope) द्रुत सेवामार्फत यही सेप्टेम्बर २१, २०२६ सम्म यस महावाणिज्यदूतावासमा आइपुग्ने गरी पठाउन हुन अनुरोध छ। फिर्ती खाम पठाउँदा आफ्नो पुरानो राहदानी र राजस्व तिरेको रसिदको सक्कल नै खाममा राखेर पठाउनु होला । हराएको राहदानी नविकरणको लागि आवेदन गरेको भए राजस्व तिरेको सक्कल रसिद र हराएको राहदानीको फोटोकपि खाममा राखेर पठाउनु होला ।

साथै, जुलाई ७, २०२६ भन्दाअघि आवेदन दिई अझै आफ्नो राहदानी लिन बाँकी रहेका आवेदकहरूलेसमेत यही सेप्टेम्बर १७, १८, २१ र २२ का दिन बिहान ९ बजेदेखि अपरान्ह ३ बजेसम्म राहदानी बुझिलिई सक्नुहुन समेत अनुरोध छ ।

नेपाली महावाणिज्यदूतावास
सान फ्रान्सिस्को ।
१६ सेप्टेम्बर २०२६

09/14/2026

Thank you, Nepali Association of Northern California (NANC) for your contribution of NPR 1,00,00,000.00 (NRs One Crore) to the Prime Minister Disaster Relief Fund🙏

We sincerely appreciate your support and solidarity towards Nepal at this difficult time.

09/10/2026

जुलाई ७ देखि अगष्ट ३१, २०२६ सम्मका राहदानी आवेदनहरूसम्बन्धी सूचना
-------------------------------------------------------

मिति २०८३ साल भाद्र १६ गते तदनुसार सेप्टेम्बर १, २०२६ देखि यस महावाणिज्यदूतावासका सम्पूर्ण सेवाहरू बन्द भएको बेहोरा यहाँहरूलाई अवगत नै छ।

जुलाई ७ देखि अगष्ट ३१, २०२६ सम्मको अवधिमा राहदानीका लागि आवेदन दिनुभएका सेवाग्राहीहरूले आफ्नो राहदानी आवेदनको अवस्था (status of the passport application) का बारेमा विभिन्न माध्यममार्फत् सोधनी गरिरहनु भएको छ ।

जुलाई ७ देखि अगष्ट ३१, २०२६ सम्म आवेदन दिनुभएका आवेदकहरूको नयाँ राहदानी काठमाण्डौस्थित राहदानी विभागमा तयार हुने क्रममा रहेको र यस महावाणिज्यदूतावासमा अझै प्राप्त भई नसकेको बेहोरा जानकारी गराउँदछौं। उक्त राहदानीहरू प्राप्त हुनासाथ यस महावाणिज्यदूतावासको वेवसाइटः sf.nepalconsulate.gov.np र फेसबुक पेजः CGN, San Francisco-नेपाली महावाणिज्यदूतावास, सान फ्रान्सिस्को मा सूचना प्रकाशन गरी आवेदकले राहदानी प्राप्त गर्ने तरिका र स्थानको बारेमा स्पष्ट जानकारी गराइनेछ।

तसर्थ उल्लेखित आवेदकहरूले राहदानी प्राप्ति सम्बन्धी सूचना/जानकारीको लागि यस महावाणिज्यदूतावासको वेवसाइट र फेसबुक पेज नियमित रूपमा हेर्नुहुनसमेत अनुरोध गरिन्छ।

नेपाली महावाणिज्यदूतावास
सान फ्रान्सिस्को ।
१० सेप्टेम्बर २०२६

09/05/2026

09/05/2026

09/05/2026

LOS ANGELS:- A candlelight vigil and memorial service were held in the city of Artesia, California, to honor those who lost their lives in the recent floods