Dr. Sourn Sereyratha

09/14/2026

09/14/2026

ព្រឹកថ្ងៃច័ន្ទ ទី១៤ កញ្ញា ២០២៦ នៅទីស្តីការក្រសួងអភិវឌ្ឍន៍ជនបទ៖ ចូលរួមកិច្ចប្រជុំនិងបានផ្តល់មតិជាធាតុចូលក្នុងកិច្ចប្រជុំដើម្បីជម្រុញសកម្មភាព Cyber Trooper ក្រោមអធិបតីភាព ឯ.ឧ រដ្ឋមន្ត្រី។

09/13/2026

ទុករូបភាពទាំងអស់នេះឲ្យជាអ្នកឆ្លើយតទល់ជាមួយពួកចោរឈ្លានពានដែលជាអ្នកបំផ្លាញ..

09/12/2026

កម្ពុជា បានជោគជ័យក្នុងជំហានទី១ យ៉ាងតឹងមាំដោយទាញបង្ខំឲ្យភាគីចោរសៀម (ថៃ) ចូលខ្លួនមកអង្គុយដោះស្រាយបញ្ហា ព្រំដែនទឹកនិងខ្ពង់រាបបាតសមុទ្រ តាមសេចក្តីចែងក្នុងជំពូក ៦ នៃអនុសញ្ញា UNCLOS ឆ្នាំ ១៩៨២.. ដែលនឹងរៀបចំធ្វើនៅប្រទេសសឹង្ហបុរី នាថ្ងៃទី ១៤-១៦ កញ្ញា ២០២៦ ខាងមុខនេះ។
ជំហានមួយៗ តែមាំៗ របស់កម្ពុជាដែលឈរលើគោលការណ៍គោរពច្បាប់អន្តរជាតិនិងការទូតពង្រឹងច្បាប់អន្តរជាតិដើម្បីដោះស្រាយជម្លោះដោយសន្តិវិធី ហើយព្យាយាមអត់ធ្មត់មិនឆ្លើយតបនិងការញុះញង់បង្ករហេតុរបស់ចោរសៀម ឲ្យធ្លាក់ចូលក្នុងឧបាយនៃអន្ទាក់សង្គ្រាមនេះគឺជាអ្វីដែលខ្ញុំធ្លាប់លើកថា «Cambodia small but smart»។

09/11/2026

មិនមែន «ក្បត់ជាតិ» ម៉ាពូជទេ! តែអាចថារកស៊ី «ក្បត់ទំនុក» ម៉ាពូជបាន! ខ្ញុំថា មិននិយាយទេ.. ត្រូវនិយាយខ្លះ!
សូមមេត្តាពិចារណាមុននឹងនិយាយជះចោទប្រកាន់មកថ្នាក់ដឹកនាំក្រសួងដែលជាសេនាធិការរបស់រាជរដ្ឋាភិបាលថា ហាក់ដូចជារៀបចំរៀបចំធ្វើឲ្យបងប្អូនរបស់ខ្លួនក្លាយជាជនក្បត់ជាតិម៉ាពូជ (?)! សំដីនេះធ្ងន់ធ្ងរណាស់ និងក៏មើលងាយដល់កិត្តិយសសេចក្តីថ្លៃថ្នូររបស់ថ្នាក់ដឹកនាំដែរ… ពីព្រោះខ្លួនរកស៊ីមានបានដោយសារការសម្បទានគោលនយោបាយជាច្រើនពីរាជរដ្ឋាភិបាលកន្លងមក ម្តេចមិនរំលឹកនឹកគុណផង? ទទេៗអាចមានឱកាសក្លាយជាសេដ្ឋី ឧកញ៉ាម៉ាពូជនិងកើតទេ? ហើយចុងក្រោយនេះ បើខ្លួនរកស៊ីមិន «ក្បត់ទំនុកចិត្ត» អតិថិជនរបស់ខ្លួនធ្ងន់ធ្ងរទេ តើក្រសួងដែលជាសេនាធិការរបស់រដ្ឋាភិបាល ចាំបាច់ធ្វើការវះកាត់ទេ?
ខ្លួនឯង ប៉ុន្មាននាក់បងប្អូន ត្រូវបានបង្កកទ្រព្យប៉ុណ្ណឹងឈឺចាប់ (?) ចុះមិនគិតផងថា អតិថិជនរបស់ខ្លួនប៉ុន្មានរយនាក់ដែលបាត់បង់លុយកាក់ ទ្រព្យសម្បត្តិដោយសារអំពើនៃការរកស៊ី «ក្បត់ទំនុកចិត្ត» របស់ខ្លួននិងបងប្អូនរបស់ខ្លួន?
…
បងប្អូន សូមមើលវីអូនេះ រួចពិចារណាថ្លឹងថ្លែងចុះ!