06/27/2026
🐟🔥🍀✨
Hai días que quedan para sempre na memoria, e o de onte foi un deles.
Pechamos o curso da Casa da Muller cunha xornada chea de emoción, alegría e moita convivencia. O grupo de teatro, actuacións de Queixumes de Monte Branco, o Club de Lectura e as pandeireteiras enchéronnos de talento, cultura e sentimento, facendo que cada actuación fose un agasallo para todas as persoas presentes.
E, como xa comeza a ser unha fermosa tradición, chegou a agardada sardiñada de Conchita, un momento para compartir mesa, conversas e risas, demostrando unha vez máis que os mellores encontros tamén se celebran arredor dun prato preparado con tanto cariño.
O broche de ouro púxoo a foliada dos Farrapos, que fixo bailar, cantar e g***r a pequenos e maiores, convertendo o remate da festa nunha auténtica celebración da nosa cultura e da alegría de estarmos xuntos.
Foi unha desas xornadas que nos enchen o corazón e nos lembran que a Casa da Muller é moito máis ca un edificio: é un lugar onde nacen amizades, onde se fortalecen os lazos e se crean lembranzas que perduran no tempo.
Grazas a todas as persoas que o fixestes posible.
Grazas tamén a Íñigo pola súa fantástica reportaxe fotográfica.
Grazas por tanto agarimo a todos e todas e por facer que, un ano máis, vivísemos unha xornada inesquecible.
Vémonos en setembro!💜
Aquí cabemos todas!
