11/07/2020
Ei Dao💚 Mara hnohta Châ paphaopa
Mohropa hawhta ei thaina, sona nata hneina y vei hra sala, kei tluhta kyhchâ pachâtuhpa he hnei aw va chi. Ei Dao y na hnohta Châ roh awpa he ei hluhpi a chhuah taraw nata daihti ei hnei thai leipa vâta vaw roh thei leipa nata ri na vaw pachâ thai bei mah y. Tanoh deikua roh lei thei awpa a châ hapa vâta na hnohta châ paphaona chyupa ei vaw roh. Paloh pasi kawpa ta vaw reih bei mah y.
Nama nata keima likawh maniah pachhai awpa ta ahy lâpaw dyuthaipa châ ma na chhosoh cha parao haw tlyh? Hnohla eima kaona daihti zy ei saih châhta la ei khialo a li hmeisei. Ahy pawti thai angia leipa ta sypakhyna Opi lia lohkipa ta eima kaona daihti zy kha a vâ zizah lia ma a lei khai haw. Dao y na hnohta ei y leipa vâta ei kyh pachâna a pai hawh tahpa châ tiara vei. Na pha nawpa ta rietheina torai taopa ta hmiala daihti saih na chôta moku rahmâ chhao khai hmâ leipa ta chho nata za pachâ leipa ta mathlai chhao ta ei tiama hualua.
Tahmâ lâta thatih ei vaw theipa deikua ei khialo raih tlâh thei vei. Zasâh manôh a thaisopa, a hneipa zyta a no la tloh vei tahpa ta ei thatih ama reihpa vaw thei nata ei paloh a pasa hmeisei. Ei laobie nielapa viasa thokha zy chhao ei tloh leina saih ama reih. Kei hlâta la kyhto liata ama pha via thei awh, ama thaina nata hneina soh vâta na khopa to raih nata bietaina hluhpi chhaota a ma cha thlyu awh. Saihkao(chavah) y leina su liata hleidy cha dao pa awpa taihta ama cha thlyu awh. He zydua he nama nata keima likaw a dyryh kawpa ta eima y khona parao khona a châ tahpa deikua my khah y. Dao y lyubie paru eima reihpa zy kha my tiara khah y. Kei châta thina taihta ngâchhihpa ta ei chaw ha awh na tahpa zy kha ahy molah khydi châma na chhosoh cha parao haw tlyh. Molah zyta ei thatih ama reihpa zydua kha keima tawhta na thei leipa la vaw zo tiara bei khah y. Chhieno phano hro chhoh châta keima hawhta kyhcha pachâ awpa hela keima hleikhô ta y tiara aw vei ei. Molah khydi zy helâ na pawngia ama khopa vâta buakha châ ngalâ kyhpachâna lyubie ama cha hlâ awh. Na pawngiana zy ama zy khai tawhta la apahno leipa hawhta lytlâh ama cha khosai hei awh. Kei deikua na châta thi noh taihta ngachhih kawpa ta na kiapa lia ei cha ypa lyma awh.
Na châta hmo hluhpi mohropa hawhta tao thei vei hraw sala, keima la ei thaina, sona nata hneina zydua ta nama châta tlokhu ei hlâ khai. Nama pha nawpa a châ khiata la thina taih chhao hnosy leipa ta ei hria lyma aw tahpa he my khah y.
Mara Deiva Awsi khaina ryh liata ahy thai angia leipa ta hmaokha ta Opi paryh kho awpa he Paw KHAZOHPA hnohta mothlih chhao ta ei hia.
Na kyhpachâ chaipaw
Daochai Mara
11:11
hluhpi hnei khai tawhta na vote kha pathla mah y.
vote sâkha ta râh nata Chipho ataopathie thei tahpa my khah y.
chyta na hnei chhôhta Khazohpa lâ thlachhâna chôta Chipho châta ku vaw pathla bei mah y.
châta ku na pathla kho leipa chhao a pathla ngalâpa hnohta pabua bei khah y.
